تسجيل الدخول

مشاهدة النسخة كاملة : لو كنت بها الموقف شو بتسوي ... ؟؟؟

نبض!UAE!
03-09-2006, 05:01 PM
لو كنت بها الموقف شو بتسوي ... ؟؟؟

اللعبه وما فيها .. انه كل واحد يقول موقف واللي عقبه يجاوب و يحط موقف للي عقبه !!!

مثل يعني ...

شو بتسوي لو عزمت ربعك على المطعم و يوم ييت تدفع ناسي بوكك ؟؟؟
واللي عقبه يقول كيف بيتصرف .. وعقب يحط موقف ثاني من عنده ... اي موقف يباه ..


أنا ببدأ ...


كيف بتتصرف .. لو كنت تتمشى بالسنتر أو تتمشين و اونك شخصيه عاد جدام خلق الله و مره وحده تخرطفت و طحت .. ؟؟؟!!!!
الخيماوي
03-09-2006, 05:21 PM
اممممممممممم... يا ما طحت انا.. هذي هب اول مرة اطيح خخخخخخخخخ..
بس تدرين شو بسوي... بقووووووووول بصوت عالي..

قنبلـــــــــــــــــــــــــــة قنبلــــــــــــــــــة... انبحطوا كلكم...

ويوم ينبطحون بنـش.. وبقول.. صدق انكم مسخرة هاهاهاهاهاهاها... سويتها فيهم.. خخخخخخخخخخ


الي بعدي..

شو بسوي لو سمعت شخص يقولك... أحبك..
‏كيريزي مون
03-09-2006, 06:59 PM
يسلمووو دموووع راك ع هاللعبه خخخ



كاااااااااااااااااااااااااااااااك حيلوه منك ياا الخيماوي هع



عاد ردي بيكوون بطالعه بنظرااااااااات جيه وبرفعله حواجبي

بقوول له حبتك اليراده خخخ يلاه مناك ككككككككككككككككككككك


اني وي


شو بتسوي لو اللى تعشقها مااتسوييلك سالفه؟؟ كلش
العدسه
03-09-2006, 07:03 PM
مشاركه جميله
واتمني من الجميع التفاعل معاج
والمشاركه في الموضوع
مشكوووووره اختي وماقصرتي .
‏كيريزي مون
03-09-2006, 07:05 PM
هلا خيووو عدووسه هااع بس انته عاد شارك ويانا خلينا انمشى السالفه يابووك انا ملانه

ههههههههههههه يلاه العب وياي والا بصيييييييييييييييييييييييييييييييييح
الخيماوي
03-09-2006, 07:43 PM
لو الي تحبني ما تسوي لي سالفة... بتم أحبها..

لانه مب شرط الي تحبه لازم يحبك او يكون من نصيبك..

الحب مكانه القلب.. وما يحس فيه الا صاحب هالقلب...

وحلو الواحد يعشق انسان معين.. .. والاحلى.. انه يرتبط بهالانسان.. وان ما ارتبط ويااه.. يزول يعل العين ما تشوفه.. الي ما يباك لا تصيح تباه.. وفيه مليون مثله فالبشر. عافانا الله..


الموقف.. شو بسوي لو طلعت الحينة من باب بيتكم.. وشفت سيارة مايباخ واقفة تترياك ومهداية حقك.. مع السائق؟؟
ريم الشمال
03-09-2006, 08:39 PM
لو عادي بطيير من الفرحة!!!!
وحتى ما بسال من منوووو!!!!

بس منقووود عندنا!!!!
ريم الشمال
03-09-2006, 08:46 PM
نسيييت الموقف؟؟؟!!!
من اللي ماخذ عقلي!!!!!!

الموقف.....
امممم


خطبج واحد وهو اصلا يبغي اختج و عرفتي عقب, شو بيكون موقفج؟
و لو
انته خطبت وحده و عطوك اختها, شو بيكون موقفك؟
@راعية الفزعة@
03-09-2006, 08:51 PM
إنزين إختي ما سئلتي .... أوكي أنا بسئل,,


شو بيشتوي لو أمج طردتج من البيت ....
ღانتفض قلبيღ
03-10-2006, 02:06 AM
خطبج واحد وهو اصلا يبغي اختج و عرفتي عقب, شو بيكون موقفج؟
و لو
انته خطبت وحده و عطوك اختها, شو بيكون موقفك؟

نعم .. !!
هههههههههههه وابوييييييي شو هيدا ..
بعدين هذا يوم بيدق باب بيتنه .. وهله وياه .. بيقولون هم يبون فلانه ..
بقوله ماباك .. !!!! شوه بعد .. يبا اختي .. وانا اخذه ..

شو بيشتوي لو أمج طردتج من البيت ....

خيبه خيبه .. جيه شمسويه منكر ..
بسم الله .. والله لايقول .. فديت امايه .. قلبها طيب ماتسوي هالحركه
قمت اتخيلت انا الله يهديج ..

انزييييييييين ..
لوكنتو ف هالموقف شوه بتسووون ...
كنت فـ صالة العرس .. ويوم بدش ع العروس ..
اتشوف العروس .. غير عن الي شفتها يوم الملجه ..
وانتي يابنت اذا شفتي المعرس غير عن ريلج .. شوه بتسوين .. !!
خخخخخ لاتكفخوني بس ..
الخيماوي
03-10-2006, 02:06 AM
بجاوب عالسؤالين..

لو خطبت وحدة وعطوني اختها !!! خخخخخخخخ.. شو أنا شاري غسالة عشان يبدلونها ؟؟؟؟

مستحيييييييييييييييل آخذها... ذاتس امبوسيبل..

لو امي راغتني من البيت.. هههههههههه من يوم أنا ياهل انراغ من البيت خخخخخخخخ يعني شي عادي.. متعود.. ما يبتي شي يديد...


الموقف: اممممممممممممم.. هالمرة بخلي الموقف صعب شوية...

شو بسوين (بسوي) لو شفتي الي تحبينه في احد السناتر.. يتمشى مع زوجته.. وشال عنده بنته الصغيرة ؟؟؟؟
وخاصة اذا عرفتي انه حرمته هذي وحدة ما تستاهله..
الخيماوي
03-10-2006, 02:12 AM
الظاهر انا ونفوضة ردينا فنفس الوقت.. ما عليه.. بجاوب على موقفها..

امممممممممممممم... طلعت غير عن الي شفتها.. تدرون شو بسوي.. بنزل من على الكوشة.. وبدور هاييك الي كانت فالملجة.. اكيد بتكون موجودة هني.. ويوم بحصلها بلبسها الفستنان مال العروس.. والعروس بقولها يالله ادرب . اجلبي ويهج.. خخخخخخخخ

الموقف: اممممممممممممم.. هالمرة بخلي الموقف صعب شوية...

شو بسوين (بسوي) لو شفتي الي تحبينه في احد السناتر.. يتمشى مع زوجته.. وشال عنده بنته الصغيرة ؟؟؟؟
وخاصة اذا عرفتي انه حرمته هذي وحدة ما تستاهله..
ღانتفض قلبيღ
03-10-2006, 02:14 AM
يلاه نجاوب ع سؤالك .. يالخيماوي .. ^___^


شو بسوين (بسوي) لو شفتي الي تحبينه في احد السناتر.. يتمشى مع زوجته.. وشال عنده بنته الصغيرة ؟؟؟؟

وابوييييييييي .. !!
وامنو ها تعيس الحظ ان شالله ..
انزين .. وانا بكون وي ريلي **103** .. وهو وي حرمته ..
شوه بقول بعد .... خسرتوني .. وغيركم حطوني فـ القلب وشروني
ان شالله ان شالله هالموقف مايمر لاي حد منكم ..

شوه بتسوون ..
اذا كنتو ف المستشفى .. ومرضكم هب هين,,,,
وقالكم الدكتور .. خلاص انته ايامك معدوده ف الدنيا...!!!؟
الخيماوي
03-10-2006, 02:21 AM
اذا صار هالشي فمستشفى صقر.. عادي عندي.. لانه كله خريط فخريط..

اما اذا صار هالشي فمستشفى اوكيه.. وصارت حياتي خلاص بتنتهي.. اممممممممممم..

راح اسعى لحسن الخاتمة.. واحاول استمتع بما تبقى من حياتي.. مع تفاؤلي بوجود العلاج.. لان العلم يتقدم ويتطور بسرعة..


الموقف: شو بسوي لو.. زختك عصابة.. وقيدوك بسلاسل.. وفروك فالبحر.. ومحد كان هناك يسمعك وانته تصارخ خخخخخخخخخخ
ღانتفض قلبيღ
03-10-2006, 02:25 AM
الموقف: شو بسوي لو.. زختك عصابة.. وقيدوك بسلاسل.. وفروك فالبحر.. ومحد كان هناك يسمعك وانته تصارخ خخخخخخخخخخ

بصراحه وبصدق .. !!
انا اصلاً من اول مابشوفهم بزيغ .. وبتخبل ..
وكل حالات الدنيا بتستوي ف هالوقت,,,
وعاد لين مايقيدوني بسلاسل انا رايحه فيها .. خخخخخ

شوه بسوي ..
لــــو .. قالو لك بنخطب لك فلانه .. وهالفلانه سمعتها هب شي .. !! وهلك غاصبينك عليها .. بس لانها حلوه !!
الخيماوي
03-10-2006, 02:30 AM
امممممممممم.. بييب لهم وحدة من بنات موسكو المشهورات بالجمال.. وبقولهم دووووكم هاي احلى من هاييك البنت الي تبونها لي.. خخخخخخخخخ.. عاد وقتها بيحسوووون...

بعدين نفوووووضة... اشعندج كله تسألين عن العرس هاااااااااا؟؟ اعترفي.. هذي ثاني مرة ازخج... تذكرين من زماااان بعد ... خخخخخخخخخخخخخ



الموقف: شو بسويين لو تلاقيتي صدفة بعضو من الاعضاء الي تحبين مواضيعه؟؟
ღانتفض قلبيღ
03-10-2006, 02:37 AM
اونه بنات موسكو ..
اقولك خلك اهني وقر اشوف ..
وانا بدور لك من الزين خخخخ ..

وبعدين والله ماعندي مواقف ثانيه .. غير عن العرس ..
وبس صخ خخخخ ..


الموقف: شو بسويين لو تلاقيتي صدفة بعضو من الاعضاء الي تحبين مواضيعه؟؟
كل شي بوقته حلوو...
اممممممممممم ماعرف .. بقولهم يلاه اكتبو كتاب عني .. هع ..
قمت ف هالموقف اتخيل كروووز .. وطوط

انزين ..
مثلاً .. مدرس هزبك ف الحصه .. وقالك انته قليل ادب وماتستحي ومن هالرمسه..!! وهو اصلاً البادي,,
وبعدييييييييين انته ف خاطرك اتسوي شي .. واليوم الثاني حد من الشيوخ زاير المدرسه
بترمس وبتقول .. !! عن هذا المدرس خخخخ ؟؟
البنت المؤدبة
03-10-2006, 09:40 AM
اكيييييييييييييييييييييييييييييييييييييييييد لا
ها الوقت اللهم نفسي نفسي خخخ
بس يمكن اعذبه ع طريقتي الخاااصة
يعني نغزة ع نغزة ع حركااات تفور دمه وما يعيديها مرة ثاانية
ومخه ينفجر ..ومن هذي الحركات الي اتنرفز خخخ كووووول

انزين

الي بعدي
لوووكنت بموقف انك بالغلط فزت بشي واننته ما اتعرف شو السالفه
ويووم سااير تستلم الجايزة قاالوولك رد الاسم كان متشاابه ومب انته الي فزت( جدام خلق الله)
ههههههههه كيف بيكووون شكلك وانته راااد ...
‏كيريزي مون
03-10-2006, 10:19 AM
ههههههههههههههههههههههه سؤالج غير شكل لوووووووول


اني وي بقوول اني اخته وجيه وبخرط عليهم خخخخ فديتني ام الخريط

بهف الجايزه وبشرد فيها خخخ عاد من زينها كااك



اني وي

سوعالي يقوول ؟؟


شو بتسوي لو اليووم اليووم شفت اللى تحبه ؟؟؟ لووووووووووووووول
نجم سهيل
03-10-2006, 01:20 PM
شو بسوي بعد

الله اعلم هههههه

المهم


شو بتسوي لو شفت الي تكره خخخخخخ

عكس لوول
صوت الريح
03-10-2006, 08:43 PM
ههههههههههههههههههههه

بحااول اقهره خخخخ

كيفي

المهم

شو بتسووي اذا ابووك هزبك ؟؟
نوار
03-10-2006, 08:46 PM
ما بسوي شي عادي بخذها بروح رياضية...بس العادة اتم اضحك هههه

شو بتسوي لو كنت ساير عزيمة وفجأة مرت سيارة وكانت الارض كلها ماي وتوسخت؟؟؟
شيطونه
03-11-2006, 04:49 AM
الصرااحه .. بسب الي وسخني . وبقوله عمي ما تشووف ..

بس سؤاال غير شكل .. عاد القهر اذا كنتي لابسه لوون بسرعه يتوصخ .. او شي توه يديد لابستنه .. ههههههههه

انزين الموقف مال يقوول ... ممممممممم

شو بتسوي وانت مسافر برع .. وهاي البلد مترووسه عرب .. وفيوم من الايام كنت تتمشى .. وكان يطيح مطر .. وفجأه انزلقت وطحت .. وبهاي اللحظه شافك وااحد عربي .. لا ومن نفس بلدك .. خخخخخخخخخ.. شو بتسوي ساعتهاااا .. ههههههههههه ..
uaecat
03-11-2006, 05:07 AM
الصراحه انا اذا استوالي جذه بتم يالسه و اضحك و اضحك و اضحك على عمري ما بروم اقوم

بالعكس السفر وناسه تضحك مع اي حد انا اذا انزلقت في البيت اتم اضحك على عمري كيف برع خخخخ




المهم

اذا مره اخطفووك حراميه و قالوا حق اهلك يبون فديه شو بيكون موقفك و انته مربوط و تتريا الفرج**91**
شيطونه
03-11-2006, 05:38 AM
ههههههه.. الصراحه صار لي هاه الموقف وانا صج اتفشلت .. بس عقب نقعت ضحك على عمري .... خخخخخخخخخخخ ..

اذا مره اخطفووك حراميه و قالوا حق اهلك يبون فديه شو بيكون موقفك و انته مربوط و تتريا الفرج

ههههههههههههه.. والله ما اتخيل شوو بيصير فيني .. اكيد قبل لا ياخدوني اهلي انا ميته ... ميته خووف مب هم الي بيجتلووني .. خخخخخخخخخخخ.. بقول لهلي ما في داعي اتيبون فديه لاني بكوون ميته ... خخخخخخخخخ.. بسم الله علي ...

ممممممممممممممممم.. انزين

اذا .. في يوووم يا وااحد وخطبج .. انتي شفتيه من قبل و ما عيبج .. وقالولج اهلج لازم تاخدينه .. وانتي ابدا مب عايبنج .. شو بتسوين ساعتها .. او انت شو بتسوي ...
‏كيريزي مون
03-11-2006, 09:08 AM
في يوووم يا وااحد وخطبج .. انتي شفتيه من قبل و ما عيبج .. وقالولج اهلج لازم تاخدينه .. وانتي ابدا مب عايبنج .. شو بتسوين ساعتها .. او انت شو بتسوي


خخخخخخخخخخ اوريدي صار لي هالموقف انا كنت اصلن رافضه اني اتزوج خخخ حالفه الاخت كااك

بس مب سالفه انه ماعيبني بس مي بي شفت منه شي وماعيبني هالشي فيه حتى لو هو يباني من خاطر

وراح اتم مثل ماانا معانده ع قراري خخخخخ لاني معروفه عنيده وراسي يابس خخخخخخخ هع


يعني هلي ماراح يجبروونه اخده خخخخ يعني جيه والا جيه عنادي بيكون الاقوي خخخخ

اني وي سوعالي يقوول


شو بتسوي لو حد دش عليك وانته راقد وكنت تحلم فيني مثلن يعني خخ ودش حد من اخوانك
ورش عليك مااااااي بارد شو بتسوي ؟؟ خخخخ
ღانتفض قلبيღ
03-11-2006, 11:57 PM
بزقر مامااااااااااااااااااه .. وبخليها تهزبهمِ ..
انا روحي يوم اكون راقده ماحب حد يدخل علي .. ولا حد يسوي حشره ..
قسم بالله اتغصص من الخااااااااااااااطر ..


انزييييييييين ..
شوه بتسوي لووو ..
مثلاً انته تعرف فلان .. وهالفلان مادانيه ..
ومن كم يوم.. هووو ياينك عسب يستسمح منك..
وانته هزبته .. وقتله رمسه مول ماتسر .. وضيج بالخاطر ..
واليوم الثاني قالوووو لك .. فلان مااااااااات ؟؟
صوت الريح
03-12-2006, 01:07 AM
بتم اصييييييييح


المهم شو بتسوي اذا طبخت والطبخه مب شي ؟؟
ღانتفض قلبيღ
03-12-2006, 01:25 AM
هههههههههههه
عادي .. مو مشكله,,
تجربه .. تعلم الشطار .. مثلي يعني..احم احم..

انزيييييييييين

شوو..بتسوي..لووووشفت موتر مسرع...
وفـ نص الشارع ياهل,,
بتروح بتركض عسب اتشله..
ولا...
صوت الريح
03-12-2006, 01:30 AM
امم

اكيد بركض اذكر مره كنت في السووق وكنت اصغيره المهم سيااره ياايه بسرق اشووي وتدعم اميييييييييه

وسحبتهاا خخخخ

فديتني والله قوويه

شو بتسووي اذا حد من الاعضااء قال عنك رمسه مش اووكي

بترد عليه بسب ولا بتسكت عنه
Eve
03-12-2006, 01:38 AM
اظن راح اكتفي بالرد و التفاهم بدون اللجوء الى السب ,, !!

شو بيكون موقفك لو كنت في طيارة و فجأة قالولك الطيارة مخطوفه و فيها ارهابيين خخخ ??
شيطونه
03-12-2006, 04:44 AM
بكل بساطه .. بتيبس مكاني .. و ما برمس ولا كلمه .. من الزيغه .. لوووووووووووول..

خخخخخخخخخخخ....

المهم .. شو بتسوي اذا مممممممممممممممم..

مره كنت اتسوق سياره .. وفجاه نزلت من السياره ونسيت ترفع الهند بريك ... وعقب حضرتك نزلت من السياره .. والحبيب ناسي الهند بريك ... وفجاه وانت نازل شفت السياره تتحرك .. ومن الزيغه نسيت انك اذا رفعت الهند بريك بتوقف السياره ... واتحركت السياره و بغت تدعم بجدار .. شوو بتسوي ساعتهااا .. كيف بتصرف بهاي اللحظه ...