xXxXx عطونا حق الله xXxXx - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

كراعين نملة · 10-09-2003, 12:44 PM

السلام عليييييييكم

شحالكم يا اعضاااااء المنتدى .؟؟ وشخبار المنتدى في غيابي اسمحولي عااد كنت هالاسبوع نادرا ما ادش والله الدراسه معنـتـلتني والمذاكره وحاله وعفسه ...

المهم والاهم اني ما اقدر اطول ع المنتدى يعني بالمختصر المفيد ولهتو عليي وايد وايد وايد

اليوم الخميس وباجر الجمعه وحق الله ... والحين بكتب إلكم لستة الاعضاء الي بيسيروون يحوطون بيت بيت :fn

بسم الله :fn ( ترا كلهم بنات ) :fn

(( ترا يدوتي فاتحه باب الحوي لاي حد ان كان صغير ولا كبير حياكم الله ...على فكره انا بكون عند يدوتي فيرست ليدي ))

1- راعية حشاكل اق اقصد مشاكل <<< تحب تركض ورى اليهال ها الي فالحه فيه هع هع هع
2- فلونه <<< تحب كاكاو الجاك عشان جي سايره هع هع هع
3 -عوافي << الراس المدبر هع هع هع
4-اسطوره <<< سايره تيمع بيزات مب حلاوه هع هع هع
5-عيون تركيه <<< تيمع بيض كندر هع هع هع
6-سرا الليل <<< تحب تطحن الحلويات عشان التقويم معنتلها هع هع هع
7- رماد انسان <<<تحب تاكل بفك عمان بس هع هع هع
8-اريج<<تحب تيمع عصير اريج وتحطييهم بالثلاجه عشان بعد كل وجبه تشرب هع هع هع
9-روح الامارات <<< تحب الكندراى بس وبسكوت ابولو هع هع هع
10-صغيرونه RAK <<< تحب الكاكاو الي ايي على شكل معصار هع هع هع
11-دموع <<< فالحه تصييح عشان تغمض اخوانها ويعطونها كاكاو هع هع هع
12-سمر <<< تحب تلبس اقنعه عشان تزيغ اليهال وتاخذ خرايطهم وتاكل الكاكاوات هههههههه
13-دلوعه دبي <<< هاي عااد اتسكت مطوره شوي تحب تستأذن قبل ما تاخذ من خواتها اليهال لوووول
14-راعية الموستنج <<< هاي ما تحب شي اسمه كاكاو بس تحب شي اسمه بفك عمان او بابي سناك لووول
15-راعية x5 <<< هاي عاد خوزو عنها لو حد ماعطاها كاكاو ....خلييه يلفظ الشهاده هع هع بتعضه عض لين ما يصيييح لوووووووول
16- حور <<< تحب شي اسمه فلك او بونتي هع هع هع
17- مناير <<< تحب تاكل كاكاو وعقب ادسه عن حد ياكله ههههههههههههههههههههههههههههه
18-داوعه الماما <<< تحب تشحت من اخوانها الصغار وماتقولهم وعقب يوم اييون ويدوروون الكاكاو تقص عليهم وتقولهم الشغاله كلتهم هههههههههههههههههههههههههععععععععععععععع
19-بنت الزعابي <<< تحب الكاكاو الي على شكل سمج :fn هع هع هع
20-شموع لا تنطفي <<< هاي عااد اتسكت اتحب الشي الي يذووب بسرعه لانه تشبيه بليغ (شموع لا تنطفي ) هع هع هع بس الشموع ما اذوب طبعا ....والله يعلم هع هع هع
21-ليمونه الحلوه <<< عااد هاي تحب شي اسمه حامض دووم تركض ورى اليهال وتجووف شو في خرايطهم واجياسهم من مصاصات وخاااصه المصاصات الي دوووم الوانهم صفر لوووووووول

*** ودي احط على وحده بس هاي الوحده زعلانه .. وجنها يأست مني من كثر ما تسبني بس فديتني انا موول ما يأست احم احم فديتني والله ... والمهم اقول حق هاي الوحده الي تعرف عمرها زين :: اختي انا بعد احب اقرض فييج بس ما توصل للزعل ..والسموحه:rolleyes::fn***
امممممممممممممممممممممممم منو بعد ما قلت اممممممممممممممممممممممم:rolleyes:

المهم يوم بذكرهم بكتبهم لا يخافوووون انا وراهم وراهم ههههههههههههههههههههههه

يالله يا بنات الي ذكرت اساميهم افرحو و نطو من الفرحه لوووووووووول

تحياتي
كرعووووووووووووووون

سر الليل · 10-09-2003, 12:47 PM

:fn ويا راسك

-سرا الليل <<< تحب تطحن الحلويات عشان التقويم معنتلها هع هع هع

شو يعني التقويم معنتــلها ؟؟

:confused: :confused:

:D انزين ما عليه عطني نوتيللا زين حق حالاتي

:fn

كراعين نملة · 10-09-2003, 12:50 PM

هههههههههههههههههههههههههههههههههههههههه

التقويم معنتلج ..... يعني التقويم هو الي مخرب علييج

مفهووم ماماه لوووووووووووووووووووووووووول

فلونه · 10-09-2003, 12:55 PM

كراعين نمله

من قالك أني أحب الجاك

يلا قوووول بسرعه

كراعين نملة · 10-09-2003, 12:58 PM

فلووونه

والله محد قالي انا خمنت بس

جاااااااان استوي ملقع في التخميييين لوووووووول فديتني والله لووووول

فلونه · 10-09-2003, 01:04 PM

:D:D

شاطركراعين تخمينك صح

خلاص أنا بعطيك قطعة جاك هديه:D

~&بنت الزعابي&~ · 10-09-2003, 01:12 PM

كرتون وين اسمي

فلونه · 10-09-2003, 01:18 PM

وحليله نساه سامحيه :D

كراعين نملة · 10-09-2003, 02:02 PM

بنت الزعابي اسمحيلي والله

الحين سيري فووق وجوفي اسمج .... اسمحيلي والله

================
فلونه

وبخل بس بتعطيني قطعه الناس تعطي الشي الكامل مب الشي المأكووول لوووووول

فلونه · 10-09-2003, 02:05 PM

:fn:fn

خلاص كراعين ولايهمك بعطيك الجاك كامل

شو تبقي أكثر من جيه