|
عقب اكتئاب البارحه ماعاد انا حمل اكتئاب ,,, الطيب جرجرني وأنا ماني بناقص جرجره
|
الي يخاف من الظما يترك لنا طرد السراب ,, والي مب قد الظلام ووحشته لايسهره
|
أنا خسرت الي غيابه غير عن كل الغياب ,,, أنا غفرت لعالم ماتستحق المغفره
|
أنا القصيد الي نزع من دفتره مليون ناب ,,, وأنا الوحيد الي جمع مليون ناب بدفتره
|
جفني وجرحّـه السهر حيلي وهدتـّه الصعاب ,,, دمعي هدر ضحكي ندر عمري وضيعت أكثره
|
شيـّـبت عقول العرب هيّـبت روس ماتهاب ,,, جمهرت ناس ماعمرهم مايعرفون الجَمهَره
|
ماصرت ذيب الا لأن الي حواليني ذياب ,,, ماكنت اغيب الا لأن العفو عند المقدره
|
وترى حلاتك لاحملت لصاحبك كلمة عتاب ,,, أما نطقت بها بوجهه ماتذمه بظهره
|
في هالزمن مايملي عيون الحسود الا التراب ,,, ولا الحظيظ الطلقه الي ماتصيبه تذعره
|
ودك اليا من جاتك الغلطه من الناس القراب ,,, الصاحب الي ماكسبت بمحبته ما تخسره
|
| الساعة الآن 08:27 PM. |
Powered by vBulletin Version 3.8.12 by vBS
Copyright ©2000 - 2025, Jelsoft Enterprises Ltd
Trans