[الخاطف]

هذي الكبيره كبر هذي الدنيا
هذي العظيمه جل من سواها
ابكي علييها مو نهار وليله ...
ولا سنه تمشي واعد قضاها ...
ابكي عليها كثر ماشالتني ...
وكثر الحنين الي اختلط بغناها
وكثر الاسامي وكثر من سموها
وكثر النجوم وكثر من يرعاها ...
ابكي عليها من القهر يادنيا ..
من لي انا من لي عقب فرقاها
من فتحت عيني ولا خلتني
شوفوا ولدها بالقبر خلاها ...
هلت تراب بوجها ماقصر ...
شوفوا ولدها وشلون جازاها ..
لو انها مكاني ماسوت
لكن عز اعيالها سواها ...
يالله عساها بالنعيم الخالد ..
يالله عساها بجنة عدن سكناها ...
يافضى هذى الكون ياهو خالي ..
ياضيق هذي الدنيا يا مقساها ..
يامر طعم فراقها يامره ...
ماني مصدق ارجع وملقاها...
وشلون اجي غرفتها وماهي فيها
وش عذري لسحبتها ومصلاها ...
شقول لدولابها وشنطتها
واذا سالني مشطها وحناها ...
وعباتها وماي زمزم ومصحفها ودواها ...
الكل في غرفتها متفقدها ...
الكل يبكيها موناسيها ...
ياليتها ماراحت وخلتني ...
او وسعت لي بالقبر وياها ..