عسى مازعلتك البارح ..وزودت الجراح جراح ..
عسى مامرت الدمعة ...على هدابك من اسبابي ..
جرحتك ..من كثر شوقي ..وخليت الكلام رماح ..
ولا ادري شلون ياعمري ...طعنتك حيل بعتابي ..
بدون شعور صدقني ...ترا كثر الغلا ذباح ..
تعال وشوف بغيابك ...غلاك شلون سوابي ..
حرام تغيب من عمري ...وتعطيني الفراق وشاح ..
حرام الدمع في عيني ...مانديله هي اهدابي ..
غيابك يشغل عيون الزوايا ..ويمتلي اشباح ..
وانا انثر صوتك بقلب المكان واشعل ابوابي ..
تلفت دام الرجا في عمري الملواح
اناديلك ولو شرهة وصولك تقطع اعصابي
ابيك الجاي من عمري انا مابيك شي وراح
مدامك اجمل واخر ..مدامك اول احبابي ..
ابي ارتاح ياعمري وانا ادري هم تبي ترتاح
تعال ترى قبل ماافرح ترى تفرح بك ثيابي
احبك يابعد عمر الحزن والجرح والافراح
احبك كثر مانامت عيونك داخل اهدابي ..