صور طازه وتعليقات أطزز... الجزء الثاني [الأرشيف] - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

(شبح الليل)

08-23-2004, 03:11 PM

كما وعدتكم أحبتي .. اجتمع معكم اليوم مع
الجزء الثاني من سلسلة
"صور طازة وتعليقات أطزز"
اتمنى ان اختياراتي للصور تعجبكم
وانتظر ردودكم واقتراحاتكم ..
تحياتي لكم مقدماً ..

شبــ الليل ــح
http://www.abunawaf.com/members/dark/aa13.jpg
هذا سلمكم الله موظف في إدارة مكافحة المخدرات
الإندونيسية .. اللي نجحوا الأسبوع الماضي في إحباط
محاولة تهريب كميات كبيرة من الماروانا
موديل ( آه ونص) اللي زقارتين منه تسدح بعير ..
عموماً هم طلعوا بقرار مقلع .. وهو انهم اتفقوا على حرق
وإعدام كل الكمية المضبوطة في مكان عام علشان المهربين
يبطلوا حركات نص كم .. عملية الإعدام
تحولت لمهرجان للمحششين اللي تزاحموا
علشان يتبخرون بالماروانا مجاناً
والناس انكمخت ببلاش ..
انتا سامعني؟؟ ببلالالالالالالالالالالاش

ملكة العقارب
http://www.abunawaf.com/members/dark/aa8.jpg
الماليزية نور مالينا حسن .. حطت براسها إنها تبي تكسر
الرقم القياسي العالمي في العيش مع العقارب السامة .. ورمت
نفسها في غرفة زجاجية فيها 6 آلاف عقرب كل
واحد أمتن من الثاني وأعلنت أنها تبي تقعد في
هالغرفة 36 يوم علشان تكسر رقم التايلندية كانشانا
اللي عاشت 31 يوم مع 3 آلاف عقرب بس..
http://www.abunawaf.com/members/dark/aa6.jpg
والله القلب الميت!!
أنا اللي مافيه أمل أنام بغرفه فيها صرصور
وذي تتسدح مع 6 آلاف عقرب

========================
في انتظار السلام
http://www.abunawaf.com/members/dark/aa2.jpg
حمامة بيضاء.. رمز السلام
حطت على كتف مقاتل عراقي بالنجف
تريده أن ينهي القتال
لتطير وترفرف بأجنحتها البيضاء في سماء المدينة
وتعلن السلام الذي ينتظره كل العراقيين

=============================
بيليه الصغير..
http://www.abunawaf.com/members/dark/aa3.jpg
يا جليلين الحيا..

أطفال من هاييتي يلعبون كورة في ملعب حواري صغير .. الجميع
ينتظر المباراة الودية اللي راح تجمع فريقهم مع المنتخب البرازيلي
(المباراة انتهت بفوز البرازيل)
ولكن خلوا عنكم الكلام الفاضي اللي فوق هذا وركزوا
على أبو شورت أحمر وشوفوا كيف سحب
في اللي وراه وجاب العيد في الحارس
اللي طاح سرواله من الهبال
ههههههههههههههههههههه

وضمن نفس الموضوع
http://www.abunawaf.com/members/dark/aa14.jpg
شغل البلوتوث لو سمحت..!

النجم الكبير رونالدينو يسوي نفسه يسلم على محبيه بعد وصوله
مطار هاييتي علشان يشارك المنتخب في المباراة الودية ولكن باين
عليه ان جالس يلقط صور بالباندا للبنيات اللي تجمعوا في المطار

اقول شغل البلوتوث وتعال أي قهوة في الرياض
وربي توسع صدرك وتدعي لي ..

وعلى فكرة .. ترى المباراة انتهت بفوز كبير للبرازيل
وكان لروناليدنو النصيب الأكبر من الأهداف
وسجل هدف من أجمل الأهداف اللي شفتها في حياتي
واللي ما شاف المباراة يحاول يحصل على لقطة للهدف الأول في المباراة وبس

=====================

مخالفة يا حكم!!
http://www.abunawaf.com/members/dark/aa11.jpg
مصارعة الجودو الألمانية آنا هارنير تحاول تطلع من
تحت الشاحنة الكندية ماري شيشولم اللي كفشت فيها
ورمتها وجلست عليها

تبي الميدالية الذهبية بأسرع الطرق
وما فكهم الا الحكم اللي رحم صياح الألمانية وانقذها
ولكنها طبعاً خسرت المباراة ..

========================

الفك المفترس..
http://www.abunawaf.com/members/dark/aa4.jpg
صياد مكسيكي مسوي نفسه قوي جنب سمكه قرش ميتة ولو
في أمه خير كان حط يده عليها وهي حية..
عموماً هالوحش المفترس اللي تم اصطياده قرب
سواحل المكسيك يتمتع بحجم قياسي حيث بلغ طوله
خمسة متر و18 سم
ووزنه بلغ الطن تقريباً
يقولون أن هالنوع من اسماك القرش يشم ريحة الدم
من على بعد عدة كيلو مترات
ويقولون انهم لما فتحوا بطنه لقوا فيها
حاشي وخروفين وراعي غنم
وعلبة سفن أب علشان يهضم الأكل
<<< بدى يخربط في الأخير هههههههه

==================================

تحدي الخوف!
http://www.abunawaf.com/members/dark/aa10.jpg
الصورة اللي فوق هي لأفراد من الجيش الهندي
وهم يستعرضون مهاراتهم على عمود خشبي
طويل علشان يبرهنوا للناس
انهم أقوياء ومحد يقدر عليهم
عموما..
ثاني يوم رد عليهم الإندونيسيين
(الصوره اللي تحت)
اللي كانوا يحتفلون
بيوم استقلال بلادهم أمس وحطت لهم الحكومة
هدايا وربطتها في قمة أعمدة خشبية مثبته
في بعض الشوارع ومدهونة بالزيت والشحم
علشان يعجز الجن الأزرق على طلوعها
واللي يطلع ياخذ الهدية حلال عليه ..
http://www.abunawaf.com/members/dark/aa9.jpg
لكن محد أحسن من حد .. جابوها الرجال

===========================
أكرر لكم أجمل تحياتي ..
ونلتقي قريباً بإذن الله تعالى..

أخوكم شبح الليل