¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬ - إذا يبتوا عيال شو بتسمونهم انشالله ؟؟؟(موضوع للمشاركة)

صفحة 1 من 2

عرض 40 مشاركات من هذا الموضوع لكل صفحة

¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬ (http://www.rak2rak.net/vb/index.php)

- منتدى التسالي والترفيه (http://www.rak2rak.net/vb/forumdisplay.php?f=18)

- - إذا يبتوا عيال شو بتسمونهم انشالله ؟؟؟(موضوع للمشاركة) (http://www.rak2rak.net/vb/showthread.php?t=16215)

الغريبة

10-07-2003 04:28 PM

إذا يبتوا عيال شو بتسمونهم انشالله ؟؟؟(موضوع للمشاركة)

[ALIGN=CENTER]السلام عليكم ورحمة الله وبركاته ...

هذا الموضوع موجه للكل ( الشباب والبنات)

احب اعرف آراءكم وأذواقكم

اول شي اذا تزوجتوا فكم طفل تبون تنجبون (عدد الاولاد والبنات)

وثاني شي : شو بتسمون كل واحد من عيالكم ؟؟

:D:D:D:D يلى اتريا ردودكم[/ALIGN]

________________________

وانا بعدين بكتب ( بس خلى افكر زين اول)

عوافي

10-07-2003 04:30 PM

سؤال حلوووووووو
يالغريبه يسلمووو
:p

انا اذا الله لا راد انشالله :confused: و تزوجت :p

ابا اييب ولد و بنت
بس
و بسميهم
اممممممممممممم
الولد
حميد
و
البنت
شما
:rolleyes:

و انتي ما خبرتينا ؟؟؟
:rolleyes:

الغريبة

10-07-2003 04:38 PM

تسلميييييييييييييين على المشاركة عوافي ..
حلوه الاسامي ...

صبري اشوي عليه ...
ابا افكر فيهم كلهم ..
انا ما ابا اييب واحد ولا اثنين
انا انشالله ابا اييب جيش ... عشان اسوي مملكة حقي .. ههههههههه

عوافي

10-07-2003 04:41 PM

:D:D

زين سوي فريق كرة قدم
:confused:

كهربجية مشوطة

10-07-2003 04:53 PM

khal eeyei el rayeil awaal :) :D

aba sab3eh 7 inshallah 3 awlad w 4 banat:D
1-mohammed
2-Obaid
3-3bdel ra7man
4-el 3nood
5-mariam
6-Amal
7-noorah

mashkooorah 3al mouthooo3 el 7elooooooooo
:fn:fn:fn

عوافي

10-07-2003 04:57 PM

كهربجية مشوطة
ماشالله الله يخليهم لج
انشالله
:p

الغريبه ما خبرتينا بأسماءهم
:confused:

الغريبة

10-07-2003 04:57 PM

لا مب لها الدرجة ..
انا بييب انشالله 6 او 5

أول اسم ابا اسميه (( المثنى ))

اظن اتعرفونه .. هو واحد من الصحابة اخبركم قصته ؟؟

يلى ماعليه لازم اقولكم ولا بموت .. هم كائن قائد معركة القادسية بس استشهد قل لا تبدأ المعركة
وألفوا عليا نشيدة بعد .. (قادسية النصر) لازم احطيلكم النشيدة يوم واحد

وجذة خلصنا من اسم اول ولد

باقي خمسة انسميهم .. الله يعين

سمونه

10-07-2003 05:50 PM

الله حلو الموضوع .. مشكورة الغريبة

اقول كهربجية مشوطة .. بتحصلين ريل مشوط مثلج .. عاد هو كهربجي ولا شو ما ادري .. ما شاء الله عليج حلوه .. ليش لا .. عساج بريل كهربجي بس مشوط ^2 دبل عنج :fn:fn:fn:fn

انا لو عرست و يبت عيال و ما رزوا ويهم اهل ريلي بسمي اول واحد ( عبدالرحمن ) و اول بنت ( مريم ) و اذا الله كاتب و يبت عيال و انا ابا اييب وااايدين مثل حالتنا في البيت ما شاء الله علينا بسميهم :
1- عبدالله ( ما احب ادلع اسم عبدالله و عبدالرحمن ومريم )
2-فيصل (فيصلوه )
3-سارة(ساروه)
4-مي(ميوه)
5-عيسى ( عواس)
6-يوسف(يسوف)
7-راشد(رشود)
8-حمدة( حمدوه)
9-حسن(حسون)
10-هند(هندوه)
وبجي يكون عندي 12 بنت وولد .. كااكاكااكاا:oh:oh

كلام الحين اقوله .. شكلي اذا عرست من اول حمل بقول واااااااااااااااااااااابويه ... ما اقدر .. تعب .. بس انا بحاول اييب هذيله ( فريق كرة قدم ) لاني احب اللمة .. و اذا صرت عيوز يمكن وواحد منهم يقدر يشيلني و يحطني و يراعيني .. ( يعني لو حسبنا الاحتمالية بستخدام قانون واق واق = 12 / 12 = 1 يعني احتمالية ان واحد من الاثنعشر بيشلني يوم بطيح و بستوي عيوز تكثر..

و شي ثاني اني لو قدرت اربيهم عدل وماصاروا عصابة او خارجين عن القانون .. بحصل اجر من وراهم .. الله يعينا .. باي :fn

قناص الإمارات

10-07-2003 05:54 PM

والله اختيااارااتكم حلوه بس شوو ريااكم هذا الموضوووع اودييييه التساااالي..

ليمونه الحلوه

10-07-2003 08:01 PM

تسلميييييييين الغاليه على الموضوع

ان شاء الله اذا عرست ابغي اسمي اول ولد حمد
والباجييييييييين بسميهم ( حمدان - محمد - عبدالله - فاهم - مريم - عشبه - ريم )

هذيلااااااااا الي اباهم انا بس ما عرف ريلي شوه يبغي يسمي

دلووعة البدو

10-07-2003 08:25 PM

ان شاااااااااااااااااااااء انا عرست

بسمي

اول ولد محمد عشااان امووووت فهذا لاسم اسم اعمي الله يرحمه

انشالله بسمي اولاد باجين

عبدالله

فاهم

غالب

خالد

عيسى لاني موت بعد فهذا لاسم
بنااااات

مريم

مهره

هند

ماعرف

تسلميييين الغاليه

حساسة

10-07-2003 10:38 PM

:love الله عيشتينا لحظه حلووووووووووه،،، :ha قلبي قام يدق من الفرحه
انا ابااااااا اربع بنات وولد وااااااحد بس لانه الاولاد شياطين مارووم عليهم :mad: وبخلي ابوه يسميه وانا بسمي البنات: سااااااااااااااااااااااااره :D و اسماااااااااء :D و الباجي مادري :D

بس وييييييييييييييييينه الله ياخذ بليسه وينه الريال مب راضي ايي عيزنا وهو بعده ،، الله صاب عيونهم عنا :mad: اول ما املج بعطي ريلي كف على ويهه وبقوله هذي ظريبه التأخير ،، يالسه اترياك في بيت اهلي سنين وانت الحين ياي ،، تدري اني نصيبك تعال من وقت خلنا نستانس :D

:fn

الحــب الخجــول

10-07-2003 10:44 PM

تسلمين اختي (الغريبة) على هالموضوع...

بصراحه الموضوع واااااااااااااااااااايد حلو .........

انا انشاء الله اذا اتزوجت ويبت عيال بسمي الاولاد ( خالد - عبدالله - محمد - أحمد - راشد - سلطان .............. ) والبنات بخلي ابوهم يسميهم

بس مابحدد كم ولد وبنت؟؟؟ لأن هالشي الله كاتبه لنا وبعدين لاني ابي اييب واااااااااااااااااااااااااااااااااااااايد...

انشاء الله........

سر الليل

10-07-2003 10:53 PM

الغريبه ..

تسلين الغاليه على الموضوع الحلو :)

حساسه :fn ومن سمعج ..

أنا بسمي البنات ..

مهره ( مهيرتي )
موزه ( موزان )
مريم ( ريمي )

واولادي فديتم ..

حمد
وعبيد

:)

سمووونه مشالله عندج وايد عيال ..
تعالي بعدين اخطبي بناتي .. :rolleyes:

ما فيه بعد يطيحون فجبدي :fn

First Lady

10-08-2003 02:59 AM

امممممممممممممممممممممم

امممممممممممممممممممممم

امممممممممممممممممممممم
:rolleyes:

والله.. حسب قوانين الطبيعة.. فأنا ما أقدر أييب وايد.. يعني يا دوب سته بس على قدي :D

ثلاث بنات وثلاث أولاد.. بس كافي.. ما فيني بعد يخبلون فيه :rolleyes:

الأولاد:

حميد

حمد

والثالث خل أبوه يسميه :D

والبنات:

حنين

ريف

أمل

حلوين صح :rolleyes:

ولد جلفار

10-08-2003 03:07 AM

اممممممممممممم

دوري اممممممممممممم

ابا اذا الله قدري وعطاني الصحه اممممممممممم

هيه 8

الاولاد
1_ مـــايد {بومايد}
2_فيصل
3_حمد
4_سعود
5_عبادي {عبد الله }
البنات
1_ زيـــنب
2_ فواغي
3_ غدير

ودمتم سالمين خخخخخخخخخخخخخخخخخخخخ

شارع الكويتي

10-08-2003 08:27 AM

بو خــــــــــــــــــــــــــــــــالد;)

راعية مشاكل

10-08-2003 08:54 AM

مممممم

انا طبعااا اساامي اعياالي سبشل

نيهااا هااا

مشكلجي
ومشكلجيه

نيهااا هااا

عن اتصدقون

احم احم..
الاولاد

(عيضـــه)
(فهــــد)

البنات

(روان)
(وريان)

سمونه

10-08-2003 12:04 PM

هاهاهاهاها..... انشاء الله سر الليل من عيوني :fn.. بس عاد لا تقصين شعرهم انا عيالي يحبون الشعر الطويل ليييييييييييييييييييييييييييييييييين ال............................................. مفهومه صح !! :fn

سر الليل

10-08-2003 12:12 PM

راعية مشاكل :fn وين تبين روان وريان .. ؟؟

:rolleyes: :rolleyes: :rolleyes:

زين يصلحون بعدين يقدمون برنامج توب تن :fn

سمووونه .. .. .. :confused:

:fn فالج طيب بتم اقرعهن لين يوصلون صف اول ثانوي عشان شعورهن تغلظ وتطول :fn

قناص الإمارات

10-08-2003 02:57 PM

واااااشييييييييييييبيييييي...

طالعوااا طااالعوووووو..

كل أي دااشيين الموضوووع وطااغين عليييه البناااااااات..:fn:fn
مطيراااااااات عافاااناااااااا الله:fn
ماااي طااري العرس ولالالا هن أتخبلن:fn:fn

أنااا اباااا اييييييب ولديين وبنتيييييييين:fn

نااااس ملقووفيييييييييين

يبووون 8 وغيرهم 10 ..(قفعه:fn)أفتحووولكم نااادييييييي...

البنتين وحده(وديمه)والثاانيه (مديه)
والأولالالالاد(مايد)(وسيف)

سعود	10-08-2003 03:19 PM

ماشاءالله أسامي كلها جميلة ... وأصحابها اختيارهم راقي:

وأنا باذن الله خاطري في 4 أولاد و 3 بنات

عبدالله

فيصل

سلطان

خليفة

...... والبنات .....

شمة

اليازية

نورة

وسلامتكم

الغريبة

10-12-2003 01:16 PM

مشكوووووووووووووورين على مشاركاتكم ..

ماشالله الاسامس كلها حلوة ....

تدرون للحين ما صحلت اسامي لهم ...

الحين بتصفعوني ... يالله انشالله بفكر...

ما ابا اسامي حيا الله ..

ابا اسامي كلها غريبة وحلوه

First Lady

10-13-2003 04:15 AM

قناصووووووووووووووووه :mad:
أصلاً ما شي أحلى من اليهال..من جيه نحن نحبهم ونبا يهال وايد ويا ويهك :mad:

راعية مشاكل

10-17-2003 09:43 AM

اقتباس:

الكاتب الأصلي: سر الليل
راعية مشاكل :fn وين تبين روان وريان .. ؟؟

:rolleyes: :rolleyes: :rolleyes:

زين يصلحون بعدين يقدمون برنامج توب تن :fn

سمووونه .. .. .. :confused:

:fn فالج طيب بتم اقرعهن لين يوصلون صف اول ثانوي عشان شعورهن تغلظ وتطول :fn

سر الليل النااس اذواق :fn

بهوت مشكل

10-17-2003 10:02 AM

يا دورك يا بو حميد

عاد انا خاطري بعشرين بس الله يسامحهم الي كانوا السبب و خلوهم عشره .. بس يله .. خير و بركه

عاد اسامي عيالي و ع حسب الاتفاق المبروم بيني و بين الحرمه المصون

البجر.. حميد

و تاليه .. حمد

و الي عقبه.. هزاع

و عناد

و سعيد

و البنات

ع قولت الحرمه

امل

و ريف

و حنين

و مريم

و ضبيه

و طبعا العشره الباجيين الي بيون بالغلط

خالد

محمد

حمدان

و شهاب

جميله

و خلود

و عمر

و خديجه

هدى

و عليا

:fn:fn:fn

:th و للحديث بقيه

المنسي

10-17-2003 05:27 PM

:D:D

سالفه هنيه

شموع الأمل

10-17-2003 11:46 PM

:fn:fn:fn
بهوت مشكل....الحمدلله والشكر:fn:fn:fn

المنسي

10-18-2003 12:06 AM

[ALIGN=CENTER]:o:D:o

ســـــــــــــــــــاره

و

حمـــــــــــــــد[/ALIGN]

Ra3yT_al_RanGe

10-18-2003 03:16 AM

السلا م عليكم
اول شىء اذا ريلي تركلي المجال اني اسمي عيالي اوكى واذا ماتركلي :(

مممم
البجر
سلطان
سارى
سالم
سيف
البنات
سهاير
بس

First Lady

10-18-2003 03:22 AM

بهوت مشكل..
الله أكبر عليك :eek:
كل هاييل :eek:

انت ناوي علي.. تبا تجتلني :mad:

الظاهر إنك ناوي تأسس نادي.. وتحط النص على كرة القدم والنص الثاني على كره السلة :rolleyes:

ماشي.. أنا قلت ثمان يعني ثمان :o
لا تكسر كلامي :o

ما عندنا رياييل يكسرون كلام حريمهم :D:D

First Lady

10-18-2003 03:25 AM

شموع الأمل..

بلاج على خطيبي :confused::o

فديته عاقل ماشي أحسن منه.. وتراه بيسمع كلامي غصب طيب :D

استخدم العنف أنا.. هي هي هي :D

بهوت مشكل

10-18-2003 04:35 AM

شموع الأمل :rolleyes:

:mad: نعم شو قلتي :mad:

حريم اخر زمن والله .. خلاص انا قررت ازيدهم خمسه شو رايج ..

مممممم و اساميهم

سلطان
ميعاد
خليفه
عويش
و الخامس او الخامسه هذا طبعا اذا ما يو توؤم بنسميهم نوره و سعود

خل طولت السانج تنفعج الحين .. ترا العدد يضاعف ( هذا بس للعلم):fn

First Lady

10-18-2003 04:45 AM

بهوت مشكل :eek:

وخمسه بعد.. يعني خمس وعشرين :eek:

يعني خمس وعشرين سنه.. يعني بقعد من اليوم لحد ما يوصل عمري خمسين سنه وأنا أييب عيال بس :eek:

أنا قلت ماشي يعني ماشي :mad:

ولا أقول لك.. أنا بشل قشي وبروح بيت أهلي أبرك لي :mad:

بهوت مشكل

10-18-2003 04:52 AM

هييييييييي بتشلين قشج .. ايوه

خبريني متى .. عسب اجهز العروس الثانيهhttp://smilies.sofrayt.com/1/e0/iwantattention2.gif

بخليلها تييب لي اشكثر .. هي عيل

حتى شوفي

http://smilies.sofrayt.com/1/u/ylinfant.gif

http://smilies.sofrayt.com/1/u/ylinfant.gif http://smilies.sofrayt.com/1/u/ylinfant.gif هاييل توأم

http://smilies.sofrayt.com/1/u/ylinfant.gif

هب حرمه الي طول لسانها علييه ..هيييييييييييي ما تيين الا بالعين الحمرا:cool:

First Lady

10-18-2003 04:58 AM

خلاص.. بعت كل اللي بيننا على شوية عيال :(

افا.. افا يا بهوت مشكل ما هقيتها منك :(

خلاص خذ الحرمة اليديدة.. شكلك بايعني :(

خلاص.. أنا بطلع.. أنا بهج.. أنا بسافر أفغانستان :(

بهوت مشكل

10-21-2003 06:25 AM

ههههههههههههههههههه

خلاص روحي افغانستان جمن يوم استجمي و اول ما بخلص شهر السعل بييبج اوكي

:cool: خل طولت اللسان تنفعج :cool:

First Lady

10-21-2003 11:50 AM

مابا.. ما برجع (7)

بسير أحارب ويا بن لادن (7)

شو تبي فيني بعد أرجع.. خلك مع عروسك اليديدة (7)

بريعصي كاشخ

10-21-2003 12:04 PM

:fn:fn
حليلكم والله

عني انا صراحه :o ابغي سبعه . خمس بنات و ولدين .. تعرفوووون ليش ابغي البنات اكثر عن الاولاد

عسب ادلع عيالي الاولاد اكثر كع كع كع بس تمييييز عنصري;):D

لالا شو هالرمسه بعد لا انا ما اميز الولد نفس البنت و الي من الله حياه الله حتى لو أيب 35
ما بميز من بينهم كلهم عيالي الله يخليهم لي يوم بيون :eek:

لو كانو سبعه

5 بنات بسميهم

عهود
عنود
وعود
نجود
هند ( هنوده )

2 ولدين

هزاع
ظاعن

:rolleyes:

First Lady

10-21-2003 12:10 PM

ما شاء الله عليك بريعصي.. كلهم على نفس القافية مرتب أساميهم :D :D

بس أحلى اسم.. آخر اسم.. :rolleyes:

الساعة الآن 09:12 AM.

صفحة 1 من 2

عرض 40 مشاركات من هذا الموضوع لكل صفحة