مقابله مع ديفيد بيكهام..مع الصور !؟ - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

The_WiTcH · 03-21-2003, 09:22 PM

مقابلة مع ديفد بيكهام
طبعا مو صج بس انا قاعد أتخيل وإن شاء الله المقابلة تعجبكم

المذيع المتألق: الله بالخير

ديفد : الله بالنور يا هلا (ديفد والله بالنور كلش مو راكب)

المذيع المتألق: عساك بخير إن شاء الله

ديفد: أقول لحظه خلني أشرب هالبيبسي عليها دعاية مليونين دولار وأرد عليك

المذيع المتألق : مليونين دولار انا معاشي لمدة أربعين سنة ما يصك المليون انته بدعاية اللهم لا حسد

ديفد: عيل شلوون عيل انا مو شوية

المذيع المتألق: انزين نرجع لمحور حديثنا هل صحيح إن أساس الجاذبية الأرضية هي بقرعتك

ديفد: شوف يا أخ شسمك بالخير

المذيع المتألق: سمير (اقعد يا الاسم) هههه

ديفد: والله هذي إشاعة ووايد اسئلوني عنها المحطات العالمية مثل سبيس تون واليمن والسودان

-------------------------
يتبع

The_WiTcH · 03-21-2003, 09:24 PM

المذيع المتألق: انزين هل تعتقد إذا الفنان كثرت عليه الإشاعات هذا دليل على شهرته الواسعه

ديفد: بلا شك يا أخ سمير هذا شي طبيعي بالحياة الكروية والعالمية والنجومية والمية مية

المذيع المتألق: في ناس لمن يشوفونكم تستلمون الملايين من النادي يقول انكم ما تستاهلونها فشنو ترد عليهم

ديفد: احنا ما نتعب هو لمن يشوف مباراة ويطالع شلون نلعب هو من نفسه يتعب عيل شلون احنا الله يعيننا

المذيع المتألق : انزين في ناس يقولون احنا نشوفك تسوي دعايات أكثر من إنك تلعب بالمباراة

ديفد : والله لو إني ما ألعب بالمباراة جان ما خلوني أسوي دعايات (يلعن يومه يعرف يرد) ههه

المذيع المتألق: هل صحيح انت غريب الأطوار

ديفد : يعني شنو غريب الأطوار (بييييه فشلنا توني أقول يعرف يرد) ههه

المذيع المتألق: انزين ليش ما سويت شي بكاس العالم

ديفد: شلون ما سويت شي انا عزمت فريقنا على نودلز بكوريا

المذيع المتألق: عيل ليش ما عزمتني وللا أقولك بعدين نناقش هالسالفة

المذيع المتألق : ننتقل الحين لحياتك الخاصة هل عندك أولاد

ديفد: اي نعم عندي ولد عمره سنتين واسمه عبدالقادر

المذيع المتألق: انزين شنو هواياتك ؟

ديفد: والله أحب أسمع الأغاني القديمة والطرب الأصيل مثل عودة المهنا وعبدالله الفضالة

المذيع المتألق: شنو يعني لك انك انت تمثل بلادك في النمتخب الوطني

ديفد: والله هذا شي يزيد من معجبيني أكثر

المذيع المتألق : بصراحة جم مباراة لعبت مع المنتخب؟

ديفد: ثلاثة وأربعين مباراة كاملة

المذيع المتألق: ليش انت جيكر؟

ديفد: يقولون طالع عليك
------------------------
يتبع

The_WiTcH · 03-21-2003, 09:25 PM

المذيع المتألق: يقولون إنك الأخ التوأم لتوم كروز

ديفد: صحيح هالكلام بس مو تعلم أحد

المذيع المتألق: شنو الماركة اللي تحبها

ديفد: والله انا أحب أشتري كله من المحل الرياضي اللي براس الخيمه وما عندي ماركة محددة

المذيع المتألق: تعتقد معجبينك شنو يحبون يسئلونك؟

ديفد: والله كلهم يحبون يسئلوني عن تسريحتي اليديدة

المذيع المتألق: شنو تعني الكرة لك بحياتك كشكل عام؟

ديفد: والله هي الصديقة اللي ترد لي مادري شلون كله أشوتها فناقر أبيها تروح عني ترد لي الله لا يبارج فيها

المذيع المتألق: منو هو منافسك الحقيقي بعالم الكرة

ديفد: والله اللي صج ما قدرت عليه "عدنان الطلياني"

المذيع المتألق: لو خيروك بين الجمهور والفلوس

ديفد: أكيد الفلوس يعني الجمهور بيصرفون علي مع وييهم

The_WiTcH · 03-21-2003, 09:25 PM

المذيع المتألق: ليش يا ترى تبالغ بفرحتك إذا يبت هدف

ديفد: بالعكس هذا شي طبيعي عشان أضيع الوقت

المذيع المتألق: جم مرة تعرضت بالإصابة من أول ما احترفت الكرة؟

ديفد : ولا مرة

المذيع المتألق : شنو اللقب اللي تحب ينادونك فيه ولا نادوك فيه؟

ديفد: محطم قلوب العذارى

المذيع المتألق: شنو أغلى شي عندك اياه بالدنيا؟

ديفد: الكرة

المذيع المتألق: بآخر اللقاء كلمة أخيرة لجمهورك؟

ديفد : والله انا أحب أقول كلمتين

أول كلامي كرة منبطة من الاهمال ثانيها صدمة شيك راحو فيها العيال

يالله مع السلامة نشوفكم بلقاء ثاني مع نجم ثاني
===========

من الايميل

shared_albaaal · 03-21-2003, 09:33 PM

ديفد: والله انا أحب أشتري كله من المحل الرياضي اللي براس الخيمه ( مركز اللولو )وما عندي ماركة محددة :fn

تسلم اخوووي عالصور والتعليق

شوق العيون · 03-21-2003, 10:06 PM

The_WiTcH

يا عيني عليج و على موضوعج الرهييييييييييييييييييب :D

موضوع و صور ولا أحلى الصراحه..

خصوصا اني من معجبات ديفيد بيكهام :rolleyes:

اقتباس:

المذيع المتألق: انزين نرجع لمحور حديثنا هل صحيح إن أساس الجاذبية الأرضية هي بقرعتك

100 % :fn

مشكووورة عزيزتي و نتريا منج مشاركات ثانيه :th

The_WiTcH · 03-22-2003, 04:19 PM

shared_albaaal

مشكوور أخوي على الرد

شوق العيون

مشكووورة الغالية على الرد ..:o

اكيييد انا بعد من معجبات بيكهام :rolleyes:

وانشالله بتشوفين مشاركات ثانية :th

عنووني · 03-22-2003, 04:37 PM

:fn :fn

thaaaaaaaaaaaaanx

حـــور · 03-23-2003, 04:21 PM

تسلمين على الصور

صوت الريح · 03-23-2003, 04:48 PM

:fn عجبني المووووووووووضوووووع