تسجيل الدخول

مشاهدة النسخة كاملة : كرسي الاعتراف في ضيافة .......uaeson

قصة_حبيبين
07-08-2005, 11:52 AM
بناءا على تصويت الأعضاء .. في هالموضووع بيكون رابع من يجلس على كرسي الإعتراف هو (uaeson) ..

uaeson
تفضلوا يا أعضاء بالأسئلة .... بس عاد لاتهلكوون ضيوفنا الكرام خخخخخخخخخخخخخ

كل عضو عنده أي سؤال يحب يوجهها لضيفنا .. إسإلواااااااااااا ولاتستحووون

الغرض منه هو زيادة التعارف بين الأعضاء

طبعا بيكون مدة كل مرشح أسبووووووووووووع واحد .. ومن ثم ننتقل للعضو التالي ...

شاكر تعاونكم

أخوكم

قصة حبيبين
نجم سهيل
07-08-2005, 12:14 PM
ياحيه أخوي uaeson

بنزف معرسنا فديته خخخخخخخخخخخخ **44**

1) من هو uaeson (بطاقتك الشخصية)
2) شو هوايتك المفضلة؟؟
3) شو أكلتك المفضلة؟؟
4) شو المشروب المفضل عندك؟؟
5) ثلاث وردات تهديها لمن؟؟
6) ثلاث أشواك تهديها لمن؟؟
7) أوصف لنا الأعضاء التاليين في ثلاث كلمات:
* القناص
* نجم سهيل
* رحال المعيريض
* عذب المعاني
* نسيم البنفسج
* نوار
* ليتني طفلة
* كريزي مون
* تنافس القمر
8) المكان المفضل عندك في راك؟؟
9) شو شعورك وإنت جالس على كرسي الإعتراف؟؟ خبرنا جان ضيق بنوسعه لك خخخ يالدب؟؟
10) تحب الشعر؟؟ ومنوا شاعرك المفضل؟؟
11) شو نوع موترك؟؟
12) شو نوع موبايلك؟؟
13) الماركة المفضلة عندك من العطوور؟؟
14) شو تسوي في المنار 24 ساعة طايح لي في ستار بكس هاه؟؟
15) ليش تحب بروس ويليس؟؟
16) شو الفيلم المفضل عندك؟؟
17) كم مقاس نعالك؟؟
18) أي قسم من أقسام المنتدى يعجبك؟؟
19) أحلى مسج في تلفونك؟؟
20) شو رايك فيني خخخخخخ ؟؟ تعبت من الأسئلة .. ؟؟ وشو دعيت عليي؟؟
عذب المعاني
07-08-2005, 02:25 PM
هلا وغلالاااا


احم احم


بســـــــــــــــــألك

شو اسمك الحقيقــــــــــــي ؟!

تحب الســــــــفر ولا ؟!

لو كنت في هالموقف

1 -((حبيـــــــــــــت شخص و عشت معاه اجمل ايام عمرك ... و بعد خمس سنين يا اعز ربعك و خذ منك هالحبيب ... شو بيكون موقفك ؟! بتخليهم مع بعض ... ؟!!
بتتمسك في حبيبك و بيكون عندك امل انه بيرجع لك ..؟؟!!
ولـــــــــــــــيش ...؟!


اخوك عذب المــعاني
نجم سهيل
07-08-2005, 02:53 PM
خخخخخخخخ الله يعينك ولد الامارات
نسيمoالبنفسج
07-08-2005, 02:54 PM
نجوم ما خليت سؤال ما سالته .... الحين انا شو اساله .؟؟؟؟؟
نجم سهيل
07-08-2005, 02:56 PM
نسوووووووم

لا تسأليييين الي فيه كافيه خخخخخخخخخخ **37****5**

انزين اسأليه عن احفاده و عياله خخخخخخخخخخ اي شي شغلي مخج القوطي شويه
uaeson
07-08-2005, 03:03 PM
اولا مشكورين والله يعيني انشاء الله

راح ابدأ مع نجوم واجيب ع اسألته احم احم بسم الله الرحمن الرحيم

1) من هو uaeson (بطاقتك الشخصية)
سالم عبدالله طالب في البعثة الخارجية لدولة الامارات في بريطانيا

2) شو هوايتك المفضلة؟؟ اامممم مافي شي محدد الصراحة بس من ضمنها الكمبيوتر وركوب الخيل

3) شو أكلتك المفضلة؟؟
البيتزا ^_^ ولازم من مطعم ايطالي بعد

4) شو المشروب المفضل عندك؟؟
الكوفي بأنواعها بس يضل الاسبريسووو غيرررر

5) ثلاث وردات تهديها لمن؟؟ اممم وحده حق امي وابوي والثانيه حق اعز ربعي والثالثة حق اعضاء منتى راك تو راك

6) ثلاث أشواك تهديها لمن؟؟ ولا لاي حد مع انه وايد اشخاص يستهالون هاي الهدية

7) أوصف لنا الأعضاء التاليين في ثلاث كلمات:
* القناص عضو مثال للطيبة والاخلاق العالية
* نجم سهيل عضو مرح
* رحال المعيريض روح الدعابة في راك توراك
* عذب المعاني عضو متزن مثقف
* نسيم البنفسج عضو ظريف تعتمد عليه اوقات الحاجة
* نوار عضو ذو شخصية فريده ناجح جدا في طرح الحوارات والرد عليها
* ليتني طفلة عضو مبدع وخلوق
* كريزي مون عضو متقلب المزاج احيانا
* تنافس القمر عضو فعال في التواصل مع الاعضاء وصاحب اخلاق رفيعة

8) المكان المفضل عندك في راك؟؟
ستار بكس المنار ^_^

9) شو شعورك وإنت جالس على كرسي الإعتراف؟؟ خبرنا جان ضيق بنوسعه لك خخخ يالدب؟؟ خاااااااااااااااايف وايد عن اخورها بالرمسه تعرفوني هههههه بس نجوم مب ضيق قول واسع وضيقووو خخخخخخخخخخ

10) تحب الشعر؟؟ ومنوا شاعرك المفضل؟؟ امم انا مش من النوع المتابع جدا للشعر ولكن مرات احس اني احب اسمعه اكثر من قراءته وووعندي صديق عزيز علي كان يكتب شعر عشان جي بديت اقرى شوي اما عن شاعري المفضل عندي شاعرين

خالد المريخي شعره عاطفي مع لمسات فكاهية جميلة الصراحة
والشاعر الامارتي جمعه بن نايم الكعبي بعد شاعر جميل الصراحة

11) شو نوع موترك؟؟ هوندا اكورد ^_^

12) شو نوع موبايلك؟؟ اممم انا مب من النوع اللي يهتم بالموبايلات كثير ع الاقل في السنوات الاخيرة لانه صرت ااؤمن باللي يقول المهم الشي اللي يوصل المكالمة ومب الكشخة واخر موديل ومبايلي هو والدمعة

13) الماركة المفضلة عندك من العطوور؟ سكادا ولانكوم اللي هو عطر بويم

14) شو تسوي في المنار 24 ساعة طايح لي في ستار بكس هاه؟؟ ههههه كيف عرفت ها السر الخطير ؟؟؟؟؟

15) ليش تحب بروس ويليس؟؟ امم سؤال صعب اولا شخصية جذابة بغض النظر عن الديانة او الجنسية او او ع فكرة اهو الممثل الرسمي لجمعية تبني الاطفال في اروبا
احس انه شخصية فريده من نوعة تمتزج بين الجدية و روح الدعابة

16) شو الفيلم المفضل عندك؟؟ طبعا هوستج ورايز اب ميركيري تبعول بروس ويلس ^_^

17) كم مقاس نعالك؟؟ ليششش كل ها الاحراج خخخخخخخخ 40 والله

18) أي قسم من أقسام المنتدى يعجبك؟؟ اكيد التسالي بس والله اني امر ع الاقسام اللي قبل اول

19) أحلى مسج في تلفونك؟؟ مسج من شخص عززززيززز وايد كان مسافر وطرش لي
انا وصلت الامارات

20) شو رايك فيني خخخخخخ ؟؟ تعبت من الأسئلة .. ؟؟ وشو دعيت عليي؟؟
لا ما دعيت عليك فديتك والله بس انا مستعيل كنت بظهر مشوار جي خخخخخ وانا موجود ولي رجعه انشاء الله يلا فديتكم باااي
نجم سهيل
07-08-2005, 03:08 PM
شكرا لك ولد الامارااااااااااااااااااااااااااااااات

علشانك جاوبت على اسئلتي كلها و جان استانس من الخاطر **20****17****62**
نسيمoالبنفسج
07-08-2005, 03:11 PM
يسلمو ولد الامارات على صراحتك .... خاطري اسال بس نجوم ما خلالي شي ....
نجم سهيل
07-08-2005, 03:12 PM
نياهاهاهاهاهاهااهاهاه **37****22**
كليوباترا
07-08-2005, 03:38 PM
هههههههههههههههههه
دووور ولد الامارات الحييييييييين ... حليله والله ...!!!

افففف وانا بعد شو اسأل.... نجوووم ماخلا شي ...
المهم بعصر مخي وبدور سؤااال .... ولا اقوووول برووح موضوع نجوووم يوم كان على كرسي الاعتراف وبغش كم سؤااال ....خخخخخخخخخخخخخخ
قصة_حبيبين
07-08-2005, 03:43 PM
لا تقصرون فيه اشخلوه من اسراره

هو اللي طلب ويتحمل

ربي يوفقك اخويه فبعثك ويعطيك العافيه
ŮпяёаСђαβζє
07-08-2005, 04:01 PM
نجوم الدب .. ماخلا شي ماسأله .... :mad:

لي رجعة إن شاء الله
نجم سهيل
07-08-2005, 06:31 PM
علشان تحسون فيني يوم كنت في كرسي الاعتراف **38**

وحليلي كنت اسهر الليالي علشان اجاوب على اسالتكم الي ما تخلص لو كان مكاني حرامي جان اعترف

نياهاهاهاهاها
نسيمoالبنفسج
07-08-2005, 10:09 PM
شو أكلتك المفضله ؟؟؟


شو رايك في منتدى راك ؟؟؟


هل تؤمن بالحب ولا رايك فيه انه لعب يهال؟؟؟؟

شو لونك المفضل ؟؟؟وليييش؟؟؟


شو الشي الي تسويه اول ما تنش من النوم ؟؟؟


منو قدوتك في الحياه ؟؟؟

هل انعجبت مره في شخصيه معينه ؟؟؟ ومنو هاي الشخصيه ؟؟؟



السموووحه على الاساله .... والله الصراحه ما اعرف شو اسال ....خخخخخخخخخخخخخ
لحظة شوق
07-08-2005, 10:16 PM
هلا والله بولد الامارات


شو رايك في الغربه ؟
في فرق بين غربه في بلد اجنبي وفي بلد عربي اذا كان المغترب عربي الاصل ؟

وهل اللى عايش في الغربه مرتاح والا لا واذا مرتاح ليش ؟؟
والسموحه
uaeson
07-08-2005, 10:18 PM
عذب المعاني
هلا وغلالاااا


احم احم


بســـــــــــــــــألك

شو اسمك الحقيقــــــــــــي ؟! امم قلته قبل ^_^ سالم عبد الله

تحب الســــــــفر ولا ؟! كنت احبه لانه احس يعطين اشيااء اكثر بوايد من البيزات اللي انفقها ع الرحلة بس اللحين بطلنا مليت
لو كنت في هالموقف

1 -((حبيـــــــــــــت شخص و عشت معاه اجمل ايام عمرك ... و بعد خمس سنين يا اعز ربعك و خذ منك هالحبيب ... شو بيكون موقفك ؟! بتخليهم مع بعض ... ؟!!
بتتمسك في حبيبك و بيكون عندك امل انه بيرجع لك ..؟؟!!
ولـــــــــــــــيش ...؟!

اولا ما راح اضحي بربيعي لو عطاني سبب مقنع للي دفعه يسوي ها الشي كلكم بتستغربون صح بس انا بفكر لابعد من ارنبة انفي مثل مايقولون راح افكر بالثقة للي عطيتها للانسان الثاني دام انه هانت عليه عشرة العمر والخمس سنين اكيد راح تكون مجرد نزوة مع اعز ربعي وبتحصل غيره

بختصار اكيد انه انسان مايستاهل حثاله كل يوم مع حد ولا ابغي يرجع لي وبقول خسارة فيك حبي خليك متهني وعايش بشوف لوين بتوصل اكيد بيي اليوم اللي اضحك فيه عليك
للاسف كنت ساذج ومجرد لعبة بين اديك
uaeson
07-08-2005, 10:25 PM
البيتزا ولازم مطعم ايطالي 100%

شو رايك في منتدى راك ؟؟؟

منتداي المفضل والله ودرت كل المنتديات وقمت اعسكر هني غيرررر

هل تؤمن بالحب ولا رايك فيه انه لعب يهال؟؟؟؟
اكيد اؤمن ونص بعد والحب هو ملح الحياة اصلا

شو لونك المفضل ؟؟؟وليييش؟؟؟
الاسود احسه يركب علي وااايد وكفاية انه ملكي ع الرغم انه يقولن كله شكله نحس وهم وغم

شو الشي الي تسويه اول ما تنش من النوم ؟؟؟
اغسل ويهي خخخخخخخخخخخخخخخ لا قبل اجيك ع الموبايل في حد متصل ولا وايلس اطالع ويهي في المنظره نص ساعه خخخخخخخخخخخخخ

منو قدوتك في الحياه ؟؟؟
محد

هل انعجبت مره في شخصيه معينه ؟؟؟ ومنو هاي الشخصيه ؟؟؟
اكييييييييييييييييييييييد وهل يخفى القمر اكيد بروس ويلس
خخخخخخ





لا عادي ومشكووووره
uaeson
07-08-2005, 10:37 PM
لحظة شوق


شو رايك في الغربه ؟ اكيد صعبة على كل احد بس تجربة حلوه تعلم الشخص اشياء وايده خاصة لو كان في اول شبابه

في فرق بين غربه في بلد اجنبي وفي بلد عربي اذا كان المغترب عربي الاصل ؟
اكيد ها الشي ع الاقل في بلد عربي احس انه الواحد يضل حاس انه في ماكن قربيب من اهله من بلاده وجي

وهل اللى عايش في الغربه مرتاح والا لا واذا مرتاح ليش ؟؟
والله اختي حسب في ناس ترتاح وفي ناس من النوع اللي ما ينام إلا ع فرشة سريره ع قولتهم
اما انا تبين الصج مرييييييييح ع الاخر يعني المكان اللي عايش به تحسينه منظم مافي حد يخرق القوانين الواحد يمشي بموتره وعيونه مغمضه وايد اشياء حلوة
بس بعدي اشتاق حق راك واهلها
نسيمoالبنفسج
07-08-2005, 10:38 PM
يا الظالم تقعد تشوف ويهك في المنظره نص ساعه ..... انا ما اطيق اشوف ويهي .... ويا ويله الي يكلمني كلمه بس ........خخخخخخخخخخخ .... استوي شريره ...
لحظة شوق
07-08-2005, 10:42 PM
المشكله انه راااك لها طعم خاص
وان شاء الله خير اخوي :)
uaeson
07-08-2005, 10:42 PM
كااااااااااااااااااك هيه نسوم ش اسوي مشكله
نسيمoالبنفسج
07-08-2005, 10:46 PM
صج انك مشكله .... الله يعينها عليك بس ...........×خخخخخخخخخخخخخخ
uaeson
07-08-2005, 11:18 PM
بسم الحمد الله ويهي حلو ينطالع يعني ما ازيغ منه
نسيمoالبنفسج
07-08-2005, 11:20 PM
ههههههههههههه ..... انزين انزين خلاص حلو .........خخخخخخخخخخخخ
نوار
07-08-2005, 11:54 PM
ما شاء الله اخوي نجم سهيل بروحه ما خلا اسئلة ما حطها ...ما ينلام من الاسئلة اللي س

تسلم اخوي على رايك فيني ...

انا عندي سؤال واحد بس ،،، امس وانا تناقش وياك يا في بالي

شو تدرس وانت الحين سنة كم في الجامعة؟؟

ما ادري اذا حد من الاعضاء سألك هذا السؤال والا لا؟؟[/align]
uaeson
07-09-2005, 12:08 AM
الاخت نوار الاجابة ع سؤالج ^_^

شو تدرس وانت الحين سنة كم في الجامعة؟؟

الله يسلمج مخلص الاساسي في الكلية ومدته سنة وثلاث شهور ويت داش في التخصص
تعرضت لحادث وكان لازم ارد اسوي عملية وكنت مختار تخصص طيران بس للاسف مادشيت به ورديت البلاد كورس كاامل والحمد الله انا بخير اللحين واقدر اكمل الكورس الياي اللي هو 9 في تخصص ادارة الاعمال والله يوفقنا انشاء الله ^_^
نسيمoالبنفسج
07-09-2005, 12:12 AM
هي هي عندي سؤال ...

شو الحادث الي سويته ؟؟؟ واذا ما تبا تجاوب عادي ؟؟؟؟
uaeson
07-09-2005, 12:25 AM
حادث سيارة ويا راسج ش بيكون كنت ويا واحد عبببببببببببببيط السيارة جدامه وهو ولا على باله !!!! وتوبه اركب وياك
نسيمoالبنفسج
07-09-2005, 12:35 AM
هههههههههههههههههههههههااااااااااي .... حد قالك تركب ويا واحد جوووله ...خخخخخخخخ
uaeson
07-09-2005, 12:49 AM
الظاهر كان احول بس الله ستر والله
نسيمoالبنفسج
07-09-2005, 01:17 AM
هههههههههههههههههههههههه حرام عليك لا تسب الريال .... هذا قدر ومكتوب .,..خخخخخخخخخخخ
uaeson
07-09-2005, 01:24 AM
والنعم بالله بس مب لكل شي سبب والسبب الريال الاحول حسبي الله عليها اللي قاهرني طالع يضحك وهو متكسر ش يضحكك عمى بأللبك

اخافه مسجل هني ويشوف

امبيييه

بجرح مشاعره والله

حرام

بس خلاص انتي كله منج
نسيمoالبنفسج
07-09-2005, 01:29 AM
هي الحين ردها علي .... عيل احسن الي استوابك تستاهل .......خخخخخخخخخخخ
‏كيريزي مون
07-09-2005, 01:57 AM
خيبه خيبه هذا من متى راكب على الكرسي الاعتراف وانا اخر من يعلم


اوييييييييه اانا شكلي مضيعه *_*

متى صار هاه كله اقوووووووول ولد الامارات شو اسمك بالكامل واليووم اي يووم وجم التاريخ

وبعدين نسووم هاه كله سوالفج والا اسئلتج خخخخخخخخخخ
نسيمoالبنفسج
07-09-2005, 01:59 AM
خخخخخخخخخخخخخخخ كريزي مون عادي ماخذه المنتدى على حسابي ... ترا المنتدى مال الوالد ما تدرين ..........×خخخخخخخخخخخخخخخخخخخخخخخ
‏كيريزي مون
07-09-2005, 02:14 AM
وييييه يعني طلعتي اختي خخخخخخخخخخخخخخخخخخخخخخخخخخخخ

ترا راعي المنتدى يصير باباتي احم احم هههههع


خاطري اقووول ل ولد الامارات ..ياحيك والله ونورت كرسي الاعتراف بوجودك اخوي

ووووووووو شولوونك المفضل! شو اخر فيلم رعب جفته !!
uaeson
07-09-2005, 02:19 AM
لوني المفضل الاسود

اخر رعب قبل سنة كنت في بريطانيا خخخخ وفلم جددديم مسخرة لاني ما اشوف افلام رعب

وت يو ديد لاست سمر خخخخخخخخخخخخخخخخخ
نسيمoالبنفسج
07-09-2005, 02:25 AM
مااااااااااال اول .... الحين يحطونه على جنل تو ....خخخخخخخخخخخخخخخ
uaeson
07-09-2005, 02:28 AM
ادري ويا راسج حتى هناك شايفنه ع قناة الافلام بس ما حب اصلا انا الرعب احسه تافه اونه زيغة ومدري شو وعقب شو كله خيال في خيال
نسيمoالبنفسج
07-09-2005, 02:38 AM
نيييييييييييياااااااااااااها ها ها ..... شدراك يمكن يستوي صج ... ولا انت ما تحب علشان خواااف ..........خخخخخخخخخخخخخخ
ŮпяёаСђαβζє
07-09-2005, 03:27 AM
ماهي قناتك المفضلة؟؟

ماهي حكمتك اليومية؟؟

كم مرة تروح البحر؟؟

نبذة عن تاريخ دراستك في المدرسة؟؟

أحلى موقف مضحك مر في حياتك؟؟

تخيل إنك في يوم تحكم العالم.. شو الأشياء اللي راح تغيرها ؟؟

تحب القراءة ؟؟ وإذا نعم .. ماهو كتابك المفضل؟؟

شو تعني لك هالكلمات:

الليل ....
الهدووء ...
النور ...
الموت ...
الأم...
العلم...
الطفل ...
الوطن...

بما إنك تحب البيتزا .. مثلي ... مافكرت تطبخ أو تسوي بيتزا بنفسك ؟؟

والسموحة خيي .. لي رجعة إن شاء الله **33**
حزن راك
07-09-2005, 05:33 AM
هههههههههههههههه
هيه والله نجوم ما خليت لنا شي ..

ع العموم.....


ابصراحه
شو تعني لك


حزن راك
uaeson
07-09-2005, 02:41 PM
ماهي قناتك المفضلة؟؟ mbc 4 الجديده او قناة stc

ماهي حكمتك اليومية؟؟ دع الايام تفعل ماتشاء خخخخخ انا كوووول ومايهمني شي ^_^

كم مرة تروح البحر؟؟ كل مرة احس بضيق بصدري ومافي احد يسمعني

نبذة عن تاريخ دراستك في المدرسة؟؟ مشاء الله علي والله اني كله من العشر لاوائل ما بجذب بقول الاول بس الحمد الله كنت مجتهد في دراستي لان كان عندي هدف حاطنه في بالي

أحلى موقف مضحك مر في حياتك؟؟ اممممم وايد اشياء خخخخخخ زين بقولكم ها الشي بس يدل على غبائي اكثر الله يسلمكم في يوم نشيت الساعه 8 كالعادة البس وازهب عمري للكلية طبعا وكان ها اليوم ثلج ثلج من الخاطر بعد طلعت اتريا عند موقف الباص وفجأة حسيت اني ناسي شي وادور ادور الظاهر انه الموبايل ويلا عاد لازم ارد البيت اللحين ومشي ما بطول عليكم رديت البيت والله لا يراويكم بكبري ثلج وماي وقعدت ادور في الغرفة الموبايل محد مني مناك وتصل من تلفون البيت واكتشف انه الموبايل وين وين ياترى خخخخخخخخخخخخخخخخخ في الشنطه اللي شالنها وانا ما جيكت واضتريت اني ابد ملابسي واحذ تكسي حسيت عمري موقف غبي بس يلست اضحك على عمري خخخخخ

تخيل إنك في يوم تحكم العالم.. شو الأشياء اللي راح تغيرها ؟؟
وووووووووايد اشياء اول شي بوقف الحروب والناس اللي تذبح في كل مكان وبساعد كل محتاج وبالخاصة عيال الديرة والوظايف والله حسرة جامعين في البيوت وووو وايد اشياء لازم تتغير
تحب القراءة ؟؟ وإذا نعم .. ماهو كتابك المفضل؟؟
امممم هيه بس اكثر شي القصص والروايات اخ قصة قريتها هي بفي سلاير اللي هي مال المسلسل طبعا وكتاب عربي بس ما اذكر شو اسمه كان عن اساسيات التغذية في الحياة اليومية ^_^

شو تعني لك هالكلمات:

الليل .... الراحة
الهدووء ... التفكير بحرية
النور ... سماء صافية فيها ضوء القمر
الموت ... عقدتي اللي دوم اخاف منها
الأم... الحضن الدافىء
العلم... كل الحياة
الطفل ...البرائة
الوطن... مرجع لكل انسان مغترب

بما إنك تحب البيتزا .. مثلي ... مافكرت تطبخ أو تسوي بيتزا بنفسك ؟؟ خخخخخ لا مافيني ادش احرق المطبخ فكرت بها مرة بس ترددت يمكن اجرء مرة خخخخخ بس لما اكون برع الامارت طبعا اشتري جاهزه والله يخلي المايكرويف

ومسموووحة اختي
uaeson
07-09-2005, 02:42 PM
اخت غالية وعزيزه وعضو جميل في عائلة راك تو راك بس دوم احسج حزينة مادري من نكج ولا ها شي فيج ؟؟؟؟ ^_^
ŮпяёаСђαβζє
07-09-2005, 02:44 PM
الله وجان يجاوب على أسإلتي .... ثانكس خييييييي الدب

ولي رجعة لاتشرد إنزين **33**
uaeson
07-09-2005, 02:50 PM
ههههههههههههههههههههههههههههههههه


يو ار ولكم خيتووو شكلهم رابطيني هني في التسالي الجماعة ما اروم اشرد
ŮпяёаСђαβζє
07-09-2005, 02:52 PM
ههههههههههههههههه

خليك مربوووووووووط ليما يخلص أسبوعك ههههههههههههه

يحليلك والله **33**
uaeson
07-10-2005, 12:18 AM
نفسي اعرف ليش الموضوع قحص لين الاخير **32**
نسيمoالبنفسج
07-10-2005, 12:23 AM
هههههههههاااااااااااي .... ليش حولوك هني .......خخخخخخخخخخ
ŮпяёаСђαβζє
07-10-2005, 12:14 PM
هههههههههههه مسكين ولد الإمارات حولووووووووك لقسم التعارف والجنائيات لأنك مجرم ههههههههههههههه
uaeson
07-10-2005, 02:57 PM
مجرم **48** ولو صبايا
ŮпяёаСђαβζє
07-10-2005, 02:59 PM
مجرم .. بس سجلك خالي من الإجرام هههههههههههههههههه

خلينا الإجرام حق أصحابها **33**
uaeson
07-10-2005, 03:03 PM
غريبة هاي بعد


لغز ها ولا شو **1**
ŮпяёаСђαβζє
07-10-2005, 03:30 PM
هههههههههههههههه لا مو لغز .. أكره شي إسمه ألغاز **1**

يلا جاوب على أسإلتي

وين سرت اليوم؟؟

شو أخبارك الصحية؟؟

شو مخططاتك المستقبلية؟؟

تحب السفر ؟؟ وشو المكان اللي تحب تسافر له؟؟

كم عدد أسرتك .. وإنت كم رقمك بينهم؟؟

بس خلاص .......... **33**
uaeson
07-10-2005, 03:45 PM
حاظرين وانا اروم اقول لا بعد


وين سرت اليوم؟؟ رحت دبي ورديت مقهور **31**

شو أخبارك الصحية؟؟ الحمد الله اليوم كان عندي مراجعه بس الدكتور خون فيني عنده امرجنسي الحبيبي ولطاعني والاخير تقولي اللي في رسبشن معليش لك الله يصلحك كنت رديت ع الموووبايل تبعك كنت اتصلك مشان االقك انوه مشغول اليوم عمى بعينج عندج تلفون البيت لازم موبايل **32**

شو مخططاتك المستقبلية؟؟ حاليا ماشي ع المدى البعيد واايد **33**

تحب السفر ؟؟ وشو المكان اللي تحب تسافر له؟؟
يعني احب اسير العمرة وايد احس براحة نفسية **38**
كم عدد أسرتك .. وإنت كم رقمك بينهم؟؟
3 وانا الاخير رقم 3 **36**
ŮпяёаСђαβζє
07-10-2005, 03:50 PM
هههههههههههههههههههههه

أولا مشكور على الأجوبة .. يحليلك هالدكاترة دومهم بيزي .. إنزين الله يهديك جان إتصلت فيه قبل ماتروح له .. **77**

وعن العمرة الصراحة مثل ماقلت راحة نفسية ومكان ولا أروع منه

إنزين إذا إنت الأخير في العايلة .. عيل بسألك

اللي قبلك مسيطرين عليك خخخخخخخخخخخ يعني إنت الضحية في كل شي صح؟
uaeson
07-11-2005, 02:44 PM
لا صغنونه انا صغنون البيت الطفل المدلل http://www.rak2rak.net/images/smilies/sleep.gif
نسيمoالبنفسج
07-11-2005, 02:46 PM
عدال بس يا مدلل ......خخخخخخخخخخخ ... أكيد يدللونك بالضرب ....خخخخخخخخ
ŮпяёаСђαβζє
07-11-2005, 02:56 PM
خخخخخخخخخخخخخخخ . . . ياويلي على المدللين **5**

إنزين ...

شو الكاكاو المفضل عندك؟؟
uaeson
07-11-2005, 03:37 PM
نسوم ههههههههه لا والله هالي ناقص ظرب هههههههه


صغنونه ماحب الحلويات وايج بس في الوقت الرهن كيت كات كاررميل مع كوب اميركن كوفي ياااااااسلااااام شي
ŮпяёаСђαβζє
07-11-2005, 03:39 PM
لا والله .. يعني ماتحب الكاكاو خخخخخخخخخخخ **66**
حزن راك
07-11-2005, 08:22 PM
شوجديدك؟؟؟؟
ههههههههه
ŮпяёаСђαβζє
07-11-2005, 08:49 PM
يلا جاوب على أسإلتي ......... **22**

شو بيكون شعورك لو حد إتهمك بشي إنت ماسويته ؟؟

هل إنت إنسان صريح ولا تحب تجامل؟؟

خبرنا عن موقف تضايجت منه؟؟

خخخخخخخخخ بس بعدين بكمل إذا عندي أسئلة **33** لووووووووووول

أحس إني حشرة وايد .. نياهاهاههاهاهها **66**
uaeson
07-13-2005, 10:56 PM
نيهاااههاااا والله اشوف محد يسألني غيرج انتي في المنتدى ثانكس خخخخ
المهم

شو بيكون شعورك لو حد إتهمك بشي إنت ماسويته ؟؟ ما بسوي شي بحاول افهم بأسلوبي ما فهم بخلي بالطقاق واللله شو اسوي له

هل إنت إنسان صريح ولا تحب تجامل؟؟ لا ما حب اجامل ابد لانه احسه نوع من النفاق المزين

خبرنا عن موقف تضايجت منه؟؟ اول امس قاهريني في الجوازات والسفاره محد راضي يخلص شغلي والله دعووولي ها الاسبوع اخلص كل شي ترى طفرت والله
ŮпяёаСђαβζє
07-14-2005, 11:45 AM
يحليلك والله .. الله يكون في عونك .. صراحة الموقف يقهر وايد

بالتوفيق لك ههههههههههه
نجم سهيل
07-14-2005, 09:36 PM
شؤاااااااال يطرح نفسه لاخوي ولد الامارات

شو اخبار كرسي الاعتراف معاااااااااك خخخخخخخخخخ؟؟
ŮпяёаСђαβζє
07-14-2005, 11:24 PM
صراحة إستانسنا معاك ولد الإمارات .. وعلى أجوبتك الصريحة

مشكووووووووووووووووور وماقصرت

يعطيك العافية **33**
uaeson
07-14-2005, 11:33 PM
**1**

كل شي تمام نجوم

مشكوره صغنونه
نسيمoالبنفسج
07-15-2005, 12:03 AM
ولد الامارات .......كيفك اخي ... شو عامل ؟؟؟
uaeson
07-15-2005, 12:17 AM
للك منيح يقطع عمرك وينك من ساعه التسالي فاااضي كنت عم دور عليكي
رحال المعيريض
07-15-2005, 05:57 PM
dooooooory ana alh yshlk kekekekekeke



üö öüüööüöüöüöüöüöüöüöüöü?ßßßßßßß


sh hathy al 27rf htha s2aly kekekeke


brg3 lkm

r7aaal

ana
قصة_حبيبين
07-15-2005, 06:10 PM
أحب أشكرك أخوي ولد الامارات

واشكر كل اللي تفاعلوا معاك والصراحه أعجبني فيك

صراحتك وانفتاح اسلوبك فالرد وتسلم يا خوي

طبعا كان اخر يوم

والسموحه