مرحبا فيكم في يوم من الايام ياني قناص و سالته وين بتروح في الصيف و بدا يقر و يعترف بكلل كل شي كيف يقصيها و وين يروح وووو انتوا اقروا و عطوه رايكم في اجازته
ياخي مستانس نبي نروح لخوالي كل عطله نروح هناك للديره وناسه
الديره = قرية صغيره اول ماتييها تحسب مافيها سكان لكن ماتلبث قليلآ الا وطالعين
من وسط البيوت يخرعوون هههههههههههههههههههههه
يعني قمت الوناسه والفله نقوم الصبح كل واحد معاه سندويشة جبن وكوب شاهي
طبعا الكوب كان بيوم من الايام حق جبنه بس بقدرت قصاء الله بغاه يصير صار للشاهي
واني با الصاله ونسدح وساده من وسايد المجلس تحت التلفزيون
والبعض يستخدم المركى
طبعا ياتلحق ياماتلحق اذا تأخرت الله يعينك تنبطح على بطنك ورا الي منسدحين
على الوساده وخذ يا افلام كرتون واذا خلص فلم الكرتون نقوم نطبقه على بعض
يعني كانه الكبتن ماجد لعبنا كوره الضحى تصقعنا الشمس بس اهم شي الوناسه
وكانه سنيشرو الله يعين تصفع و مكافخ و ترفس تطلع منها بجروح سطحيه وكدمات
وصعارير يطلع راسك كنه لاعب بوسطه فار
بعدها نقوم بوقت راحه وهذه الراحه تكون عادتأ عند البراده الي برا كل واحد يغسل
وجهه بماء بارد ونجي با الشمس ونتحكحك الي فيهم نشاط للحين كل واحد يعبي
فمه ماء من البراده ويرشه على الثاني (( على طول من حلجه ))
وخذها ملاحق الين يذان الظهر بعدين يوصلون الشيبان ويصفوننا للصلاة كننا تونا
مسلمين ضرب وجلد الين يتعدل الصف اذا ركعنا ناضر لرويلاتنا عاد هههههههه
ماتدري هذي رويلات ولا قطع اثريه الغبار طبقات الواحد مايشوف اصبعه
هذا غير الدفدفه والعب بوسط الصلاه لو قال واحد كح ضحكنا بليس لاعب علينا
لعب اللذينا هههههههههههههههه
بعد الصلاه ولا حنا هلكانين ندور الغدا وياتلحق ياماتلحق لان كمية الببسي محدوده
لان فيه بعضهم يفج اثنين واحد يشربه والثاني يسعبل عليه عشان يحجزه عاد
وقتها مايهم سعبل ولا لا شاربين شاربين الله لايعوق بشر
بعد الغدا يجي وقت المصارحات كل اثنين يروحون لمكان وسوالف
انواع الصواريخ على بعض فلانه تحبني وهذاك يقول انا بعد تحبني اخر شي يتفقون
انهم يحبونها سوا ويكتبون رسايل ولا يجيبون مسجل ويعبرون عن مشاعرهم
با التسجيل << وربي بسرلنكا ماصارت ههههههههههههه
بعد المصاراحات ووقت سوالف الحب والمغازل
العصر وقت الكوره كل واحد يروح لامه ويلبس ملابس الكوره طبعآ حافي
ويا الله طقها والحقها مو مهم فوز الفريق المهم انك تسجل هدف
وانت وشطارتك وتراك اذا مسكت الكوره مليون واحد بيقولك ناول حتى الفريق
الي ضدك بيقولون لك ناول انت طنش وامغط للمرمى
والمصيبه اذا سجل احد هدف خلاص مانشوفه الا المغرب يدور على البيت ويفصخ
الفنيله ويسوي حركات الين يدوخ .. طبعآ مسجل هدف ماهو اي كلام
يجي المغرب كل واحد تناديه امه وتسطره الين يدوخ ليش جيه على ملابسك
يعني وانا لابسهن عشان اكشخ اكيد بلعب
نجتمع مره ثانيه با الدكه وكل واحد يتكلم عن بطولاته واحياننآ نتصيد صراصير وخنافس
نفكر عن مشروعنا با الليل شو نسوي اخر شي نرسي عليه اننا نجيب المسجل
وكم جدر وكم طاسه وخذ ياتطبيل واغاني كننا نطلع جنون
وينتهي يوم مليء با الفلقات والتكسير والتسطير وننام قريرين العين
كل اثنين بفراش واحد ونجلس نسولف الين نغفى فاغرين فاتحين افواهنا
لنقوم للغد بكل نشاط كل واحد وجهه مختبصه مابين سعابيل و..........
خلوها على ربكم يله بررررب ابروح احزم حقائبي للسيرة
<< يارجال كله كيس مكتوب عليه اهلا وسهلا اي حقائب ههههههههههه
تاليف::::حبـــrakــــبيب بمساعدة عيال الفريج من خلال مواقفهم
اخوكم
ح
ب
ي
ب
r
a
k
06-20-2005, 06:44 AM
العرض الشجري