مروان يسأل سؤال جديد ومحرج من البنات؟؟؟

[مروان السيد]

مروان يسأل سؤال جديد ومحرج من البنات؟؟؟
--------------------------------------------------------------------------------


~*¤ô§ô¤*~*¤ô§ô¤*~ السلام عليكم ورحمة الله وبركاته~*¤ô§ô¤*~*¤ô§ô¤*~

سؤال محرج للبنات !
لو مثلا انتي كنتي طفشااااانه ونايمه الظهر ويوم صحيتي لقيتي اهلك صاحين وجالسين يتغدوون قمتي جلستي معهم وانتي واصلة معك الا امك تناظرك وتضحك وانتي كل شوي تعدلين بشكلك تحسين فيكي شي غلط ويوم خلص ابوك من الغداء وقام هو واخوانك
التفتت عليكي امك وقالت لك :مبرووووك يابنيتي
انتي : مبروووك على ايش (طفشانه ومالك خلق )
امك : اليوم كلمتني حرمه تبيك
طبعا راح تتغير ملامح وجهك ويروح الطفش ويصير وجهك مايحتاج بشوش بس بتستحين من امك وبتخلين وجهك خجول وبتقولين
انتي : وش تبي الحرمة (انواع الاستهبال)
امك : تبيك تكنسين حوشهم وش تبي يعني تصور مع خشتك
انتي : يعني تبي تخطبني (بريئة مرة )
امك : ايه وش قلتي
انتي : ماابغى اعرس (مسوية قوية وماهمك)
امك : طيب برسله لبنت خالك ( حشا صاااار ايميل مو ولد )
انتي : ياحليلك يمه تراني امزح على طول تصدقين
المهم بعد يومين دقت ام المعرس
ام المعرس : الووووو (متحمسة) وولدها جنبها
امك : الوووووو
ام المعرس : وشلونكم
امك : طيبين
شكلي بطولها المهم بوصلكم للزبدة (صارت مكرونه بالباشميل )
ام المعرس : وش قلتوااااااا
امك : موافقين
ام المعرس : اجل ترى يوم الخميس بيجي ولدنا يشوووف بنتكم
امك : اوكي ( عادي امك متطورة )
المهم خلصوووووو وانتي بدا قلبك يقول طربق طربق طربق اليوم الاثنين ويوم الخميس قريب
والسؤال المهم :
من يوم الاثنين الى الخميس اوصفي مشاعرك وبصراحه يلا ؟
وماااااااافيه خجل
تحياتي للجميع..



(-_+)

[كليوباترا]

يوووم بمر اف هالوقف ....
بقووولك....خخخخخخخخخخخخ

[مروان السيد]

ويا راسج جي تبيني أتريا جوابج لين هاك اليوم

المهم تسلمين عالمروووور


لين ما تمرين بكوون عرفت من غيرج

(-_+)

[Dalo0o3a]

صدقها تنافس القمر يوم بنمر بهالموقف بنخبرك ........

[مغروم]

يوييييييييييييلي عليك يامرواااااااان

سؤالك عجيب

وليش مانوجه بعد للشباب؟؟

[كليوباترا]

هيييييييه والله صدقه مغروم ... وليش ماتوجهه للشباب يعني ؟؟!!
ولا انت هوايتك يعني اتحط ع البنات ؟؟!!
يعني بأي طرييييقه تبا تحرجنا ....!!

[مروان السيد]

هههههههههههههههه

أفا جي إنت بعد تستحي شراتهم من هالموقف أنا والله لو أمي بتقوللي

عن وحده بقولها يما كم رقمها ووين بيتها ممكن أزورها ههههههههه

حسب أكون متأكد من الي بتاخذني تنفعلي ولا موب بمستواي

لووول

(-_+)

[مروان السيد]

صح كلامج يا منافسة القمر بس كيف اكتشفتي هالسر

لوول لا تخبرين حد عاد خليه سر أحسن

(-_+)

[كليوباترا]

لا والله ........ حركات انت والله ..

بسمتواي اونه !!!
انت احمد ربك ان في وحده بترضى فيييييييك ...خخخخخخخخخخ

[مايد الشميلي]

لا تعـــــليق

[مروان السيد]

وحده


حرام عليج


زودي شوي

هههههههههههههههههههه ويا خشمج


خلني ساكت أحسن

(-_+)

وأنا انبوني ما أداني بنات

عوار راس إنتو

(-_+)

[كليوباترا]

فدييييييييتنا والله ... ملح الحياه نحن
انتوا اللي عواااااااار راااااااس ...

[مروان السيد]

فديتنا والله سكر الحياه إحنى

إحني الأكسجين الي تستنشقوونه

وتعيشون منه

لووول

(-_+)

[كليوباترا]

خخخخخخخخخخخ ....
لاتعليق
لو تمينا نقول نحن ونحن مابنخلص ،، وانا الصراحه مارووم عليك ..

[مروان السيد]

ههههههههههههههههههههههههه

كنت أدري إنج ما بترومين علي لووول


بس جي حبيت أجوووف مدى شجاعتج

وذكائج بس إنتي طلعتي


ههههههههههههه



سويت




ونكست تايم

لا تحاولين يالدبدووووووبه

(-_+)

[كليوباترا]

لا والله ..........
السالفه مب جيه ،،،
بالعكس انا عندي شجاعه ،،
بس روحي مابي أطول السالفه ...خخخخخخخخخخ

[مروان السيد]

هي هي هي موب علينا هاي الحركات

علما يوصلج ويتعداج في السوالف هاي

أنا أستاذج وإنتي تلميذتي

عالعموووم نايس تو ميت يو (-_-)

لوول

[قطــ ندى ــرة]

خخخخخخخخخخخخخخخخخخخخخخخخخخخ

بروح الصالون وبصبغ ويهي من يوم الاثنين لين يوم الخميس

ويوم الاربعاء بشتري لي بدله يديه ما بيه يجوفني ببدله يمكن يعرفني منها
ويمكن جافني قبل في السوق اغازل ويعرفني ويطفش من اولها

[مروان السيد]

هههههههههههههههههههه وجان تطلع الفضايح

أقووول إنتو البنات ليش تختارون الأسواق دائما للمغازله

(-_+)

[قطــ ندى ــرة]

لان اللي امثالك مو طايحين غير اهناك

شو انسوي نترزق


ولا انت قولي شو تسوي هناك؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[مروان السيد]

أنا حليلي ساير ويالوالد

انغير الجو ونتفسح

ههههههههههههه


موب مثلكم

(-_+)

[قطــ ندى ــرة]

هههههههههههههههههههههه
يحليلك والله
حتى ابوك خربته

خله بحاله ولا اخبر عليك امك ؟؟؟؟؟؟؟؟؟؟

تتفسح ها

امس جايفتك تغازل بشكارتنا

[عزيزة نفس]

حلو الموضوع وبنفس الوقت فيه احرااااااج ويضحك بعد ما ادري ليش

يمكن ما اتخيل عمري اني انحط في هالموقف ...,,,.. ويمكن شكه في عمري اني بمر فيه في يوم من الايام

بس الصراحه ما اعرف كيف بيكون شعوري حزتها شي اكيييد بكون خايفه ومرتبكه وبيضربني وسواس لين هذاك اليوم..,,..,,..,,

ههههههههههههههه والسموحه منك اخوي ..,,,

اختك عزيزة نفس

[مروان السيد]

تسلمييييييييييين يالعزيزه عالنفس على إشتراكج الحلو

ويصير خير لين هاك اليوم

بس ما أضن بنات هالزمن يرتبكون أو يستحون من هاي المواقف الجميله

بالعكس يتقرقطووون من داخل أدريبهم موب هينات ههههههههههههههه



(-_+)

[سفــ الحب ــاحة]

وااااااااااااااااااااااااااااااااااااااااااااااااا ااااااااااااااااو


متى بس ياربي

خلاص انا اترياك يا مروان

[مروان السيد]

أويه

تتريني أنا ليش

لوول أنا ريل أشوريا راي

ولازم أستأذن منها لو بغيت أخذ وحده فوقها

لووووووول (-_+)

[مغروم]

شو فيك مروان على البنات

البنات هم كل شي في الحياة

يلا مروان خلهم في حالهم

تراني راح اييلك من بو ظبي

واعزمك على احسابك و اخليك تدفع افلوس البترول

مال السيارة

واخليك ادخلني السينما

وبعد شوووووووووووو

[وليف الروح]

مشكور اخوي مروان عالموضوع اللي اشوف ما فيه اي احراج ولا شي
واسبوعيا يصير هالشي... والبنات في هالزمن تغيرن... جرأة... ثقة.. وامور ثانية... هذا بشكل عام
وطبعا ردة الفعل تختلف من بنت لبنت... حسب البيئة والانفتاح في الاسرة....
وما في بنت ما تتريا هذي اللحظة... ضمان مستقبل ... وستر .... وراحة نفسية

ولو كنت اتمنى تغير اسلوب السرد من اللهجة السعودية للهجتنا المحلية لأنها أحلى :)

ولا انت شو رايك؟؟؟

سلامي
اخوك
وليف الروح

[‏كيريزي مون]

خخخخخخخ

برد عليك افتر برييييك خخخخخخخخ لاني الحينه مو متفيجه ,, امبوني مافهمت شي خخخخخخخخخخخخخ

[خيماويه مصرقعه]

اول شي التوقييع وايد حلو عيبني
قول يفداج خخخخ
انزين المووع عيبني شي اكييييد بستانس ونفس الوقت
بستحي ولحضه بسال امييه غاوي كشيخ يلبس كندوره كرتون
شو سيارته وين يشتغل خخخخخخخخخ ولين يوم الخميس
اذا عيبني وترس عيني بوافق عليه وعالله الباقي
وبس خخخخخخخخخخ
انته مب تبانا نكون صريحين
انا صريحه وياااااك
والسموحه
صراااحه عايبني التوقيع

[مروان السيد]

أولا يالمغرووم = ما تباني أفصلك كندوره وعقال وأشتريلك نعال بعد على حسابي لوووول وما تبى شي ثاني وياهم ؟؟

ثانيا وليف الروح = تسلم عالرد الحلو مثل صاحبه وإنشاء الله نكست تايم عشان خاطر عيونك بغير الكتابه وبكتبها بلهجتنا (-_+)

ثالثا كيريزي مووون = يالدبدوووووبه لا رديتي ولا يتي ,, المهم ثينكس عالمشاركه وتعالي كل يوم (-_+)

رابعا خيــــــماويه والنعم = ومن أحلى كلماتج كندوره كرتوون هههههه يالدبدوووبه قولي كندوره ختم أو ألماني شو كرتون

فشلتينا وثينكس عالصراحه ,, ووووووو أي توقيع تطرين عنه لووووول (-_+)

[عاشقة الجروح]

ههههههههههههههههاي ضحكتني والله يا مروانوه


بدون تعليق ويا خشمك

[مروان السيد]

لووووول لا تضحكين هاتي ردج عالسؤال

تراج بنيه على ما أضن وبيمر عليج هالموقف

(-_+) فخبرينيا عن التصرف الي بتتصرفين حزته ,,

[نسيمoالبنفسج]

لو انا بكره حياتي لين ما اي يوم الخميس ويوم بشوفه بقول ما عجبني قبل ما يسبقني ويقول ما عجبتني


لا أجذب عليكم

أصلا انا اتمنى متى اي ها اليوم( هذا بصراحة والصراحه راحه) صح**138**

[مغروم]

شوبلاك علي


مروان تراني ماألبس اي دشداشة ولا اي عقال ..

وخلاص مابي بترول حق موتري

يالزطي

[مروان السيد]

أفا ما تلبس دشداشه جي تطلع بوزار وفانيله إنت خلاص بشتريلك أحلى وزار وتحته هاف بعد جان تبى


لوووووووول


ولا حلفت إلا وأصبلك بتروول

عسب ما تقوول عني زطي

(-_+)