بخبركم سالفة كرعون...وسالفة هالاسم الغريب العجيب..هو طرش لي القصه عالخاص..بس انا حبيت انقلها لكم باسلوبي ~~طبعا عسب احط عليها شوية ملح وبهارات ويمكن احطها بالخلاص ويمكن بعدين احطها بالتوستر~~~خلنا نبدأ لكم القصه
الله يسلمني ويسلم كرعونتي ويسلم كل اعضاء المنتدى يقولكم كرعون وهو صغير كان وايد عنيد~~وماكان يطيع سير المسيد ويا اخوه الكبير~~ويحليله كان يحصل ضرب عشان يسير وياه~~~ وفي يوم من الايام اخو كراعين قاله : يلا كرعونو قوم خلنا انسير المسيد~~~عاد كرعون بدا الموال ماله..وتم يعاند ~ويصيح~~ ويرفس تراه بعده صغير اووكي~~~ قام اخوه وضربه ضرب من الخاطر~~وسحبه عسب يشله وياه~~ وتم الولد يصيح ولما وصلو المسيد يلس كرعون مبوز~~~ولانه كان صغير مب دايمن كان يصلي ويا الرياييل~~المهم تم يالس وزعلان~~~وفجاه شاف علىايده نمله؟؟؟
فج عينه وفج حلجه( من الوناسه طبعا لانه كان شوي مجرم ويا الحشرات والحيوانات~~~المهم خذ النمله ونتفها يحليلها~~طبعا هو حط الحره مالت الضرب فيها~~~وسواها 10 أجزاء ~~~ولما ردو البيت اخوه لاحظ عليه انه مستانس؟؟؟ ماعرف شوسالفة هالكرعون~~~بس لانه يدريبه خريش سكت عنه وما ساله.
وفي اليوم الثاني,,,زقره اخوه : يالللا كرعونو نش عسب انسير المسيد ويا ويلك لو....نقز كرعون قبل اخوه لايكمل الرمسه؟؟؟ عااد اخو كرعون استغرب : بلاااه هالخذيه؟؟ بس زين اذا هو جي الحمدلله انه بدا يفهم ؟؟
عاد الاخ كرعون كان يمني نفسه انه يشوف نمله على ايده مره ثانيه~~~ بس طبعا مب كل يوم عيد؟؟؟ تم يالس كرعون في المسيد ويتريا النمله ؟؟ بس ماشي ؟؟؟ اضايج كرعون والناس بدو يصلون..وهو يتريا..بعدين قال: اووهو ثكل هالنمله مابتيي اليوم؟؟ انا ثو اثوي؟؟ مممم بدور لي على ذبابه اليوم احثن؟؟ نش كرعون وتم يركض شرات الخبايل في المسيد والناس راكعه وساجده وهو ماشي يضرب هاا ويرفس الثاني كله عسب يزخ ذبابه؟؟؟ بس طبعا الناس خلصو الصلاه وهو ماحصل لا ذبابه ولا غيرها..واخوه كان محررررررررررج بشكل~~~~وبعد ماخلص اخوه~~زخاه وضربه ضررررررررررب واتورم ويه يحليله وفي البيت يحليله كرعونتي يلس يصيح ويصيح وهو يالس في الزريبه لانه لما يزعل يسير الزريبه بعد تعرفون ليش؟؟؟ ( اوويه كرعون بيصفعني ) المهم ~~عااد تعرفون الزريبه شقايل,,والنمل ماشاء الله~~~عااد هو شاف هالتجمعات النمليه هههههه ماشي,,وتعرفون الباقي~~~ وفي اليوم الثاني زقره اخوه الكبير: كرعونو ياحمار وينك؟؟ نش بنسير المسيد~~~ تذكر كرعون النمله والذبابه~~ وتم يفكر~~ وقال: ممم يمكن اليوم احثل نمله في المسيد~~وناثه النمل ~~~خخخخخ وفز لكم كرعون على طول وسار صوب اخوه ~~واخووه مستغرب ~~~ شقايل جي؟؟ انا امس ضربته وكسرت ايده واليوم يبا يسير بعد~~~ حاله ويا هالولد.
المهم سار كرعون ويا اخوه ~~~ بس في الطريق تم كرعونتي يفكر~~~ اذا انا اليوم ماحثلت نمله ولا حثلت ذبابه شو بثوي؟؟؟ وطاحت عينه عالنمل اللي بالطريج,,,ابتسم ابتسامة خبث ,,,وتم كرعون يشل النمل ويحطم فمخباه؟؟؟؟ ماشاء الله شو هالعقل؟؟؟ ولما وصل المسيد عااد ماشاء الله النمل يمشون على ثيابه هههههه بس طبعا ماحد بيلاحظ هالشي..وتم مستانس لانه سوا سواته وقتل النمل ومثل فيهم والغريب ها كله يصير في المسيد مكان العباده؟؟؟ ويقولكم عااد شو استانس كرعون هذاك اليوم؟؟؟
المهم تم على حاله....حتى اهله استغربو؟؟؟؟ شو اللي غير حالة هالولد..قبل كان بالموت يسير المسيد واحينه ماشاء الله عليه يتريا اخوه عند الباب؟؟؟ طبعا الاهل ماعرفو شو سر هالتغيير المفاجئ اللي صار على ولدهم كرعون؟؟
ومرت سنه~~ وكرعون على نفس الحاله~~ بس الحين كبر ولازم يصلي ويا الرياييل~~~ عااد اخوه قاله: اسمع كرعونو انته احينه صرت ريال ولازم اتصلي ويانا وخل عنك اليلسه في المسيد؟؟؟ هني كرعون لفت فيه الدنيا واتمنى لو الارض انشقت وبلعته ولا يسمع هالرمسه( هههههه) وقال حق اخوه: لا لا انا بتم ايلث بعيد عثب اتعلم ثقايل اتثلون~~~ وانا اخاف الخبط في الثلاة؟؟؟ ( شوفو الخفيه اونه عااد) المهم اخوه قاله: ياللا عااد كرعونو يالسبال انته احينه صار لك اكثر عن سنه واتيي وياي المسيد معقوله ماحفظت الصلاة؟؟؟
هني كرعونتي انحرج وعينه صارت ادور ~~~بس طبعا هو عنده
لكل سوال جواب
قال حق اخوه: ممممم انا بعدني ثغير ومايثير اوقف معاكم بالثف~~~عثب جي انا بثير ورا وبثلي احثن عن بعدين يوون الرياييل ويثلوني ؟؟؟(مكار مب هين هالولد)؟؟
يحليله اخوه اقتنع بالفكره~~~قاله اوكيه
ترا عن تتحرونه كرعون كبير~~~لا كان عمره 6 سنين بهذاك الوقت؟؟؟
وسار كرعونو اونه يصلي ورا بس هو طبعا على حالته
لالالا طبعا اطورت السالفه~~~مب بس نمل لا بعوض وذباب وساعات قمل بعد؟؟؟ وسوا له شله بعد ~~~وصارو يهال الفريج يموتون ويسيرون المسيد..طبعا انتو تعرفون ليش..وكان زعيمهم منو؟؟؟؟؟؟؟ كرعوون~~~~( ماشاء الله من يوم صغير مسوي زعامه في الفريج اكيد مسوينه مشرف احينه يخافون منه) ومره ريال شيبه قال: ماشاء الله عليهم يهال الفريج~~~ يحبون يسيرون المسيد~~~ الله يهديهم اكيد بيصيرون مطاوعه بعدين ~~~ هههههه
ومرت الليالي والايام والساعات...وكبر كرعون بس طبعا ماتم يمارس هوايته المفضله في المسيد..صار كبير تقريبا صار عمره 10 سنين؟؟؟
لكنه تطور من النمل للتيوس والدياي والحمام و الخ
( ياويلي انا من كراعينو)
بس طبعا حبه الاول والاخير مع النمل؟؟؟
وفي المدرسه~~~ بعد نفس الشي~~~ الاستاذ دايمن يشوفه سرحان: كرعون وينك؟
كرعون: شو ويني استاذ؟؟ انت مااشوفوني ولا شو؟؟ انا موجود جدامك؟؟
( ول عليه لسانه طويل بعد في المدرسه)
بس طبعا هو يفكر في النمل ودايمن يسرح في النمل
واذا شاف نمله في الحصه,,,ههههههه تعرفون شو يسوي ؟؟
يقطع مصارينها ( اي مصارين النمله وين فيها مصارين ~~ يحليلها)
وفي يوم من الايام~~~~ كان استاذ العلوم يشرح الدرس وكرعون زاخ له نمله ويقطعا اربا اربا
انتبه له الاستاذ
الاستاذ: كرعون؟؟ بتعمل إيه ياواد؟؟؟
كرعون: ما اسوي شي استاذ؟؟
الاستاذ: لا؟ انته معاك حاجه؟؟
كرعون: هيه عندي كتابي والدفتر والقلم( بعد يعرف يستهبل)؟
الاستاذ: لا ياكرعون ده انا شايفك ؟؟ انته بتعمل ‘إيه في ‘يدك ياواد؟؟
كرعون وعينه اتلف: ممممم ماسوي شي استاذ؟؟؟ بس إيديه اتحجني شوي؟
الاستاذ: نعم؟؟ انته بتؤول إيه؟؟ بتحشك؟؟؟ يعني إيه بتحشك؟؟
الاولاد تمو يضحكون عالاستاذ والاستاذ حرج؟؟
كرعون: ماشي استاذ~~~ بس ساعات انا احس انه شي في ايدي شرات لما تمشي النمله...؟؟
استغرب الاستاذ وسار له وشاف اشياء صغيره على طاولة كرعون؟؟؟
طبعا أشلاء النمله الفقيره؟؟
الاستاذ: إيه ده ياكرعون؟؟
كرعون: ممم هذا انا لما احك ايدي يطلع منها جيه؟؟؟
الاستاذ وهو شال خيط رفيع ( ريول اقصد كرعون من كراعين النمله) : و أيه ده يا واد؟؟؟
كرعون بيموت من الضحك: هذي شعره من رموشي استاذ؟؟؟
( شو هالكرعون يعرف يطلع من المواقف المحرجه)
الاستاذ فج عينه لانه كان طيب وعلى نياته مب شرات بعض الناس: إإإيه..؟؟ رمشك؟؟؟ ازاي كده؟؟ ده انا اول مره اشوف رمش كده؟؟
وتم الاستاذ يفكر~~~~ ااذا واحد زي كرعون وعنده رمش غريب زي كده يبئى أكيد دي من علامة الزكاء وانا أأقول كرعون داه مش هين أبدا؟؟
وبعدين تم الاستاذ يعامل كرعون على اساس انه أذكى واحد في الصف..وعلى فكره قبل هالسالفه كان كرعون ذكي بس كسول مايحب يذاكر ولاشي ولا يكتب واجباته وبالعكس الاساتذه كلهم يعاقبونه ويخلونه واقف ورا؟؟
بس بعدين استاذ العلوم يحليله اقنع الاساتذه كلهم انه كرعون ولد ذكي وشاطر وعنده علامات ذكاء بس مااحد اكتشفها
وطبعا كان كرعون مستغرب شو هالتغيير المفاجئ اللي صار عند الاساتذه؟؟ كلهم بدو يحبونه ويعاملونه اووكيه مع انه مشاغب وعمره مااخذ في درجه السلوك اكثر عن 65 درجه؟؟؟
وتم كرعون على هالحاله..كسول بس يطلع الأول في الصف..والطلاب ربعه متغايضين منه...لانه الاول في الصف دايمن يطلع الثاني؟؟ لانه كرعون هو الأول شقايل الله أعلم
وهو مستاااااانس وناسه بس مب عارف شو السالفه
وفي الثانويه ( طبعا هو من الصف الاول لين الصف الثالث ثانوي في مدرسه وحده؟؟ ادري انه مايصير بس عشان الحبكه القصصيه) المهم كرعون كان مايذاكر ولا شي~~~~~~لانه يدري بيطلع الأول بلا منازع,,وحتى اهله مستغربين منه؟؟ هذا كرعونو اللي اربعه وعشرين ساعه لعب وبلاي استيشن وتلفزيون وهياته في الشوارع ويا ربعه بس يطلع الأول شقايل..
حتى أهله قالو ااكيد كرعون من الذكاء اللي فيه يطلع الاول بلا مذاكره ولا اهتمام في الدراسه
طبعا الكل مايدري شو السر ورا هالشي
لين ما صارت امتحانات الثانويه العامه
أهله يقولون له: يا كرعونو سير ادرس وذاكر ؟؟ و ودر عنك هياته الشوارع هالسنه مب لعبه شرات كل سنه
كرعون : اوهو انتو ليش جي؟؟ انا أصلا اشطر واحد في المدرسه واكيد بطلع من الاوائل انتو لا تحاتون
أهله: كرعون ترا مب كل مره تسلم الجره
كرعونو: انتو ليش ماتثقون فيني؟؟ انا قلت لكم بطلع من الاوائل يعني من الاوائل بس انتو فكوني من هالحشره وهالحنه
الاهل: كرعونو يالخديه نحن نباك اتييب نسبه اوكيه عسب ادش يا طب يا طيران
كرعونو: نعم؟؟؟؟؟ لا لا لا انا ما ابا لا طب ولاطيران..انا احب الطبيعه والشير والحيوانات انا بدش كلية الزراعه؟؟؟
الاهل: هيه اكيد انته بدش زراعه انته من يوم صغير اتحب الحيوانات والزريبه
المهم تم الاخ كرعون يلعب ويهيت بالشوارع حتى يوم الامتحان ما كان يذاكر~~~يروح الامتحان وعينه نص مغمضه,,من السهر
وطول ايام الامتحانات كان جي
وربعه اللي معاه كانو يضحكون عليه..ودايمن يرمسون من وراه..هذا كرعونو شايف نفسه بس بيشوف ~~~~ اكيد بيرسب وبيعيد السنه
وبعدين طلعت النتايج وكان كرعون متوتر شوي( اونه عاد ..بس جي تراه عنده حركات تمثليلة)
بس اتوقعو شو كانت النتيجه؟؟؟
اتخيلو؟؟ كرعون نجح؟؟؟؟؟؟؟؟؟
لا ونسبته ماشاء الله عليه 88 فاصله 9 من عشره؟؟
يعني تقريبا 90 بالميه؟؟
ول ول مب حظ عليه هالكرعون؟؟
بس انتو ماتعرفون شقايل الاساتذه عرفو اوراق كرعون في الثانويه؟؟ وخاصه انه الاسم مب ظاهر عالورقه؟؟
هذا الله يسلمكم كرعون كان خطه واايد معروف شرات النمل واايد صغير..ودايمن كان يرسم نمل في الورقه فيعرفونه
ولما سار ياخذ الشهاده شافه الاستاذ هذاك
( خيبه هالاستاذ بعده عايش؟؟(
وخذاه على صوب وقاله: الف مبروك ياكرعون
كرعون : الله يبارك فيك يا استاذ وعقبال عيالك( صج خريش اي عيال,, المفروض يقوله عقبال احفادك بس الاستاذ طوف له)
الاستاذ: انا عاوز أأولك حاجه يا بني؟؟
كرعون: قول استاذ خير؟؟
الاستاذ: اصلي ياكرعون انا متعشم فيك الخير..من لما وكنت صغير..وانا دايمن كنت أأول انك زكي ونبيه؟؟
كرعون وهو فاج عينه: خير استاذ؟؟ شو اتقول انت؟؟
الاستاذ: أيوه يابني..اصلي انا اكتشفت انك ازكى طالب بالمدرسه,,لالالا ازكى طالب براس الخيمه؟؟
لالا ازكىطالب بالامارات كلها؟؟
كرعون وعينه بطيح من مكانها( لانه هو يدري انه ذكي بس عااد مب جيه) : ليش استاذ؟؟ انا شو فيني غير عن الشباب؟؟
الاستاذ: لانك عندك رموش غير عن بائي الناس يابني؟؟
كرعون وهو فاج عينه اتقولون بيض: استااااااااااذ؟؟؟ شو بلاهم رموشي؟؟
الاستاذ: ايه ياكرعون يابني مالك؟؟ انته ما بتتزكرش ولا إيه؟؟
كرعون: استاذ بليز لا تلعب باعصابي اتذكر شو؟؟
الاستاذ: شوف يابني..لما كنت في الابتدائيه..انته فرجيتني على رموشك بعد ما اطيح من عينك..وشفتها حاجه غريبه والزاهر والله العالم..بعد ما تنزل رموشك من عينك تتأكسد في الهواء الجوي..وتبدأ تتحد بعناصر الجو وتتشكل بطريقه غريبه وتكتسب لون غريب زي رجل النمله... والحاله ديه نادرة الوجود؟؟ اصلي ماشفت رموش زي كده ابدا
كرعون شوي وبيطيح من طوله: استاذ اي رموش تقصد؟
الاستاذ: مش انته ولما كنت في الابتدائيه ,,كنت بتلعب بحاجه بايدك ولما سالتك مالك؟ ألت: مافيش يا استاز ؟؟ ايدي بتحكني شويه..ولما جيت عشان اشوف..شفت حاجه على الطاوله بتعتك..ولما سالتك قلت لي دي رموشي ياستاذ؟ ومنها انااكتشفت انو اللي عنده رموش زي كده اكيد بيكون له زكاء خارق وعشاان كده انا كنت امدحك أوي أدام الاساتزه..والمدير,,والموجهين..وعشاان كده لما كانو يصلحو الامتحان بتاعك في السانويه..كانو حفزو خطك وازاي ترسم النمله في الاوراق..وهمه كمان اقتنعو بوجهة نزري فيك يابني
شوفو احينه شو موقف وحالة كرعونتي
تم كرعون واقف اتقولون تمثال في متحف الشمع..فاج عينه وحلجه وشعر راسه تم واقف اتقولون شلق وتم على هالحاله تقريبا 3 دقايق وبدون مايتنصخ حتى
لانه تذكر لما قاله الاستاذ الابتدائيه والرموش ورسمة النمل في الاوراق.وتذكر شقايل كان له عشق خاص للنمل..وتذكر لما قص عالاستاذ...لما ساله شو ها ؟؟ وبدل مايقول كرعون: هذا كرعون من كراعين النمله اللي قتلتها قاله رمشي؟؟
وصارت فيه حالة ضحك هيستيريه..حتى الاستاذ استغرب منه بس قال اكيد هالاذكياء لما حد يمدحهم جي يستوي بهم؟؟
اتخيلو عااد طول الطريق وكرعونو ميت ضحك على الاستاذ الخبل..وعلى النمله اقصد على كرعون النمله اللي أثر على حياته بشكل غير طبيعي
ودش البيت وهو بعده يضحك اتقولون شارب 3 من رد بول..واهله حاولو يهدونه بس ماشي فايده وتم طول الليل يضحك لين الفير
ولما اذن لصلاة الفير..تذكر شقايل كان يحب يسير المسيد بس عشاان النمله..هني استغرب وقال: اوووه لهاالدرجه كراعين النمله أثرت بحياتي ( انتبهو زين لهالكلمه كراعين النمله)
وسار المسيد وصلى الفير وصلى صلاة الشكر.. ( لازم شوية مدح مايصير كله انحط عليه يحليله)
طبعا اهله استانسو بنتيجته ونجاحه بالثانوية وهو كان بيموت من الفرحه
وسوو له عزيمه محترمه
وبعد العزيمه يحليلهم اهله مايدرون
يلسو وياه عسب يباركون له ويسالونه شو بيسوي بعد الثانويه
وبعد هالنسبه الحلوه
قالو له: ها كرعون حبيبي شو بسوي الحين ( قبل كان كرعونو ياحمار ياغبي يالسبال والحين كرعون حبيبي مشكله الاهل مصالح)
نحن نباك ادش يا طب يا طيران
عااد هو حزم أمره,من قبل ..لما رد من المسيد وقال لنفسه حزتها: , بما انه النمله اثرت فيني لهالدرجه انا لازم اصير شرات النمله بالضبط ..اعيش حياتها اعيش افراحها واحزانها..اعيش التعب اللي اتعيشه اتعلم شقايل اتعيش وبما انه الاستاذ الخبل مال العلوم علمنا انه النمله اكبر مهندسه معماريه انا لازم اصير شراتها بصير مهندس معماري عشان ارد الفضل للنمله اللي قطعتها وحطيت كراعينها على طاولتي
المهم رد عليهم وقال: لا لا انا مابا لاطب ولا طيرانولا زراعة ولا غيره انا قررت اصير مهندس معماري
الاهل كلهم فجو عينهم: شو؟؟ مهندس معماري؟؟
وكل واحد تم يطالع الثاني
لانهم يدرون به دفش وماله خص في الهندسه المعماريه..
ولا في الالوان والخيال والذوق ومن هالاشياء يعني
كرعون : هيه شو فيها؟؟ مهندس معماري؟؟ ولا مب عايبنكم يعني
ولا انا مب قدها؟؟ انتو ليش اتحبطوني يعني..بدل ما تشجعوني وانا مستانس بهالنسبه( اونه عااد امبونه كرعون ..دلوع من يومه)
واونه سو روحه بيصيح ها كله بس عشاان النمله
عااد اهله مايرومون يخلونه جي : لا لا خلاص فديتك كرعون سو اللي تباه انشاء الله لو بتدرس الطب الشعبي الصيني برايك
عااد هني ابتسم هذيك الابتسامه اللي ادل على الدهاء والمكر
وبعد ما اتخرج من الثانويه وتم فاضي ماعنده شغله ولا مشغله قرر انه يدش عالم النت,وكان كلما يدش موقع يكتب كراعين نمله ولين ما دش منتدى راس الخيمه وصار مشرف وكل ها بسبة كراعين النمله
بس انا اعتقد ~~~ انه حتى اسمه في الصج غيره هو ماقالي الصراحه بس انا حسيت بهالشي..لانه كلمة كراعين نمله وشرات ماشفتو انها اثرت بحياته وايد؟؟
عسب جي اذا بتزقرونه او بتعلقون على كراعين نمله انتبهو تراه اسمه في الصج؟؟
وسلامتكم وسلامة السامعين والقارئين وسلامة رموش كرعون
:fn
بموت من الضحك...قصتك وايد حلوه ياكرعون؟؟؟:fn
07-18-2003, 05:50 PM
]
كل ما أكبر في العمر .. اكتشف إني ما أفقه في هالدنيا 
العرض العادي
