ايه هوه الحيوان الصغير اللي لونه أخضر وبياكل الزلط ؟
هو ابن الحيوان الكبير اللي لونه اخضر وبياكل الزلط
--------------------------------------------------------------------------------
ايه هوه عكس كونكريت ؟
لا تكن كريت
--------------------------------------------------------------------------------
ليه التعلب تخين ؟
لأن التعلب fat fat
--------------------------------------------------------------------------------
صراصير
حاجة ماشية على الارض وبتعمل زززززز .. ايه هيه؟
صرصار راكب موتوسيكل
ناس دخلوا شقة فعرفوا انه فيها صراصير بسرعه ... ازاي ؟
لقوا الموتوسيكلات واقفة جنب البلاعة
--------------------------------------------------------------------------------
فروق
ايه الفرق بين الليمون والزيتون ؟
* فيه ليموناده ومافيش زيتونادة
* تقدر تقول الناس لاموني ومتقدرش تقول الناس زاتوني
--------------------------------------------------------------------------------
في 5 فروق بين البطه والوزه .. ايه هم ؟
* تقدر تحلق شعرك زلبطه ومتقدرش تحلقه زلوزة
* فيه رحاله اسمه ابن بطوطة ومفيش واحد اسمه ابن وزوزة
* تقدر تبلبط في البحر ومتقدرش تبلوز فيه
* في الشتا بنتغطى ببطانية مش بوزانية
* الوزة كانت زمان بطه بس الشيطان وزها
--------------------------------------------------------------------------------
- في 5 فروق بين الفيل والنملة .. ايه هم ؟
* رجل الفيل ممكن تنمل بس رجل النملة مش ممكن تفيل
* البيت فيه نملية ومفهوش فيليه
* تقدر تاكل سمك فيليه ومتقدرش تاكل سمك نمليه
* كل واحد له بروفيل لكن ملوش برونملة
* You can feel but you can't namla
--------------------------------------------------------------------------------
ايه الفرق بين الفيل والبرغوت ؟
الفيل ممكن يتملى براغيت بس البرغوت مش ممكن يتملى فيله
--------------------------------------------------------------------------------
صخرة
صخرة وقعت من فوق عمارة ولوح الإزاز التي تحتها متكسرش ... ليه ؟
علشان موقعتش عليه
--------------------------------------------------------------------------------
طب فرخة بتعدي الشارع وماتت فجأة .. ليه ؟
الصخرة وقعت عليها
--------------------------------------------------------------------------------
صعيدي
ليه الصعيدي بيحط جنبه كباية شاي وهوه نايم ؟
علشان الشاي منبه
--------------------------------------------------------------------------------
طب وليه بيحط جنب كباية الشاي كباية قهوة ؟
علشان لو الشاي مرنّش
--------------------------------------------------------------------------------
طب ليه بيحط كاسة ميه فاضية وكاسة مليانه ؟
علشان يمكن يشرب ويمكن مايشربس
--------------------------------------------------------------------------------
طب ليه بيحط على راسه ملح ؟
علشان يبقى حدق
--------------------------------------------------------------------------------
طب ليه بيحط على الكرسي سكر قبل ما يقعد ؟
علشان تبقى قعدته حلوه
--------------------------------------------------------------------------------
حاجات طايره
حاجة بيضا طايرة في السما وبتقول نياو ... ايه هيه ؟
قطة بيضا مضروبة بالشلوت
--------------------------------------------------------------------------------
طب حاجة سودة طايرة في السما وبتقول نياو ... ايه هيه ؟
غراب بيستهبل
--------------------------------------------------------------------------------
طب حاجة بني طايرة في السما ومبتقولش حاجه ... ايه هيه ؟
فردة جزمة الراجل اللي ضرب القطة
--------------------------------------------------------------------------------
حاجة زرقا طايرة في السما ... ايه هيه؟
ذبابة لابسة بنطلون جينز أزرق
--------------------------------------------------------------------------------
حاجة سودة وفيها خط أحمر وطايرة من الشرق للغرب ؟
ذبابة لابسة فستان سواريه وحاطه روج ورايحة فرح
--------------------------------------------------------------------------------
طب حاجة سودة وفيها خط أحمر وطايرة من الغرب للشرق ؟
نفس الذبابة نسيت حاجة في البيت وراجعة تجيبها
--------------------------------------------------------------------------------
نقطة سودا على الحيط ... ايه هيه؟
ذبابة
--------------------------------------------------------------------------------
طب نقطتين سود ...
فيشة كهربا
--------------------------------------------------------------------------------
طب 3 نقاط سود ...
ذبابة وفيشة
--------------------------------------------------------------------------------
طب 54 نقطة سوده ...
يبقى الدهان بيقشر
--------------------------------------------------------------------------------
حاجة طويلة طايره في السما ولونها ابيض .. ايه هيه؟
خيط ابيض طويل
--------------------------------------------------------------------------------
طب حاجة طويلة طايره في السما ولونها اسود .. ايه هيه؟
خيال الخيط الابيض
:D
02-26-2003, 09:18 PM
العرض الشجري