بعض اكاذيب الشباب على البنات - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

أميرة الورد · 11-07-2005, 01:34 PM

حبيبتي تدرين والله ماعندي حركات الشباب .. ماكلم بنات.. اصلا ماحب هالحركات
((بااين انت نص بنات العالم يعرفونك))::

مادري حبيبتي احس اني اعرفك من زمان
(( لايمكن غلطان: بينها وبين وحده تعرفها قبل))

حبيبتي احس ان[ غير عن كل البنات ومختلفه عنهم
(( ليه فوق راسه ريشه:: ولا من كوكب ثاني))

حبيبتي احس في اشياء نتشابه فيها..كأننا شخص واحد
(( والله الشباب يبيلهم طق لا عادي ياللأخو اختك بالاسلام))::

ياريتني ياقلبي عرفتك من زمان
(( معليش:: كان عندك زحمه))

حبيبتي انتي تامرين امر كلي اللي تقولينه مسموع
(( ايه هذي فالاحلام اكيد))
::
حياتي ابي[ تتغطين مابي احد يشوفك غيري لاني اغار ::
(( لا ااه ياحراام الغيره حرقت قلبك حرااق))sm4

ابيي اخطبج من اهلج بس بعد مااكون نفسي <<<<<<دايم يقولها::
(( عيل متى تكون ؟؟ خخ بس صح تكسر الخاطر فلوسلك تروح على موبايلك والسياره وعزايم اخوياك هع هع

ياقلبي ابي اشوفج بااقرب وقت مااقدر اصبر الشوق بيذبحنيsm2
((هنا بدى يخش بالغويط))

انا احب الشعر والرسم والسباحه
((حركاات يارومنسي ::<<<<تلقاه يلعب كيرم ويلاحق البساس))

حبيبتي حطي في بالج ترى اذا حبيت حبيت من كل قلبي::
(( هنا اخونا في الله انقلب شكسبير))

علاقتي فيج محد يدري عنها ..لانها تعتبر من خصوصياتي
((خخخخ يدري حتى اللي مايعرفه بسوالفه كلها))::

شكلي حبيبتي راح اطق لي جاكوار من الوكالة
(( انت الحين خالص اقصاد الددسن ::وبعدين تعال احلم))

حبيبتي احتمال اروح سويسرا ::الصيف الجاي))
((ايه واخر شئ متقاطين بالمخيم))::

دايم اشتري عطوري من باريس غاليري::
(( قصدك من سوق السويلم ومن اللي يبسطون بعد))

لما اشوف رقمج في جوالي قلبي يفز من مكانه
((اكييد.. لانك خايف انها كشفت الاعيبك))::

خويي قال يبي رقمج..بس انا قلتله لا اقتلني قبل ماتاخذه<<<<هع هع::
(( في هذي صدقت لانك حاط رقمها على جدار بيتكم))

حبيبتي ابغا صورتك اخليها عندي عشا قبل ماانام اشوفها واحطها تحت سريري وانام ::
((لا وانت الصادق عشان يوم تمل منها تهددها))

اسف حبيبتي امس مااتصلت عليك لاني كنت مشغووول بالدراسة
(( واكبر دليل كلمة انتظار في سبيل العلم))::

تدرين حبيبتي انا دايما بالسوق البنات يطلبون رقمي.. بس مااعطيهم وجه لانك انتي حبي
((هههاي..الترتيب الصحيح للجملة.. انا دايما الاحق البنات بس مايعطوني وجه))

والله حبيبتي كان ودي اجي عالموعد اليوم بس صارت ظروف صعبة وماقدرت اجي
((خخخ لا ياشيخ تذكر انه مواعد خويته الثانيه في نفس الوقت ومن زمان وهو يواعدها ))

امس مانمت..طول الوقت افكر فيك اخذتي عقلي حبيبتي
(( لعنبوك حتى الساعه الخراش ماقدرت تقومك وتقول مانمت))

انتي احلى بنت بحياتي. ومااظن القى احلى منك
(( اذا كان لك عند.. قله ياسيدي))

الظاهر بشتري كمبيوتر جديد..كمبيوتري صار له اكثر من شهرين.. وكمبيوتر اخوي مايعجبني..وكمبيوتر الثاني ماتاقلمت معاه
(( ليه االاخو فاتح وكاله كمبيوتر بس اقول انتبه لاتتشتري بيل جتس بكبره))

حبيبتي ماافتح الماسنجر الا وانتي موجوده ....اصلا النت من دونك مايسوى
((يقصدماافتح عنك البلوك.. الابعد ربع ساعه من تدخلين.....وترى النت بدون بنات مايسوى))

القناص · 11-07-2005, 01:47 PM

[glow=6699FF][align=center]مشكورة إختي على مشاركتج الحلوة

[glint]ابيي اخطبج من اهلج بس بعد مااكون نفسي <<<<<<دايم يقولها::
(( عيل متى تكون ؟؟ خخ بس صح تكسر الخاطر فلوسلك تروح على موبايلك والسياره وعزايم اخوياك هع هع [/glint]

عيبتني هاي خخخخخخخخخخخخخخخخ

يعطيج العافية ولاتحرمينا من يديدج[/align][/glow]

قاصد الروح · 11-07-2005, 01:51 PM

ياااااااااي خلاص بتعلم من كل كلمه قلتيها
بسوي شراااتهم يمكن افلح يحليلي سوقي ميت ماعندي حد
هع يااااي بخلي قلبي باركنات سيتي سنتر
يالله بروح الجات عيل اول مكان وبسويلي عشر اميلات
وحطي خمس مبايلات وبشتري ثلاث سيارت
وكل سيراه رقم مره العين ورقم دبي ورقم قطر اوني من برع لدوله هع
مشكوره اختي على الموضوووع

أميرة الورد · 11-07-2005, 02:10 PM

أخوي القناص العفو تسلم على مرورك الطيب وردك الأحلى..

قاصد الروح **29** يعني انته شايف هالاشيا كلها صح **29** والله كيفك لو تشوفها صح وبتنفع جربها اوكيييييي عموما مشكور على مرورك..