شباب الامارات و كيف تعرف من اي اماره... ههههههه

[درب المتاعب]

لوووووووول.. موضوع واااااااايد عيبني!! نقعني من الضحك


واتمنى ان محد من الشباب يزعل وياخذها بروح رياضيه ... ولا تاخذون على خاطركم ترى كله سوالف مع انكم تستاهلون القرض..هههههههههههاااااااااااي


بوظبي

تحصله مسوي تقشير للوجه والنعال لازم انتونيو والكندوره طربال ويسوي المستحيل علشان يشتري سياره حلوه وضارب مخفي شامل ويحوط في الحاره بس وطبعا عمره 40 ولا يشتغل (الله يخلي الوالد طبعا) اما اذا كان عنده استيشن ومافيها دعاميه وضروسه ظاهرات لبرع وفيه كشه تراه من المنطقه الغربيه




شباب العين

طبعا كلمة (لو سمحت) هي ممحايه من قاموسهم اذا كنت في السينما تسمع صوته من آخر الصاله واذا راغ بنت عادي يروغها من موافي يلين راس الخيمه وتحصله يحوط في شارع الضيافه وطبعا معلق الكندوره ورا والسياره غبرا وكاتب رقمه ورا والي يشوفه يقول هذا حاجز في برج العرب مب جنه بينسدح في شي من هذيلا السيوح..

شباب دبي

طبعا ا في شهر سبعه يكون كاشخ بكندوره سودا ولحيته حمرا ومعلق دباديب ورا في سيارته وعداله روسيه ويقعد في ستار بوكس من الساعه 4 العصر يلين الساعه 12 فليل..

شباب الشارجه

لا مفر من كلمة (لاه) ولابس كندوره شفافه بدون فانيله ولابد من العقال الضعيييف والساعه الرولكس مال بانكوك ويوم ترمسه كلمتين عربي والباقي اردو..

شباب عجمان

طبعا لازم يكون عنده (gt) وكاتب احدي العبارات ورا علي سيارته )المتيم،عيمان بوي،باد بوي،المهاجر( ومايتعدي طوله عن 150 سم ومايفرق شتا ولا صيف علي طول منزل اللجامه طبعا لانه المكيف خربان ومعاش الجيش كله رايح علي السياره..

شباب ام القيوين

السياره المفضله الكابرس واقصر واحد فيهم طوله مترين واحلي واحد فيهم يشبه خالد الملا..

شباب راس الخيمه

مربي كشه وطاوي الغتره وراصنها علي راسه يلين يتناطرن ذنيه وعنده سوزاكي حاطله ستين اريل وعليه (حكومة راس الخيمه) ولا كشف بعد وطبعا ماايوزون عن كلمة (شحالش..

شباب الفجيره والمناطق المجاوره

هم حبوبين وطيبين..بس لو يودرون الفانيله الكت وطبعا الدوام لازم في بوظبي والسكن شقه تتكون من غرفه واحده+ حمام ومجموع الي ساكنين فيها 15 واحد ..

المناطق المجاوره،كلباء،خورفكان،الذيد،دبا

مستحيل تحصل واحد منهم يزيد وزنه عن 40 كيلو وهديته المفضله كرتون همبا خضر وطبعا اذا حصلتهم يوم الاربعا علي نهاية الدوام في الخط ولابد من الكريسيدا وعدد الركاب الي فيها من 7 الي 9 في السياره هذا اذا كان بعد محد في الدبه ورا جرب عطهم فول ليت اذا لف مره وحده يمين بسرعه وكل الي في السياره التفتو ورا يطالعونك ..تأكد انهم من المناطق المجاوره للفجيره

خخخخ السموحه

[عكس]

احم احم ثاني على الموضووع
معلوماات يديدة
بس اظن انه الشباااب ما بيردوون على الموضووع
خلكم مثلي عادي لا اتعصبوون كاااااه
يبالناا موضوع عن البنااات كااااااه
تحياتي لكم
اخوكم

[شظاياالروح]

هههههههههههههههههههههاااااااااااااااااااااااي
موضووع عجيب اشكر فنك درب المتااعب يباالهم الشبااب جي موضووع
هههههههههه كشخة


اما اذا كان عنده استيشن ومافيها دعاميه وضروسه ظاهرات لبرع وفيه كشه تراه من المنطقه الغربيه

لا بس هااي حرااام مزودنهاااا شوووي شو ضروسه لبرره هااا
فديت اخوووووويه والله وفديت ضروسه

على العموم مشكور على المووضووع وكل يوم حط لهم جي موضووع