من سياميووه
فور كرووووزه...
قالـوا تحبـه قلـت ماهـوب بالحيـل
بس انه أغلى شوي من نـور عينـي
يسوى جميـع الجيـل الأول وهالجيـل
أحبـائـي الماضيـيـن والمقبلينـي
شوقي له أعظم من ظما الأرض للسيل
وأشفـق عليـه أكثـر من أم الجنيني
وأحتـاج لـه حاجة ثرى مصر للنيـل
وعليـه أغـار ولو من الوالديني
أشتـاق لـه شـوق المحبيـن لليـل
وأرتـاح له راحـة دمـوع الحزينـي
لا صـار جنبـي لو سنـه وقتي بخيل
ولا غـاب لو لحظـات صارت سنيني
قالـوا يحبـك قلـت هذا هـو الويـل
مـا ودي أنشـد ثم رفضـه يجينـي
وأهـدم رجـأي بدبرتي مثل ما قيـل
والأفضـل أحيـا بالأمـل لو لحينـي
يا حبـكم يـا نـاس للقـال والقيـل
والأمـر لـو سهـل يصبـح مهينـي
خلوني أحيـا في الوهـم يا عواذيـل
وش دخلكـم والأمـر بينـه وبينـي