قوم بو رنه

[كاره البنات]

انتشرت في الآونه الأخيرة ظاهرة قوم بو رنه.. ونباب.. 97% بنات.. 1% جنس ثالث.. هذا حسب تقديري

من أسباب انتشار هذه الظاهرة:
أن الولد لما يتعرف على بنت ويريد ان يبرز رجولته.. يقول لها دقي لي
رنه وأنا برد عليج.. والبنات تعودوا على هالشي
-
-
أن البنت عندها أكثر من واحد تكلمه.. واحد حق الهدايا.. والثاني حق الحب.. والثالث حق المصخرة.. والرابع يصرف عليها.. فما تقدر المسكينه تشتري 4 بطايق في اليوم.. فتعتمد على واحد منهم.. أو 3 منهم تدقلهم رنه..
وتوفر حق حبيبها
-
-
إدعاء البنت لما يكون عندها بطاقة دايمة.. إن أخوها بيعرف إنها تكلم الولد.. فلازم تدق رنه عشان رقمه ما يطلع في الفاتورة.. والولد المغفل يصدقها حتى لو كان عمرها 29 سنة.. يعني عيوز ومسؤولة عن نفسها.. ولو كانت صادقة ليش ما تعوضك..؟؟


مخاطر هذه الظاهرة:
إهدار الأموال.. وللأسف إن أغلب الشباب اللي يتعرفون على قوم بو رنه.. شباب صغار وما يشتغلون.. أو راتبهم قليل.. يعني راتبه يروح على هاي اللي ما وراها فايده.. وعلى فكرة ترى أغلب اللي قوم بو رنه ما يطلعون مع الولد.. إلا إذا فارطات.. يعني ليش تخسّر عمرك على سوالف تافهه.. اتصل في ربيعك وسولفوا
-
-
إصابة الشاب بإكتئاب.. او مرض نفسي.. لأنه يوم إيي آخر الشهر يقعد يفكر كيف يوفر للبطاقه.. كيف؟؟.. هل ياكل بالفلوس اللي زايده ولا يشتري بطاقه
-
-
تعويد الأصابع على أن تكون دائما على الزر الأحمر عالموبايل


كيف تعرف قوم بو رنه:
كثير الكلام عن البطاقة اللي بـ30... ودائماً يقولك بدقلك رنه أو دقلي رنه
-
-
دائماً أنامله أو أصابعه الناعمة تكون على الزر الأحمر
-
-
إذا كانت بنت.. فدائماً تطلب منك بطاقة


كيف نقضي على قوم بو رنه:
إلى كل شبابنا.. قاطعوووووهم... أو حطموهم.. مثلاً لما تدق لك البنت رنه طرشلها هالمسج:

أفااااا


ما توقعت


معقوله؟؟.. طلعت..


قوم بو رنه؟؟
-
-
أو عندما تدق البنت حق ربيعك رنه ويرد يكلمها.. انته شغل رنة موبايلك وسكرها في نفس الوقت.. وزاعج وقول شو هذيل قوم بورنه.. والله مفشليينا.. وربيعكم الثالث يقول شو السالفة شو السالفة؟؟ قول هذيله لعوزونا عيال الفقر.. كله يدقون رنه.. خخخخ وهني اللي بتكلم ربيعك بتحس انها المقصودة.. فبتقول حق ربيعكم بخليك احينه.. الظاهر انت مشغول .. وبذلك حطمتها أيضاً
-
-
لما تطلب البنت منك بطاقة قولها انشاااااالله.. وطرشلها رقم غلط.. عشان تحس
-
-
لما تقول أنا قوم (..!!..) .. واحنا واحنا... قولها أونج قوم (..!!..) ورنه؟؟

-
-
النهايه


هذه الرسالة يجب أن ترسل لكل الشباب.. وان شاءالله تزيد الإيميلات اللي من هالنوع لما فيها من توعيه للشباب
lo0o0o0o00o0o0o0ol