كرسي الاعتراف في ضيافة .......uaeson
 

[align=center]بناءا على تصويت الأعضاء .. في هالموضووع بيكون رابع من يجلس على كرسي الإعتراف هو (uaeson) .. [/align]

[align=center]uaeson[/align]
[align=center]تفضلوا يا أعضاء بالأسئلة .... بس عاد لاتهلكوون ضيوفنا الكرام خخخخخخخخخخخخخ

كل عضو عنده أي سؤال يحب يوجهها لضيفنا .. إسإلواااااااااااا ولاتستحووون

الغرض منه هو زيادة التعارف بين الأعضاء

طبعا بيكون مدة كل مرشح أسبووووووووووووع واحد .. ومن ثم ننتقل للعضو التالي ...

شاكر تعاونكم

أخوكم

قصة حبيبين [/align]

[align=center]خخخخخخخخ الله يعينك ولد الامارات [/align]

نجوم ما خليت سؤال ما سالته .... الحين انا شو اساله .؟؟؟؟؟

اولا مشكورين والله يعيني انشاء الله

راح ابدأ مع نجوم واجيب ع اسألته احم احم بسم الله الرحمن الرحيم

1) من هو uaeson (بطاقتك الشخصية)
سالم عبدالله طالب في البعثة الخارجية لدولة الامارات في بريطانيا

2) شو هوايتك المفضلة؟؟ اامممم مافي شي محدد الصراحة بس من ضمنها الكمبيوتر وركوب الخيل

3) شو أكلتك المفضلة؟؟
البيتزا ^_^ ولازم من مطعم ايطالي بعد

4) شو المشروب المفضل عندك؟؟
الكوفي بأنواعها بس يضل الاسبريسووو غيرررر

5) ثلاث وردات تهديها لمن؟؟ اممم وحده حق امي وابوي والثانيه حق اعز ربعي والثالثة حق اعضاء منتى راك تو راك

6) ثلاث أشواك تهديها لمن؟؟ ولا لاي حد مع انه وايد اشخاص يستهالون هاي الهدية

7) أوصف لنا الأعضاء التاليين في ثلاث كلمات:
* القناص عضو مثال للطيبة والاخلاق العالية
* نجم سهيل عضو مرح
* رحال المعيريض روح الدعابة في راك توراك
* عذب المعاني عضو متزن مثقف
* نسيم البنفسج عضو ظريف تعتمد عليه اوقات الحاجة
* نوار عضو ذو شخصية فريده ناجح جدا في طرح الحوارات والرد عليها
* ليتني طفلة عضو مبدع وخلوق
* كريزي مون عضو متقلب المزاج احيانا
* تنافس القمر عضو فعال في التواصل مع الاعضاء وصاحب اخلاق رفيعة

8) المكان المفضل عندك في راك؟؟
ستار بكس المنار ^_^

9) شو شعورك وإنت جالس على كرسي الإعتراف؟؟ خبرنا جان ضيق بنوسعه لك خخخ يالدب؟؟ خاااااااااااااااايف وايد عن اخورها بالرمسه تعرفوني هههههه بس نجوم مب ضيق قول واسع وضيقووو خخخخخخخخخخ

10) تحب الشعر؟؟ ومنوا شاعرك المفضل؟؟ امم انا مش من النوع المتابع جدا للشعر ولكن مرات احس اني احب اسمعه اكثر من قراءته وووعندي صديق عزيز علي كان يكتب شعر عشان جي بديت اقرى شوي اما عن شاعري المفضل عندي شاعرين

خالد المريخي شعره عاطفي مع لمسات فكاهية جميلة الصراحة
والشاعر الامارتي جمعه بن نايم الكعبي بعد شاعر جميل الصراحة

11) شو نوع موترك؟؟ هوندا اكورد ^_^

12) شو نوع موبايلك؟؟ اممم انا مب من النوع اللي يهتم بالموبايلات كثير ع الاقل في السنوات الاخيرة لانه صرت ااؤمن باللي يقول المهم الشي اللي يوصل المكالمة ومب الكشخة واخر موديل ومبايلي هو والدمعة

13) الماركة المفضلة عندك من العطوور؟ سكادا ولانكوم اللي هو عطر بويم

14) شو تسوي في المنار 24 ساعة طايح لي في ستار بكس هاه؟؟ ههههه كيف عرفت ها السر الخطير ؟؟؟؟؟

15) ليش تحب بروس ويليس؟؟ امم سؤال صعب اولا شخصية جذابة بغض النظر عن الديانة او الجنسية او او ع فكرة اهو الممثل الرسمي لجمعية تبني الاطفال في اروبا
احس انه شخصية فريده من نوعة تمتزج بين الجدية و روح الدعابة

16) شو الفيلم المفضل عندك؟؟ طبعا هوستج ورايز اب ميركيري تبعول بروس ويلس ^_^

17) كم مقاس نعالك؟؟ ليششش كل ها الاحراج خخخخخخخخ 40 والله

18) أي قسم من أقسام المنتدى يعجبك؟؟ اكيد التسالي بس والله اني امر ع الاقسام اللي قبل اول

19) أحلى مسج في تلفونك؟؟ مسج من شخص عززززيززز وايد كان مسافر وطرش لي
انا وصلت الامارات

20) شو رايك فيني خخخخخخ ؟؟ تعبت من الأسئلة .. ؟؟ وشو دعيت عليي؟؟
لا ما دعيت عليك فديتك والله بس انا مستعيل كنت بظهر مشوار جي خخخخخ وانا موجود ولي رجعه انشاء الله يلا فديتكم باااي

يسلمو ولد الامارات على صراحتك .... خاطري اسال بس نجوم ما خلالي شي ....

لا تقصرون فيه اشخلوه من اسراره

هو اللي طلب ويتحمل

ربي يوفقك اخويه فبعثك ويعطيك العافيه

شو أكلتك المفضله ؟؟؟


شو رايك في منتدى راك ؟؟؟


هل تؤمن بالحب ولا رايك فيه انه لعب يهال؟؟؟؟

شو لونك المفضل ؟؟؟وليييش؟؟؟


شو الشي الي تسويه اول ما تنش من النوم ؟؟؟


منو قدوتك في الحياه ؟؟؟

هل انعجبت مره في شخصيه معينه ؟؟؟ ومنو هاي الشخصيه ؟؟؟



السموووحه على الاساله .... والله الصراحه ما اعرف شو اسال ....خخخخخخخخخخخخخ

عذب المعاني
هلا وغلالاااا


احم احم


بســـــــــــــــــألك

شو اسمك الحقيقــــــــــــي ؟! امم قلته قبل ^_^ سالم عبد الله

تحب الســــــــفر ولا ؟! كنت احبه لانه احس يعطين اشيااء اكثر بوايد من البيزات اللي انفقها ع الرحلة بس اللحين بطلنا مليت
لو كنت في هالموقف

1 -((حبيـــــــــــــت شخص و عشت معاه اجمل ايام عمرك ... و بعد خمس سنين يا اعز ربعك و خذ منك هالحبيب ... شو بيكون موقفك ؟! بتخليهم مع بعض ... ؟!!
بتتمسك في حبيبك و بيكون عندك امل انه بيرجع لك ..؟؟!!
ولـــــــــــــــيش ...؟!

اولا ما راح اضحي بربيعي لو عطاني سبب مقنع للي دفعه يسوي ها الشي كلكم بتستغربون صح بس انا بفكر لابعد من ارنبة انفي مثل مايقولون راح افكر بالثقة للي عطيتها للانسان الثاني دام انه هانت عليه عشرة العمر والخمس سنين اكيد راح تكون مجرد نزوة مع اعز ربعي وبتحصل غيره

بختصار اكيد انه انسان مايستاهل حثاله كل يوم مع حد ولا ابغي يرجع لي وبقول خسارة فيك حبي خليك متهني وعايش بشوف لوين بتوصل اكيد بيي اليوم اللي اضحك فيه عليك
للاسف كنت ساذج ومجرد لعبة بين اديك

البيتزا ولازم مطعم ايطالي 100%

شو رايك في منتدى راك ؟؟؟

منتداي المفضل والله ودرت كل المنتديات وقمت اعسكر هني غيرررر

هل تؤمن بالحب ولا رايك فيه انه لعب يهال؟؟؟؟
اكيد اؤمن ونص بعد والحب هو ملح الحياة اصلا

شو لونك المفضل ؟؟؟وليييش؟؟؟
الاسود احسه يركب علي وااايد وكفاية انه ملكي ع الرغم انه يقولن كله شكله نحس وهم وغم

شو الشي الي تسويه اول ما تنش من النوم ؟؟؟
اغسل ويهي خخخخخخخخخخخخخخخ لا قبل اجيك ع الموبايل في حد متصل ولا وايلس اطالع ويهي في المنظره نص ساعه خخخخخخخخخخخخخ

منو قدوتك في الحياه ؟؟؟
محد

هل انعجبت مره في شخصيه معينه ؟؟؟ ومنو هاي الشخصيه ؟؟؟
اكييييييييييييييييييييييد وهل يخفى القمر اكيد بروس ويلس
خخخخخخ





لا عادي ومشكووووره

لحظة شوق


شو رايك في الغربه ؟ اكيد صعبة على كل احد بس تجربة حلوه تعلم الشخص اشياء وايده خاصة لو كان في اول شبابه

في فرق بين غربه في بلد اجنبي وفي بلد عربي اذا كان المغترب عربي الاصل ؟
اكيد ها الشي ع الاقل في بلد عربي احس انه الواحد يضل حاس انه في ماكن قربيب من اهله من بلاده وجي

وهل اللى عايش في الغربه مرتاح والا لا واذا مرتاح ليش ؟؟
والله اختي حسب في ناس ترتاح وفي ناس من النوع اللي ما ينام إلا ع فرشة سريره ع قولتهم
اما انا تبين الصج مرييييييييح ع الاخر يعني المكان اللي عايش به تحسينه منظم مافي حد يخرق القوانين الواحد يمشي بموتره وعيونه مغمضه وايد اشياء حلوة
بس بعدي اشتاق حق راك واهلها

يا الظالم تقعد تشوف ويهك في المنظره نص ساعه ..... انا ما اطيق اشوف ويهي .... ويا ويله الي يكلمني كلمه بس ........خخخخخخخخخخخ .... استوي شريره ...

كااااااااااااااااااك هيه نسوم ش اسوي مشكله

صج انك مشكله .... الله يعينها عليك بس ...........×خخخخخخخخخخخخخخ

بسم الحمد الله ويهي حلو ينطالع يعني ما ازيغ منه

ههههههههههههه ..... انزين انزين خلاص حلو .........خخخخخخخخخخخخ

ما شاء الله اخوي نجم سهيل بروحه ما خلا اسئلة ما حطها ...ما ينلام من الاسئلة اللي س

تسلم اخوي على رايك فيني ...

انا عندي سؤال واحد بس ،،، امس وانا تناقش وياك يا في بالي

شو تدرس وانت الحين سنة كم في الجامعة؟؟

ما ادري اذا حد من الاعضاء سألك هذا السؤال والا لا؟؟[/align]

الاخت نوار الاجابة ع سؤالج ^_^

شو تدرس وانت الحين سنة كم في الجامعة؟؟

الله يسلمج مخلص الاساسي في الكلية ومدته سنة وثلاث شهور ويت داش في التخصص
تعرضت لحادث وكان لازم ارد اسوي عملية وكنت مختار تخصص طيران بس للاسف مادشيت به ورديت البلاد كورس كاامل والحمد الله انا بخير اللحين واقدر اكمل الكورس الياي اللي هو 9 في تخصص ادارة الاعمال والله يوفقنا انشاء الله ^_^

هي هي عندي سؤال ...

شو الحادث الي سويته ؟؟؟ واذا ما تبا تجاوب عادي ؟؟؟؟

حادث سيارة ويا راسج ش بيكون كنت ويا واحد عبببببببببببببيط السيارة جدامه وهو ولا على باله !!!! وتوبه اركب وياك

هههههههههههههههههههههههااااااااااي .... حد قالك تركب ويا واحد جوووله ...خخخخخخخخ

الظاهر كان احول بس الله ستر والله

هههههههههههههههههههههههه حرام عليك لا تسب الريال .... هذا قدر ومكتوب .,..خخخخخخخخخخخ

والنعم بالله بس مب لكل شي سبب والسبب الريال الاحول حسبي الله عليها اللي قاهرني طالع يضحك وهو متكسر ش يضحكك عمى بأللبك

اخافه مسجل هني ويشوف

امبيييه

بجرح مشاعره والله

حرام

بس خلاص انتي كله منج

هي الحين ردها علي .... عيل احسن الي استوابك تستاهل .......خخخخخخخخخخخ

خيبه خيبه هذا من متى راكب على الكرسي الاعتراف وانا اخر من يعلم


اوييييييييه اانا شكلي مضيعه *_*

متى صار هاه كله اقوووووووول ولد الامارات شو اسمك بالكامل واليووم اي يووم وجم التاريخ

وبعدين نسووم هاه كله سوالفج والا اسئلتج خخخخخخخخخخ

خخخخخخخخخخخخخخخ كريزي مون عادي ماخذه المنتدى على حسابي ... ترا المنتدى مال الوالد ما تدرين ..........×خخخخخخخخخخخخخخخخخخخخخخخ

لوني المفضل الاسود

اخر رعب قبل سنة كنت في بريطانيا خخخخ وفلم جددديم مسخرة لاني ما اشوف افلام رعب

وت يو ديد لاست سمر خخخخخخخخخخخخخخخخخ

مااااااااااال اول .... الحين يحطونه على جنل تو ....خخخخخخخخخخخخخخخ

ادري ويا راسج حتى هناك شايفنه ع قناة الافلام بس ما حب اصلا انا الرعب احسه تافه اونه زيغة ومدري شو وعقب شو كله خيال في خيال