غيرك في قلبي ماسكن شخص ثاني ،،، مارام قلبي في غيابك يخونك
ميناك قلبي و انت لي مواني ،،، ارسي على بحرك و اهيم بفنونك
عانيت منك و انت مني تعاني ،،، اشكي فراقك و انت تشكي شجونك
حبك حبيبي في الضماير كواني ،،، كل الجوارح تشتكي من طعونك
لو بإختياري ما إفترقنا ثواني ،،، لا عشت لحظة يا حياتي بدونك
الحال عقبك صار ناحل و داني ،،، لو شفتني بتسيل دمعة عيونك
في غيبتك اشرب مرارة زماني ،،، قلبي و عقلي من العنى يشتكونك
يبغون منك عطف و الا حنانِ ،،، عطف المحبة يعل ربي يصونك
ادمنت حبك و استحل بكياني ،،، لا اقدر اعيش العمر لحظة بدونك