¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬ (http://www.rak2rak.net/vb/index.php)
-   منتدى التسالي والترفيه (http://www.rak2rak.net/vb/forumdisplay.php?f=18)
-   -   الأتجاه المعاكس بين الشباب والبنات..!! (http://www.rak2rak.net/vb/showthread.php?t=15119)

First Lady 09-17-2003 04:02 AM

مب كل البنات على هذا الشكل.. البنت المحترمة محترمة في كل مكان.. والبنت النص نص.. ما بتحترم لا نفسها ولا غيرها.. وأعتقد بإنها تتغطى لما تشوف مواطن لأن ممكن يكون في يوم من الأيام زوجها.. أو يمكن لأنه ولد البلاد.. أما الهنود فتحسهم أقل منها عشان جيه يمكن تظهر ويها جدامهم.. هذيل النوعية اللي يعتبرون الهنود مثل البهايم.. ما يحسون ولا يشوفون.. استغفر الله العظيم من هذا



سؤالي للشباب: ليش ما قمتوا تهتمون وايد بالصلاة في المسيد ؟؟

أهازيج 09-17-2003 12:19 PM

هذا هو السؤااااااااااااااال المطلووووب،،،;)
ثانكس على تفاعلج في المضوع يا فيرست ليدي،،،:)
يللااااااا وينكم ما تردووون،،،

First Lady 09-17-2003 12:38 PM

العفو أهازيج واجبنا ;)

واتريا وياهم ردهم :)

سعود 09-17-2003 01:26 PM

هههههههههه منوه قالج ان الشباب ما يهتمون في الصلاة .. محطية عدادات عند باب كل مسيد ... لا تظلمينا حرام عليج .. ماشاءالله أنا أشوف اقبال الشباب على الصلاة أحسن عن أول .. صح انه وايد شباب ما يصلون في المسيد بس ترى بعد مب كل البنات يصلن .... ترى الصلاة حق الذكر والأنثى ... وانشاءالله بيزيد عدد الشباب الي يصلون .. والله يهدي الجميع

سؤالي هو .. ليش انتشرت ظاهرة لبس البناطلين بين البنات ؟ مع انه رأيي الخاص هو ان البت أحلى يوم تلبس لبس البلاد وتلتزم بالصروال الساتر تحت الثياب ؟؟؟؟؟ :cool:

أهازيج 09-17-2003 01:38 PM

مثل ما تقول مب كل الشباب ما يصلووون أنا بعد بقووولك مب كل البنات يلبسووون بناطليين،،،
وطاااااااف حق السؤااااال,,,,:fn

سؤالي

لماذا الشباب ياخذون سيارة 400 أو 250 ألف على الرغم من أنه دخله محدود ؟؟؟؟؟ هل هو للمظاهر أو الفشخرة الزايدة جدام البنات والاسواق والمراكز وأحيانا عند ابواب مدارس الثانوية ؟؟؟؟؟

First Lady 09-17-2003 02:09 PM

زياده على سؤال أهازيج.. وليش السيارة ما تكمل سيارة إلا ورحتوا غيرتوها ؟؟:confused:

سعود 09-17-2003 03:12 PM

يابوية مب كل واحد عنده سيارة غالية معناتها انه ضارب سلفية .. يمكن الولد أبوه عنده خير ماشاءالله ... وظاهرة الديون مشكلة كبيرة وصحيح ان العديد من الشباب مديونين .. بس ترى لوحظ أن العديد من البنات انجرفن في نفس الوادي ... وكل وحدة تبى بو عيون .. ولا جاغوار ولا BMW .... صح أن من هذه الأسباب أن الواحد يبى يكشخ ويكون هو المميز بين الشباب و يبى يكون هو موضوع البنات .. بس الناس ألوان وأشكال ... ماشاءالله عليهم بعض الشباب ولفوا بيزات واتزوجوا وبنوا بيوت .. وكل هذا بدون ديون وفي نفس الوقت معاشه على قد حاله .... :o

ليش في وقتنا الحالي أغلبية البنات ما يعرفن يطبخن ؟ نحن الرياييل قمنا نطبخ مجابيس وعيش ولحم والبرياني .. والحلويات .. الخ ... وانتوا يالبنات من بين كل 10 بنات .. بنت وحدة الي تعرف تطبخ ... مابى وحدة تظهر تتفلسف وتقول أنا أسوي بيض وأسوي معكرونة .. هذا ما يتسمى طبخ ... يالله وينكم يالبنات .... :fn :fn :fn :fn :fn :fn

أهازيج 09-17-2003 03:38 PM

أوووونك تنكت،،،
شو فيها البيض والمعكرووونه ماشي أحلى من هالأكلات،،،:D
ومنوووو قالك ما نعرف نطبخ،،،،
كلنا نعرف نطبخ بس ما نبى نظهر مهارتنا جدامكم علشان ما تحسدووونا،،،:fn
وأنا مثلا ما أطبخ إلا في رمضااان من اليوع أتشهى وأقول بطبخ هذا وهذا،،،:fn
انيههاهاهاهاااااااااااااهاهاهاااااااااااااااا


سؤالي؟


لماذا دائما وأبدا الشباب ما ينزلون عيونهم اذا شافوا البنات مع انه البنت اذا طاحت عينها بعين شاب تنزل عينها وتستحي لكن الشباب لاااااااااا ؟؟؟؟؟؟؟
مع أن الرسول عليه الصلاة والسلام وصى بغض النظر؟؟؟؟؟؟


إحم إحم
يللاااااااااا جاوبووووو،،،

سعود 09-17-2003 04:08 PM

منو قالج كل البنات يستحن ... ومب كل بنت تنزل عينها .. بالعكس شي بنات يناظرن الشباب الين ما الريال هو الي يستحي وينزل عينه .. وبصراحة يوم الواحد بيشوف بنت محتشمه ومتغطية ما بيرفع عينه في عينها .. بس شو بيسوي اذا البنت مسوية شي يلفت النظر .. مثلا المكياج .. القصة .. تعابير الوجه .. اللبس ... العطر الي ينشم على بعد 60 كيلو ... ليش محد يلوم البنات في هالموضوع .. ودايما اللوم على الشباب ..


وعلى فكرة أهازيج شكلج الصراحة مالج خص بالطبخ .... يعني " سلامات " :fn

وسؤالي هو .... ليش البنت ما تعرف تكتم الأسرار ... يعني عادي تقول أسرارها وأسرار غيرها ؟؟؟ وأدري انه البنت اذا يودت سر .. ما بتستحمل انها ما اتخبر حد .... أسبوع والكل يدري ... ما تشوفون في وكالات الأنباء العالمية مثل CNN أكثر المراسلات والي يقدمن المواضيع حريم ... :fn

First Lady 09-17-2003 04:26 PM

يا أخ سعود..
أنا ما أدري شو الحالات النفسية في مثل هذيل البنات لأن عن نفسي انسانه كتومة لأقصى درجة.. وأسراري ما تعرفه غير وحده من ربيعاتي فقط لا غير..
ولكن أعتقد لأن طبيعة المرأة ما تحب تكتم شي في قلبها.. يعني عاطفتها تخليها ما تقدر تخلي الحزن والهم في قلبها.. عشان جيه لازم تفضفض عن اللي في قلبها :o
من جيه يمكن المرأة ما تبلع شي.. والصراحة أنا معاك في هاي النقطة.. وأتمنى إن هاي الطبيعة تتغير في المرأة.. على الأقل عشان تتغير الصورة اللي رسمها الرجل لنا.. بس شو نسوي بو طبيع ما يوز عن طبعه..


سؤالي للشباب..
ليش انتوا ما تحبون الدراسة وايد؟؟ وتبون الفكه منها؟؟


الساعة الآن 09:15 AM.

Powered by vBulletin Version 3.8.12 by vBS
Copyright ©2000 - 2025, Jelsoft Enterprises Ltd Trans