تجديد: اكتبوا اللي فخاطركم الحين ولا تخلون فخاطركم شي

[عذب المعاني]

[align=center]يعني لازم احلف انك ,, حبى اللي انتظرته
من زمان .. ولازم احلف لك واشكل بالحروف



كل مرة تقول احلف لجل اصدق ما ذكرته


يعني مقدار المحبة عندك بكثر الحلوف

دون ما احلف تذكر .. الغرام اللي وهبته
لك على مر الليالي .. وما تأثر بالظروف

او تذكر يوم أسمك .. داخل اجوافي رسمته
وقلت لك لو ما تصدق .. افتح اجوافي وشوف

روَح بنفسك تأكد .. من جنون اللي ذبحته
فيك .. واسئل منهو قادر يقرى ما تخفي الكفوف

حتى لو بالحلم طيفك .. يا بعد كلى لمحته
بيدي اضرب له تحيه .. وما تأخر بالوقوف

شوف قلبك .. ما تردد يوم من جسمك سرقته
بس نا ديته وجاني .. حس اني له عطوف

وانه دايم أتباها .. بالخفوق اللي خطفته
وأتباها من وجوده داخل اجوافي .. يطوف

حول قلبي ذا مسارة .. اللي بخلاصي رسمته
وصار قلبي بدره اللى .. ماعرف معنى الخسوف

انت ((حصريا حبيبي)) وذا قرارٍ اتخذته
ومن يفكر يقترب لك .. شال حبي له سيوف

انت والله اعلم انك .. ناوي تذبح من سلبته
كل اشواقه وحبه .. وتجعله صوبك لهوف

ولا يمكن انت داري !! بالقدر اللى وصلته
بس .. تطربك المحالف !! كنها بسمعك (( رزوف ))

قلت أحبك .. وانتهينا .. وكل ما ودك سمعته
بس افهم يا حبيبي !! مو على كل شي حلوف !! [/align]

[align=center]هذا اللي في خاطري
وعندي نصيــــــــــحه للكل
لا توثقوون حتى في أعز ربعكم ترا استوالي موقف و انصدمت من ثلاث اشخاص في نفس الوقت تخيلو كيف بيكون شعوري

نصيحه من ذهب خل اسرارك بينك و بين نفسك لانه نفسك مستحيل تخونك دايم لم لم جروحك بنفسك و فكر بعقلك يا بني ادم مب بقلبك

و السموحه منكم جان اخطينا
أحمد ... عذب المعاني[/align]