....كنت ناااايم...

[‏كيريزي مون]

...كنت نايم وفي عالم الاحلام هايم...

مادري في شو كنت أحلم

مره احس اني اسوق سياره..

ومره اقول كنت مضيف طياره..



كان الجو بارد..

وكنت متغطي وشارد..

رن التلفون

وقلت ياترى من يكون؟؟



هذا المزعج هل هو صديق ولا مزيون..

هل هو عاقل ولا مجنون؟؟



رديت عليه وانا كلي شك وظنون!!



وبـرقه بعد ماكنت عصبي انا انسان حنون..



سمعت صوت ماتوقعته.. :

ولا في خيالي تخيلته..

ولا حتى بحلمي سمعته..

بنت..

قلت هلا

وقالت اهلين..

نوره موجوده؟؟

قلت وأنا صوتي رايح فيها..

لحظه شوي بناديها..

ويلست أصوت واقول نوره .. يامن نوره يلاقيها..

ورديت للسماعه وقلت مادري وين راحت الله يهديها..

بس دقيقة ماعندنا نوره!!



وبادر البنت خوف!!

قالت آسفه غلطانه..

قلت ولا يهمج عادي لا تكونين زعلانه؟؟

مايهم اذا ماعندنا بالاسم فلانه..

وقالت شكلك كنت نايم..

قلت لا.. توني قايم..

قالت تدرس ؟؟

قلت الدراسه خلاص باح..

انتي شكلج تدرسين؟؟

كيف اختباراتج ؟؟ عسى أنكم مرتاحين..

قالت باقي لنا ونخلص يومين

وخايفه والله من مادتين..

قلت من الاختبارات لآ تخافين..

دامج الليل تذاكرين..

وعلى الله تعتمدين..

واللي يزرع يح ما يحصد يقطين..

أهم شي انج ماتنسين..



قبل الاختبار الله تدعين..



ومن إبليس تتعوذين..



خلقه من نار وخلقنا من طين..



ويلسنا نسولف في أمور..



من شو اسمج الين غلاء المهور..



قالت اسمي (ود) وقلت لها انا احمد..

وقالت صدفه غريبه اسامينا فيها دال..

تصدق كنت اتمنى يسموني نوال!!

تصدقين وانا كنت اتمنى يسموني جمال

ويلسنا نسولف في بحور الشعر والموال..

وماهمنا كلام الناس والعذال..

وفجاءة خلصت السوالف ولا لقينا اللي ينقال؟؟

وسكتنا..

وبدلع..قالت أنت تشجع الوحده؟؟

قلت في قلبي.. مادري أجاوبج بكف ولا بنعال..

بالله عليج هذا سؤال؟؟

قلت أنا شعباوي.. وما يهمني القيل والقال..

هذا الكوماندوز هذا حبه طاح في القلب ولا ينشال..

والشمس مايغطيها مشخال..

قالت شمعنى الشعب !!..

قلت يا بنت.. الشعب فن ولعب ويفوز باللي حضر..

وجمهوره له كلمة وامر..

يابنت..لا تغريني بالكثير..

..

و حتشرنا وشبينا.. بس بسرعه انطفينا..

الظاهر بعضنا هوينا..

وبدرب الحب ابتدينا..

قالت.. احمد..

قلت آمري يا ود..

قالت اوصف لي شكلك..

هذا وين توهقنا..

شوفي العرب لونهم واحد

ولسانهم واحد.. واحلف بالله ولا غيره أحد

أني مب طويل ولا قصير..

شعري ناعم مثل الحرير..

قالت والعيون..

قلت العيون شبرين في ثلاثه اشبار

قالت اسد..

قلت شكرا يا احلى شهد

المهم ان تواعدنا..

والموعد باجر في المول قررنا..

بين خوف وامل تواعدنا..

وقضيت ليلتي في حيرة..

شو البس؟؟ جنز ولا كندوره والله حيرة..

مافي غيرها يفج الحيرة.. شيشه و تعميرة..

ورجعت للبيت اعاتب امسي وابتسم لغدي..

وبصعوبة نمت.. قعدت اتجلب وون..

يا قلبي قلي شو اللي من الحب اهون؟؟

غريبه هالدنيا غريبة..

وراحت ليلتي.. وزادت بلوتي..

اليوم موعدي.. انا والحب بنلتقي..

وكشخت

لبست فوق راسي غترتي..

في مكان اللقاء تغيرت حتى خطوتي..

صرت ارتجف واترنح بمشيتي..

كائني انساق للموت وهاذي نهايتي..

مب سوالف شجاعة.. هذي اكبر بطولاتي..

ايذا خسرت بتضيع احلى امنياتي..

يلست ادور والف وحول المكان اطوف..

وين هذيج العين اللي عليها قلبي ملهوف..

ود؟؟ ياليت الناس تيي وتشوف..







وفجاءة..

وصلني مسج..

يقول..

سويتها فيك يا احمد..

رد بيتكم وخل عنك هسوالف ياتـعبان

روح نام ..

تعيش وتاكل غيرها

و سويتها فيك ..


















المرسل

الوالدة

ههههههههههههههههههههههههههههه :fn:fn

 

 

 

 

 

 

 

 

 

 

[طير الحب]

هههههههههههههههههههههههههههههههههه
هههههههههههههههههههههههههه
ههههههههههههههههه
هههههههههه
ههههه
هه
ه

الله يعينه هذا أحمد بصراحه <<<< قصه حزينه ...............

يعني معقوله ماعرف صوت امه هههههههههههههه

والله الله يعينه

 

 

 

 

 

 

 

 

 

 

[خيماويه]

:confused::confused:
طير الحب اطمن ماسوتله شي بس كانت تبا اتشوف تربيه اهله زينه والا لا:D:confused:؟؟

قلبي معاه

كان الجو بارد..

وكنت متغطي وشارد..

رن التلفون .........................

ممكن تعربيلي الاسم الملون وتقوليلي وين موقعه من الاعراب؟؟:confused:
لو سمحتي يعني؟:confused:

 

 

 

 

 

 

 

 

 

 

[طير الحب]

ههههههههههههههههههههههههه

اكيد بعد هذا مارجع البيت <<<<<<<

هي بس بتقوله تعال انا بسويلك شي ... ومن هناك بتلعن صيره

أحنا مجربين سوالف الامهات يوم كنا صغار ههههههههههههههههههههه

 

 

 

 

 

 

 

 

 

 

[‏كيريزي مون]

طير الحب خخخخخخخ كل يووم تعاااااااال
وانته يا خيماويه دوده اشووفج وايد تسالين شو هالفضوول لول

المهم على مااعتقد سرحااااااااااان

يعنى منصووب بالفتحه خخخخخخخخخخخخخخ

 

 

 

 

 

 

 

 

 

 

[خيماويه]

ههههههههههههههههههههههههه

اكيد بعد هذا مارجع البيت <<<<<<<

هي بس بتقوله تعال انا بسويلك شي ... ومن هناك بتلعن صيره

أحنا مجربين سوالف الامهات يوم كنا صغار ههههههههههههههههههههه

:D:D

عطني اسلوب واحد من اساليب الامهات في التعذيب:D



قلبج وياه :confused:
مااشتكى عليج النحو في يوم من الايام؟؟:confused:

 

 

 

 

 

 

 

 

 

 

[طير الحب]

ههههههههههههههههههههههههههههه

ان شاء الله فالك طيب ... بس وين تبغيني اكون ههههههههههههههه

 

 

 

 

 

 

 

 

 

 

[طير الحب]

يا خيماويه ... انتي ادرى بأساليب الامهات مب لازم اعلم

ولا بعد هذا الفضول الي فيج مشكله والله

 

 

 

 

 

 

 

 

 

 

[خيماويه]

:D:D:D
ابا اشووووف اساليبكم نفس اساليبنا:D
واذا فيه فرق لازم اسوي بحث؟؟:confused:

 

 

 

 

 

 

 

 

 

 

[‏كيريزي مون]

اكرهه ما عندى شئ اسمه النحو و الاعراب الله يخلييييج لا اتخربى مخى بتخبل انا


ماصدقت انسى معاااااااااااااناااااااه النحوو يووم كنا عيال الثانويه خخخخخ قصدي المدارس