قصة راعي الديج

[القطوة الدلوعة]

فيه ولد طفران (ماعنده ولا فلس) راح لابوه وقاله : عطني دينار,,ودي اشتري كوره

الاب : أقول أذلف عني تراها واصله حدي

الولد : تكفا يبه,,بس دينار والا اقولك خلها نص دينار

الاب : ماعندي فلوس ... إذا تبي فلوس روح بيع الديج مالك المريض اللي بالحوش ..

الولد :بس هذا مريض ومحد يشتريه

الاب : ماعليّ منك ,,, دبر نفسك

والله الولد استسلم للأمر الواقع واخذ الديج

أول واحد قابله في ويهه اكيد أبوه .... قاله الولد: تشتري الديج؟

الاب : اقول أذلف عني ولا أقوم أدوسك في بطنك؟

الولد :خلاص خلاص لاتنفخ طلع الولد من البيت ومعاه الديج في محاوله يائسه إن الديج ينباع عرض الديج على أهل الفريج كلهم ولا واحد فيهم قبل إنه يشتري الديج قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله …

راح لها الولد عشان يبيع عليها الديج

الولد : تشترين الديج تكفين؟

هلا والله بحبيبي .. تعال قرب مني عشان ابوسك بوسه خفيفه

الولد : اقول ماني فاضي لك .. خذي مني الديج وخليني اروح

وين بتروح ياعمري !! انا ماصدقت إني شفت ريال عندي في البيت ...

الولد :ومنهو اللي قالج إن انا ريال ؟ خذي مني الديج وخليني أروح بيتنا

شوي الا الباب يدق خافت الحرمه وقالت للولد تعال أنخش بالكبت لايطلع زوجي وبعدين نروح فيها

حطت الولد في الكبت وراحت فتحت الباب إلا وطلعلها عشيقها ..

الحرمه : هلا والله بعمري وحياتي

العشيق : يا هلا فيك عمري ما مدى الريال يكمل كلمته إلا والباب يطق

الحرمه : ياويلي ويلاه ,, هذا شكله زوجي ,,, تعال وادخل في الكبت

دخل أخونا في الكبت وفجاه في عز الظلام سمع صوت يكلمه داخل الكبت ويقوله: تشتري الديج؟

العشيق: اصصصصصصصص,,,,خفض صوتك الله يرحم والديك لاتفضحنا !!!

الولد : أقول تشتري الديج؟

العشيق : ياخوي خلاص بشتري الديج بس قصر على حسك تكفا,,,

الولد : طيب

العشيق: بس بجم تبيعه؟

الولد :ب 10 دنانير

العشيق : شنو!!!!!!!!!!!! هالديج المنتوف المريض ب 10 دنانير !!!!!!!!!!!!

الولد : تبي تشتري ولا ارفع صوتي؟

العشيق : لا لا خلاص ,, بشتري وأمري لله قعدوا 5 دقايق

الولد :تبيع الديج؟

العشيق : توك بايعه على يابن الحلال!!

الولد :تبيعه علي ولا ارفع صوتي؟

العشيق: لا لا خلاص,,اببيعه وأمري لله,,بجم تشتريه؟

الولد : بدينار

العشيق: شنو!! دينار !!!! انا مشتريه منك ب 10 ونت تشتريه مني بدينار!!!!!

الولد : تبيعه علي ولا ارفع صوتي؟

العشيق : لا لا خلاص,,اببيعه وأمري لله قعدوا 5 دقايق

الولد : تشتري الديج؟

العشيق : ياخوي توني مشتريه منك!

الولد : تبي تشتري ولا ارفع صوتي؟

العشيق : لا لا خلاص,,ابشتري وأمري لله,,,بجم تبيعه؟

الولد :ب 20 دينار

العشيق: الله يلعنك ,,,,توني مشتريه منك ب 10 دنانير!

الولد : تبي تشتري ولا ارفع صوتي؟

العشيق : لا لا خلاص,,ابشتري وأمري لله قعدوا 5 دقايق

الولد : تبيع الديك؟ -العشيق: انا لله وإنا إليه راجعون,,,,,بجم تبي تشتريه؟

الولد : بدينار

العشيق : أش تبيني أقول !! تبيني أبجي ولا أشقق هدومي,,,, يالله خذ الديج وببلاش بعد … اخذ الولد الديج

شوي ألا الحرمه فاتحه عليهم الكبت وقالتلهم : يالله بسرعه انحاشو دام إن زوجي في الحمام ,, بس واحد ورا الثاني وبشويش عشان لايحس فيكم زوجي

طلع العشيق وانحاش ولحقه الولد بعده ب5 دقايق المهم ,,, قام الولد يتمشى في الشارع وهو مستانس لأنه صار معاه فلوس .. بعدين راح للبيت يوم دخل البيت شاف ابوه جدامه .. راح قال لابوه: تشتري الديج؟

الأب يشوف الولد والشرار طالع من عيونه وقاله: مايكفيك يابن .... الــ 30 دينار اللي لطشتها مني في الكبت.........

:fn :fn :fn
(منقووووووووووووووووووووووووووووووووووول)