ظل راجل ولا ظل حيطه (-_+) لوووول (-_+)

[مروان السيد]

--------------------------------------------------------------------------------

ظل راجل ولا ظل حيطه

جلست بعض السيدات فى النادى فتحدثت سيده وبدأت تخطب فى وسط سيدات النادى وقالت : قالو ضل راجل ولا ضل حيطه ... ياختى بلا نيله
1 - بزمتك عمرك سمعتى عن حيطه بتشخر طول الليل ومتخلكيش تعرفى تنامى
2 - ولا حيطه تدخل من باب البيت تجعر عايزه الغداء وبعدين تطين عشتك عشان الملح طلع زياده فى الباميه
3 - ولا ممكن ترجعى البيت فى يوم تلاقى الحيطه بتبوس فى الشغاله
4 - طب شفتى حيطه تملا سقف الشقه دخان والارض سبارس
5 - ولا حيطه تصحيكى من النوم فى نصف الليل عشان معرفش ايه طلع فى دماغها
6 - ولا حيطه تدوخك وراها عشان تشوفيها بتكلم مين فى نصف الليل فى التليفون
7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه دهيه .... قال ايه عنده شغل : يا سم
8 - بذمتك فى حيطه تحاول تطلعك غلطانه فى كل الكلمه تقوليها عشان تثبت للعيال ان الحيطه بتفهم عنيك
9 - ولا حيطه تقعد تقولك ماتخرجيش بالفستان ده لحسان اقطعه ولما تطلبى منه فلوس عشان تجيبى فستان غيره تعمل ودن من طين وودن من ...طيب ده جتى الحيطه ليها ودان
النهاية ..