مالك عذر لو تعتذر ما عذرناك ،،، يكفي رجا لا ترتجي من يجافيك
ان كانت الفردوس في كف يمناك ،،، القلب صار ابعد من كفوف اياديك
قلبي مع قلبٍ يحبه و ذكراك ،،، مايوم مرتني و لا مر طاريك
لو تهذي بصوتك ترا ماسمعناك ،،، خل الصدى من عقب صوتي يسليك
رغم الندم لوتندم الدهر بنساك ،،، و على عمى سود الليالي بخليك
انسى ودادٍ في المحبة عطيناك ،،، و اللي مضى و اللي انقضى بس يكفيك
مات الغلا في خافقي من جفيناك ،،، حتى المشاعر ترفض اليوم ترثيك
لا لا تقول الحب قاسي و بكاك ،،، لك قلبٍ اقسى من حجر من يبكيك؟
لك كنت اعظم حلم ساطع بدنياك ،،، لا تظن تنجب لك بمثله لياليك