غيرك في قلبي ماسكن شخص ثاني ،،، مارام قلبي في غيابك يخونك
ميناك قلبي و انت لي مواني ،،، ارسي على بحرك و اهيم بفنونك
عانيت منك و انت مني تعاني ،،، اشكي فراقك و انت تشكي شجونك

حبك حبيبي في الضماير كواني ،،، كل الجوارح تشتكي من طعونك
لو بإختياري ما إفترقنا ثواني ،،، لا عشت لحظة يا حياتي بدونك
الحال عقبك صار ناحل و داني ،،، لو شفتني بتسيل دمعة عيونك

في غيبتك اشرب مرارة زماني ،،، قلبي و عقلي من العنى يشتكونك
يبغون منك عطف و الا حنانِ ،،، عطف المحبة يعل ربي يصونك
ادمنت حبك و استحل بكياني ،،، لا اقدر اعيش العمر لحظة بدونك

على هونك على من هم يعشقونك ،،، عيونهم كلها لك و خوفي لا يحسدونك

ملكني سحرك ملكني و لا حد غيرك فتني ،،، بعمري سبعة عجايب و ثامنها في عيونك

جمالك من في جمالك و منهو يكفي بدالك ،،، حاكم لقلبي و تأمر تصرف و الكون كونك

انا مالي غيرك انت يامن فؤادي ملكته ،،، تراني قايل من اول على هونك على هونك

اذا حكم القدر اني احبك ،،، انا مالي على الاقدار حيلة
تولع قلبي العاشق بقلبك ،،، و قلبي الحي في الدنيا دليله


غلاك اللي سكني عند ربك ،،، مشاعر جارفةكالسيل سيله
عيوني يا عيوني تبتعد بك ،،، همومي منك و ان بانت قليلة


حجبت الشر عن شرقك و غربك ،،، خوي القلب يا خلي و خليله
اشوف العمر باقي العمر قربك ،،، حظوظ الغير يا خلي بخيله


اذا عارض تعرض دون دربك ،،، انا اشهد زلته زلزال حيلة
يفكر الف مرة و لا يمر بك ،،، و تالي قصته قصة طويلة


و اذا قلبي و هو قلبي امتحن بك ،،، ترا روحي من اسبابك قتيلة
احبك لا و لا روحي صخت بك ،،، دلال و حسن و وصوف جميلة


جمالك بين هالعالم ظهر بك ،،، فتنة العين يا برقٍ تخيله
و اعرف الحب من دقات قلبك ،،، وجودي وسط هالعين الكحيلة

مواعيدكم بالحيل ماهي مواعيد
و بالحيل فيكم صار ما يصدق الوعد
توبة و توبنا فلا نرجع نعيد
وقال المثل لي صد عنك ترى صد

دايم اداريكم و لو طبعي عنيد
لو كان بحر الحب في جزر و مد
و شوقي عليكم دوم ما ينقص يزيد
و مازال قلبي وافي العهد و الوعد

اثري لقاكم يالغلا كنه العيد
ماخذك يالغالي على محمل الجد
و تأثير بعدك زاد من دون تحديد
و الصبر عندي صار واصل على الحد

تدري عن اليوزيا كنت ماتحيد
خذ من علومي زبدة الهرج و القصد
لي من شموس العز هيبة و تأكيد
نسل الصقور اللي على الصيد تنهد

ابكي عليك ابكي عليك من كثر ما اشتاق لك
ابكي عليك ابكي عليك من كثر ما احتاج لك
ابكيك انا و قلبي الذي ما يبغي الدنيا يبيك
ابكي عليك ابكي عليك من كثر ما احتاح لك

رحت و ذبل عمري انا ما ظل غيري و العنى
ماغير اناظر صورتك و اتذكر ايام الهنا
كيف انت تتركني و تسير
قلبي انا بحبك اسير

من كثر ما تطري علي القاك انا في كل شي
اصعب على الظالم و انا حالي مثل ميت و حي
يعني انا بكل اختصار
عايش و لكن روحي فيك

انا مابيها مابيها ،،، علاقتنا و بنهيها
و اذا حطيتك فبالي ،،، ترا والله لا اسويها

انا حر و على كيفي ،،، و أعديها على كيفي
و اذا الدنيا ما تعجبني ،،، لجل غيري اخليها

أببعد عنك و انساني ،،، و دور لك على ثاني
انا لي صاحبٍ غيرك ،،، علاقتنا يراعيها

و خلك عايش لحالك ،،، بليلٍ مظلم حالك
و مهما صار بالدنيا ،،، علاقتنا و بنهيها

قلبٍ شكى البعد ليتك تدري بهمه ،،، و احوال مرت عليه و لاعت ايامه
حزين عايش في ذكرى تسري بدمه ،،، لو هو تناسى تجدد فيه آلامه

كنه تسلي في عذاب الخلق و الأمة ،،، و اصبح رصيدي يحطم باقي احلامه
قلبٍ له الله تجمع همه و غمه ،،، ان مر طيفك عليه و لاح جدامه

تسكن عليه الجوارح حيل و تضمه ،،، كنه تمازج مع الشريان و انسامه
يامنية الروح عهدك وينه و حلمه ،،، طال انتظاري بحلم الامس و اوهامه

ان كان عهدك على ماقلت و التمة ،،، تعال و اسكن مكانك و اجمع حطامه
و ان كنت مبعد ترى الله مبري الذمة ،،، برضى بصرف الزمان و تالي احكامه

و ان كنت مبعد ترى الله مبري الذمة ،،، برضى بحكم الزمان و هذه احكامه
قلبٍ شكى البعد ليتك تدري بهمه ،،، و احوال مرت عليه و لاعت ايامه

كفى صدّك و حرّاته ... حبيبي يا غصين البان

تعذبني وانا الولهان ... شربت المر كاساته

تواسي القلب دقّاته ... اسير الشوق و الحرمان

ايعين الله على لمحان ... صويبٍ صبت غاياته

عليك اشتاق مأساته ... ولاينسى زمانٍ كان

زمان الود والله زمان ... شربنا الطيب بنّاته

سقانا الحب آهاته ... سقى الله امواصل الخلان

يداعبني شقا الحرمان ... او ذكرى الشوق حراته

ضحيه و العمر فاته ... مع الذكرى بلا اعلان

جريح الروح والاغصان ... صريع الحب ميزاته

شـكا حبك متاهاته ... غريقٍ والهوى طــوفان

صدودك ضيع البرهان ... فدتك القلب خفقاته

اداري الحب شطاته ... مريح انته وانا الولهان

خفوقي خافقه عنوان ... على ما به و عبراته

تدلل ياغصين البان ... غديت إلخافقي سلطان

مُعَنّا ونته راحات ... اوصدى همسه و دقاته

وجيت أمسح من أيامي جروح العاصفة والنار
وجيت أكتب على سطح الجليد أجمل عباراتي

وجيت أجفف الدمعه وأواسي حرفي المنهار
واقول: اصمد .. ترى وحي القصيده حي ما ماتِ

وجيت الملم الماضي بقلبي .. واحمله تذكار
وأنادي ع الزمان انظر أنا هذي معاناتي

أنا ما عدت لدموع العواطف جفنها المدرار
ولا ذاك الحبيب اللي يشوف الدمع ويحاتي

ولاني فارس أحلام القصيد .. وحسه المغوار
ولأني شاعر واعرف بعينك اكتب أبياتي

أما ماني أنا .. ماني أنا .. يا حبي المحتار
أنا نفس الملامح باقيه .. بس انعكس ذاتي

أنا من دمعة اليائس تعلمت الحياة اصرار
أنا من ضحكة الحالم عرفت اش قد مأساتي

أنا أدري ما قدرت ألحق .. وصلت بآخر المشوار
ولكني قدرت أوقف بدرب الشوق خطواتي

وألاقي ضحكتي بعد الفراق وغربة الأسفار
والبس معصمك حزني وعنقك عقد آهاتي

واقول: أوطي على نار الحقيقه .. لو كوتك النار
ترى أرحم من حروق الجليد بفصلي الشاتي

ياللي تعيش بهنا ... حس بشعوري أنا

لمّحت لك ألف مرة ... وانته ولا انته هنا

جيتك وكلي غرام ... وسمّعتك أحلا الكلام

وانته ولا ملتفت لي ... يا سيدي والله حرام

طولت بالي عليك ... لكن تعبت ارتجيك

مدري أبيك وتبيني ... أو بس أنا اللي أبيك

ياللي العمر ما كفاك ... متى تحس بغلاك ؟

أموت واعرف حبيبي ... ايش آخرتها معاك ؟