أنا عضوة يديدة شفت الموضوع ووايد عيبني وحبيت أشارك فيه((ثانكيو اختي أريج))
العظمة:
.................................................. ...................
في يوم من الأيام اليران يزاهم الله ألف خير طرشولنا عيش ولحم ((عزيمة))ويوم العشا حطتلنا امي العيش ويلسنا ناكل ,وطبعا وقت الأكل انا اخرط كل اللي عندي في هالوقت...وفجأة وانا اكل واتكلم في نفس الوقت وقفتلى عظمة طولها 2سم تميت دقيقة ماروم اتنفس ..امي قالتلي شفيش ..اشرتلها بالعظمة ..وجان امي تزيغ وكل الاهل اتجمعوا ((بعدها العظمة واقفة))حتى الشغالة وحليلها زاغت ,وامي تعطيلي موز وتمر وسلطة وطماط أي شيء عشان تنزل العظمة بس ماشي فايدة واقفة ...يمكن شربت دبتين ماي أو أكثر ..العظمة لين الحين بعدها ما نزلت ...امي زاغت وقالت حق اختي يلا انوديها المستشفى ...انا تميت اصيح حسيت جني بموت خلاص ...تميت اصيح واذكر ابوي -الله يرحمة- لانه في ذالك الوقت كان مسافر ..اتصلت حق ربيعتي وسلمت عليها وقلتلها سلمي على بنات الصف كلهم ...ويوم سرنا المستشفى ((احدى المستشفيات اكيد عرفتوها وهي في راس الخيمة))سرنا قسم الطوارئ ..تميت ساعة ولا اي اهتمام انا بموت وهم احر ماعندي ابرد ماعندهم سوولي اشعة وقالو مافيها شي بس جرح ..((شو جرح اقولك عظمة عظمة انت ما تفهم))..المهم عطولي دوا شكل كبسولات ...انا خلاص ماشي فايدة ..وقتها رفعت ايدي وقلت :يارب يارب انت اعلم بحالي ارجو انك تشفيني وترحمني...وشربت الحبة والله مااكذب عليكم العظمة نزلت ((سبحان الله))...وقتها عرفت ان الله يسوي لعباده رسائل ربانية ...ليعلم انه اذا ضاقت به السبل أو تقطعت الاسباب أو اغلقت الابواب ...فما عليك الا اتدق على بابه بقلب خاشع وعيون تذرف الدموع الصافية...قتراه يقبل عليك ويعينك..((جل وعلا))
عقب ماستوت هاي السالفة تعلمت مااتكلم وانا اكل واسمي قبل مااكل واتريث في الاكل لان الي الله قسمني اياه باكله واذا مانكتب اني باكله ماباكله ..
.قال تعالى 
(ان مع العسر يسرا )) والسلام عليكم ورحمة الله وبركاته
08-10-2003, 12:03 AM
]
العرض المتطور
