المصلحجيه ....::
هذي ما تسلم عليك الا فالشهر مره (وايد فالشهر مره ) ... أو بالاصح اذا عندها موضوع كاتبته في المنتدى وتبيك ترد عليه او تصلحلها الجهاز ... بتجيك وتقول فلان حبيبي .. اقولها هلا والله عاش من شافك وين الناااس من زمان ما شفناج .... بتقول والله اختبارات وغثا خلها على ربك ياحياتي !!! ياحياتي وين اصرفها لو قالتها ذيك الرسمية ...(يمدحون بنك المصلحجيه بس ) ... عاد انا متعود على هالحركات اطقها في وجها اقولها ... اها أخلصي شعندج شنو تبين؟ ..... مايمديني اقول لها هالكلمة الا صاكه اللنك في وجهي .... واللي احلى من هذا .. تقول تصدق اني كاتبه الموضوع فيك ( ياروحي صرت ريكي مارتن ... مير انا أحلى منه ... تقاطيع وجهي ازين ... قول ايه بس ) ... والزبده كلها رد على موضوعي وبس
وااااي صج قاللو عني مصلحجيه هاااي الصفات تقريبا تنطبق علي