[مــــــشاغبه]

[ALIGN=CENTER]

كـــــــــــــــــح :o أحم

وبعد النجاح الباهر الذي حققته مشاغبووه في الموضوع الاول من مذكراتي :D

خوزوا لا ...

المهم ..شوفوا الموضوع وقول شو رايكم وشو بيكون موقفكم لو كنتوا مكاني:rolleyes:


في يوم من الايام .. في سائر العصر والاوان

أحنا وين قاعدين في أي عصر :D

المهم ...

مره وأحنا يايين من بيت خالتي .. قعدنا أنا والوالده أنسولف .. ونرمس لين الساعه 2 الفير..

بعدين كل واحد دخل غرفته ------> أكيد غرفته عيل غرفتج :D


وقمت الصبح .. عسب أشوف الساعه كم ..أدور موبايلي وينه ..

ما حصلته .. نقزت من مكاني .. طلعت الصاله

الوالده: بسم الله من وين طلعت الشمس اليوم .. ليش قاعد ألحين

أنا : وين موبايلي..

الوالده .. : تضحك

أنا : جي أنا نكت شو :confused:. ؟ موبايلي وين.؟

وطالب كان وياها ..

والوالده تضحك .. شكيت في طالب..طالب وين موبايلي..؟

طالب: ها

أنا : وين موبايلي.؟

طالب: ها

أنا :

الوالده: موبايلج راح يستبح..

أنا : يستبح ؟؟ :confused:

الوالده: طالب دخل غرفتج وخذ الموبايل ولعب فيه وفره في الماي..

أنا: موبايلي يديد .. بعدني ما فرحت فيه .. والكولج يايه .. وألحين شو أسوي ..

الوالده: خذي موبايلي..

أنا : شو أخذ موبايلج ..أنا مالي خص أتصرفي ... وخذيته ودحنته ع الظهر.. بس للاسف الوالده خذته بعد عسب ما أضربه..

واللي خلاني أموت من القهر .. طالب قاعد يضحك ومتشقق .. وأنا شوي وبمط شعري

شفتوا عاااااد .. القهر بعينه وعلومه [/ALIGN]