سوداني طايح في الحب ^_^

[هارون]

مرررررحبا


آآآآآي زووول طايح في الحب


النت ده حاجة عجيبة خالص
تعرفت فيها على بنت
راسلتها في اللأيميل .. وبدأ قلبي ليها يميل
غابت عني أيام وليالي .. دورت عليها في كل مكان
دورت عليها في جوجل وياهو وكتبت يا ناس ياهو
حبيبي تايه وين ألقاهو؟ ولا حد رد عليَّ
نصحوني ناس الخبرات .. قالو لي دور عليها في
الشات !!
الشات ده مليان بنات من كل الألوان والجنسيات
دخلت الشات .. ودورت من بين الغنوات
ما لقيت اسمها من بين المسميات
كلمت لي زول من اليابان خبير في الكمبيوتر فنان
قلت ليهو هاو آر يو ، قال لي شنج ينج فاين ثنكيو
قلت ليهو أنا من السودان .. مشتاق لحبيبتي ولهان
وده النك نيم ليها دلني عليها يا زول
أخد مني الزول النك وقعد يتكتك تك تك تك
لحد ما لقاها
قالي (شونج بينج يو) تلاقيها في الديسكو
دخلت ليها في الديسكو
ولقيت حبيبي اللي ضيعتو
وبكل لهفة وشوق كلمتو
قالت لي : بدك شو؟
قلت ليها إنتي البنت اللي أدور عليها من زمان
قالت لي : أنتا من أيا مكان؟
قلت ليها أنا من السودان
وراسي مثل حب الرمان .. وكرشي شوي مليان
قالت لي : مامعئولة هيك إنسان
أنا بدي راجل فهمان أبظاااااي متل السوبر مان
ولونه أبيض فتحان .. مافي منو في البلدان
ولأني حلوه وبمشي متل الغزلان
وطرفي حلو ونعسان
ووجهي ينور متل الشمعدان
ما بأبل أتجوز من السودان
ولا أفريقيا ولا بلوشستان
بدي واحد فتحان أبيض متل الأسنان
ممكن يكون من شرق أوروبا
أو حتى من كردستان
لأني حلوة وبيضة من هذول أخلف صبيان
الزول بقى يقرى الكلام وهو زعلان
جالو اكتئاب وصار تعبان
كره حياته وصار ندمان
ترك النت وهو غضبان
وراح يدور على عروسة من السودان

** ** ** ** ** ** **