[خربوطه]

ياااااااهلا فيكم بحلقه يديده من الكيمره الخفيه

الضحيه الثالثه هي

فيرست ليدي

صدناها بكل سهوله وماكانت حاسه بشي واللي في قلبها على لسانها ،،،تقوله بكل تلقائيه .........وعشان جيه حذفنا بعض الاشياء بناءا على رغبتها والسموحه منكم

:action-sm:action-sm
واحب اعتذر من كريزي مون وفتاة راس الخيمة واسطوره لأن يبنا طاريهم في حلقه اليوم من الكيمره الخفيه ههههه ،،،،،،،

المشاركة الأصلية كتبت بواسطة خربوطه

السلام عليكم ورحمة الله

شحالج اختي العزيزه ... من زمان ماشفتج في المتدى ... والله مشتاقتلج وااااااايد .... انا كنت في اجازه واستانست يوم شفت اسمج....

الغاليه الصراحه انا وايد يعيبني اسلوبج وردج على الاعضاء ومشاركاتج وفي اعضاء وايد يمدحونج ،،،، وانا خاطري اتعرف عليج اكثر واكثر إذا ماعندج مانع

كلنا اهل رأس الخيمه ونقدر نتشاوف إذا ماعندج مانع ،، إذا تحبين تزوريني في البيت والله اني بفرح واااااااااااااااايد وبتشرف بزيارتج وإذا تبيني انا ابدي الزياره بعد عادي وبنكون انا وانتي وكريزي مون وبنتعرف على بعض وبنكون اصدقاء وبتحبينا


فكري في الموضوع وانتظر ردج حبوبه

الله يحفظج

لوووووووووووووووول ماعرفتني ويلست ساعتين ادور منو خربوطه وبعدين طرشتلي رساله :

المشاركة الأصلية كتبت بواسطة First Lady

وعليكم السلام ورحمة الله وبركاته

الله يسامحج أختي.. قعدت ساعة بس أدور منوه انتي..

على الاقل اكتبي تحت انا مكسورة الخاطر ولا أنا بنت راك ولا أي اسم من الأسامي القبلانية.. مول ما عرفتج..
كل يوم لج اسم يديد..اثبتي على اسم واحد الله يهداج..متغيرة مثل فصول السنه..

تشتاق لج الجنة الغالية.. بس انتي تعرفين الظروف اللي مرت علي من مرض الوالد ووفاته الله يرحمه.. يعني نفسيتي أبدًا ما كانت أوكي.. وما كنت قادره أدش المنتدى ولا الانترنت..

وتراني رديت من فترة جريبة
وأحاول أشارك باللي أقدر عليه

أكيد اختي بستانس إذا شفتك وتعرفت عليج.. لأنه باين عليج بنت حبوبه وطيبة..
وإن شاء الله الله يكتب اللي فيه الخير..


وتسلمين أختي على رسالتج الحلوه



أختج

First Lady

...

ويوم شفت ردها جيه قلت خل استدرجها واخذ رقمها :

المشاركة الأصلية كتبت بواسطة خربوطه

حلوه منج ههههههههههه
والله مادري انج مابتعرفيني ،، آسفه تعبتج وياي ...

الله يرحم الوالد ... هذي الدنيا... لا تزعلين ولا تفكرين باللي راح

والله اني فرحت يوم شفتج رجعتي تشاركين ويانا

شفتي شصار للمنتدى !!! كان زعلان على غيابج وانفجر علينا وضاعت مشاركاتنا كلها ،،،، سوا اضطراب يباج تردين بسرعه

خلاص حبوبه انتي حددي يوم وانشالله نلتقى على خير ومثل ماقتلج في عضوات غيري بيكونون متواجدين ... بسويلج مفاجأه حلوه بتستانسين عليها


ممكن اعرف اسمج ورقم موبايلج او البيت عشان اتصلج ونتفق

ليششششش ماعطتني من اول رساله وطرشتلي تبي اسمي ورقمي عشان تطمن وبعد تبي تعرف منو ياي وياي

المشاركة الأصلية كتبت بواسطة First Lady

هلا والله أختي..

ما خبرتيني منوه من العضوات بيكون وياج.. عاد ما فيني أتفاجأ فيهم..

وانت بعد ما خبرتيني شو اسمج.. يعني ما يصير جيه أرد على وحده ما أعرفها.. أقصد ما أعرف اسمها..

وتعرفين بعد الأرقام الغريبة شوي اتخوف إني أرد عليها.. يا ريت بس لو تكتبين لي اسمج ورقمج هنيه..

وإن شاء الله يكون شي تواصل ما بيننا


وتسلمين لي عزيزتي

أختج

First Lady

...

طرشت رساله اتمسكن فيها عشان ترتاح لي وتعطيني الرقم وبنفس الوقت خفت تعاند وماترد علي جان اسير واغير الموضوع هههههههههه (( سوري اسطوره لزوم الشغل ))

المشاركة الأصلية كتبت بواسطة خربوطه

مرحبا اختي فيرست ليدي
مشكوره على الرد حبيبتي

اللي تبين تعرفينه كله بخبرج اياه في التلفون ... خليها مفاجأه واطمني وصدقيني مابتندمين وانشالله مابيستوى إلا كل خير

ثقي فيني وانتي تعرفيني انا من زمان في المنتدى لا تخافين من شي


صدق اللي سمعته انه اسطوره اختج !!!!!! وانج ماتحبين حد يعرف الموضوع !!!

انا لما عرفت تفاجأت لانهم قالولي انكم توأم :55: الله يخليكم لبعض

انا سمعت وايد عن هالسالفه .... انتو الثنتين تدخلون باسامي بعض وانتي سويتلها واسطه عند فتى راس الخيمه عشان يرقونها لمراقبه .... وفتى راس الخيمه يسمع كلامج ومايرفضلج طلب

صدق هالكلام ؟؟؟


اذا ماتحبين تقولين عادي والله مابزعل بس حبيت اتأكد لانه الواحد مايصير يصدق اي كلام يسمعه

الله يحفظج وتصبحين على خير

ومره ثانيه صدقتني فيرست ليدي وقااااااااااااااااااالت الي في خاطرها كله

المشاركة الأصلية كتبت بواسطة First Lady

هلا أختي..

شو هاي الإشاعات الخطيرة كلها XXXXXXXXXXXXXXXXXX

عزيزتي ماشي من اللي انت صح.. أنا لا إني عندي توأم ولا شي.. يا ليت والله جان بتسلى وياها..
على فكرة أسطورة بعدها تدرس في الجامعة وبتلاحظين هذا الشي من ردودها.. يعني هي أصغر عني.. وأنا ما عندي أخت أصغر عني للأسف الشديد.. جان طلعت كل شجاعتي عليها

وبعدين أختي أنا لا سويتلها واسطة ولا شي.. هي عندها واسطة ثانية غيري أنا
وما يخصه إن فتى راس الخيمة يسمع كلامي.. بالعكس الشي الصح يسويه..والشي اللي يعني مب صح ما يسويه.. يعني عادي تعاملي وياه.. لا تطلعين عليه إشاعات هو الثاني تراه معرس ما أروم على المشاكل ويا حرمته يا بنت الحلال

على العموم..

إذا كنتي حابه تتعرفين.. هذا رقم موبايلي
XXXXXXXXXXX (( اللي يباه يخبرني :64: ))

وإن شاء الله نسمع صوتج قريب


أختج

First Lady

...

بخليكم مع الرسااااااااااااااااااااااااااااااايل

المشاركة الأصلية كتبت بواسطة خربوطه

هلا فيرست ليدي

كيف الحال؟؟ اخيرا رديتي علي ،،، اترياج من البارحه ،،، بس فاجأتيني،،، معقوله كل هذي اشاعات !!!! بنعرف الحقيقه يوم بنزوركم في البيت ،،
بسسس والله حاسه اني ثقيله عليج ،،، انتي قاريه الرساله من امس ومارديتي عليه غير اليوم ... شكلج متردده او ماتبينا نييكم صدقيني مانزعل قولي الي إذا ماتبين عااااااادي والله عاااااااااااااااااااااااااااااادي ودامج اصغر وحده يعني بتكونين بروحج كيف جيه!!! احسها صعبه عليج ... خلاص اختي هونا ،،، بنسير منار بس عطيني فرصه بخبر كريزي مون تحجز لنا مكان خاص في الكوفي


منوووووووووووووووووو واسطه اسطوره ؟؟؟؟؟؟ دخيلج خبريني بخليه يتوسط لي عند فتى راس الخيمه،،، الله يخليييييييييييييج لا ترديني ... وإذا تعرفين رقمه عطيني اياه بخلي ابوي يرمسه ويقوله هله هله في بنتي هههههههه

انتظر ردج حبيبتي وقولي الي في خاطرج ترانا خوات والله اني حبيتج مثل اختي

المشاركة الأصلية كتبت بواسطة First Lady

هلا عزيزتي..
شخبارج..

لا تحطين في بالج الغالية
بس تدرين البارحة كانت نفسيتي شوي زفته.. حتى لو تلاحظين ما كتبت شي في المنتدى بكبره.. ما كان لي خلق..
وبصراحة ما كنت أبا أرد عليج رد مب حلو.. عسب جيه اترييت لحد نفسيتي ما تكون أحسن وأكتب لج الرد
هاي كل السالفة ولا تحطين في خاطرج مني

وبعدين عزيزتي أنا ويهي مو ويه مقاهي ما مقاهي.. ما لي خص بهاي السوالف ..
حياج الله في بيتنا في أي وقت.. بس عاد في نص الأسبوع.. تعرفين آخر الأسبوع حشرة الشباب كلهم في البيت يايين من دواماتهم..

وصدقج صعب وايد لما تكونين أصغر وحده.. بس ترى شي أولاد اثنين أصغر عني أطلع حرتي فيهم

عن واسطة أسطورة.. امممممممممممممممم
XXXXXXXXXXXXXXXXXXXXXXX
فيلا.. ترومين على هاي الوساطة
وبعدين انتي كنتي مشرفه وبروحج تنازلتي يا حظج
والله راحه..
شكلي بسوي شراتج وبتنازل عن الإشراف.. أريح محد يشتكي عليج ولا يسوي لج حشره

وتسلمين أختي على كلامج الحلو


وسي يو


أختح

First Lady

...

آسفه فتاة راس الخيمه حشرتج في الموضوع وعمري ماشفت منج شي مب زين ،،، لا تاخذين على كلامي

المشاركة الأصلية كتبت بواسطة خربوطه

لالالالالالالالالالالالالالالالالالالالالا كله ولا فتاة رأس الخيمه ... مابا واسطتها ،، الله الغني ... مضاربه وياها وهي الي جبرتني اتنازل عن الاشراف .. كانت تهددني يوم كنتي غايبه عن المنتدى والحين فهمت ليش كانت نافخه عمرها ،،،، طلعت تعرف فتى راس الخيمه


طلعتي تعرفين وايد اشياء عن الاعضاء ... مب سهله يا فيرست ليدي :angry-smi

المشاركة الأصلية كتبت بواسطة First Lady

ليش عاد.. ترى فتاة راس الخيمة وايد حبوبه

حتى مرة يتني البيت لما يت من الحج.. كانت يايبه لي الصوغة..

بس علاقتي وياها مب هاك الزود.. يعني مرة وحده بس رمستها بالتلفون.. واستحي اتصل فيها عشان يمكن ريلها يكون حذالها وهي كله تكون مشغوله.. بس هي ما شاء الله عليها طيوبه..

منوه قص عليج.. تراني ما أعرف شي عن الأعضاء.. مثلا ما أعرف عنج انتي شي

سي يو الغالية

المشاركة الأصلية كتبت بواسطة خربوطه

زين والله

يستاهلون كل خير والله يسعدهم

بس شمعنا انتي الي تزورج وتييبلج صوغه ليششششششششش انا ربي غير ههههههههههههه

خبريها تروح الحج وتييبلي الحين الحين ماليييييييي خص اباااااااااااا مثلج

المشاركة الأصلية كتبت بواسطة First Lady

توج مضاربة وياها.. والحين تبينها تييب لج الصوغة

خلاص ولا يهمج.. بخبرها..XXXXXXXXXXX:D

وانتي بعد يايه من السفر وما يبتي لي صوغة.. أسولف تراني مو تصدقين

وآآآآآآآآآآآآآآآآآسفه يافيرست ليدي على المقلب وتعيشي وتاخذي غيره
:action-sm