اللي يبغي يحصل على وظيفة يدخل

[خبلة الفريج]

مرحبــا أعزائي الأعضاء

يعلن المنتدى عن حاجته لطاقم جديد من الموظفين

الوظيفة رقم(1) حــــــارس

يتواجد عند بوابة بالمنتدى باستمرار .. على أن يكون متوسط العمر

ويكون سوداني !!! عشان يجلس بمكانه ولا يتحرك

الوظيفة رقم(2) قـهــوجـي

يجيد صنع الشاي والقهوة العربية والتركية والإنجليزية وجميع أنواع الـ (cofee)

لتكييف مزاج الأعضاء أثناء الكتابة !!! محتاجة مزاج معدوول

الوظيفة رقم(3) عـامل كافتيريـا

يعرف يطبخ كل ما لذ وطاب من الأكلات السريعة والخفايف اللذيذة ..

لسد جوع الأعضاء المشفوحين أثناء تواجدهم بالمنتدى !!! الخوف من أكلهم للكيبورد

الوظيفة رقم(4) مساعد عامل الكافتيريا

للمساعدة بالكافتيريا وتوصيل الطلبات إلى كل المنتديات

ويكون عنده سيكل لأن السرعة مطلوبة !!!مو توصل البيتزا باااردة

الوظيفة رقم (5) ميكـــانيكي

لديه خبرة ميكانيكا عامة .. لتوفير خدمة تصليح سيارات الأعضاء في المنتدى

الوظيفة رقم(6) عــامل نظـافة

للمحافظة على النظافة العامة والتخلص من المواضيع والردود المحذوفة أول بأول

وجمع النفايات اللي ذابينها بكل مكان والعلك الملصق بالأرض

الوظيفة رقم(7) شـرطي مــرور

ينظم السير ويحاول يحد من الزحمة قدام المنتدى لتسهيل دخول وخروج الأعضاء

ويحرر المخالفات !!! حتى بالمنتدى

الوظيفة رقم(8) موظفة استقبــال

للترحيب بالأعضاء والزوار والمساعدة في توجيههم للمنتدى المطلوب زيارته

او المشاركة فيه قريبا بنسوي لوحة ارشادية جديدة للمنتديات

الوظيفة رقم(9) نجـــــار

لصيانة المكاتب والكراسي والأبواب اللي اتهرت من كثر الخبط والرزع

الوظيفة رقم(10) أمينـة مكـتبـة

هذي مهمتها تقتصر على المحافظة على الهدوء والترتيب

ومراقبة إعارة واسترجاع الكتب والمجلات والتأكد من سلامتها

الوظيفة رقم(11) فتـوّة "أبضــاي"

له عدة مهمام وهي تخويف الدخلاء على المنتدى كالهكرز مثلا

يفصل بين المتهاوشين ويفض الاشتباكات اللي تكون باليد أوبالرفس وشد الشعر

ومن شروطه انه يكون مفتول العضلات وحمش وما يتفاهم

عشان اللي يشوفه يمشي على العجين مايلخبطوش

الوظيفة رقم(12) رجـل إطـفـــاء

وظيفته تقتصر على اخماد نيران الحوارات الساخنة

اللي توصل أحيانا لدرجة الانذار باندلاع حريق !!!

الوظيفة رقم(13) جليسـة أطفــال

كل الاعضاء عندهم صغار تقريبا" اللي يجي مع اخوه أو ولده مثلا

ومنعا للازعاج وكركبة المكان بلعبهم ودوشتهم

فإن الـ Baby seter مهمتها مراقبة الصغار في المكان المخصص للعب

الراتب .. غير محــدد (بالاتفاق)

والمؤهل المطلوب .. يكون حاصل على شهادة خبرة لا تقل عن 5 سنوات

ومو ضروري يكون عنده شهادات اخرى

على من تتوفر فيه الشروط ولديه الرغبة لإحدى الوظائف أعلاه

أن يتقدم بطلبه لإدارة المنتدى بملف علاقي أصفر !!! ضروري يكون أصفر


على ان يرفق (المؤهل الدراسي) + (شهادة حسن سيرة وسلوك) مصدقة من المجلس

وصورة شمسية 4×6 ملم عشان ما يخرعنا بخشته


وسيتم اعلان المقبولين قريبا
:fn :fn :fn

[انا من الأيام]

احم أحم

يا خبلة .. أنا بشتغل عامل كفتيــــــــريا



اعـــــــرف أسوي سندويج جبن ...

وعصــــــير فيـــــمتو ..

ما أبغي راتب أقل من 200 درهم بالشهر

والمـــــلف الاصفر إن شااء الله مره ثانيــــه بطرشه :)

[همس الليالي]

الوظيفة رقم(10) أمينـة مكـتبـة

هذي مهمتها تقتصر على المحافظة على الهدوء والترتيب

ومراقبة إعارة واسترجاع الكتب والمجلات والتأكد من سلامتها

ههههههههههههههههههههههههههههههه

اي هدوء اذا ماخبلت كل اللي في المكتبه ماكون انا همسوووه

وعادي اللي يبا يشل مجلات وكتب ياخذهن ولا يردهن حلال عليكم :fn


والحين بنتفق على salary يالله كم بتعطيني يال boss

والمـــــلف الاصفر إن شااء الله مره ثانيــــه بطرشه :confused: شو يقصد اي ملف :eek: :fn :fn

انا عندي ملف احمر عادي :p اذا تبيني الون الملف ماعندي مانع بس على حسابج :fn

[الشوق]

خبلة الفريج شو هذا :mm3

انا ولا وظيفه تناسبني خلاص انا زعلانه منج وما ارضى إلا ببوكس متروس شكلاطات وحلويات وبعدين انتي كريمه وانا استاهل:lo

[راعية مشاكل]

الوظيفة رقم(7) شـرطي مــرور

وافديتني وافديت شغلي

ثانكس على هذا الموضوع

[لحظة شوق]

ما شي شغله تصليح لابتوبات خخخخخخخخخخخخ
تر انا ابااهااا :):)

[اريج]

أولا مشكوووووره يا خبلة الفريج على الموضوع

وأنــــــا اخترت الوظيفه رقم 8 الاستقبال والترحيب


بس أنــــــا راتبي غير عن الكــــــــــل ...

أنـــــــا راتبي رضاء الضيـــــــــــــوف



:ha :fl :ha

أريـــــــــــــــــــــــــج

[ولد جلفار]

انا اخترت

رجل اطفاء


وحليلي اطفي الحرايج


وراتبي بيكون انقاذ الارواح

[صوت الريح]

انا رقم 2

[عشااااقه]

الوظيفة رقم(8) موظفة استقبــال

للترحيب بالأعضاء والزوار والمساعدة في توجيههم للمنتدى المطلوب زيارته

او المشاركة فيه قريبا بنسوي لوحة ارشادية جديدة للمنتديات

[خبلة الفريج]

ولا يهمك أنا من الأيام أعتبر عمرك من اليوم انت مشتغل

بس مب 200 وايد عليك خخخخخخخخ

:fn

[خبلة الفريج]

اي هدوء اذا ماخبلت كل اللي في المكتبه ماكون انا همسوووه

وعادي اللي يبا يشل مجلات وكتب ياخذهن ولا يردهن حلال عليكم

:mad: :mad: همسوووووه الغاليه أنسي ماشي وظايف اوكيه

:fn :fn

[خبلة الفريج]

ولا يهمج الغاليه الشوق بفتحلج بقاله صغيره فيها كل انواع الشوكلاته (ها رضيتي )كله ولا زعلج

:fn :fn

بس بشرط انتي اللي تقعدين اتبيعين

:fn

[خبلة الفريج]

راعية مشاكل كان بودي اشغلج في هالوظيفه بس شو اسوي

النيك نيم مالج غير رايي.. أبغي شخص ينظم المروووور وانتي الله يهديج راعية مشاكل خخخخخخخخخخ

شوفي وعد مني لو غيرتي النيك نيم مالج بسلمج الوظيفه ههههههه
وفوقها راتب لخمس شهوووووور

:fn :fn :fn

صلي الأستخارة ورديلي خبر

:fn

[خبلة الفريج]

لحظة شوق ولا تشيلين هم احنا امفكرين بها الشي بس مب الحين انشاء الله في سنه 2020

إذا بتترينا ماعندي مانع وصدقيني بتكوووونين من الأسامي الأولى خخخخخخخخخخخخ



:fn :fn :fn

[خبلة الفريج]

تسلمين حبووووووبه ;)

اما بخصووووووووص الوظيفه يا هلا وغلا فيج اعتبري عمرج من اليوم انج موظفه لا وعليهم راتب سنه كامله خخخخخخخ

مابنحصل بمواصفاتج هههههه

:fn :fn

[خبلة الفريج]

صراحه والله انك طلعت شهم يا ولد جلفار مستحيل نخسرك (وين بنحصل مثلك في هالأيام )

خلاص اعتبر عمرك انك موظف عدنا ويا هلا خخخخخخخخخ
:fn :fn

[خبلة الفريج]

يجيد صنع الشاي والقهوة العربية والتركية والإنجليزية وجميع أنواع الـ (cofee)

والنعم في بصوت الريح (حصلت الوظيفه) بس شو بخصوص الراتب كم تباه )هههههه

:fn

[خبلة الفريج]

للاسف عشاقه كان بودي اوظفج عدنا بس ييتي متأخره شوي

والله وظفنا اريج ......بس ماعليه بنشوف اريييجوووووه إذا تعبانه بالشغل وتبا حد يساعدها بنردلج خبر وساعتها تستاهلين الوظيفه خخخخخخخ

:fn :fn :fn

[خبلة الفريج]

مبروووووووووووووووك حق اللي اشتغلوا معانا :D

وإللي ماحالفه الحظ معانا .... خله يسامحنا.. ترى الدنيا حظوووووووظ خخخخخخ


بس بعد لا تيأسووووووون ..سمعت ان أسواق التخفيضات ناقصنها عماااال اللي يبا يتوظف يروووووووح بسرعه لا يفوتكم

والله يسهل عليكم خخخخخ




:fn :fn :fn

[لحظة شوق]

:fn :fn 2020 واااااااااااايد بعيد
بس يالله كله عشان الابتوبات يهون

[خبلة الفريج]

جان أتغمضيني والله (بحاول أجدم الفتره شوي 2017:D

هااااااااا شو رايج خخخخخخخخخخ)

:fn

[لحظة شوق]

لالا خليه 2007 شو رايج :fn :fn