(( اخلوو وشوفوو الشباب ايش يتمنوون والبنات وش يردون على )) من جد تبسم بس ؟؟؟ - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

قناص الإمارات · 04-21-2003, 02:07 PM

السلام عليكم ورحمة الله وبركااته

((( شوووفوو الشبااب وش يتمنون )))

لو أنا بنت مااشيل هم مين يسدد فاتورة جوالي
لو أنا بنت .. مااشيل هم السواقه ووجع القلب خصوصا في دبي.. وتغيير زيتوبنزين

لو أنا بنت .. دايم احصل سيارة السواق جاهزة .. ما أنتظر احميها واجلس استني عشان اشغل المكيف

لو أنا بنت .. مااشيل هم تجميع المهر .. والزواج .. وتأثيث البيت.. وتكاليف الحفلة

لو أنا بنت .. كان ماأضيف احد في الماسنجر .. كل الشباب يضيفوني

لو أنا بنت .. كان احصل كل يوم في إيميلي أغنية هدية .. كلام حلوووو .. مو زي ايميلي كله تمااااااسيح .. ودعايات ... لا واليومين هذي صار تجينا رسايل من القروب لاااحول ولا قوة .. اكتب في القروب وبعدين يجيك واحد ماشي مليون ويزرف موضوعي وفي الاخير التوقيع حقه الله يطول بعمره ... والموضوع هذا طبعا اكيـــــد .. الاخ بيسوي كوبي وباست الحين انا اكتب نكي نو مور لوف وراح يرسلها النصاب واسمي موجود لانه مايقراه اصلا لووووووول وبتشوفون

لو أنا بنت .. ادخل الشات .. واقوول انا طفشااااااااانه .. وراح اجد انه الكل يبغى يرضيني

لو أنا بنت .. اطلع كل يوم في العصرية للسوق ماعدا يوم الخميس اروح شار الرقه..واسمع الكلام الحلووووو اللي يقولونه الشباب عني
لو أنا بنت .. البس احدث انواع العبايات المخصره.. ومن تحتها بنطلووون جينز ضيق واخلي العبايه مفتوحه من اسفل ..<< اعصابكم ياشباب والله هذا كلااااام لحد يتهور

لو أنا بنت .. قبل مااطلع اغطس نفسي في مستنقع من العطوووور .. يعني عشان يفكروني جالون عطر

لو أنا بنت .. كان احصل كل حاجه جاهزه.. الزوج.. البيت .. الأكل ..السيارة .. السواق.. المكأفا.... كل حاجه ..مافيه اي تعب او معاناة .. إه يااااني

لو أنا بنت ..كان اجمد بعض المحاضرات ونطلع أي كوفي في التحلية والا التخصصي .. يعني نشرب كهوة السبااااااح .. ياااااااروحي على سباااحكم

لو أنا بنت .. كان احط كل انوااااااع البويااااات .. قصدي المكياج على وجهي واركب مع السواق واجلس جنب القزاز ومااطالع في احد ... وااااااو احب الشعور هذا .. راح احس وقتها انه انا اشارة المرور الكل بيبص فيه

لو أنا بنت ..كان اخذ من ابوي فلوس .. ومن امي فلوس .. ومن اخويه فلوووس .. ومن الواد الوسيم اللي ضحكت عليه بعد فلووووس

لو أنا بنت .. كان جوالي مايجلس ساااااكت .. رسايل غزل .. وكلام حلوووو .. ولاااااا بعد مكالمات وانا اسوي نفسي ثقيله .. ايش تبي .. من وين جبت رقمي؟؟.. يعني مااطفش لو للحظه وحده.. مو زي جوالاتنا ماتجينا رسايل الا من شركة الاتصالات ياالله ياابو الشباب سدد الفاتورة..!!
والا إتصال من عجوووووز في مقتبل العمر.. وتقولي هلووووو هلوووو هذا منزل معيض؟؟ .. وانا من قوة الصدمه لما سمعت الصوت الغريب هذا!! ماعرفت ايش اسوي .. كنت واقف وبعدين انسدحت... قلت لها ياجده هذا أول شي إسمه جوااااااال مو منزل.. وثاني شي هذا جوالي ورب الكعبه مو جوال معيض.. قالت : هلوووو طيب شكراً .. هاهاهااااااااي من جد حصل الكلام هذا

لو أنا بنت .. كان في الصيف اذا رحت استراليا واجلس في الطياره وأكل بطاطس شيبس .. يعني عشان اخسس ويصير جسمي حلوووو زي "بريطني صبير" ..الماااااايوه ماعم بيفوت فيه.!! ما إلك الا الجلسه بالبيت

لو أنا بنت .. كان اسجل في اي منتدى او اي قروب ,, ومن اول موضوع أصير مشرفه .. لا تسألوني كيف P: .. واخليهم يحطووون عدد مواضيعي 666 يعني رقم مميز

لو أنا بنت ..اجلس مع صديقااتي .. واقول تصدقووون يابنات.. انا تعبت من الشباب هذولي .. انا ملاحظه انهم مايضايقون الا اناااااا .. يعني عشاني احلى وحده فيكم من جد هذا ظلم!! .... هاهاهاااااااي .. والله لو انا بنت وقتها راح أكل ضرب من صديقاتي قالك احلى وحده فيهم !! هاهاااااي

لو أنا بنت .. كان مااشيل هم الزحمه عند الحلاقين .. واشيل هم الدقن اذا طولت .. وشعر رأسي

لو أنا بنت .. كان اذا رحت دبي ماخليت مكان الا واروح له واول شئئئئ ستي سنتر .. البنت ماتحس بقيمتها الا اذا راحتستي سنتر ... انواع الشباب الحلويــن هناك مو مثل--------- في دبي وعيال ------ في أبوظبي...

لو أنا بنت .. كان ما تحصلني لاااابس اللبس الإماراتي .. غترة,, طاقيه,, عقال,, ثوب,,فنيله ,, وزار ,,ونعال وانتو بكرامه ,,قلم,, محفظة في الغالب فاضيه ويااااااكثر البطايق فيها تقول دفتر سن توب,, جوال+فاتورة جوال,,وبعض الاحيان ,, ملف علاقي ( عاطل ) ... على قوووول اغنية محمد عبده .. مجموعة إنسان .. بس احنا هنا مجموعة عفش متحرك .. من جد تعب

لو أنا بنت .. كان ماأدخل المطبخ .. اترك الخدامه تسوي كل شئ .. ولا اقشر البصل .. يووه على ريحته ماتطلع من الأيادي ..بس يعني اذا دخلوني بالقوة .. راح اجلس العب في سائل فيري

لو أنا بنت ..كان الشباب الأغبياء .. يجلسو يطاردون سيارتنا .. وانا مع السواق .. (ابغى اكون بنت عشان المنظر هذا ) كذا راح احس اني في معركة.. والسيارات عن اليمين وعن اليسار وسيارتنا في المقدمه!! .... متــــعه ماتمنيت في حياتي كثر اني اكون ضمن موكب في الشارع وراي سيارات

لو أنا بنت .. أدخل كل محل.. مايقف في وجهي أي شي.. مو عشاني سوبرمان .. لا بس عشاني بنت .. واذا رحت اي مكان خاصه في صيف دبي مو أحصل لوحااااات للعوائل في كل محل اروح له .. وحراس آمن عمى في شكلهم الواحد يفصل مني أربعة.. اعوذ بالله00

خخخخخخخخخخخخخخخخخخخخخخ من جد مثل ماقاال نزار قباني 00

(( ان الرجاال جميعهم اطفاالوو امام النسااء ))

صحييح اني ولد لكن سوااااااااااااااااااالفنج تراااااااااااااااااااا..

W7eEeD_ALDRB · 04-21-2003, 02:56 PM

قناص الإمارات

:fn :fn :fn :fn :fn

الحمد لله اني ولد

البنااات مب مخذات راحتهم

نحن نسوي الي نبيه والبناات يحااتو اعماارهم وايد :o

يقولت المثل

(( تتمنا العمياا تشووف :o ))

وتسلم الغالي على هذا الموضوووووع

ونترياا منك المزيد (( ويعطيك العاافيه ))

وحيد الدرب

ولد البدو · 04-21-2003, 05:28 PM

هيه والله وحيدوه

الحمدالله انا شباب

على شان نسوي اللي في خاطرنا خخخخخخخخخ

موتوا قهر يا البناات ^_____^

تسلم بن عمي فديتك على الموضووع

عنووني · 04-21-2003, 10:01 PM

:o
:o
:o

الحمد لله على كل حااااال؟؟؟ :o

و انت ماعلييه يا قناااصوو ؟؟ انا ناوتلك على نيه؟؟؟ :mad:

:oيسلموو

لحظة شوق · 04-22-2003, 08:24 PM

يسلمووووووووووو
وكل واحد يحمد ربه على الحال اللى هو فيهاااا

قناص الإمارات · 04-23-2003, 02:26 PM

أول شي تسلمون على المرور حبايبييييييييييييييي...

ثاني شي شو فييييييييج يا عنوني دومج ضاربه عرض..يالله اجوفج شو بتسويلي ؟؟؟

لحظه شوق: الحمدالله اني ولد ....

عنووني · 04-23-2003, 03:13 PM

:o
:o
:o

شكووووووووووووووورو الله؟؟؟؟ :o

خلاص مابتشوووفني فمواضيعك و لا تزعل؟؟؟ :confused:

عوافي · 04-23-2003, 03:43 PM

يحليلها عنووني ليش تزعلها قناصوووووووووووووووووه

محروووم انت من دخوووووول عوافي حتى المرعب
ما تدخله هييييي :mad:

مسويه بيني بينهم شراكه

لا انت و لا اريش و لا ولد البدووو بعد بس جذي كيفي
:mad: ليش تزعلووووووووون حبيبتي
:mad:

ميره_دبي · 04-23-2003, 07:47 PM

ليش والله نحن أصلا مستانسين ....

أقول قناص ..موجنك وايد تطري دبي...؟!!!