¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

النص والنص الثاني

مستر : الرقم ( 223)انا شاب اماراتي ساكن صوووب خت عمري 32 سنه متزوج حاصل عالثانويه الهوايه ايمع الصور التراثيه مثل الخوص والقراقير ادور شغل وارغب في الزواج من وحده جامعيه عندها بيت وبيضاء البشره وجميله وعلي خلق وبشرط يكون ما عندها (هوووت ميل) وافضل صاحبت الرقم ( 112).

الرمساويه :- الرقم (112)مطلقه ربت بيت عمري 45 سنه انا جميله وحلوه بعد بس عيوز واحني شعري كل يوووم ساكنه في الرمس شعبية راشد الهوايه احب الخياطه بالابره دارسه لين صف اول اعدادي بس اعرف اقرااء الجريده عندي ولد وبنت ارغب في الزواحج من صاحب الرقم (223)

بنت الزهراااء :- الرقم (334) عمري 35 سنه عانس الهوايه جمع انواع الدخووون ساكنه ورااا نادي راس الخيمه عندي ثانويه عامه بس ناجحه بالدور الثاني في ثلاث مواد نسبتي 45 بالميه ابيع واشتري عطور وبخور ودهن عود التوله بعشر وكل سنه اسافر الهند وانا جمالي مب لين هناك بس امشي الحال عشان جذه محد خطبني وارغب في الزواج من صاحب الرقم ( 558 ).

شارد البال :- الرقم (444) مهندس عندي دكتوراه في كل شي حتي صنع القوارب عمري 35 سنه جامعي احب الزعتر ( الدله اشخلهاا كل يووم المغرب ) الهوايه اطلع البحر كل يووم ساكن في الظيت الجنوبي عندي بيت وسياره معرس وابغي اخذ الثانيه ( شرده) وارغب في الزواج من صاحبت الرقم ( 134 )

وحيد الدرب:- الرقم (345) عمري 25 سنه طالب في بانكووك ادرس هندسه طائرات عازب وسيم وماتطلع لي لحيه ساكن ( ما بخبركم الا عقب العرس) الهوايه احب الحمام عندي سياره بس ما عندي بيت واذا عرست بسكن ويا اهلي الهوايه احب منتدي راس الخيمه وارغب في الزواج من صاحبت الرقم (666)

خيماوي :- الرقم ( 567) انا طالب في الثانويه العامه عمري 18 الهوايه جمع الطوابع طبعا عازب ساكن في الظيت الشمالي وشكلي حلوو وعندي سياره لانه نحن تجارواذا بغيت اعرس ابويه بيشتري لي بيت ومزرعه ومكينة تحليه في المزرعه وارغب في الزواج من صاحبت الرقم ( 454 )

الشجووون :- الرقم (123) طالب في التقنيه عمري 20 اعزب وحلووو الهوايه عندي سياره احب الكمبيوتر وكل يووم اسوي داون لوود حق شي لين ينقع الهارد دسك ساكن في خزام ورا بقاله عائشه ارغب في الزواج من صاحبت الرقم ( 777)

فتي راس الخيمه :- الرقم (558) عمري 27 متزوج مهنتي مشغل معدات ثقيله وادرس عقب العصر عندي سيارتين ساكن في خزام واحب ركوب الخيل طيب وخلووق واشتغل طبعا وارغب في الزواج من الحرمه الثانيه صاحبت الرقم ( 334 )

الخيماويه :- الرقم ( 134) طالبه في التقنيه عمري 22 بس اقوول حق الناس عمري 19 عشان ما يتحروني كبيره في السن الهوايه احب سماع الاخبار واحب التلفزيون والرادوو عندي رادوو بني وانا حلووه ورشيغه ( كل وحده تقول انها رشيقه )
ساكنه في الظيت الجنوبي وارغب في الزواج من صاحب الرقم (444 )

اشحفان :- الرقم (888) عمري 30 معرس اشتغل عندي بيت طابقين الهوايه صيد الصقور احب المالح عالغداا عندي عيال بعد بنتين وثلاث اولا ( انا معرس وانا صغير ) اقدر الحياه الزوجيه ارغب في الزواج من صاحبت الرقم ( 555 )

عنوني :- الرقم (454) طالبه جامعيه عمري 25 بس اقص علي الناس مثل الخيماويه واقوولهم (18) احب اكل السنابوون رشيقه وحلوه ومرحه بعد لاني خقاقه شوي شوو اسوي ابغي اعرس اخاف اعنس وارغب من صاحب الرقم (567 )

حامل المسك :- الرقم ( 666) طالبه في الثانويه مدينه واخاف من ربي وعمري 17 سنه بعدني ياهل ( بس اخاف القطار يفوتي من سبق لبق ) الهوايه الطباخ اعرف اسوي كل شي حتي بيض وطماط ساكنه في راس الخيمه حلوه ورشيقه ( اشووف كل البنات حلوات ورشيقات بعد )وارغب في الزواج من صاحب الرقم ( 345 )

اسطوره :- الرقم (777 ) طالبه جامعيه اخر سنه يمكن ( مب متاكده ) عمري 23 الهوايه احب المنتدي وخاصه منتديات راس الخيمه حلووه ورشيقه ما ابغي اعرس وما افكر فيه الا اذا تقدم لي صاحب الرقم ( 123 )

رزة فيس :- الرقم (555)انا مخلصه من كم سنه من الجامعه ويالسه في البيت عندي دورة طباخ ويا اميه ( ولين اليووم ما اعرف اشغل الغاز ) انا حلوه ورشيقه يالله متي بشوووف فتي الاحلام عشان افتك من هااي الدوره حشي عليه دورة اغراار في الجيش ( انش من الصبح اسوي البلاليط والحليب ( ارغب في الزواج من صاحب الرقم ( 888 )

:fn :fn