[خيماويه]

نعم نعم اخ اشحفان حق شو مستغرب:mad: ؟؟

خلاص بقولكم شو سالفتي؟؟
مب انا قايلتلكم انه يوم الاثنين عندي شرح (بروجكت يعني)كنت مشتطه عليه وابغي ايي هذا اليوم بسرعه عشان افتك منه:mad:
واليوم اللي قبله كنت يالسه اسوي حق ارباعتي محاضره بعنوان "اعصبه القربه واهم معاناتها":confused:
وطايحه اقولهم بتتلعوزون لو نطتلكم اعصبه وبخاصه في القربه،وكنت ارمس عن هذي السالفه عشان وحده من ارباعتي ناطتلها اعصبه في ايديها:D
وعاد اقولكم ،المهم ذاكرت وادربت حق شرح يوم الاثنين وامحطيه السنطور على الساعه 6 عشان اقوم اوني واذاكر اشوي كان شرحي الساعه 9 الصبح ،ويوم رن السنطور مستانسه بعمري:D لاني ماظاري اقوم ها الوقت انا حدي 7 وفوق،واقولكم عاد شفت الساعه 6ناشه بصلي اوني وبذاكر اشوي وكنت حتى متعايزه على النشه ،جيه ماسمعلكم هاذيج النقعه :eek: شو السالفه؟؟
ارقبتي انمصعت ونطتلي اعصبه :mad: متفيجه اتنط ،ومب رايمه اتحرك وجان اسوي حفله صغيره في البيت يعني مب وايد زعقت:confused: بس اميه وابوي نشوا :confused: اتخيلوا نحاسه هذا اليوم ،واذا غبت طبعا بخذ صفر
وشرحت والله لا يراويكم شرحي ..اشرح وانا جني تقولون تمثال الحريه:confused:
عاد انا خبرت التيتشر مالنا وقلتله اني ماروم اتحرك في الشرح والله ستر



يالله بعد ان اخبرتكم بقصتي الظريفه؟؟
ماذا نستنتج ؟
وماذا نتعلم من هذه القصه الصغيره يااطفال