ـــــــ سوالف الشباب في الباص ـــــــ - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

دمعة غلا 12 · 02-15-2008, 07:58 PM

™₪₪----> ₪(ســــــوالف الشبـــاب فـــي البــــــــــاص )₪<----₪₪™

عشاق الكورة

نفر (1) :: يا خووك احلى شي عاد لين الشارجة اتصدر الدوري
نفر (2) :: ايه .. جفت قول آيتوو عاد شق المرمى شق فديته هالريال
نفر (3) :: روحووو مناك .. بييكم الشبح المدريدي بينثـر هاليهال
نفر (1) :: روح روح .. مدريدك ذيله الحمدلله فازو على الدرجه الثانيه

وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب

₪----> ₪(ســــــوالف الشبـــاب فـــي البــــــــــــاص )₪<----₪₪™

المغازلجـيـه

نفر (1) :: اااخ يا الحبيب جفتهااا .. هذي قاعده صوب الدريول
نفر (2) :: تقصد هذي ام العباة فيها ستين فراشه ؟!
نفر (1) :: لااا يا حظي العوي .. اللي عباتها الخفاش ..
نفر (2) :: هيه هذي كشخه يابووك بس يقولون ما تعطي ويـه
نفر (1) :: ما عليك منها .. بتطيح بتطيح ..

عاد الاخو اييب تاريخ اهلها واجدادها على اساس ان انا اعرفها ترى !

™₪₪----> ₪(ســــــوالف الشبـــاب فـــي البـــــــــــاص )₪<----₪₪™

المطينزجـيـه ( راعيين المطنزه )

نفر (1) :: جووف جووف .. هذي ام عباة راس صدقني بطيح
نفر (2) :: شدراك انها بطيح ؟! الا اذا عينك فـرن
نفر (1) :: يا العله بتجووف احين

" البنت بتنزل من الباص "

نفر (1) :: حجيييييييييه عبااتج
طــــــــم طـــرااااخ ( طيحه على الويه )
نفر (1) & (2) :: هههههههههه

وتقعد تسب فيهم وتلعن وهم للحين يضحكون عليها

™₪₪----> ₪(ســــــوالف الشبـــاب فـــي البـــــــــاص )₪<----₪₪™

عشاق الكتب ( ما يشيل راسه من الكتاب ساعه )

نفر (1) ( قاعد يراجع اخر درس من الماده )
نفر (2) :: وين وصلت اي بوينت ؟!
نفر (1) :: رقم 6 بس مب فاهمها .. تشرحها لي ؟!
نفر (2) :: ..

ويشرحون حق بعض ويدور الباص ويفتر وينزلون الطلبه كلهم وهم للحين في الباص ..

لين اييهم الدريول ويقولهم يلاااا فكوني بروح بيتنا

™₪₪----> ₪(ســــــوالف الشبـــاب فـــي البــــــــــاص )₪<----₪₪™

صبيان على غير العاده " هاذيله في حالهم"

نفر (1) :: هلا شلونك ؟!
نفر (2) :: بخير الله يسلمك شلونك انت ؟!
نفر (1) :: الحمدلله بخير يعافيك

انتهت المحادثه .. واحد يطالع من الدريشه والثاني سرحان والا راقد

™₪₪----> ₪(ســــــوالف الشبـــاب فـــي البــــــــاص )₪<----₪₪™

عشاق البتـه و الاونو

نفر (1) :: العـــــب خل اكسر راسك .. تقط لي ثنتين الكلفس
نفر (2) :: عشان اتييك الاكـلـه العدلـه ( يلعبون كوت )
نفر (1) :: يا عمـــي .. بنجوف ترى الجوكـر يايك يايك
نفر (3) :: العب العب حبيبي يقولك جوكر ما عليك منه زين

والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب

™₪₪----> ₪(ســــــوالف الشبـــاب فـــي البــــــــاص )₪<----₪₪™

عشاق الاغانـي والطقطقه

نفر (1) :: دقني ودقني دق
نفر (2) :: شو فيك عبود ...
نفر (1) :: (( مطنش )) و دقني شبع في دق يا ناس بالخيزرانة
نفر (3) & (4) :: او دقني ..... او قدي ......

مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل !

™₪₪----> ₪(ســــــوالف الشبـــاب فـــي البـــــــاص )₪<----₪₪™

فئة الموضـه

نفر (1) :: شفت وائل كفوري شمسوي عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )
نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب يطلع كووول

ذيلين مساكين بعد .. اخرة هالقصات بيسوون تسريحة المطربة صباح !

™₪₪----> ₪(ســــــوالف الشبـــاب فـــي البـــــــــاص )₪<----₪₪™

فئة البناتـيـه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

™₪₪----> ₪(ســــــوالف الشبـــاب فـــي البـــــــــاص )₪<----₪₪™

™₪₪----> ₪(واسمحولــــي شباب وخذوها بروح رياضيه )₪<----₪₪™

ههههههههههههههههههههههههههههه

اختكمــ .. دمعوووهـ

: ام كشه : · 02-17-2008, 01:20 AM

خخخخخخخخخخخخخخخخخخخخخخخخخخخخخخخخخخخخخخخخخخخخخخخ

قسمن بالله طمااااشه

ميرسي ..

وسيم جدا · 02-17-2008, 03:16 AM

هههههههههههههههههههههههههههههههههههههههه
والله شغل عدل ومشكووووووووووورة على الموضوع الزقرت
يعطيج الف عافية اختي

بنوتة عيناوية · 02-28-2008, 09:32 PM

هههههههههههههههههههههه

مرسي علي الموضوع

وسيم جداً ما كنت وياهم ؟؟؟

خخخخخخخخخخخخخخ

درب المتاعب · 02-28-2008, 09:41 PM

فئة البناتـيـه

نفر (1) دايس على ريل الثاني عن غير قصد
نفر (2) :: آآآي يعوورني
نفر (1) :: اوه سوري عورتك وايد ؟!
نفر (2) :: لا لا خلاص طاف حبيبي
نفر (1) :: لا صج عورتك ؟ اسف يا قلبي ما كان قصدي اجرح مشاعرك

هههههههههههههههه
مشكوره اختي دمعة غلا على الموضوع
ربي يعطيج العافية