تسجيل الدخول

مشاهدة النسخة كاملة : نصائح تجميل

شحيه_ما_تتفاهم
03-18-2005, 12:17 PM
** نصائح تجميل **




شعرك

للحفاظ على قوام شعرك ونعومته وتألقه

استخدمي فكـس الأزرق فهو يمنع شعرك

من الحكه


الرمــــــــــــــــوش

إذا كنتِ من محبي استخدام الرموش الصناعية

روحي لعشة الحمام اللي في سطح بيتكم ونتفي من ريش الحمام

وبخي عليه بخاخ اسود والصقيه في عيونك


البشـــرة

إذا كنتِ ما تعرفين نوع بشرتك جافه أم دهــــــــــــــــنيه

أو مختلطة أو حساسة اختبريها بإحدى هاتين الطريقتين :

1- حطي سمبوسة جبن إذا تحمرت يعني دهـــــــــــــنيه
وإذا ما استوت يعني جافه وإذا نص ونص يعنى مختلطة

وإذا انفقع الجبن إلى بالسمبوسه يعنى حساسة

2- حكي خدك بالجدار ذا ما صار فيه خدوش يعني دهنيه
إذا تشمخ خدك يعني بشرتك نـــص ونــــــص

إذا تشمخ وطلع دم يعني بشرك حساسة


التخلــــــــــــــص من الحبوب السمراء

فيه طريقه سهله للتخلص من الحبوب الداكنة السوداء

وما فيه خليجية ما تعانى من هالحبوب البنـــــــــيه

وآلا اللبنانيات حبوبهن حمر

المهم جيبي عود أسنان وخوذي الحبة وافقعيها

وصدقيني بعدها بتقلب حبوبك حمـــــــــــــــــر


الحـــــــــــــــــــــواجب

اهتمي بحواجبك ولا تصير مكانس وإذا طالت خوذي

المحش وحشــــــــــــــــــي الزايد


أسنانك

بدال ماتروحين لعيادة الاسنان وتتخسرين او بدال ماتستخدمين معجون الاسنان يوميا انا بنصحك نصيحة جهنمية وبدون ماتكلفك شيء
خوذي الفوطة من المطبخ وحطي فيها كلوريكس امسحي بعدها أسنانك فيها
و أكيد حتدعي لي

الهالات السود والانتفــــــــاخ

روحي يابعدي لمخزن بيتكم بتلقين كيس طحين ابيض حـــــــق
اللقيمات اوالفطاير وجيبي اسفنجه المواعين وحطيه بالطحين
بعدها تحت عيونك بيصير ماشي ابيض منه


التجاعيد والتــــــــــــرهلات

إذا كنتِ تعانين من التجاعيد والترهلات جيبي مقص وقصي الجلد الزايد أو المترهل وقصيه بالمقص وكبيه بالزباله

ان شاء الله تستفيدون منها هههههههههه
مطيرزيه لوتي
03-18-2005, 02:45 PM
تصدقين انج عجيبه

يلله باي باي

بسير أجـــــــــــــــــــــــــــرب
عزيزة نفس
03-18-2005, 03:06 PM
والله زييييييييييين شي طيب

لا خساير ولا هم يحزنون كل الادوات موجوده فالبيت

ما يحتااااي اسير الصالونات

اشكر فنج ......

اختج عزيزة نفس
عبرة شجن
03-18-2005, 05:55 PM
ههههههههههههههههههههههههههههههههه

اكيد مجربه هالوصفات

عشان جيه واثقة منها
شحيه_ما_تتفاهم
03-19-2005, 07:56 AM
مطيرزيه لوتي ها زين سير جرب التجربه خير برهان خخخخ :D


عزيزة نفس شفتي انا ادور راحتكم و باقل التكاليف مفروض تعطوني مكافأه ههههه **18**

عبرة شجن لا بعدي ما جربتها عنوني ان شاء الله بجربها عليج و بعدين بجربها علي اذا ثبت صلاحيتها هههه **22**