¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

• مدرب الظفرة ينهي الحديث عن خطة اللعب ويقول : فاهمين ياشباب ؟ المدافعين ولاعبي الوسط والمهاجمين ، كل لاعب عرف مهمته ، أما الحكم فلاعب حرّ .
..

• ظفراوي في النادي قاعد يتفرج على الكيسان والدروع ، شاف من ضمنها ( صفّارة ) سأل عنها ، قالوا له : " هذي اُم البطولات ".

•• حكم ضيّع الشيك اللي معطيه له عضو شرف الظفرة، جاء يركض ويقول : "ضاع الشيك يا طويل العمر، ما تنعاد المباراة وأفوزكم مرة ثانية ؟ ".

• ظفراوي جابت زوجته توأم ولد وبنت ، سمى الولد ( حكم ) ، وسمى البنت ( رشوه ) .

• سألوا ظفراوي مخضرم ، متى حقق الهلال بطولة مستحقة ؟، قال : " في الواقع وأنا صغيّر أذكر حاجة زي كذا .

• ظفراوي نايم ، حلّم أن فريقه خذ بطولة بجدارة واستحقاق ، قام مفزوع وقال : " اللهم اجعله خير ".

• واحد يغازل وحده في التلفون ويقول : " أحبك حب الشباب للقهاوي وحب المريض للتداوي وحب الظفرة لدفع الرشاوي ! ".

• حكم طفران راح للبنك يشوف كم بقى له في الرصيد ، تفاجأ بوجود مبلغ محترم في الحساب ، قال : " إيه صح ..... بحكم مباراة مهمة للظفرة الأسبوع الجاي ".

• سؤال لنادي الظفرة : متى فزت ببطولة مستحقة آخر مرة ؟. قال الهلال :" في الحقيقة ..... في الواقع ..... بصراحة ........ لحظة .... إصبر أتذكر ".

• عضو شرف ظفراوي مهم يقول للحكم : " تستاهل ، هذا شيك وهذي شارة دولية " قال الحكم : " أموت أنا في المفهومية ".

• طفل يقول لأبوه الظفراوي : " ليش الطلاب يقولون الظفرة عقيم ؟. قال أبوه : " قلهم وانا أبوك ترى فيه أطفال أنابيب ".

• طفل ظفراوي لأخوه : " اُمي تقول : "طلّعوا نادي دبي من الدوري علشانه سعلو بياكلنا " .

• معلق كوره : " الكوره مع داين فاين يباصيها للحكم خذ وهات مع عادل مطر ... ياسلام قول ظفراوي حــــلو " .

• حكم يبي يحكم مباراة الظفرة طرف فيها ، مغصه بطنه وهو في الملعب ، راح يركض وهو يصيح : " الله لا يبارك في الظفراويين ولا ساعتهم ولا عزايمهم اللي ما تجي إلا عند المربّع والمباريات الحاسمة ! ".

• الفتاة لأبوها : "يبه ، شرطي في الزواج ، إن نادي الظفرة يحقق بطولة بجدارة ومن عرق جبينه" . قال ابوها : "أجل عزّ الله عنستي يا بنيتي ".

• كأس ضاع من دالوب الظفرة وقاعدين يدورون عليه ، قال واحد : " إن كان حلال نبي نلقاه " قال ظفراوي : " أجل عزّ الله ضاع " .

• مدرب الظفرة يقول خطته بحماس : " ياشباب اسمعوا ، إذا جت الكوره معكم كلكم هاجموا ، وإذا جت الكوره عليكم كلكم امسكوا حارس ".

• نظام الفيفا الظفراوي الجديد يقرر : ( آخر لاعب يعتبر حارس مرمى ) .

• ظفراوي يقول لوحده يحبها : " تتزوجيني واعطيك شقه هديه " ، قالت : " أنا موافقة بس ياخذ الظفرة بطولة بعرق جبينه "، قال :" ما ينفع عمارة كاملة وتنسين الموضوع ؟".

• واحد يقول لظفراوي : " افرض انهم صنعوا حكم آلي وش تسوون ؟ قال : بس ، بسيطة ندخل فيه كارت أزرق وأبيض ".

• الأبلة : قولي انشودة يا شاطرة . الطفلة : حطة يا بطة ... شيلي الشنطة ... فوق التندة .... لأبو زندة ..... فيها قهوة ..... وبوسه ورشوة .

• مدرس دين : " عرّف الرشوة يا خالد ". خالد :" الرشوة يا أستاذ ، هي شيكات ودراهم يدفعها الظفراويون للحكام ".

• جنيّه دخلت في ظفراوي ، ودوه لمطوع يقرا عليه ، قالت الجنيه : " ما أطلع إلا برشوه ".

• ظفراوي: " نعم .... حققنا بطولاتنا بعرق جبينا ". جبينــه : " لا تنصب ، حققتم بطولاتكم بعرق جبين الحكام ".

• صفّارة تقول : " لعنبو ذا الحكم ، إذا صار فيه فاول أو هدف للظفرة ، من الحماس يتفل فيني ! " .

• معلق رياضي دائماُ يخاف من صحف الظفرة يعلق على مباراة : " اوووه كوع ظفراوي وجه لاعب نصراوي ، عفواً قصدي وجه اللاعب النصراوي تضرب كوع اللاعب الظفراوي ".

• معلق رياضي متعود على المهازل يعلق : " هجمة خطرة على الظفرة ، يا سلام يطلعها المدافع عادل مطر بأيده وتروح الكوره لنص الملعب وهجمه ظفراوية خطره.... و .

• ظفراوي حك فانوس طلع له العفريت وقال :" شبيك لبيك إدهن سيري وأعطيك .

• ظفراوي زلق في دورة المياه ، رفع يده يبغى بلنتي .*******

• حكم لزوجته : " يا حرمه وين شيك مباراة الظفرة والظفرة اللي عطانيه عضو الظفرة ؟. قالت زوجته : " هقوتي إنه في الدولاب مع شيك مباراة الظفرة و النصر ".

• محلل رياضي في دبي الرياضية : " فيه بلنتي على الظفرة ما حسبه الحكم ". قال عضو ظفراوي : " أفا ، نسينا المحلل ما عطيناه شيك ".

• حكموا على واحد في قضية اغتصاب ، قال : " تحطون حرتكم فيني ، هذا الظفرة كل يوم يغتصب البطولات ما قلتوله شيء ".

• وحده تقول لواحد مواعدها بالخطبة والزواج : " تراني بعتمد عليك مثل اعتماد الظفرة على التحكيم ".

• حكم ماسك سرا يشتري خبز ، قاله الخبّاز : " فين فلوس ؟ " ، قال الحكم : " حسابك عند الظفراوي اللي وراي ".

• مدرس مسك طالب يغش ، قاله : ليش تغش يا فهد ، قال الطالب : " ابعد يدك ، أنا ظفراوي ".

• حكم له طفل رضيع قاعد يرضع من أمه ، وخّر عن صدر أمه وقال : " يمّه قولي للظفراوي يعطينا سيرلاك ".

• حكم مات ، يوم فتحوا خزينته لقوا ضميره مخبيه مع أوراق وصكوك .

• حكم طفران ، قاد مباراة فوّز فيها الهلال بالطريقة المعتاده ، عياله جالسين يتفرجون على المباراة في التلفزيون ، يوم انتهت ، قاموا يقامزون فرحانين ويقولون : " يا سلام يبي يجي ابونا ومعه شيك ونسافر في العطلة ونتمشى ".

• حرمتين يتحادون، تقول وحده : " أبغى ولدي يطلع عسكري راتبه كبير ومعه بندق يدافع عن الوطن ، قالت الثانية : " وأنا أبغى ولدي يطلع حكم ومعه صفّاره تفوّز الظفرة ويعطونه مكافآت أكثر من راتب ولدك ".

• فيه داشر جاء لم واحد عقيم ، قاله : ليش ما تسوي زي الظفرة عقيم بس يبشر كل شوي بولد ؟.

• نادي الظفرة قاعد يحتفل ببطولة ، قال واحد من مسئوليه :" حققنا البطولات بالتعب والجد والاجتهاد "، فجأة سمعوا صفارة ، التفتوا لقوا حكم يقول : " واللي سمعتوها قبل شوي وين راحت من التكريم ؟ ".

• لاعب ظفراوي تفل على الحكم ، قاله لاعب من الفريق الثاني شاف الحادثه :" يتفل عليك وما تطرده ؟! "، قال الحكم : " تفله تفوت ولا شيك يموت ".

• خوينا المعلق اللي دائماً يخاف من الصحافة : يا ساتر ، لاعب ظفراوي يشوت رأس لاعب نصراوي ، عفوا آسف ، قصدي اللاعب الظفراوي كان مرتبك وشات رأس اللاعب يحسبها كوره ".

• حكم طفران، أتصل على عضو شرف ظفراوي وقاله : " أبغى دراهم وقدرها "، قال العضو : " وين راحت الدراهم اللي عطيناك قريب ؟ " قال :" اسمع ... المباراة الجاية بعطيكم بلنتيين والثالث مجاناً ".

:oh