[الخاطف]

امين


عسى مازعلتك البارح ..وزودت الجراح اجراع
عسى مامرت الدمعه على هدابك من اسبابي
جرحتك من كثر شوقي وخليت الكلام ارماح
ولا ادري شلون ياعمري ..طعنتك حيل بعتابي ..
بدون شعور صدقني ..ترا كثر الغلا ذباح ..
تعال شوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله في اهدابي
غيابك يشغل عيوني الزوايا ويمتلي اشباح
وانا انثر صوتك بقلب المكان واشعل ابوابي
تلفت للامل دام الرجا في عمري المنواح
اناديلك ولو شرهة وصلوك تقطع اعصابي
ابيك الجاي من عمري انا مابيك شي وراح
مدامك اجمل واخر مدامك اول احبابي
ابي ارتاح ياعمري وانا ادري هم تبي ترتاح
تعال وقبل ماافرح ترا تفرح بك ثيابي ..
احبك يابعد عمر الحزن والجرح والافراح
احبك كثر مانامت عيونك داخل اهدابي ....