المرحله الثانيه من الفخ ........طيحت فيرست ليدي

[3yo0on UAE]

يا أعضاء المنتدى فيرست ليدي في الفخ :D


طيحو عليها مثل ما طحتو على شارع كويتي

بس ارحموها أشوي من الأسألتكم

وشوي أشوي عليها;)

[كراعين نملة]

:fn:fn ويييييه يدوووه طااااحت في الفخ :fn:fn




والان اعزائي القراء سوف انهااال على جدتي بالاسئله (فديتني يوم ارمس بالفصحه ) :fn:fn:fn


السؤال الاول: (27)

كم حفيد عندج ؟ ;):rolleyes: (خوش سؤال والله هع هع هع )

السؤال الثاني : (27)

كم مره تحذفيين باليوم مواضيع خلق الله :fn:fn ؟

السؤال الثالث : (27)

شخبار تركييبه اسنانج ؟؟ :fn:fn

السؤال الرابع : (27)

شخباااار بهوووووت مشكل ؟؟؟؟؟؟;)

السؤال الخامس : (27)

تحبييييني انا حفيدج واااااااااااااااااااااااايد ولا شويييييه قد السمسووم :confused::fn ؟؟؟

السوال الاخير : (27)

امممممممممممممممممم تحبين الديووو :fn:fn (دوومي معلق على هالسؤال ليش مادري) :fn:fn




تحياتي حفيدج (45) كرعوووووون ;)

[روح_الامارات]

شو اسمج الأول؟؟؟ ومواليد كم؟ وبرج شو؟ وبي كووووول ولا تستحين كلنا اصدقاء... بس خلج جريئة وقولي ;)

عندي بعد سؤال:: ماشالله عليج 24 ساعة في المنتدى... شو السر؟؟

والسموووووووووحة يا حبوووووووووووبة :fn

[احساس قلب]

وين ساكنه؟ وشو اسم باباتج؟
وكم اخو عندج؟
واتحبيني ولا لا؟
ومعرسه ولا موب ناويه؟
وتحبين ولا بعدج؟

[المنسي]

:o:rolleyes::o


نـــــــــــــرجو الســــرعه فــــي الاجـــابه على هالاســــــــأله

بصــــــــــدق وبدون لف ولا دوران:fn


:fn

[كراعين نملة]

:fn:fn شوي شوي على يدووووتي تراها ما تستوعب بسرعه :fn:fn



اسوووولف يدووووووه :fn:fn:fn

[مجرد انسان]

:D الخاله الدبه فيرست ليدي انا هنيييييييييه


وييييييينج من زماااااااااان ؟؟؟؟؟



ابااا اسألج سؤااااال واحد بس.....؟؟؟؟


؟؟
؟؟
في اي سنه متزوجه؟؟؟؟




:fn

[كراعين نملة]

مجرد انساااااان




عوووذ بالله انت تطلع يوووووم وتغيييب شهر ؟؟؟؟؟ هع هع يا للهووول هع هع هع

ايييييييه لا تغلط علي يدووووتي ترا بييييك وبصمك ببكس ينطرك اليابان عند بريعصي مبهدل هع هع هع هع ( يدوتي تعرف هالسوالفه ) هع هع هع ;)

[المنسي]

:rolleyes::o


وننتطــــــــــــــــــر الرد:o

[كراعين نملة]

في الانتظار على قناه ابوظبي فيلم السهره هعهععهعهعهعهعهعهعهع

اقصد



في الانتظار على قناة التسااااالي ...(( رد يدوووه ))....



هعهعهعهعههعهعهعهعهعهعهعهعهعه ;) ;) ;)

[المنسي]

:confused:

[كراعين نملة]

:confused:


فاعل خير : شو السالفه :confused:

كرعون : عيوز مخالفه :fn:fn

فاعل خير : ايييه لا تغلط على يدوتك فيرست لييدي

كرعون : اووه سوري سوري داستني اللوري :fn:fn

فاعل خير : اصطلب ترا والله ازقر لك يدوتك وتييب لك الخيزران وتضربك فييهااا:mad:

كرعون : لالالالالالالالالالالا كله ولا خيزران يدووه :eek:

فاعل خير : عيل اصطلب :o

كرعوون : ان شاااء الله






:fn:fn:fn:fn:fn

[Eve]

مياو !!:D

[المنسي]

:):rolleyes:


والجمهور ينتطر:confused:

[اريج]

شو شعورج أول ما سمعتي خبر الترقيه؟؟؟

واريج تنتظر الرد:rolleyes:

[المنسي]

:o:o:rolleyes:

تنتطر بروحها بس هي :o

[اريج]

لالا كلنا في الانتظار
بس فيرست ليدي إذا شافت اسمي على بترد علينا:rolleyes:

[First Lady]

السلام عليكم ورحمة الله وبركاته

الحمدلله رب العالمين.. والصلاة والسلام على أفضل المرسلين.. سيدنا محمد وعلى آله وصحبه أجمعين.. أما بعد ،،

بسم الله.. وعافانا الله.. شكله كل اللي دشوا هاي الصفحات ما شايفين خير.. وحاطين علي حطه وحده :(:(

ما أدري شكلهم يتريون هاي اللحظة بفارغ الصبر عشان الانتقام مني ما أدري شو سويت :(


أول شي حابه أشكر أختي عيون الامارات.. على اتاحتها لي الفرصة إني أرد على الجمهور الكريم وأعرف على نفسي ;).. وخبريهم إني بشتكي عليهم عند بابا فتى راس الخيمة جان طولوا لسانهم علي :D

ثاني شي.. اعتذر على التأخير.. حيث أن.. ما كنت في Mode أقصد مزاج مناسب العصر عسب إني أرد عليهم.. وتوني الحين الفير الساعة 5 بالضبط بتوقيت دولة الامارات العربية المتحدة شفت الموضوع :D فقلت أتفيج وأرد عليكم فردًا فردًا


ومن هناك.. من هذا المنبر.. أحب إني أوجه لأعضاء منتديات رأس الخيمة .. إنهم يحطون أسئلة معقولة ونقدر نجاوب عليها.. يعني ما فيها شي جان حطيتوا شوية أسئلة لها هدف.. وأسئلة حلوه شرات الأسئلة الحلوه اللي أنا حطيتها حق أخونا شارع كويتي :rolleyes:;)

وبعد ما خلصت المقدمة الحلوه القصيرة..

ما بخليكم تتريون وايد.. وبرجع أجاوب على أسئلتكم الحلوه :rolleyes:

هيه قبل ما أجاوب.. أحب أقول لكم إني أحبكم كلكم.. وتسلمون لي إن شاء الله :ha وكل عام وانتوا بخير بمناسبة شهر رمضان الفضيل.. ينعاد عليكم بالصحة والبركة :rolleyes:

[First Lady]

احم احم..

بسم الله والله أكبر

نبدا على بركة الله :rolleyes:

كراعين نمله..
ما شاء الله عليك أشوفك وايد متحمس عشان طيحوني في الفخ وأنا ما أدري :rolleyes:
خف على يدتك شوي.. ترا عندي الروماتيزم ما أروم أراكض وراك.. وعند السكر والضغط.. بعد يرتفع بسبب أسئلتكم ما أروم.. خف علي شوي يا وليدي وارحم حالي :rolleyes:

المهم ما علينا.. نجاوب على أسئلة المصرقعة شرات ويهك المصرقع يا المصرقع آخر صرقعة :D

السؤال الاول: كم حفيد عندج ؟ (خوش سؤال والله هع هع هع )
عندي حفيد واحد الله يخليه لي.. بس ما أدري ليش كل يوم يظهر لي واحد يقول لي يدوه أنا حفيدج :confused:
يا بوي ما أدري من وين يظهرون :confused:


السؤال الثاني :كم مره تحذفيين باليوم مواضيع خلق الله ؟
بصراحة هذا سؤال وايد صعب.. صعب جدًا إني أجاوب عليه :D
ما شاء الله قبل ما أدش هنيه.. ما خليت موضوع ما نقلته وشي مواضيع حذفته.. باجر بيدشون يشتكون علي وبيفنشوني وأنا بعدي ما كملت أسبوع :D
فديتني والله.. بس هذا كله للمصلحة العامة للمنتدى :o


السؤال الثالث :شخبار تركييبه اسنانج ؟؟
شو تركيبة أسنانج هاي بعد (21)
استح على ويهج أنا يدتك :mad:
جيه شو تتحرا زمانا غير زمانكم.. يا بوك نحن زمنا فيه بركه.. الناس عندهم صحه ينشون ويشتغلون.. مب شرات زمنكم هذا من الواحد يكمل عمره 15 سنه يقول آي يا ظهري وآي أي آي وما أدري شو.. الحمدلله من يوم ما انخلقت ما سرت دختور أسنان.. ولا جلعت لي ضرس.. وأسناني قوية وطبيعية مثل ما هي :D:D


السؤال الرابع :شخباااار بهوووووت مشكل ؟؟؟؟؟؟
شو بعد هاي بهوت مشكل (27)
المفروض تقول شخبار يدي بهوت مشكل :rolleyes: بعد احترام الكبير واجب ;)
وتراه بخير ويسلم عليك.. بس ما أدريبه صار له عمر ما دش المنتدى ما أدري شو صار له.. شكله البحر هالصيف ما كان على الهوا.. من جيه تأخروا.. هو قال لي بييب لي دانه .. وشكله ما حصل الدانه :rolleyes:

السؤال الخامس :تحبييييني انا حفيدج واااااااااااااااااااااااايد ولا شويييييه قد السمسووم ؟؟؟
لا أحبك قد النملة هع هع هع :D;)


السوال الاخير :امممممممممممممممممم تحبين الديووو (دوومي معلق على هالسؤال ليش مادري)

لا والله ما أحب الديو.. وأكره كل أنواع الغازات ما عدا أورنامين سي :rolleyes:
لأن الغازات وأنا يدتك مضرة للصحه.. وما تييب غير المرض.. وأسألني عنها .. تراني مجربة.. صار لي الحين سنين مقاطعة الغازات.. بس ساعات لما يطيح في خاطري وايد وايد أشرب نص غرشه.. بس وايد علي :rolleyes:


أوف..أوف..أوف.. أنقطع نفسي وأنا قاعدة أجاوب.. وانهد حيلي.. حشا يا بوك مب أسئلة هاي اللي تسألني إياها.. خف علي شوي يا بوك (6) (6)

باخذ بريك.. وسنعود بعد الفاصل :D

[First Lady]

لقد عدنا :o


روح الامارات
شو اسمج الأول؟؟؟
اسمي هو الماضي والحاضر.. ينبع من ثقل الأكوان.. ليتفجر عبيرًا خالص.. يرحل في عمق الصحرا.. ليغمرني جمالاً وتألقًا.. يعطي الألوان معانيها.. والأنظار بريقها.. اسمي هو التوهان ;)


ومواليد كم؟
اممممممممممممم
من مواليد 31 من شهر يناير سنه 1980م :p


وبرج شو؟ وبي كووووول ولا تستحين كلنا اصدقاء... بس خلج جريئة وقولي
برجي هو الدلو..
رغم إني ما أؤمن بالأبراج :rolleyes:


عندي بعد سؤال:: ماشالله عليج 24 ساعة في المنتدى... شو السر؟؟
عاد أنا مب 24 ساعة في المنتدى حرام عليج :(
والسر هو إني انسانه بطالية.. ولا وراي شغله ولا مشغلة.. لا وظيفة ولا دراسة ولا شي:D
صايعة يعني.. فقلت بدل ما أنحرف أدش المنتدى أقضي وقتي :D

خفي علي بأسئلتج المرة اللي يايه الغالية :)

وفي استقبال القادم من أسئلتج ;)

[First Lady]

راعية الراف

اوب اوب اوب.. شوي شوي على أسئلتج.. كلتيني (27)
خليج رقيقة :p


وين ساكنه؟
ساكنه في غرفة في بيت أبوي اللي يقع في الشارع اللي حذال بيتنا.. واللي يطل على سوبرماركت وكافتيريا.. ويمر من محل مفروشات.. وجان سرتي بعد شوي بتحصلين محل للديكور ومغسلة سيارات .. وجان مشيتوا بعد شوي بتحصلون بقاله عدالها صالون.. ها عرفتي وين ساكنه ولا بعدج :D:p;)


وشو اسم باباتج؟
أبوي الحبيب فديته.. هو اسمه أبوي.. ولما ندلعه نقول له أبويه..ولما نضرب المياعة نقول له بابا .. بس الناس اللي هم مب عياله ما يقولون له بابا ولا حتى أبوي.. ساعات بس يزقرونه بو راشد ;):D


وكم اخو عندج؟
بس كم أخو عندي.. ما تبين تعرفين كم خوات عندي :D ولا عشان تضمنين مستقبلج يعني ;)
فديتهم عندي 5 أخوان.. وكلهم عزابيهم حق اللي يبون يحجوزن من الحين.. والكمية محدوده.. اتصلوا الآن.. وإن وجدتوا الخطوط مشغولة يرجي عدم محاولة الاتصال مجددًا :D لأنهم بيكونوا خطبوا غيركم :D


واتحبيني ولا لا؟
أكيد أحبج.. هذا ما يباله كلام أصلاً.. ولا يباله سؤال.:ha:lo(29)


ومعرسه ولا موب ناويه؟
لا بعدني عانسه.. ما أدريبهم الشباب جيه ما يشوفون هذا الجمال كله (12)
والله يا أختي لما ربج يكتب النصيب محد يقدر يقول له لا :rolleyes:
وكل شي قسمة ونصيب الغالية :rolleyes:


وتحبين ولا بعدج؟
والله أنا أحب.. ومين ما يحب.. كل الناس تعيش لحظات حب..
أصلاً الحياة كلها لحظات حب:ha
أحب الله.. وأحب الرسول.. وأحب الوطن.. وأحب أهلي وأحب نفسي.. وأحب كل شي حلو في الدنيا.. وأحبج انتي بعد ;)


اوه.. هلكت.. تعبت.. جني راكضه خمسين كيلوه (6)


باخذ استراحة وبرجع لكم (6)

[First Lady]

فات الكثير ما بقى إلا القليل (6)


المنسي

هلا والله بالغلا :rolleyes:
شخبارك.. وشعلومك.. ياحيك والله :p

وبعد ما رحبنا فيك..:o

انت ويا ويهك لما تدش ما تعرف تكتب سؤال.. بس تدش تتفرج (21)

خل عندك شوية تفاعل مع الموضوع.. وشوية حماس وجهاد وفتح (17)

وبما إنك انتظرت وايد عسب تسمع ردودي الحلوه (25)

فأنا أقدم لك هاي الورده الحلوه :fl


مرة ثانية وانت داش.. هات وياك شي.. لا تدش وايدك فاضية :mad:

[الصلت]

صباح الخير :D شوي شوي علي يدتكم :fn

[First Lady]

يايه اتسحب على ريلي.. هلكت.. تعبت.. خفوا علي شوي يا عيالي.. ترى عندي الروماتزم ما استحمل أنا (6)

مجرد انسان..

هذا انت هنيه :eek:
تصدق عاد.. كنت شوي وبنساك.. لولا إن حفيدي طال عمره ذكرني فيك وحليله :rolleyes:

وينك يا ريال غاط محد يشوفك تطلع بالسنه حسنه بس عشان تشوف أحوال الرعية.. افا عليك بس يا وليدي (27)

ولا بس الحين طلعت ويا هلال رمضان :p


في اي سنه متزوجه؟؟؟؟

يا بوك ما أذكر.. هاييج الأيام الأوليه ما كان عندنا حد يكتب.. وما نقرا ونكتب.. وما نحسب التاريخ :rolleyes:
بس هو قبل ما اييب أم كرعون بسنه :p



لا تختفي مرة ثانية.. وتعال كل يوم :th

[First Lady]

وأنا يايه ركض.. حتى الجوتي مالي انقص (31)

Cat

الحين عقب ما ركضتيني عسب أرد عليج.. آخر شي تقولين لي مياو..

طيب مياو.. وكمان مياو.. وبعد عشان خاطرج مياو..

بصير قطوة اليوم عشان خاطرج وبرد عليج.. مياو ياختي مياو.. لحد ما نتعب حنقول مياو :confused::confused:


وبعد ما عطيتج ويه وسالفة وايد :o

بقول لج اللي قلته حق المنسي.. مرة ثانية لا تدشين وايدج فاضية :mad:

بعد شو نسوي نحب التعب حضرتنا :rolleyes:

[First Lady]

شو ها اللي أشوفه من بعيد.. لا بجرب زياده عشان أشوف زين.. اوه.. نور ما شاء الله.. نور مغطي المنتدى كله :rolleyes:

هلا والله هلا.. هلا بالغلا كله هلا.. هلا بأريج هلا..

تو ما نورت الصفحة والله.. أكيد من أشوفج أيي أربع.. عيل.. كم أريج عندنا نحن.. إلا هي وحده وعزيزة وغالية علينا بعد :rolleyes::lo


شو شعورج أول ما سمعتي خبر الترقيه؟؟؟

بتضحكين علي جان خبرتج.. الصراحة.. أول ما شفت رسالة من فتاة راس الخيمة جان ينقبض قلبي.. قلت يا ربي منوه مشتكي علي الحين:(.. أنا ما سويت شي حق حد.. يا ربي.. شو بقول لهم.. فشله والله جان حد مشتكي علي:(.. قعدت جيه أوسوس خايفه أفج الرسالة عسب ما أحصل لي الهزبة :p

وبعد ما فيجت الرسالة.. جان ألاقيها غير مما توقعت تمامًا.. إنها تقول لي إني المناسبة عشان أكون سكرتيرة نائبة المشرف العام من بعد عنوني فديت روحها :rolleyes:

جان أتم أضحك.. والابتسامه شاقة الحلج.. وأنا أقول لا لا لا لا.. مب معقول.. ما أصدق.. مب قادره أستوعب.. انا.. أنا يرشحوني عسب أصير سكرتيرة نائبة المشرف العام.. وجان أستانس وناسة غير طبيعية.. تقولين وحده شارده من مستشفى الأمل (17)

ومن زود الوناسة من قدرت أتم قاعدة على الكرسي.. جان أنش وأتنطط في الغرفة.. :D:D.. وعقب ما نقزت وتنطط.. وسويت لي حفلة بروحي.. جان أفكر.. أقبل ولا ما أقبل (27) من زين التفكير الحين :p

جان أقول .. خلني أقبل عشان بس أحذف المواضيع اللي باطه جبدي في المنتدى.. وأسوي اللي بخاطري في الأعضاء اللي كل شوي حاطين مواضيع مكرره (19) وألعب لعبتي على راحتي ومحد بيقول لي شي (19)

وها أنا بعد ما وافقت على المنصب الإداري الجديد.. ألعب لعبتي كل يوم بمواضيع الأعضاء (19)
زين ما يفنشوني باجر :p


أتمنى أكون رديت على سؤالج باختصار :D

وأشوفج في السؤال القادم إن شاء الله :rolleyes:

[First Lady]

اوه.. تعبت.. بسني.. قاعدة أمشي على أربع الحين (6)

أبا حبل أطلع منه من الفخ (6)


الصلت..


صباح النور :cool:

هلا والله .. حياك الله أخوي في المنتدى :)

وإن شاء الله تستانس ويانا الغالي :)

ولي الشرف الصراحة إن أول مشاركة لك تكون في صفحة الفخ :rolleyes:

جوفهم.. مب طايعين يخفون علي.. طايحين علي طيحه:(

خبرهم إني عندي الروماتيزم ما استحمل أنا :(



وبانتظارك مشاركاتك الفعالة وردودك :rolleyes:






بس خلصنا..أخيرًا (25)

شكلي ما بدش غير الأسبوع اللي ياي من كثر ما هلكت منكم (6) (20)


بس ما تهونون علي الصراحة.. إن شاء الله بنرد عليكم جان تفيجنا.. وجان ما انقلب ال Mode مرة ثانية :D

بعد تعرفون يدتكم مزاجية.. كل يوم بمزاج مختلف.. شو نسوي عاد هاي الدنيا (10)

ونراكم على خير إن شاء الله :o

وكل عام وانتم بخير ;)

[دمعه الحب]

:fn:fn

[3yo0on UAE]

أقول فيرست أشحالج

حبيت أسلم عليج وأطمن عليج

أشوف أعضاء المنتدى ما شايفن خير
ما صدقو اعمارهم طاحو عليج طيحه

حبايبي خفو عليها شوي من الصبح وهي تطراكظ علشان ترد عليكم

ما خليتوها حتى تفطر

[دمعه الحب]

:confused::fn

[المنسي]

:o:rolleyes::o


ثاانكيووووو فيرست ليدي


انزين انزين انزين

..؟!

[First Lady]

دمعة الحب..

كم مرة بنعيد ونزيد.. :mad:

كم مرة أقول لكم يعني.. :mad:

ترى أنا ما يقهرني في هذا المنتدى كله غير الفيسات اللي يحطونها الأعضاء من غير رد (21)

في حد قالكم إني أقدر أقرى لغة الفيسات (27)

المرة اللي يايه وانت داشه.. هاتي وياج شي.. لا تيين وايدج فاضية لو سمحتي :o

[First Lady]

عيون الامارات

هيه والله.. قاعدة أراكض من الفير (6)

تعبت (6)

الله يعين باجر يمكن يكون رمضان.. وما بقدر أشرب ماي بين الركيض (31)

بس شو بنقول.. عشان عين تكرم ألف عين (29)

ومشكورة على اطمئنانج علي :o

تعالي كل يوم.. وأهزبيهم كل يوم جان حشروني :o

وجان عندج قب وخيزران ولا يهمج استخدميهم للأغراض الإجرامية أنا عاطتنج تصريح :D


وسلامتكم :th

[First Lady]

العفو أخونا المنسي :o

ما سوينا غير الواجب.. وإن شاء الله نرضي جميع الأذواق :D

وبعدين شو هاي انزين انزين انزين (21)

تبا تسكتني أونك (21)

ما بسكت :o

المرة اللي يايه وانت داش هات وياك شي.. لا تدش وايدك فاضية :D

واسمع كلام الأكبر منك يالشيبة :p

[دمعه الحب]

انا آسفه :(

[First Lady]

دمعة الحب..

بنقبل اعتذارج هالمرة :o

بس مرة ثانية لا تعيديها :o

جان أطلع أخوف (19)

جان يزيغون مني (19)

[روح_الامارات]

:fn كسرتي خاطري فيرست ليدي... :fn
سؤال 1: كم كانت نسبتج في الثانوية العامة؟ واي مدرسة كنتي؟
سؤال 2: شو تقدير التخرج في الجامعة؟
سؤال 3: قدمتي في الاتصالات ؟
سؤال 4: تعرفين حد من بنات التقنية؟
سؤال 5: كم الساعة عندج الحين هههههههههههه
والسمووووووحه

[المنسي]

:o:rolleyes:


روح_الامارات

كفت وووفت وين نيبلج اسأله انتي:confused:

[First Lady]

روح الامارات

هلا والله بالغلا كله ;)

مستويه لي المحقق كونان يقولون اليوم :D

وبخصوص أسئلتج :rolleyes:

سؤال 1: كم كانت نسبتج في الثانوية العامة؟ واي مدرسة كنتي؟
اممممممممممممممممم
نسبتي في الثانوية..يا أختي هاي من أسرار أمن الدولة ما نروم نخبرها الغالية.. محرصين علي جان خبرت يودوني ورا الشمس :D
بس يقول لج إني ضربت رقم أمنيه سالم :D
عن المدرسة أنا كنت في مدرستي العزيزة والحبيبة واللي أحبها موت جدًا فديتها :ha مدرسة زبيدة الثانوية للبنات.. لما كانت في المبنى الجديم (25)



سؤال 2: شو تقدير التخرج في الجامعة؟
طال عمرج.. أنا كسرت الرقم القياسي في الجامعة في المعدل التراكمي.. حتى اسألي الشرهان عميد كليتنا :D
من جيه كنت واقفة عدال الشيخة فاطمة وهي قاعدة تكرم البنات .. قاعدة أكرمهن وياها :D


سؤال 3: قدمتي في الاتصالات ؟
والله ما أعرف شو أقول لج يالغالية.. طفروا بي يوم سرت أقدم في اتصالات.. أول شي قالوا لي عبي هاي الاستمارة الطويلة العريضة.. انزين جان أعبيها جيه أنا كاتبه لكم ومسويه السيرة الذاتية اللي كاتبه فيها كل شي عني وعن دراستي.. انزين.. ورضينا بالواقع.. وقعدنا ساعة كاملة نملي الاستمارة.. ولما وديناها.. وأونه شوه يبون أربع صور شمسية :eek:.. أربع مرة وحده.. الله أكبر عليهم.. شو يسوون فيها.. بياكلون فيها.. ولا يمكن يسوون لي عمل :eek:.. أقصد سحر :confused:.. المهم أنا كنت أيامها مب متصورة.. والصورة الشمسية الوحيدة اللي عندي هي من أيام الثانوية العامة :(.. من جيه سرت وتصورت لهم.. ويبت لهم الطلب.. خذوه ولا ردوا علي خبر :(
وجان أقدم مرة ثانية بالعنترنت :rolleyes:.. قلنا يمكن شي أمل.. جان يطرشون لي ايميل.. أونه ماشي شواغر :(

شو بنقول.. ربج يعين :(


سؤال 4: تعرفين حد من بنات التقنية؟
والله من البنات اللي يدرسون حاليًا في التقنية ما أعرف حد.. غير بنات مدرسة اللي بيننا اتصال غير مباشر.. وعمرنا ما تلاقينا :o.. بس شي من ربيعاتي درسوا في التقنية وتخرجوا :rolleyes:


سؤال 5: كم الساعة عندج الحين هههههههههههه :ha
وشو تبين الساعة الحين (27)
وراج موعد تبين تلحقين عليه (27)
جان جيه بخبرج.. الساعة الحين 2 ظهرًا و 51 دقيقة و55 ثانية :confused:
تبين تفاصيل ثانية.. بتحصيلنها في النشرة الجوية :rolleyes:


ومشكورة الغالية.. كل ساعة تعالي :D

ولا تنسين أوراق الامتحانات.. أقصد الأسئلة وياج :rolleyes:

[First Lady]

المنسي

يا حيك والله :rolleyes:

الفخ منور بوجودك.. بخليهم يرشحونك المرة اليايه عشان تعرف كيف الناس تحطي الأسئلة (19)

تراني ناوية عليك نية .. ما يعلم فيها غير ربك (19)

أنا بقول لك من وين تلقط الأسئلة :rolleyes:

دش على موضوع "المنسي على كرسي الاعتراف" ولقط لك جمن سؤال من هناك وتعال :D:D

فكرة صح :rolleyes:

[المنسي]

:D

[المنسي]

:mad::mad:

[First Lady]

المنسي

كم مرة نعيد ونزيد ونقول.. ترانا ما نفهم على الفيسات :o

كلمونا عربي لو سمحتوا :o

[شارع الكويتي]

:fnزين طاحواا فيج ..شاركيني المهمه ...خخخخخخخخخخخخخخ:fn



8- في نظرك من هو من أعضاء المنتدى.


العضو المميز
العضو الملقوف
عضو تفتقده
عضو تتمنى لو إنه ما سجل
عضو دمه خفيف
عضو دمه ثقيل
عضو تتابع مواضيعه


:D:D

[First Lady]

شارع كويتي..

ويا ويهك.. سارق الأسئلة اللي سألتك إياها وياي تربع تسألني إياها (21)

وبعدين خلهم يطيحون فيني.. عسل على قلبي :rolleyes:

لأني مب هينه..بقلب السالفة عليهم.. وبطيح في كل اللي يردون علي (19) عيل شلون عيل ;)

لازم مثل ما يطيحون فيني نطيح فيهم :D

وأكبر عقاب لهم إنهم بيقعدون يقرون فلسفتي.. وكل الكلام الطويل اللي كاتبته :D:D

المهم نرجع لمحور حديثنا.. أقصد للأسئلة اللي سارقها مني :mad:


8- في نظرك من هو من أعضاء المنتدى.
عنبوه..قلنا سارق السؤال.. حتى الرقم حاطنه وياه :confused:
جان تبا تسرق..اسرق بضمير المرة اللي يايه :D

العضو المميز
ما شاء الله شي وايد أعضاء مميزين في المنتدى..ومشاركاتهم وايد فعالة وهادفة.. مثل ولد شما ودكتور فليت ومبدع الكلمة وكراعين نمله وشموع الأمل والمنسي(في المواضيع مب في الردود :D) وغيرهم كثير :)

العضو الملقوف
ما أدري ليش الملاقيف وايد زايدين في المنتدى هالأيام :rolleyes:
مستويه حمى الملاقيف:D وأول وحده هي دلوعة القمر وبريعصي كاشخ :D

عضو تفتقده
أخ.. الغايبين وايد.. ويقطع القلب غيابهم :(
ومنهم على سبيل الذكر لا الحصر.. شموع الأمل مب مبينه هالأيام.. شحفان القطو.. دموع..بهوت مشكل..شارد البال..وحيد الدرب..عنوني:(..خيماوية..شبح الليل.. وغيرهم كثيرين..:(:(

عضو تتمنى لو إنه ما سجل
ناس الله يستر عليهم.. وامتنع عن ذكر أسماء.. لمنع حدوث حزازيات :o

عضو دمه خفيف
كرعون حفيدي.. حبيب قلبي بلا منازع :rolleyes:
وعشان من ندخل في السياسة ونزعل الأعضاء.. كل أعضاء المنتدى دمهم خفيف وحبوبين وطيبين :ha

عضو دمه ثقيل
أهازيج وبريعصي كاشخ و Xx_5_xX :D:D
أدري إني بتصفع اليوم.. بس ما عليه.. الحق حق :D

عضو تتابع مواضيعه
أتابع جميع المواضيع.. بس مواضيع دكتور فليت تشدني أكثر لأنها جريئة..:o
ومواضيع ولد شما لأنها اجتماعية بحته..:o
ومواضيع شمايل لأنها تحط مواضيع أسرية واجتماعية..:o
ومواضيع فتى رأس الخيمة لأنها نادرة وما أصدق أشوف منه رد إلا أربع عشان أقراه :D:D



وخلصنا أخيرًا (6)

كل يوم تعالي.. بس لا تسرق مرة ثانية ;)

[شارع الكويتي]

والله انا متعمد اني انسخ كل شي عشان تلاحظين ..انها هاي اسئلتج ..:o


:D:D


ما فيها شي ..شو يعني ..انا ما اعرف اسرق بضمير ..:o


خخخخخخخخخخخخخخخخخ:fn

[First Lady]

شارع كويتي..

قالوا لك عيوز مخرفه عشان ما أتذكر الأسئلة اللي حطيتها من بنات أفكاري :mad:

وبعدين أنت اتريا.. بحطيلك مجموعة أسئلة حلوه ويديدة فريش :D

ومنوه قال إنك تعرف تسرق بضمير.. أكيد ما تعرف :p

تذكر لما كنت تغش في المدرسة.. مطلع الورقة جدام الأستاذ عيني عينك.. لا تعرف تسرق ولا تعرف تغش :D

مسكين حالك يا شارع كويتي :rolleyes:

[شارع الكويتي]

:fnهههههههههههههه ...

يوم اقول انج مخرفه ..خخخخخخخخخخخ:D:D


:oاسكتي يدوووووووه...




;)نسيت ما اباركلج على الترقيه ...

مبروووووووووك ..:p

[First Lady]

شارع كويتي..

فديتني والله.. أنا مب مخرفه :o

إلا جان انت حد فالعنك بحصاه هذا شي ثاني :D

والله يبارك فيك الغالي.. وعقبالك وعقبال الحبايب كلهم ;)

على فكرة.. بغيت أسأل.. كرعون شو يقرب لك.. شايفتك ماخذ من خباله وايد :D

[الصوت الجريح]

انا عندي أسئلة

1_عندج ثلاث وردات بيضه وحمرا وصفرا
لمن تهدي كل ورده

2_من هو شاعرك المفضل

3_قصيدة احببتها ...ماهي

4_طربك المفضل ومطربتك المفضلة??

اختج
الصوت الجريح

[اريج]

هههههه
:D:D:D

ياريت كنت وياج علشان احضر الموقف

[سر الليل]

:id


اففففف يا ربي .. أنا من يومين ما دشيت المنتدى ..
والله كنت أتريا هالموضووووع .. أبا أطيح فيج طيحه ..



:fn4
أدري أدري أدري انج تولهتي عليه ..
ماله داعي تحلفين ..



:mm4


هممممم لحظه أبا أستجمع كل الشر اللي فيني ..

:( بس جاوبي بسرعه لا تتأخرين ..


:fr

بســـــــــــــــــم اللــه نبدأ :

1- كنتي علمي والا أدبي ؟
2- شو أحلى ذكرياتج في المدرسه ؟
3- كنتي شاطره والا ...... شاطره وايد خخخخخخخخخ ؟
4- شو أسوأ يوم مدرسي مر عليج ؟
5- منو آخر أبله صيحتج في المدرسه ؟
6- خبرينا نسبتج في الثانويه .. جيه ما تخبرينا ؟ :o
7- كنتي تشاركين في الأنشطه على مستوى المدرسه والمنطقه ؟
8- كنتي تخالفين الزي الرسمي ؟
9- شو أكره وأحلى مادتين عندج ؟
10- شو كان شعورج فآخر يوم فامتحانات الثانويه العامه ؟

ننتقل الآن إلى الحياه الجامعيه ...

السؤال الأول : كم حطيتي على زهابج أول ما سرتي الجامعه خخخخخخخخ

:D لالا اسولف ... الحين ببدا في الأسئله الجد ..:o

1- في أي سكن كنتي ؟
2- شو كان تخصصج ؟

أووووه لالا أدري بتقولين أسرار الدوله ..
زين بغير المسار

1- كم مره روح عنج باص الجامعه ؟
2- وين كنتي تحبين تتغدين ؟
3- خبرينا عن شعورج يوم كنتي مستجده
4- شخبارج ويا المدامات ( مشرفات السكن )
5- شو شعورج فلحظة التخرج ؟ آخر شي .. يوم تسلمين على ربعج
اللي صارو جزء منج .. وكل حد عطى ظهره للثاني ,, ومشى فدربه ؟ :(


فديتج والله ... خخخخخ هذا انا تعبت .. وين انتي ؟

انزين عندي سؤال بعيد عن كل هالأشياء ..

في شهر رمضان الكريم .. كيف بتقظين وقتج ؟؟ تفكرين تدخلين المنتدى والا بتقظين وقتج فالعباده ؟
والا بتوفقين بين الأثنين ؟


:confused: :confused: :confused:
صبري صبري .. بفكر يمكن عندي سؤال ثاني ..


اذا كان ممكن إن الزمن يوقف .. أي لحظه من حياتج بتختارين ؟؟

***********************

واي فديتج والله .. خخخخخ صدق اني شريره ..
لو عني أنا بتم أسأل :D
بس كفاية رأفتن بحااالج :o

أشوفج تقولين أسرار دوله والا تستعبطين ..
أبا أجوبه كافيه ووااااااافيه :o

والسموووحه ..
:fn

[First Lady]

احم احم احم :o

السلام عليكم كلكم :rolleyes:

شحالكم عساكم طيبين إن شاء الله.. شو نهاركم وشو مساكم .. إن شاء الله كل شي أوكي وعال العال :rolleyes:

وإن شاء الله ناشين نشيطين بعد ما أعلنوا إنكم بتفطرون اليوم :D

تريقت كورن فليكس ويتكم ركض عسب أجاوب على أسئلتكم (25)

بس شكلي بتعب اليوم وايد (6) لأن شي وحده ناوية على شر اليوم.. وناوية علي نية مش كويسه :rolleyes:


الصوت الجريح

شحالج الغالية.. وينج من زمان ما شفناج.. عساج طيبة الغالية.. تولهنا عليج :rolleyes:

بخصوص أسئلتج


1_عندج ثلاث وردات بيضه وحمرا وصفرا
لمن تهدي كل ورده
بس ثلاث وردات.. اممممم.. وايدين اللي أبا أعطيهم..:rolleyes:

الورده البيضا أعطيها لشموع الأمل عشان ترجع بالسلامة
والورده الحمرا أعطيها لبهوت مشكل
والورده الصفرا أعطيها لسر الليل (أقردنها عشان ما تقعد تسألني وايد :D)


2_من هو شاعرك المفضل
اممممممم.. بشكل عام أحب القصيدة الفصحى أكثر من العامية.. :rolleyes:
بس ما عندي شاعر معين أقرى له بالفصحى.. كل شي جميل أقراه :rolleyes:
بس في القصيدة العامية أحب أشعار عبدالرحمن بن مساعد لأنها هادفة وكلمات جميلة جدًا ومعبرة :rolleyes:
وأحب أسمع لطارق المحياس في بعض الأحيان :rolleyes:


3_قصيدة احببتها ...ماهي
أخ.. جان قلبي يعورني :ha
أكثر قصيدة أحبها.. هي قصيدة طارق المحياس.. تعودني عليك:(
بس لكل أصحاب القلوب الضعيفة.. واللي عنده ضغط وسكري وأمراض القلب.. أنصحهم ما يسمعون القصيدة..:o
لأنها وايد تعور القلب :(
والله كل ما أسمعها أحس قلبي صار نصين :har

وهذي القصيدة للي يحب يسمعها.. وآسفه ترى فيها شوية موسيقى لزوم الخلفية الموسيقية :rolleyes:

http://uaefm.net/poems/m7yas/rm/tariq03_t3awedni-3alek.ram

اللي يحب يسمعها يسوي لها copy and paste



4_طربك المفضل ومطربتك المفضلة??
ما عندي مطرب مفضل ولا مطربه مفضلة..كلهم الصراحة الحين صايرين كل واحد أخس عن الثانيين..
أحب صوت عيضة لأنه قوي.. وأحب صوت أصالة.. وأحب صوت محمد عبده وعبدالكريم عبدالقادر.. بس ما أسمع لهم دايمًا..
أكثر يجذبني الموسيقى الكلاسيكية والحزينه.. ما أحب أم علاية ولا الطق والربشه :rolleyes:
بطبيعتي انسانه هادية عشان جيه أحب الموسيقى الهادية :rolleyes:




أخيرًا خلصت :rolleyes:

مشكورة الغالية على أسئلتج الخفيفة اللطيفة :rolleyes:

وكل يوم تعالي :rolleyes:

[First Lady]

أريج


هلا والله بالغالية..شحالج :rolleyes:

هيه تبين تكونين وياي عشان تضحكين علي :(

أعرف نواياج الشريرة.. وعقب تدشين تفضحيني في المنتدى :(

لا.. زين ما شفتيني.. لأنج على طول بتتصلين في مستشفى الأمل :D

بس ما عليه.. يوم بصير المشرف العام..بزقرج عسب تشوفين شكلي ;):D:p

[First Lady]

( 1 )

:eek::eek::eek:

ما شاء الله .. ما شاء الله .. ما شاء الله :eek:

عيني عليج بارده يا سر الليل :rolleyes:

وأنا أقول وينها سر الليل هاليومين ما أشوفها دش..أثاريج قاعدة على مكتبج ومسويه لج جو رومانسي.. وقاعدة تحطي لي أسئلة الدنيا كلها :eek:.. وتختارين الأسئلة سؤال سؤال :eek:

مستويه المحقق كونان الظاهر ;)

أقول سر الليل.. جان انتي تشتغلين مدرسة.. فأنا أنصحج تقدمين استقالتج.. لأنج لو ما استقلتي.. طالباتج بييهم اكتئاب نفسي :D.. ويمكن تتحول لحالة مستعصية واتييهم حالات من القرع وقضم الأظافر وحرق الملابس بعد :D

هذا إذا ما أقدموا على الانتحار بسبب أسئلتج المسعصية :rolleyes:

أقول الغالية.. تراني يوم أقول أسرار أمن الدولة.. أحسن من إني أقول ما يخصكم :D
بعد عشان يكون عندي ذوق.. فديتني أنا دومني راعية ذوق (25).. وعشان بعد ما أطنش أسئله.. وما تقولين فيرست ليدي ما جاوبت علينا ;)
فديتني والله يوم أراعيكم :rolleyes:.. جان أطيح في غرام عمري :D:lo


يالله.. نستفتح ونقول بسم الله.. وعلى بركة الله.. ولا إله إلا الله والله أكبر (27)

سايرة الجهاد حضرتي :D

هيه والله جهاد.. عيل هالكثر أسئلة.. جان صار لي شي في المعركة جيه ولا جيه (31) قولوا حق فتاة رأس الخيمة تسمح لي وايد وايد.. وخل تدور عن بديلة.. وخبروا الشرطة إن سر الليل جتلتني (7)

[First Lady]

( 2 )
الجزء الثاني من الرد على أبلة عطيات :o



والحين بنجاوب :p

1- كنتي علمي والا أدبي ؟
فديتني أنا كنت علمي :rolleyes:


2- شو أحلى ذكرياتج في المدرسه ؟
أحلى الذكريات لما كنت في الابتدائية.. أجمل أيام حياتي قضيتها في هاي المرحلة.. كنت مسويه شله من ثلاث بنات..كنا أبدًا ما نتفارق.. لدرجة إن إذا وحده ما كانت ويانا.. المدرسات يقولون ليش فلانه ما تمشي وياكم اليوم:rolleyes: .. كنا يهال.. ونتبادل رسايل الصداقة ما بيننا.. رسايل نحن نسويها.. بداية من الظرف انتهاء للهدية اللي داخل الرسالة.. طبعًا هدايا يهال.. ولحد الحين محتفظة بهاي الرسالة.. أقراها وأفطس من الضحك على الكلام اللي انكتب فيه :rolleyes:

بس شو نقول..الأيام ما تخلي حد في حاله..ولازم تفرق الأحباب :(
ياليتني أرجع لهاي المرحلة مرة ثانية :(


3- كنتي شاطره والا ...... شاطره وايد خخخخخخخخخ ؟
مثل ما يقول المثل مدّاح نفسه يباله رفسه :p
الصراحة ما كنت شاطرة وايد.. ولا كنت كسلانه وايد.. كنت بين البينين :rolleyes:
بس كانت مشكلتي الكبيرة اللي ما لها حل لحد يومكم الحاضر.. هو إني ما أعرف أحفظ :(
أفهم بسرعة وأطبق وأحل وغيره.. بس إني أحفظ No way:(


4- شو أسوأ يوم مدرسي مر عليج ؟
أسوأ يوم مدرسي.. هو يوم ما أنساه طول عمري :(
كنت أيامها في الصف الخامس الابتدائي.. كنت قاعدة في الصف في حالي ولحالي هزني الشوق..أقصد.. كنت منتبهه للشرح..
ومدرسة اللغة العربية دومها حاطه دوبي ودوبي..ما أدري ليش:mad:
كنت يالسه في حالي.. جان فجأة تقول لي..فيرست ليدي نشي(27)
جان أنش.. قالت لي انتي فريتي الورقة..قلت لها أي ورقة أبلة :confused:
قالت هاي الورقة..قلت لها والله العظيم ما فريت أي ورقة أبله.. ما سويت شي أبله (27)
جان تقول لي جدام البنات كلهم انتي جذابه.. :eek:
من حسن حظي إن الجرس دق وكانت الحصة الأخيرة.. جان أرجع البيت ودموعي أربع أربع..
ومن سوء حظ المدرسة إنها ما كانت تدري إن الوكيلة في المدرسة هي أختي الكبيرة http://www.rak2rak.net/images/icons/icon912.gif
جان أخبر أمي..جان تخبر أبوي..جان أبوي يخبر أختي..جان أختي تخبر الاخصائية :D..جان الاخصائية تكلم مدرسة اللغة العربية.. جان اييون عندي :D
واللي ما أدري شو أسميها..أنكرت:eek:..وقالت أنا قلت..وافدة تراها لو قالت شي جان طردوها :mad:
بس من يومها وهي ما تقرب صوبي :D

وتوته توته خلصت الحتوته..حلوه ولا فتفوته ;)


5- منو آخر أبله صيحتج في المدرسه ؟
اممممممممممممممممم..أصلاً نادرًا ما كنت شي أبلة تصيحني..فديتني شطوره :o
بس يمكن أبلة الجيولوجيا في آخر سنه لما كنت أودعها صحت لما سلمت عليها (27)


6- خبرينا نسبتج في الثانويه .. جيه ما تخبرينا ؟
يا بنت الحلال قلنا لج أسرار أمن دوله :o..أخافهم يعدموني بعدين :D


7- كنتي تشاركين في الأنشطه على مستوى المدرسه والمنطقه ؟
وين على مستوى المنطقة..وايد علي على مستوى المدرسة :D
مشكتي إني قلب حساس..أقصد مشكلتي إني كنت وايد خجوله أيام المدرسة..كنت وايد أستحي أقدم أي شي..
حتى مرة كتبت قصة وقدمتها حق أبلة اللغة العربية..وعقب ما رديت أسألها عن رايها..أدريبها بتغسل شراعي على هاي القصة التحفة :D

8- كنتي تخالفين الزي الرسمي ؟
لا والله ما كنت أحب أخالف الزي الرسمي..حتى البنات في حصة الرياضة كله يدعون علي لأني كنت دوم أييب لبس الرياضة وهم ينسونه عشان ما يلعبون (19)


9- شو أكره وأحلى مادتين عندج ؟
وين رجعتينا لأيام المواد الدراسية.. بقول لج يا ستي..
أحلى مادتين عندي هي الجيولوجيا والرياضيات :rolleyes:
وأكره مادتين عندي هي التاريخ والجغرافيا :mad:


10- شو كان شعورج فآخر يوم فامتحانات الثانويه العامه ؟
بصراحة..حسيت بفرحة لا توصف.. وبنفس الوقت بنوع من الترقب للنتايج والحصاد.. كنت وايد خايفة إني أرجع مرة ثانية للثانوية..خاصة إنه كانت عندي ظروف صحية واجتماعية وايد أثرت في دراستي في فترة الامتحانات :rolleyes:
بس الحمدلله عدت الأمور على خير :rolleyes:

[First Lady]

( 3 )
الجزء الثالث من الأجوبة على أبلة عطيات:p



ننتقل الآن إلى الحياه الجامعيه ...
شتبين فيها الجامعة..كلها بلاوي :rolleyes:
خلينا في المستقبل أحسن :D
والله قلبي يعورني وأنا أتذكر ذكريات المدرسة.. والحين تبين ترجعيني لذكريات الجامعة :(
منك لله :(

السؤال الأول : كم حطيتي على زهابج أول ما سرتي الجامعه خخخخخخخخ

حشى كم مرة تحطين السؤال الأول والسؤال الثانية..صدق تنفعين مدرسة:D
ما عليه..رغم إن السؤال محذوف..بس يمكن تعطيني Bouns عليه :D
الصراحة ما خليت شي ما حطيته في شنطتي على أول روحه لي للجامعة..تقولين مسافرة.. عن جد ماخذه وياي شنطة سفر :D..خاصة إني كنت سايرة الجامعة وما كنت أعرف حد هناك مول.. وما أعرف شو نوع الحياة الجامعية ولا عمره حد كلمني عنها.. يعني سايرة هناك غريبة.. بس على آخر أيام الاستعداد تعرفت على بنات في مركز الارشاد الاجتماعي.. وهم اللي سكنوني يزاهم الله خير :rolleyes: والله يذكرهم بالخير والله افتقدهم :(

1- في أي سكن كنتي ؟
مرة ثانية سؤال أول.. حشا كل سؤال أول عندج انتي :eek:
يا ستي..أنا كنت في سكن سيح بن عمار :rolleyes:
لا تخافين عادي أقول مب خايفه من شي ;)


2- شو كان تخصصج ؟
وعشان ما تزعلين وعشان خاطرج بقول لج إن كان تخصصي هو علوم الحاسب الآلي :rolleyes:
بس هم الحين أغلقوا هذا التخصص في الجامعة لما فتحوا كلية تقنية المعلومات :(
والله بهدلونا بهدلة على سنه التخرج بسبب هاي الكلية اليديدة الله يسامحهم :(


الله يسامحج..مرة ثانية سؤال أول..:mad:


1- كم مره روح عنج باص الجامعه ؟
الحمدلله ولا مرة روح عني :rolleyes:
والبركة في الوالدة اللي يطول بعمرها.. كل ما وصلت الساعة على 2 تكسر الباب عشان أطلع من الغرفة :D
وتعطيني محاضرة في الوصول بالوقت وإنه ما عندنا حد يوصلني العين عقب وغيرها من الكلمات الرومانسية الهزابية :D
بس على آخر كورس استغليت أخوي اللي أخيرًا درس في العين آخر استغلال (19).. كله سايرة راده وياه :D


2- وين كنتي تحبين تتغدين ؟
يا ستي.. ما كنت أحب أتغدى وايد.. بس لما يضربني اليوم..لما كنت مستجده كنت أتغدى في ما أدري شو اسمه هاك المطعم اللي سكروه..حتى نسيت اسمه..جنه كنتاكي ولا شي من هذا القبيل :rolleyes:..ولما فتحوا كوفي هاوس..سرت أتغدى هناك.. ولما فتحوا الرباعية..أكيد ماشي كلام.. كله غداي هناك :rolleyes:
كان خاطري أسير بيتزا هافن:(..بس المشكلة بعيد وأنا ما عندي محاضرات في المخج :(
راس مالي وكل اللي درستهم في مخج هو فكر اسلامي ومبادئ احصاء وتطور فكر فلسفي وكان الله غفورًا رحيما:rolleyes:


3- خبرينا عن شعورج يوم كنتي مستجده
الصراحة شو بقول لج..حسيت بالرهبة والخوف والوناسة في نفس الوقت.. أول ما دشيت الجامعة ضعت الصراحة.. ما عرفت وين الدرب..بس حسيت إني مستانسة..أخيرًا أنا في الجامعة..والسكن بعد وناسه..تعرفت على بنات وايد واندمجت وياهم بشكل سريع..يعني كان شعور لا يوصف:)..مع إني كنت وايد أفتقد البيت :(
بس تعودت على إني أعتمد على نفسي وإني أستغل كل لحظاتي هناك :rolleyes:

[First Lady]

( 4 )
الجزء الرابع من الرد على أسئلة أبلة عطيات (6)



4- شخبارج ويا المدامات ( مشرفات السكن )
ما بتصدقين جان قلت لج إن علاقتي بالمشرفات كانت وايد قوية.. كنت وايد أحبهم ويحبوني.. ويدلعوني بعد :D
حتى يوم تخترب الكمبيوترات يزقروني..وأقعد في المكتب أسولف وياهم وآخذ وأعطي وياهم في الرمسة :rolleyes:
خاصة وحده من المشرفات المواطنات الله يذكرها بالخير.. وايد كانت فنانه.. تقعد وياي في الغرفة تسولف وياي :rolleyes:..وكل ما أكتب قصة استشيرها فيها من الناحية الاجتماعية.. يعني كان وايد وناسه :)


5- شو شعورج فلحظة التخرج ؟ آخر شي .. يوم تسلمين على ربعج
اللي صارو جزء منج .. وكل حد عطى ظهره للثاني ,, ومشى فدربه ؟
شو بقول لج الغالية :rolleyes: تراج تعرفين البير وغطاه :rolleyes:
يعني كان يوم حزين بكل ما فيه..طبعًا غير عرض مشروع ربيعاتي اللي كان وايد وناسه واللي عيب الدكاترة وايد:)..غير هذا كان اليوم حزين..خاصة لما سلمت على البنيات.. صارت مناحة:(
سوينا بحر من كثر ما صحنا..كانوا حالفين علي أتم..بس شو أسوي أخوي ناطرني عند بوابة السكن ما كنت أروم أتأخر عليه.. جان يزعلون مني :(.. بس والله ولهانه عليهم :(
بس الحمدلله شي اتصالات بيني وبين بعض ربيعاتي :)


فديتج والله ... خخخخخ هذا انا تعبت .. وين انتي ؟
أونه تعبت.. قاعد تسأل وتقول تعبت (21)
عيل أنا اللي قاعدة أجاوب من الصبح شو أقول.. والله الحين كملت أكثر من ساعة وأنا قاعدة أكتب بس رد على أسئلتج هاي (6)
والله تعبت من الخاطر (6)
وتعبت نفسيًا وجسديًا وكل شي (6)
جان كا حطيتج في الفخ ما أكون أنا فيرست ليدي (19)

انزين عندي سؤال بعيد عن كل هالأشياء ..

في شهر رمضان الكريم .. كيف بتقظين وقتج ؟؟ تفكرين تدخلين المنتدى والا بتقظين وقتج فالعباده ؟
والا بتوفقين بين الأثنين ؟
بطبيعة الحال ما أقدر أبتعد عن المنتدى :o
أخاف تولهون علي وايد بعدين :D
وإن شاء الله أوفق بين المنتدى وبين العبادة في رمضان :rolleyes:
لأني قاعدة أرتب حق مسابقة ثقافية تنحط في المنتدى في رمضان .. وأتمنى من الكل يشارك فيها :rolleyes:
عاد بعدين منوه بيحذف المواضيع جان أنا سرت عن المنتدى;)


صبري صبري .. بفكر يمكن عندي سؤال ثاني ..
يالله (6)..
بسج أسئلة تعبتيني (21)
حشان مب أسئلة هاي..تحقيق جني مسويه جريمة (27)


اذا كان ممكن إن الزمن يوقف .. أي لحظه من حياتج بتختارين ؟؟
امممممممممممممممممممممممممم
امممممممممممممممممممممممممم
اللحظة اللي انتي ابتديتي تكتبين فيها هاي الأسئلة عشان ما تكملين كتابة :D

أسولف وياج:p
كنت بتمنى يوقف في لحظة كنا نتغدى فيها أنا وربيعاتي كلهم داخل ال Lab في الكلية..غدى من ايد وحده من ربيعاتنا من بنات العين..كان وايد وناسه.. الكل ملتم.. نضحك ونسولف ونتغشمر.. ولا هامنا شي.. كانت لحظة من أروع لحظات حياتنا:rolleyes:.. اللي الحين مستحيل إنها تتكرر مرة ثانية مهما كان.. اللي تزوجت واللي سافرت واللي ما أدري وين :(
خليها على ربج :(



صدق إنج شريرة :mad:
عيل هاي أسئلة تسألينها حق بنيه رقيقة لطيفة شراتي (27)
والله هلكت وأنا أجاوب (6)
أخاف الحين وأنا أسوي ارسال أضطر أحط الجواب على ردين بدل رد واحد :p

بسج لا تسألين مرة ثانية (21)

لا ..أسولف..أسألي على راحتج ;)
بس مرة ثانية خليها أسئلة خفيفة (7)


أوووووووووووووووووه.. تعبت خلاص(6)
جان ما أطيح الحين من طول(6)
جان ما صار لي شي (6)
بشرد بشرد بشرد..


بتحصلوني الحين في كوالالمبور :D


ونراكم في الأسئلة اليايه ;)

[كراعين نملة]

ههههههههههههههههههههه ماشاء الله يدووووتي كانت رااايجه ع الاخر يوم تكتب الردوود :fn:fn




بكتب لج سؤالي وجوابج اوكي وبتجوفووون ردي تحت كل سؤال :fn:fn:fn

((السؤال الاول: كم حفيد عندج ؟ (خوش سؤال والله هع هع هع )
عندي حفيد واحد الله يخليه لي.. بس ما أدري ليش كل يوم يظهر لي واحد يقول لي يدوه أنا حفيدج
يا بوي ما أدري من وين يظهرون ))

الله يعلم يا يدووووووه :fn:fn

================================
((السؤال الثاني :كم مره تحذفيين باليوم مواضيع خلق الله ؟
بصراحة هذا سؤال وايد صعب.. صعب جدًا إني أجاوب عليه
ما شاء الله قبل ما أدش هنيه.. ما خليت موضوع ما نقلته وشي مواضيع حذفته.. باجر بيدشون يشتكون علي وبيفنشوني وأنا بعدي ما كملت أسبوع
فديتني والله.. بس هذا كله للمصلحة العامة للمنتدى ))

فديت يدووه والله ;):p هع هع هع

=================================

((السؤال الثالث :شخبار تركييبه اسنانج ؟؟
شو تركيبة أسنانج هاي بعد
استح على ويهج أنا يدتك
جيه شو تتحرا زمانا غير زمانكم.. يا بوك نحن زمنا فيه بركه.. الناس عندهم صحه ينشون ويشتغلون.. مب شرات زمنكم هذا من الواحد يكمل عمره 15 سنه يقول آي يا ظهري وآي أي آي وما أدري شو.. الحمدلله من يوم ما انخلقت ما سرت دختور أسنان.. ولا جلعت لي ضرس.. وأسناني قوية وطبيعية مثل ما هي ))

وحليييييييييللللللللللللللللللللج يا يدووووووه تقصيين على منووووووو :fn:fn:fn ...المقويات والعيادات ما تقصر موووول بس انتي عليييج الدفع هع هع هع (بس كرعون اسكت يالي ما تستحي ) هع هع هع

==================================

((السؤال الرابع :شخباااار بهوووووت مشكل ؟؟؟؟؟؟
شو بعد هاي بهوت مشكل
المفروض تقول شخبار يدي بهوت مشكل بعد احترام الكبير واجب
وتراه بخير ويسلم عليك.. بس ما أدريبه صار له عمر ما دش المنتدى ما أدري شو صار له.. شكله البحر هالصيف ما كان على الهوا.. من جيه تأخروا.. هو قال لي بييب لي دانه .. وشكله ما حصل الدانه ))


ااوووووه سوري يدووه نسيت اكتب يدييييه بهوت موشكل اسمحيلي يدووه والله ....... فديته يدي ما حصل الدانه لليوووم .. يدوه ممكن اغازلج شويه بس والله شوي بس جمله بقولج :fn خلا بقوول تراااا **الصبر جميل يا جميل ** ;) :fn:fn

===================================

((السؤال الخامس :تحبييييني انا حفيدج واااااااااااااااااااااااايد ولا شويييييه قد السمسووم ؟؟؟
لا أحبك قد النملة هع هع هع ))ا

افاااااااااااااااااااااااااااااااااااااا ........وجاان اتحرا قد الفيل :eek::fn:fn

===================================

((السوال الاخير :امممممممممممممممممم تحبين الديووو (دوومي معلق على هالسؤال ليش مادري)

لا والله ما أحب الديو.. وأكره كل أنواع الغازات ما عدا أورنامين سي
لأن الغازات وأنا يدتك مضرة للصحه.. وما تييب غير المرض.. وأسألني عنها .. تراني مجربة.. صار لي الحين سنين مقاطعة الغازات.. بس ساعات لما يطيح في خاطري وايد وايد أشرب نص غرشه.. بس وايد علي ))


واااااااااابوووووووووكم وجااااان تتخبل يدوووووووووه ما بغيتي تشربيين غير أورنامين سي هذا مب زيييين بعد يا يدوووووه ها غازاااااات واااااااااااااااااااايد فيه اكثر من الديوو والبيبسي (اساليني عنه تراني مجربنه ) :fn:fn وجان تستوي عمليه اختلاس هع هع هع :fn:fn:fn
===================================



وجااااااااااااااااااااااااان اخلص تراني هع هع هع هع

وسلملم على قولة محمد الصيرفي هع هع هع

[كراعين نملة]

عضو دمه خفيف
كرعون حفيدي.. حبيب قلبي بلا منازع :rolleyes:
وعشان من ندخل في السياسة ونزعل الأعضاء.. كل أعضاء المنتدى دمهم خفيف وحبوبين وطيبين :ha


=======================



جااااااان استانس حيييييييل :cool::cool:




فدييييت يدوووه والله :rolleyes::p

[دلوووع لندن]

ماشااء الله عليج

اختي

First Lady


الشباااب و الصبيااا ماخلو شي !!







وشي احلى امنية عندك ؟؟؟ واغلى امنيه بعد ؟؟؟

[3yo0on UAE]

وفديته والله فيرست ليدي تعبت من كثر من اترد عليكم :(

فيرست ليدي لا تردي عليهم إذا كنتي ما تبين كل شى ولا صحتج :p

خفو عليها من اسئلتكم :mad:قلنا أسألو بس موب جذى

[دلوعه بس مهمومه]

ليش سماج كرعون يدوووووووو

[سر الليل]

ام عيووون كيفنا بنسأل بنسأل :o


فدييييييييتج والله فديت روحج يا فيرست ليدي ..

وجان أحس بتأنيب الحمير.. أو أقصد الظمير :fn

فديتا والله تجاوب بذمه وظمير ..
الصراحه عن نفسي استمتعت ونا اقرى الرد ..

:fn خخخخخخخخخخخخخ
والله اني شريره (19)


بس أنا ما استفدت شي .. لأني بعدني ما عرفتج :fn

(27)

أوكي أوكي شكلي لازم مره ثانيه أسوي لي جو رومانسي
:rolleyes:

لا تشردين تراني أسولف .. :D

ومشكوره على الوقت اللي عطيتيني ياها ..

يااااااااااا رب تتهنين فحياتج .. وتحصلين كل اللي خاطرج فيه (( وأنا بعد طبعن :D))

*****************

:( أنا ما ودي أشكي لك ..... ولكن قلــت الحيــله ..
أليــــــــمه فرقتـــــــك واللـــــه .. وأنا عالبعـد مب قادر ..







:har

[First Lady]

كراعين نمله..

ويا ويهك اللي جنه كيس بصل (21)

الحين أنا آخذ مقويات وما أدري شو (21)

فديتني والله.. راس مالي حبوب الكالسيوم اللي آخذه عشان الروماتيزم (25)

لا تطلع علي إشاعات مرة ثانية (21)

ويالله سير ذاكر.. بسك هياته :o

ترى إذا يبت نسبة أقل عن 99.9% في الجامعة ما تلوم إلا نفسك :D

وقد أعذر من أنذر :o

[First Lady]

دلوع لندن

شفت عاد..الشباب والصبايا هالكيني أسئله (6) إلا جنهم قاعدين ينتقمون مني (31)

وحياك الله أخوي في صفحة الفخ :)

وإن شاء الله إجاباتي تعيبك :rolleyes:

بخصوص أسئلتك

وشي احلى امنية عندك ؟؟؟
أحلى أمنيه هي إني أشوف كل اللي حوالي سعيدين وفرحانين..
وإن الله يجمعني مع ناس أعزهم بعيدين عني :rolleyes:


واغلى امنيه بعد ؟؟؟
إن الله يرضى عني.. ووالديني يكونون راضيين عني..
ويكون أحسن أعمالي خواتيمها :rolleyes:


وإذا كان عندك أسئلة ثانية حياك الله :)

[First Lady]

3yo0on UAE

وافديت اللي تتفداني والله (29)

هيه والله تعبت..شفتي عاد يا عيون.. ما خلوا شي بخاطرهم إلا طلعوه (31)

بس حرام يخلون شي بخاطرهم أخاف يطلع بعيالهم(26)

لا والله الغالية.. جيه ما أرد عليهم.. حبايبي هاييل :rolleyes: "بس لا تصدقون عماركم :D"
لازم نرد عليهم الغالية :rolleyes:

وترى ايدي بتقعد تحجني جان ما رديت عليهم :D

وإذا كان عندج انتي أسئلة الغالية أنا حاضرة تراني :rolleyes:


وتسلمين الغالية :th

[First Lady]

دلوعة بس مهمومة

حيا الله من يانا..زراتنا البركة والله :rolleyes:

نورج غطى على الكهربا :rolleyes:

وينج الغالية مو ما تبينين.. كرعون كل يوم يسأل عنج طفرني ;)

والله عن سؤالج

ليش سماج كرعون يدوووووووو

والله جان تبين الصراحة ما أدريبه جيه سماني يدوه.. :rolleyes:

بس إذا رجعنا للمرحلة التاريخية اللي سبقت التحول المفاجئ هذا :D

يمكن تحصلين بعض الدلائل المشيرة إلى هذا الحدث :p

وإذا صارت هذي الدراسة مستعصية وايد عليج اسألي كرعون (25) (26)



وحياج الله الغالية في أي وقت :rolleyes:

[First Lady]

سر الليل

هلا والله بأبلة عطيات (26)

شحالج عساج مرتاحة إن شاء الله :rolleyes:

وشخبار اليهال في المدرسة.. عسى ما يتهم عاهات نفسيه :D

فديتج والله الغالية :rolleyes:

جان بتسأليني اسألي لا تستحين :D
أونج عاد بتستحين ;)

وجان أنبج ضميرج ..بنعطيه حبة بندول ومهدئ عشان يقعد مكانه :D

وجان خلص البندول بنعطيه بروفين :p

وبعدين أنا الحين بسألج :confused:

شو تبين تعرفيني (27)

حياتي كلها ملل في ملل.. ما فيها شي مميز :(
يعني ما في شي يستفاد منه :(


أقول الغالية..جان تبين تسوين جو رمانسي مرة ثانية.. لا تنسين تاخذين حبة منوم عشان تكتبين من عدل :D

وجان تبين مساعدة بيي عندج عشان أعطيج حبة المنوم (19)

تراني شريرة أكثر عنج (19)



يا حليلج..جان تكسرين خاطري (31)
أنا قلت اللي يبا يسمع القصيدة لازم يكون صاحب قلب قوي :(
عاد المشكلة يوم الناس ما تسمع الكلام وهي عندها قلب ضعيف (7)
بس أتمنى إن القصيدة تكون عيبتج :rolleyes:

أكيد لازم تعيبيج.. أكيد من ذوقي.. وأنا ذوقي دايمًا حلو :D
وافديتني :rolleyes: .. جان أحب عمري :lo

أقول.. كل يوم تعالي :p

[سر الليل]

أنا الحين ما روم أرد عليج .. خليها عقب الفطور :fn





ترى القصيده من زمان سامعتنها وحافظتنها بالحرف الواحد :o

:rolleyes: اصلن هي مكتوبه فيني انا

اوووووه اللهم اني صائم .. :confused:

[كراعين نملة]

الكاتب الأصلي: First Lady


كراعين نمله..

ويا ويهك اللي جنه كيس بصل (21)

الحين أنا آخذ مقويات وما أدري شو (21)

فديتني والله.. راس مالي حبوب الكالسيوم اللي آخذه عشان الروماتيزم (25)

لا تطلع علي إشاعات مرة ثانية (21)

ويالله سير ذاكر.. بسك هياته :o

ترى إذا يبت نسبة أقل عن 99.9% في الجامعة ما تلوم إلا نفسك :D

وقد أعذر من أنذر :o



:fn:fn:fn يدوووووووووووووووووووه نسييت اقولج !!!!!!!! :confused: :fn








انزلي تحت

























1





















2


























3





















وجان اقهر يدووه فيرست لييدي :fn:fn




























بس ابغي اخبرج سر خطيييير بيني وبينج انزييين (لا تخبرين حد ) :fn

































ولا اقولج يدووه خليها عقب احسن مب الحييييين :fn:fn:fn:fn

صدق ودي اقولج شي بس والله احسن عقب مب الحييييين :p


مع السلامه :)

[ولد شما]

هاي هور ار يو افري بدي هير


اوووووووووه نسيت هاي حصه الاسئله العربيه مال الطمه فرست ليدي


نبدأ يالله بسم الله الرحمن الرحيم


يا فرست ليدي بسألج اسأله وابغي اجابتها صح بليييز جاوبي على الاسئله ..... انتي وظميرج

السؤال الاول (27)

كم مره باليوم تسبحين ..... عنبوه جيي وسخه

السؤال الثاني (27)

بظميرج كم صلاه تصلين باليوم ..... جييي يهوووديه

السؤال الثالث (21)

انتي تستانسييين وياي هالويه يوم تحذفين مواضيعنا ولا غيرانه عسبت مواضيعنا احلى عن مواضيعج .. سؤال قوي

السؤال الرابع (27)

تعرفين تقطعين سمج ؟؟؟ جيي يمج بتشتغلين بسوق السمج

السؤال الخامس (29)

حاطه عينج على منوه بالمنتدى ؟؟؟؟؟ جان استحي

السؤال السادس (15)

ليش انتي عنيده ... يمكن فيج حاله نفسيه

السؤال السابع (1)

جان اتسامحيني على اسئلتي هاهاهاهاهاها

[First Lady]

سر الليل

أنا من عقب الفطور قاعدة على الكمبيوتر أترياج تردين :D

والحين اليوم الثاني وبعدج ما ردتي:D

كل هذا تفطرين.. عنبو.. شو من الأكل طابخين تاكلين هالكثر.. تبين تنتفخين ;)

أونها عاد القصيدة مكتوبه فيج :confused:

لحد جيه ولا:o

ترى القصيدة مكتوبه فيني :(

حليله قلبه أنكسر لما كنت بسافر عنه من جيه كتب القصيده :p

بس أنا عطيته بو لابس وقلت له زول عني :D

وافديت قلبي (29)

[First Lady]

كراعين نمله

ويا ويهك (21)

شو هاي الحركات بعد (21)

أونه واحد اثنين ثلاثه.. جيه قاعدين في حصة الرياضيات نحن (27)

ولا يمكن تبا تتعلم العد من أول ويديد :confused:

حليلك.. ما علمتك أيام الابتدائية الحين قايم تعد (21)

وبعدين شو هذا الشي الخطير اللي تبا تقول لي إياه (27)

مو بعدين الحين .. جان ما سدتك الصفحة هاي تعال صوب الخاص :D

ولا تسوي لي هاي الحركات مرة ثانية ويا راسك (21)

[كراعين نملة]

الكاتب الأصلي: First Lady


كراعين نمله

ويا ويهك (21)

شو هاي الحركات بعد (21)

أونه واحد اثنين ثلاثه.. جيه قاعدين في حصة الرياضيات نحن (27)

ولا يمكن تبا تتعلم العد من أول ويديد :confused:

حليلك.. ما علمتك أيام الابتدائية الحين قايم تعد (21)

وبعدين شو هذا الشي الخطير اللي تبا تقول لي إياه (27)

مو بعدين الحين .. جان ما سدتك الصفحة هاي تعال صوب الخاص :D

ولا تسوي لي هاي الحركات مرة ثانية ويا راسك (21)




:fn:fn:fn:fn لا الحمد لله اعرف اعد من واحد لين 100000000000000000 :fn:fn:fn


يدووووه خلاص بيييج ع الخاااااص احسن هنااااك :fn:fn:fn;)


بس صج صج عندي موضووع مهم وابغي ابرى ذمتي منه.. يالله بكتب لج الرساله الحيين

حيااااج يدوتي :p

[First Lady]

ولد شما

شحالك يا الطمة (21)
عساك بس صايم مب شرات كل رمضان.. لازم نربطك عشان تصوم :D

وبعدين شو حصة الأسئلة العربية هاي بعد (27)
جان تبا تسأل بالانجليزي ما عندنا مانع (25)
بس عشان نكتشف مدى ثقافتك الواسعة يا فالح :D

وبعدين هذا الذمة وضمير ما نبيعه :o
يعني بجاوب على كيفي :D
أنا اللي طايحة في الفخ وبجاوب على راحتي :p

ونبدأ بسم الله


السؤال الاول :كم مره باليوم تسبحين ..... عنبوه جيي وسخه
هذا سؤال ويا ويهك اللي يشبه معكرونه اللازانيا (21)
وبعدين حضرتك تسأل وتجاوب على عمرك على كيفك..
وبعدين جان جايفني مب وسخه جيه تسأل هذا السؤال :mad:
وعشان ما تقول بعد إني ما جاوبتك.. أنا اتسبح في اليوم 20 مرة :o
عشر مرات قبل الفطور.. وعشر مرات عقب الفطور :rolleyes:


السؤال الثاني: بظميرج كم صلاه تصلين باليوم ..... جييي يهوووديه
لا جني يهوديه جدامك ولا شي قاعد تسألني هذا السؤال (21)
ولا يمكن تشوفني ما أتشهد في كل مشاركة عسبت جيه تقول لي كم تصلين باليوم :mad:
وجان أعصب (21)
وبس لأنك قلت لي بضميرج :o
وأنا أعرف ضميري وحليله ما يروم في هاي الدقة :o بجاوبك
أنا أصلي خمس مرات في اليوم بس على 50 ركعة :D


السؤال الثالث:انتي تستانسييين وياي هالويه يوم تحذفين مواضيعنا ولا غيرانه عسبت مواضيعنا احلى عن مواضيعج .. سؤال قوي
تصدق عاد.. أستانس موت وأنا قاعدة أحذف المواضيع :p
عشان أقهر في هاييل اللي حاطين مواضيع مكرره ولا مواضيع تخالف الأنظمة :D
بس عاد المشكلة إنهم ما يتعلمون وبعد يحطون مواضيع مكرره :mad:
بس إني أغار.. لا والله ما أغار.. ليش أغار فديتني :o
مواضيعي أحلى بوايد :D
بس يمكن انتوا اللي تغارون :rolleyes:


السؤال الرابع : تعرفين تقطعين سمج ؟؟؟ جيي يمج بتشتغلين بسوق السمج
لا والله ما أعرف أقطع سمج.. تدري عاد ليش :rolleyes:
لأنك انت اللي تقطع لي السمج كل يوم.. وتقول لي ارتاحي ما نبا نتعبج :D
مشكلة بعد الناس يوم يحاولون يكونون ذوق ;)


السؤال الخامس: حاطه عينج على منوه بالمنتدى ؟؟؟؟؟ جان استحي
جيه استحيت ويا ويهك (27)
ليكون حاط في بالك إني حاطه عيني عليك (27)
لا تخاف.. ما حاطه عيني على حد :o
فديتني أعتبر كل الأعضاء أخواني وحبايبي:rolleyes:
وما أميز ما بينهم أبدًا :rolleyes:


السؤال السادس: ليش انتي عنيده ... يمكن فيج حاله نفسيه
ليش انت شايفني عنيدة :confused:
توني أدري :p
أصلاً العناد صفة متأصلة فيني.. تنبع من العوامل المؤثرة فيني.. والخارجة عن إطار السلوك الميتوسايكلوجي :D
يعني الواحد ليش يكون عنيد يا ذكي (21)
هاي صفة وراثية خذتها عن أبوي.. بس عشان أقعد أعاند فيك :o


السؤال السابع :جان اتسامحيني على اسئلتي هاهاهاهاهاها
لا ما سامحتك على اسئلتك هاي (21)
حشا مب أسئلة هاي (21)
مرة ثانية يوم بتدش تسأل أسأل مثل العالم والناس (21)


وأنا في انتظار أسئلتج اللي مثل العالم والناس يا ولد شما (26)
بس ما أظن إنك توصل.. ما شاء الله العقل رايح فيها (15)

وعاد اسمح لي جان ما جاوبت عليج بذمة وضمير :D
ولازم تسمح لي ولا بحذف جميع مشاركاتك (19)
عاد انت وكيفك (19)

[First Lady]

كراعين نمله

الحمدلله يوم إنك تعرف تعد :p

تحريتك بعد ما تعرف.. كنت بييب الخيزران مع المدرس الخصوصي :D

أقول كرعون..تراني من الصبح وأنا أتريا رسالتك الخاصة.. حشا مب رسالة خاصة.. قاعد تكتب معلقة هالكثر :confused:

يلا عاد خلص بسرعة تراني أبا أعرف شو السالفة.. شو اللي تبا تبري ذمتك فيه :rolleyes:

[كراعين نملة]

وجاااااااااان انسى يا يدوووه هع هع هع .... الحين الحين خمس دقايق وبتوصلج الرساله ان شاء الله :):):)

[First Lady]

وأنا يالسه أتريا الرسالة.. لما نشوف آخرتها :rolleyes:

[كراعين نملة]

خلاص وصلتج :):):)

[شارع الكويتي]

كم حفيد عندج ..خخخخخخخخخخخخخخخخ:fn:fn

[خبلة الفريج]

:eek:

[كراعين نملة]

شارع الكويتي


لا تستوي ملقووووف ويا راسك يالدب هع هع هع

[شارع الكويتي]

:oما فيها شي ابغي اعرف كم حفيد عندهااااااااا ؟

:fn



:oانت الملقوف ..يا الدب ..

[خبلة الفريج]

(36)

[سر الليل]

كاتب الرسالة الأصلية : First Lady


أونها عاد القصيدة مكتوبه فيج :confused:

لحد جيه ولا:o

ترى القصيدة مكتوبه فيني :(

حليله قلبه أنكسر لما كنت بسافر عنه من جيه كتب القصيده :p

بس أنا عطيته بو لابس وقلت له زول عني :D

وافديت قلبي (29) [/COLOR][/ALIGN] [/B]


:fn :fn :fn تخبلت فيرست ليدي ..
خخخخ لا وعطته بو لابس وقالت له زول عني ..

يا ويلي على اللي يتغلى أنا :fn
يا وااااد يا تئيــــــل ..

خخخخخ :fn

(( من هناك أظن محد عاطنج ويه ))
:fn
سوري تقبظني حجه إذا مما دفشت ..


أدري أدري انج تولهتي عليه فهاليومين ..
:fn

لالالالالا تنكريــــــن ..

أصلن يبان من خشمج :o

سرالليل !!

[First Lady]

شارع كويتي

ويا ويهك :o

يعني كم حفيد بيكون عندي :rolleyes:

أكيد واحد هو كرعون ;)

ما استغنى عنه :rolleyes:

وبعدين ويا هالراس يوم بتفكر تحط سؤال حط سؤال عدل شرات العالم والناس :mad:

مشكلة بعد الملاقيف اللي ما يعرفون يسألون :D

[خبلة الفريج]

(30)

[First Lady]

كراعين نمله

خلاص وصلت الرسالة ;)

أقول قول حق ربيعك لا يتلاقف وايد :D

ترى اللقافة مب زينه :rolleyes:

[First Lady]

خبلة الفريج

بلاج أميه :confused:

جيه ما ترمسين :confused:

ليكون انتي بعد عندج عقدة نفسيه :o

ارمسي أميه الرمسه ببلاش تراها :D

[First Lady]

سر الليل

شدراج انتي في التغلي والحركات اللي علينا :D

لازم هاي الحركات عشان يتولع الريال أكثر وأكثر :rolleyes:

بطلع إشاعات على عمري شكلي :p

بس تصدقين عقب ما قلت له زول عني.. جان يكتب فيني عشر قصايد.. ظني سمعتيهم كلهم صح :D

بس شو نسوي..القلب وما يهوى.. ما نروم نغصبه عليه :D

مشكلة بعد اللي يغارون..أدريبج غيرانه مني لأنه يحبني ما حبج انتي (25)

وبعدين تعالي هنيه..انتي وينج مختفيه هاليومين.. وين غاطه (27)

ليكون بس محضرة لي مفاجأة من غير ما أدري :p

أقول تراني حاولت أطرش لج رسالة خاصة.. بس شكلهم حبايبج وايد ومسكرين البريد على الأخير :D

فياريت تسوين فيني خير وتمسحين شوي من المحبة اللي هناك.. عشان أطرش لج بعد شوي من عندي ;)

بس تصدقين.. جد تولهنا عليج.. أحس المنتدى مظلم من غيرج :(
فديت خشمي :rolleyes:

أترياج.. وأتريا أسئلتج أبلة عطيات :D

[كراعين نملة]

الكاتب الأصلي: First Lady


كراعين نمله

خلاص وصلت الرسالة ;)

أقول قول حق ربيعك لا يتلاقف وايد :D

ترى اللقافة مب زينه :rolleyes:


أن شااااااء الله يدووه انتي تامرييين امرررررررر :cool::):)

[خبلة الفريج]

:confused:

[سر الليل]

:confused:

10 قصايد ؟ :confused: :pl




أظني كلها هجاء

والله مسكين حالج :fn3


بس زين اتسوي به .. هذيلا الرياييل مثل طابع البريد ..
تتفلين فيه يلصق :fn


احم احم محشومين كل الأعضاء :rolleyes:


أنا ما اغار عليه :mad:





أغار عليج انتي :D



تولهتوا عليه ؟؟
لا والمنتدى مظلم من غيري ؟؟؟
آآآآآآآآي يا قلبي ..:ha

لالالا أنا ما اتحمل هالرمسه :rolleyes:
(29)
فديتج والله انتي والاعضاء فيكم الخير والبركه ..(25)


:fn هيه فديتم حبايبي وايد .. وانتي أولهم (29)
فاااااااااااالج طيب الحين بسير اسوي ترتوووب لبريدي ..


شو بطرشيلي ؟ :fn4
لقافه ;)

اوكي اوكي .. اذا انتي مصره اني أسألج ..
ما بكسر بخاطرج
وإليج السؤال ..



شو اسمج الرباعي ويا ليت اسم العايله الكريمه بعد :fn

( احنا قلنا نسبتج فالثانويه قالت أمن الدوله .. أظن الحين بطلع اشاعه اني ارهابيه ):rolleyes:



يالله حبيبتي شاااااااو .. واتريا ردودج
وتقبل الله صيامكم وطاعتكم .. :o


سر الليل !

[خبلة الفريج]

:eek:

[شموع الأمل]

:D:D:D يحليلج يافيرست ليدي

حطوج في الفخ

عااد ماقدرت اقرا كل الصفحات ...ايدي تاكلني ابا اسالج :D:D

ممممممممممممممممم

مممممممممممممممم

فيرست ليدي...شقايل كانت بداياتج مع منتدى راس الخيمه

هل بيوم فكرتي انج تشتركين بمنتدى ثاني وليش


وجاوبي عالاسئلة التالية بس باسم واحد اووكي يعني خذي راحتج لين ماتفكرين

- عضو من صدق ملقوف

- عضو تتمين انه يكتب اكثر من 3 مواضيع بيوم واحد

-عضو تتمنين لو انج تتعرفين عليه اكثر وتعرفين شخصيته

-عضو تحبين تتضاربين وياه..قرض يعني

[القلـ روح ـلم]

؟؟

[شموع الأمل]

:confused:
:confused::confused::confused:
:confused:
:confused::confused::confused:
:confused:

شو فيرست ليدي وينج؟؟؟؟؟؟؟؟؟؟؟؟؟؟؟؟

عااد الأسئلة مب صعبة....:cool:

انزين مب مشكلة خليني اكمل الأسئلة:


شورايج بالحب من أول نظرة؟؟؟؟

شورايج بالحب اللي يكون من طرف واحد؟؟؟

هل ممكن يصير حب حقيقي عن طريق الانترنت؟؟؟؟


هل حسيتي بيوم بحقد على شخص معين؟؟ وليش؟؟؟

هل ممكن يكون الظلم والقسوة على شخص معين، حب لهاالشخص؟؟؟

أغلى شي ممكن اضحين فيه عشان شخص؟؟؟ وليش؟؟

هل صح اللي يقول انه عشان يحب ممكن يضحي بعمره عشان اللي يحبه؟؟؟

لو عطوج منصب لمدة ساعة بس تتخذين فيه أي قرار تحبينه، شوراح اسوين؟؟؟

طموح الانسان متى ممكن يوقف؟؟؟

شورايج بهالمقولة: افعل ماتستطيع، مستخدما كل ماتملك أينما كنت؟؟


شو هي راحة البال بالنسبة لج؟؟؟


لو انصدمتي بخبر معين..وكنتي مب متوقعة أبدا أبدا هالخبر...شو أول ردة فعل ؟؟؟

هل اتحبين الانتقاد؟؟؟؟؟؟؟؟ النقد البناء طبعا


اكثر انواع الحشرات اللي تخافين منها:D:D

[3yo0on UAE]

:confused::confused:


:eek::eek:

[First Lady]

لكل اللي ردوا علي في الموضوع..تريوا علي شوي :rolleyes:

تراني شوي مشغوله..وبرد عليكم في وقت لاحق :o

بس عادي خذوا راحتكم واسألوا :rolleyes:

[شموع الأمل]

مششششششششكله المشغوولين:D;)

[خبلة الفريج]

هيه لاه :fn

[كراعين نملة]

فدييت يدوتي مشغوله واااااايد في رمضاااااان .... فديتها ما مقصره في الاكلات من مثل:-

1-الهريس
2- الفريد
3- لقيمات
4-عيوووش هع هع هع
5- كيك
6- خليه النحل يمي يمي هع هع هع
7- دونات
8- بسبوسه

عشوووون عييييل شو تتحرووون يدوتي فيرست ليدي هااااااا ...... فدييييتها رهييييبه احم احم وعيش ولحم :):):):):):):):):):)

[خبلة الفريج]

الله يخليلك يدوتك انشاءالله:fn

[شموع الأمل]

:th:th:th

يحليلج فيرست ليدي طايحين فيج

:D:D:D

[First Lady]

ما شاء الله :rolleyes:

الناس طايحين سوالف هنيه :o

شو يعني غيب يا قط ألعب يا فار :mad:

أقول.. لا تسوون قرقر واجد ;)

واتريوا الحين بقعد أكتب ردود عليكم :D

بس اباكم تصبرون..وتشربون جمن كاس قهوة وشاي لحد ما أخلص :D

وتراني ما بغيت أخليكم تتريون وايد :D

[سر الليل]

:D ماماه أنا أبا كابتشينو

[شموع الأمل]

:D:D:D وانا اباا مممممممممم

تركش كوفي:D:D

شغالين عليج فيرست ليدي

ماحد قالج عطينا ويه:D:D;)

[First Lady]

سر الليل

تصدقين عاد.. كل ما أبا أكتب رد عليج أكتشف إنه الصبح ولا الظهر :p
وبليل ما أكون فاضية أكتب رد :rolleyes:
عاد ما أروم أكتب رد عليج وأنا صايمة..الشياطين محبوسة ما أروم أقرض فيج :D
عاد الحين انفجت الشياطين كلها وتحررت بشكل لا معقول بس عشان أكتب لج هذا الرد الحلو :fn

وبعدين شو قصدك بقصائد هجاء :mad:

ولا أنا ما أستاهل حد يكتب فيني قصيد :(

الشي الأكيد اللي عارفته إنج تغارين مني..لأنه كتب فيني قصايد وما كتب فيج (25)
مسكين حالج يا سر الليل .. ما كتبوا فيج قصايد :D

بس تعرفين صدقج..الرياييل ما أيون غير بالعين الحمرا والزرقا والخضرا والبنفسجيه :p
كل ما حقرتيهم قربوا صوبج.. وكل ما عطيتهم ويه.. نفروا منج :confused:
ويقولون إن الحرمة لغز..
إن كانت المرأة لغز فإن الرجل كائن غامض مستحيل إنه يكون واضح أبدًا :rolleyes:
انسان محاط بسياج كبير من الأسرار :rolleyes:

شو بنقول غير الله يعين كل زوجة على زوجها :D

تغارين علي أنا :confused:
جان ما أدري شو :eek:
جان أستانس :D

وبعدين ويا ويهج..انتي مول ما تعرفين تسألين سؤال مثل العالم والناس :mad:
لازم أسئلتج تكون شرات الليمونه الحامضة يعني :mad:

يعني خذي شوي من شموع الأمل الحبوبة :rolleyes:
وحطي أسئلة شراتها :rolleyes:
بس لا تاخذين منها وايد..تراني بهلك (6)

شو اسمج الرباعي ويا ليت اسم العايله الكريمه بعد
اممممممممممممممممممممم..اسمي الرباعي..خليني افكر شوي..اممممممممممممممممممم
اسمي
أنا بنت أبوي بنت يدي بنت يد أبوي ;):D

والعايلة الكريمة..هي العايلة اللي ربتني :D

مشكلة اللقافة لما تنزرع في الناس :rolleyes:


يا ربيييييييييييييييه ..أنا ما أدري شو تبين فيها نسبتي في الثانية :confused:.. ليكون ناوية توظفيني ولا شي من هذا القبيل..جان جيه بطرش لج أوراقي على البريد :D..وأبا قبل ما يخلص رمضان أكون متوظفة انزين ;)
مب أييج وتروغيني :confused:

وكل عام وانتي بخير الغالية :rolleyes:


وتعالي كل يوم :D

[First Lady]

بسم الله :eek:

ما أمداني أكتب رد..إلا كل وحده دشت تطلب كابتشينو وتركش كوفي :confused:

أنا قلت اشربوا..بس مب على حسابي :mad:

كل وحده طول النخله وتباني أنا أسويلها :mad:

يلا..كل وحده تروح المطبخ تسوي لها اللي تبا :o

أنا ما أسوي شي الحين..قاعدة أكتب رد..كافي إني قاعدة أتعب نفسي عشانكم :D

وإذا سرتوا تسوون لكم..لا تنسوني سوولي وياكم :D

[First Lady]

شموع الأمل
(الجزء الأول) :D


ما قريت الصفحات كلها ويايه تسألني يا الفالحة (27)
مو يمكن أسئلتج تكون مكرره :o
ولا يمكن أكون جاوبت عليها من قبل :o

تراني ما أعيد الأجوبه :D
كلام الملوك لا يعاد :D

وبعدين لا تشمتين فيني :mad:
باجر بحطج في الفخ..وبتاكليها يا شموع :p
وبتقولين فيرست ليدي قالت ;)

والحين خلنا ندخل في الموضوع.. ونجاوب على لقافتج..أقصد أسئلتج ;)

فيرست ليدي...شقايل كانت بداياتج مع منتدى راس الخيمه
كيف أوصف لج بداياتي يعني..كانت بداياتي عادية جدًا :rolleyes:
أول ما شفت المنتدى جان أطيح في غرامه :D
وبديت أشارك..واندمجت في المشاركات.. وصرت أحب أدشه ليل ونهار :D
وحبيت الأعضاء كلهم..وأحلى شي ميز هذا المنتدى عن غيره..إني حسيت إن أعضاء المنتدى كلهم شرات الأسرة الوحده..كل واحد يحاتي الثاني..ويحب الثاني :rolleyes:
وبعدين صار لي حفيد فيه :D
وصار لي خطيب بعد.. وصار لي بنت بعد :D
لحد ما رقوني وصرت سكرتيرة نائبة المشرف العام :o
عاد ما أعرف إذا إجابتي صح على السؤال :confused:
كم تعطيني عليه أبله ;)


هل بيوم فكرتي انج تشتركين بمنتدى ثاني وليش
أنا فعلاً كنت مشتركة مب في منتدى..في منتديات ثانية شكثر قبل ما أشترك في منتدى راس الخيمة.. كنت اشارك فيها بس ما أكمل فيها أكثر من 300 مشاركة وأطلع منها :D
كل متنقله بين المنتديات :p
بس ما أرتحت ولا في أي منتدى من اللي سرتهم..ما ارتحت إلا لما دشيت منتدى راس الخيمة :)
أما إذا قصدج إذا فكرت أطلع من المنتدى..هو أنا فكرت أطلع في المنتدى..لما صار لي موقف في المنتدى :rolleyes:
وما يحتاي أقول لج شو هو الموقف لأنج عارفته زين ;)
بس ما تهونون علي أخليكم :rolleyes:


وجاوبي عالاسئلة التالية بس باسم واحد اووكي يعني خذي راحتج لين ماتفكرين
سؤالج مكرر :o
بس مب مشكلة عشان خاطر الحلوين بنجاوبه (29)

- عضو من صدق ملقوف
سر الليل..شموع الأمل.. خبلة الفريج..كراعين نمله :D

- عضو تتمين انه يكتب اكثر من 3 مواضيع بيوم واحد
عيون الصقر :D

-عضو تتمنين لو انج تتعرفين عليه اكثر وتعرفين شخصيته
فتاة راس الخيمة :rolleyes:

-عضو تحبين تتضاربين وياه..قرض يعني
وايد الصراحة (19) .. منهم.. سعود..بريعصي كاشخ.. Xx_5_xX ..أهازيج..شموع الأمل..سر الليل.. شارع كويتي..وكل الأعضاء اللي يدشون التسالي (19)


أوه..خلصت أسئلتج :rolleyes:

بس اشوف شي هناك بعيد ..شي باجي :o

بنسير نشوفها..ونرجعلج :p

[First Lady]

أقول..سنكمل الإجابة عن الأسئلة لاحقًا :D

عيوني تسكر..بروحها تنبد (31)

ما أروم أقعد ولا أركز في الإجابات (20)

برد عليكم في وقت لاحق (16)

واللي ناطرين رد على رسايلهم الخاصة ;)

بعد اترييوني شوي..يوم بتفيج برد عليكم :D

مشكلة عاد البزنس ما يخلص (25)

نراكم لاحقًا :)

تصبحون على خير (16)

[شارع الكويتي]

:oبسم الله ..

يالله بسال عيوزتنا ..يا حليلها .....:p

لكن هاي الاسئله عجيبه ...

1_متى ناويه تتركين المنتدى ؟ :oلا تخافين ما نبا الفكه منج ..
2_شو هو حلمج وناويه تحققينه ..في حياتج ؟:rolleyes:
3_شو هو الموقف الي صدمج في حياتج ..ومتى وين ..والساعه كم ..ومنو وياج ..وفي اي يوم ..وكم كان عمرج ؟:o
4_اي احلى اماره عندج ؟من العين ....الى الفجيره ):confused:
5_شو ترتيبج في البيت ؟:rolleyes:
6_شرايج بمنتدى راس الخيمه ؟:cool:
7_منو اعز عضو عندج في المنتدى ؟:)
8_وبصراحه شرايج بشارع الكويتي ؟:D
9_وليش يعني سميتي عمرج فيرست ليدي؟:o
10_طلعت اشاعه انج ولد مب بنت ؟شو رايج بالاشاعه ؟وماذا تردين عليهم ؟:D



:fnيالله اقلبي ويهج ...

[First Lady]

روح القلم

يا حلاة هاي الطلة الحلوه :rolleyes:

ويا حلاة صورة الياهل اللي حاطته :rolleyes:

بس مرة ثانية يا أميه ارمسي..ما أعرف أتكلم بلغة الإشارات مالكم هاي :confused:

[First Lady]

3yo0on UAE

بسم الله :confused:

بلاج فاجه حلجج :confused:

أكيد تعبرين عن صدمتج من شموع هاي بدالي :D

بس ما عليج منها ..ترى شموع تنتقم حق كل الأعضاء مني :(

شكلهم مطرشيها عشان تسألني وتهلكني شرات ما سألتهم (19)

أقول عيون.. حطي ترشيحات الفخ ..ولا تنسين اسم شموع ما بينهم ;)

[First Lady]

شموع الأمل
(الجزء الثاني) :cool:


ما شاء الله عليج يا شموع.. يعني انتي غبتي كل هاييج الفترة..وخليتينا نحاتيج..عشان آخر شي اتيين ووياج درزن الأسئلة هاي :confused:

مرة ثانية ما بنحاتيج عشان ما نحصل هاي الأسئلة ;)
أسولف وياج مو تزعلين :p

بس ما عليه..الحين بجاوب على أسئلتج..بس مو تكتبين لي أسئلة ثانية قبل ما أجاوب عليج :rolleyes:
اصبري شوي..الركاده زينه :cool:

وبعدين يعني الواحد ما ينشغل ويا ويهج :mad:.. مشكلة بعد انتي.. يعني لازم أجابلك 24 ساعة ..ولا لازم أكتب لج جدول أعمالي عشان تعرفين إني مشغولة :D
عاد جان جيه بخلي سكرتيرتي تنسخ لج جدول أعمالي وتطرشه لج عبر البراق..أقصد الفاكس :D

امممممممممممممم

والحين بنجاوب على أسئلتج..والله يعينا عليها..شكلها صعبة :(


شورايج بالحب من أول نظرة؟؟؟؟
في رأيي ما في شي اسمه حب من النظرة الأولى :o
وحتى لو الانسان خدع نفسه وأوهمه إن هذا حب..بس هو مب حب..
هذا مجرد اعجاب أو مثل ما تقولون راحة للطرف الآخر.. بس إن الحب ينوجد في القلب لمجرد نظرة.. اعتبرها سخافه :o
الحب مشاعر عميقة جدًا.. ما تكفي العيون عشان تقررها..لازم تقرن مع الشكل والجمال الخارجي..جمال داخلي يعمق من معنى الحب..


شورايج بالحب اللي يكون من طرف واحد؟؟؟
تعرفين من زمان سمعت أغنية لخالد عجاج..اسمها أصعب حب..
ممكن إنج تسمعينها وتعرفين رأيي في الحب من طرف واحد :rolleyes:
الحب من طرف واحد..هي تذكرة ذهاب بلا عوده إلى جزر العذاب والألم والشقاء..
بس اللي يسيره..يسيره في بعض الأحيان باختياره لأنه مب راغب إنه يبتعد عن هذا الألم..
بس اللي عنده التصميم والإراده ممكن إنه يبتعد عن هذا الحب..ويقاوم هاي الرغبة في نفسه..
طبعًا بيتألم خلال مقامته هاي..بس في الأخير بتكون له هاي التجربة مجرد ماضي وذكرى أليمة :rolleyes:


هل ممكن يصير حب حقيقي عن طريق الانترنت؟؟؟؟
يا ستي هذا زمن العولمة..يعني كل شي ممكن يصير..وكل شي جايز..
وما في شي اسمه مستحيل..
الحب ما يعرف زمان ولا مكان..ولا يعرف ظروف أو شروط..
الحب لما يدش القلب..ما يهمه الأسوار ولا الحدود..يدش بدون حتى صاحبه ما يدري إنه دش قلبه
ويمكن ساعات يعرف إنه دش بس متأخر..
هيه ممكن يصير حب حقيقي عبر الانترنت..لأن الأصل في الحب..المشاعر..وممكن ننقل مشاعرنا عبر الانترنت..ليش لا..
بس..صح إنه ممكن.. بس في نفس الوقت..الحب الحقيقي على الانترنت نادر..
الغش والجذب انتشر في كل مكان..ما قمنا نعرف منو الصادق ومنو الجذاب..
منوه الصريح..ومنوه اللي قاعد يألف قصص..
أنا أؤمن بالحب..وأؤمن بإنه ممكن يصير..في أي مكان.. بس على شرط.. إنه يكون له قاعدة وأساس قوي..
والصراحة هي أساس كل العلاقات الناجحة :)


هل حسيتي بيوم بحقد على شخص معين؟؟ وليش؟؟؟
بطبيعتي أنا انسانه مسالمة..وأحب الخير للكل..وأحب كل الناس..
الشخص الوحيده اللي أكرهه فعلاً..هي زوجة أبوي :D
أما ليش..فهاي أسباب خاصة أحتفظ فيها لنفسي ;)
وحسيت بالحقد على أشخاص ثانيين.. بس تكون مشاعر مؤقته وتزول بسرعة :)
بس ما أشيل في قلبي على حد هذاك النوع من الحقد القوي اللي ممكن يقتل فيني كل الأشياء الجميلة :)


هل ممكن يكون الظلم والقسوة على شخص معين، حب لهاالشخص؟؟؟
الله لما خلق البشر..ما خلقهم كلهم مثل بعض.. كل واحد يفرق عن الثاني
وكل واحد له شخصيته اللي تميزه عن الثاني..
وكذلك طريقته في التعبير عن الحب كل واحد مختلف عن الثاني..
منهم اللي يعبر عن حبه عن طريق المال.. ومنهم اللي يعبر عن حبه بالكلمات الجميلة..
ومنهم اللي يعبر عن حبه بالقسوة.. بس مب بالظلم
الظلم يعبر عن الضعف في الشخصية..وعمره الشخص اللي يحب ما يظلم الأشخاص الثانيين..
بس ممكن اللي يحبهم يفهمون تصرفه غلط.. ويفهمون إن هذي التصرفات ظلم في حقهم.. لأنها أشياء ما يبونها..
لكن يمكن يكون في حقيقة الأمر يحميهم..يعتبر هاي التصرفات نوع من الحماية لهم..
ولأنه يحبهم لازم يحميهم..
صحيح إنها طريقة غلط للتعبير عن الحب.. لكن مثل ما قلت كل شخص تختلف طريقته للتعبير عن الحب باللي يناسب شخصيته :rolleyes:


أغلى شي ممكن اضحين فيه عشان شخص؟؟؟ وليش؟؟
مب أي شخص هو اللي يستاهل التضحية..لازم يكون شخص عزيز جدًا علي عشان أضحي عشانه..
شخص يحبني..وشخص هو بعد مستعد إنه يضحي عشاني.. إذا كان هذا الشخص موجود..ومحتاج تضحيتي..
فأنا مستعدة إني أقدم له روحي على طبق من ذهب..أضحي بصحتي وراحتي وسعادتي عشانه..
على شرط إنه ما يتنكر لهاي التضحية ويعطيني ظهره :rolleyes:


هل صح اللي يقول انه عشان يحب ممكن يضحي بعمره عشان اللي يحبه؟؟؟
يقول لج المثل..ومن الحب ما قتل..
وأنا سمعت عن وحده توفت الله يرحمها بس لأنها ما تزوجت اللي تحبه..طبعًا ما انتحرت..
أصيبت بنوبات قلبية..وبالنتيجة ماتت..
إذا كان الحب ممكن يوصل وحده في عمر الزهور لهاي النتيجة المأساوية..تشككين إن ممكن حد يضحي بعمره عشان اللي يحبه..
بس صدقيني الحب اللي من هذا النوع نادر..وخاصة في هذا الزمن..يمكن قبل عشرين سنه كان ممكن تحصلين مثل هذا الحب موجود وبكثرة.. بس الحين..وفي زمننا هذا يمكن 1% بس من اللي يحبون ممكن يضحون بحياتهم عشان اللي يحبونهم..
الحين الولد يتخلى عن امه..تبينه يفدي حبيبته :rolleyes:


لو عطوج منصب لمدة ساعة بس تتخذين فيه أي قرار تحبينه، شوراح اسوين؟؟؟
أوقف كل الحروب في العالم..عشان يعم السلام والأمن والراحة في العالم كله..
وعشان الناس تستانس..


طموح الانسان متى ممكن يوقف؟؟؟
لما يحين الموت:rolleyes:
لأنج قلتيها طموح..يعني مستحيل إن شي ممكن يوقفه عن طموحه..أو يمنعه عنها..
بس تعرفين في حالة غير الموت ما تفرق عن الموت ممكن توقفه..
لما يتعرض لموت القلب والمشاعر والأحاسيس.. لما ينصدم من شي معين صدمة قوية..وخاصة لما تكون الصدمة من شخص عزيز عليه.. أو الشخص اللي هو يعمل عشانه.. يحس إن الدنيا كله توقف عن الدوران..وما عاد للحياة معنى عشان يشتغل عشانه :(


شورايج بهالمقولة: افعل ماتستطيع، مستخدما كل ماتملك أينما كنت؟؟
يعني لو جدامي مليون مب لي..وبايدي إني أسرقها..أسرقها بدون تردد :rolleyes:
الجملة هاي ناقصة شي.. إذا صارت جيه : افعل ما تستطيع ..مستخدمًا كل ما تملك..أينما كنت.. في الإطار المباح..
في هاي الحالة..بقول لج أنا مع هاي المقولة 100%..
بس للأسف الحين الناس متخذين شعار..الغاية تبرر الوسيلة..
بس عشان يوصلون اللي هم يبونه


شو هي راحة البال بالنسبة لج؟؟؟
راحة بالي تكون لما أحس إني أديت واجبي جدام ربي على أكمل وجه
وإن أبوي وأمي راضيين عني..


لو انصدمتي بخبر معين..وكنتي مب متوقعة أبدا أبدا هالخبر...شو أول ردة فعل ؟؟؟
في الحالتين إذا كان الخبر سار أو محزن.. بتصيبني حالة من الذهول المؤقت :D.. يعني ممكن يكون شكلي جيه http://www.rak2rak.net/images/smilies/eek2.gif..فاجه حلجة وعيوني مبققه..وأنا بس أقول شو.. معقول..يصير :D
فإذا كان الخبر حزين.. بتصيبني غصة..ودموعي بروحها تنزل بدون أي مانع أو حاجز..وإذا كنت يالسه مع ناس.. بحبس دموعي لحد ما أنخش في غرفتي لأني من النوع اللي ما أحب حد يشوف دموعي :rolleyes:
أما إذا كان الخبر مفرح..بتم أضحك.. واضحك..وبعدين أنش وأناقز..وأركض..ويصيبني خبال الدنيا كله :D


هل اتحبين الانتقاد؟؟؟؟؟؟؟؟ النقد البناء طبعا
هيه نعم..أحب النقد البناء..واللي يقوم على أساس واضح :)
صحيح مثلي مثل كل الناس..ممكن أحس بالإحراج والخجل والغصة شوي إن شي حد انتقدني..لمجرد الإحراج.. مب إنه زعل وعصبية وغيره..
لكني في النهاية أتقبلها بروح رياضية.. لأن الشخص اللي قاعد ينقدني لو ما تهمه مصلحتي ما كان قال لي شي..ولا حتى وجه لي كلمة في حقي :rolleyes:


اكثر انواع الحشرات اللي تخافين منها
يعني بالله عليك..خلصت الأسئلة كلها من عندج..ما حصلتي أحسن من هذا السؤال :D
يا زين أسئلتج اللي طافت :rolleyes:
عاد حشرة أخاف منها:confused:
اممممممممممممممممممممممممممممممم
ماشي نوع محدد من الحشرات أخاف منه..كلهم أجتلهم :D
بس ما أحب العناكب والخنافس :D
والطياطيير والبريعصيات ;)
والصراصير والسماسيم :D

بس تدورين على حشرة أخاف منها.. فهو الدبور :p
لأنه يطير وما أروم أجتله :(



ها أخت شموع..عندج أسئلة ثانية :rolleyes:
جان عندج طلعيها من الحين (25)
هلكتيني وأنا أكتب إجابة هاي الأسئلة (6)
بس ما عليه عشان خاطر عيونج الحلوه (25)

[First Lady]

خبلة الفريج

انتي ليش غيرانه مني :o

كل هذا عشاني أنا من ال VIP وانتي لا :D

عشان أنا عندي بسبس وأنتي ما عندج :D

مشكلة بعد هاييل :rolleyes:

خلصتي جولتج الإستطلاعية ولا بعدج ;)

[First Lady]

كراعين نملة..

ما شاء الله عليك..قاعد تعدد لهم الأطباق أشوف :rolleyes:

ما باجي غير تعزمهم على الفطور عندنا :D

تراني ما أعزم حد اللي يبا يفطر عندي لازم أييب فطوره وياه ;)

ما فيني عاد على التعب..خلاص كبرنا وعيزنا.. ما نروم ندش المطبخ ونطبخ :p

كرعون.. أقول أمايه..قول حد أمك تسوي لي كنافه :p

[First Lady]

شارع كويتي
الجزء الأول من اللقافة ;)

ما شاء الله .. ما شاء الله..وقمت تسأل بعد :D

أكيد عطوك هاي الأسئلة في المدرسة قمت انت وكتبتها لي :p

فديتني والله :D


1_متى ناويه تتركين المنتدى ؟ لا تخافين ما نبا الفكه منج ..
شو بعد هذا السؤال :eek:
ليكون تبا الفكه مني بس :mad:
قاعدة على قلبك ما بهد المنتدى :mad:
بس عشان ما تقول ما جاوبت على سؤالك :o
كل انسان تصير له ظروفك..وممكن هذا الظروف تجبره يهد أجمل الأشياء في حياته..
يعني ممكن إذا صارت لي ظروف قوية أهد المنتدى :rolleyes:


2_شو هو حلمج وناويه تحققينه ..في حياتج ؟
أحلامي وايد الصراحة :rolleyes:
بس تراها سر ما بقولها حق حد..أخاف حد ينظرني وما يتحقق منها شي :D


3_شو هو الموقف الي صدمج في حياتج ..ومتى وين ..والساعه كم ..ومنو وياج ..وفي اي يوم ..وكم كان عمرج ؟
حشى مب سؤال هذا :eek:
إلا تحقيق بوليسي هذا :confused:
أكبر صدمة في حياتي..هي موت شخص عزيز علي وايد.. وهذا صار قبل أربع سنين..لما كان عمري 19 سنه :(


4_اي احلى اماره عندج ؟من العين ....الى الفجيره )
يعني اشمعنى لحد الفجيرة :o
ليش يعني راس الخيمة ما لها رب :mad:
أوكي بنجاوب..أحلى إمارة بالنسبة لي بعد راس الخيمة طبعًا هي الشارجة :rolleyes:
وايد أحب هاي الإمارة :)
وطبعًا كل الإمارات حلوة :)


5_شو ترتيبج في البيت ؟
قاعدين في الصف ويوزعون الشهادات عشان أعرف ترتيبي :D
على العموم أنا رابع وحده من أخواني وخواتي من الأم والأب :rolleyes:
وسادس وحده من مجموع أخواني وخواتي الكلي :D


اتريا الجزء الثاني

[First Lady]

شارع كويتي
الجزء الثاني من اللقافة :D


6_شرايج بمنتدى راس الخيمه ؟
هذا سؤال ما يحتاج جواب..وشهادتي في هذا المنتدى مجروح الصراحة..
المنتدى وايد حلو :)
بس الصراحة تنقال إنه يحتاج له شوية تفاعل من الأعضاء :rolleyes:
يعني الأعضاء اللي فيه مب من النوع اللي يحب يشارك بابداعاته..ولا من النوع اللي يحب يعبر عن رايه..
وما يحب يكتب شي من عنده إلا على سبيل السوالف :rolleyes:
وأنا أعتبر هذا الشي من سلبيات المنتدى الصراحة.. بس السوالف ما في أشطر منهم :D


7_منو اعز عضو عندج في المنتدى ؟
اشمعنى عضو يعني..ليش ما يكون عضوة مثلاً :o
كل الأعضاء العضوات عزيزين على قلبي وأحبهم وايد :rolleyes:
بس طبعًا شي أعضاء لهم مكانه مميزة عندي..وهم وايدين الصراحة..
منهم.. بهوت مشكل..شموع الأمل..كراعين نمله.. سعود.. عوافي..فتاة راس الخيمة..راعية مشاكل..الشوق..دلوع لندن..عيون الصقر..شارع كويتي وغيرهم وايد..ويسمحولي اللي ما ذكرت أساميهم :D


8_وبصراحه شرايج بشارع الكويتي ؟
انسان ملقوف ومصرقع :D
يعني شو قصدك من هذا السؤال..تباني أمدح فيك يعني :rolleyes:
لا تحاول ما بمدح فيك :cool:
أوكي انزين..لا تزعل ولا تصيح ;)
شارع كويتي..الصراحة ما احتكيت فيه وايد.. بس باين عليه إنه انسان طيب وحبوب.. بس من النوع اللي ما يعطي ويه :D
ودومه خبل وملقوف ومصرقع :D


9_وليش يعني سميتي عمرج فيرست ليدي؟
اممممممممممممممم.. الصراحة..كان خاطري أسجل في المنتدى باسم أمواج..لأن هذا الاسم وايد أحبه..
بس للأسف لما بغيت اسجل في المنتدى لقيت إن الاسم مأخوذ :(
فقعدت أدور على اسم ثاني..جان أشوف في قروب شخص مطرش ايميل باسم Mr..Presedent ..يعني السيد الرئيس.. جان يخطر في بالي أسمي نفسي باللقب اللي يسمون فيه زوجة الرئيس الأمريكي هناك في أمريكا.. يزقرونها السيدة الأولى أو The First Lady.. وبما إني الزعيمة والرئيسة والسيدة الأولى في المنتدى.. قررت إني آخذ الأسم :o:D:cool:
وبس هاي كل السالفة :rolleyes:


10_طلعت اشاعه انج ولد مب بنت ؟شو رايج بالاشاعه ؟وماذا تردين عليهم ؟
سارق السؤال وياي تسألني إياه عيني عينك يا الفالح :mad:
يعني ما عرفت تخترع لك سؤال ثاني..رايح تغش من أسئلتي اللي سألتك إياها :mad:
أوكي مب مشكلة :o
أصلاً محد مطلع علي إشاعة مثل هاي..وانت بس تبا تشوف ردة فعلي على مثل هذا السؤال.. وتبا تسرق سؤال مني بس مب عارف كيف وشو :D
عشان جيه خذيت هذا السؤال :p
وبعدين أصلاً الشمس ما تتغطى باصبع..باين علي إني بنيه من أسلوبي في الكتابة (25)
وأنا بطبيعتي انسانه صريحة.. وفخورة بنفسي إني امرأة.. وأبدًا ما بنكر هذا الشي مهما كان..ومهما صار :rolleyes:
وأصلاً أنا من النوع المتحفظ على هذا النوع من الناس اللي يبادلون جنسهم على النت لأغراض خاصة :o
أحس إنها عدم ثقة في النفس :rolleyes:
وأتمنى من بعض الناس ما يزعلون اللي عارفين نفسهم ما يزعلون من صراحتي ;)


يالله اقلبي ويهج ...
شو بعد هاي أقلبي ويهج(21)
تسألني..وتهلكني في الأسئلة وآخر شي أقلبي ويهج..ياللي ما تستحي على ويهك (19)

زين ما عليه..هذا اللي يجاوب على أسئلتك مرة ثانية (19)



يلا عطيني عرض قفاك :o

[شارع الكويتي]

أكيد عطوك هاي الأسئلة في المدرسة قمت انت وكتبتها لي :confused::confused:


:oلا والله ..قمتي تنكتين بعد ...



:mad:انا مب ملقوف ولا خبل ..ولا مصرقع ...:Dالعكس صحيح ...


:oاكيد اني طيب وحبوب ..ولا هاذي اونه مجامله منج ..خخخخخخخخخخ:fn


;)لا ليش الكل يقول عني اني ما اعطي ويه ...:(

[First Lady]

يحليله شارع كويتي..

جان تنجرح عواطفه :D

يعني من كل إجاباتي ما علقت إلا على رايي فيك :mad:

حليلي وأنا قاعدة أكتب لك ساعة كاملة :mad:

ما عليه ..ما عليه.. جان تنجرح عواطفي أنا بعد :(

[شارع الكويتي]

:oعاد كله ...ولا مشاعري .فديتني والله ..

:Dاكتبي ..ما وراج شي ...خخخخخخخخخخخخ:fn:fn

[كراعين نملة]

شارع الكويتي



ماعلييييييييه والله تجوووووف الويييل مني



صدق انك دب وملقووووووووووف هع هع هع




يالله اقلب ويهك ... وانا اقولك بمعنى الكلمه هع هع هع

كيفي كيفي يوم اجرح في مشاعرك يالدب هع هع هع

[سعود]

متى آخر مرة دخلتي السجن ؟ وهل أكلوكم في السجن دال ولا صالونة ؟

هل تجيدين السباحة أم لا ؟ ولماذا ؟


وسلامتكم

[First Lady]

شارع كويتي

شقا بعد ما وراي شي :confused:

هذا المنتدى كله بكبره وراي..وأنا هاده شغلي فيه عسب أكتب رد حق حضرتك :mad:

عشان آخر شي تقول لي انجرحت عواطفي :confused:

ما برد على أسئلتك مرة ثانية.. بكتب أمتنع عن التعليق :D

[First Lady]

سعود

الله ياخذ ابليسك إن شاء الله :confused:

أنا شفت اسمك في موضوعي..قلت بحصل شي من الأسئلة الزينة الحلوه الكشخة :rolleyes:

عاد هاي أسئلة حد يسألها :mad:.. عنبوه.. شو قلت الأسئلة.. ولا صار شح في الأسئلة.. ولا انقطعت الأسئلة من راسك شرات الكهربا ما تنقطع في راس الخيمة :D

بس عشان ما نكسر بخاطرك بنجاوبك :p

متى آخر مرة دخلتي السجن ؟ وهل أكلوكم في السجن دال ولا صالونة ؟
هيه ..ترى شايفني حراميه.. ولا يمكن سفاحه جدامك عشان كل يوم والثاني أدش السجن :mad:
ولا يمكن مشتركة ويا ابن لادن في مخططاته ضد أمريكا عشان جيه أدش السجن.. يمكن يعني.. أنا ما أقول أكيد.. يمكن يعن :mad:
هو أنا سرت السجن مرة وحده.. لما سرت أزورك تذكر :D
كنت أيامها داعم صبي صغير كان يلعب بالسكه..وكانوا ساجنينك ليش إنهم يترييون لحد الولد ما يفوق من الغيبوبه :D
فسرت أنا وحليلي أودي لي المقسوم :D
حتى إنك قلت لي إنهم يأكلونك دال :p


هل تجيدين السباحة أم لا ؟ ولماذا ؟
لا وبجداره بعد :o
ما يخصني في السباحة :D
وتعقدت من أحواض السباحة من يوم ما بغيت أغرق في صف رابع ابتدائي :D
من يومها لا جربت أتعلم السباحة ولا يحزنون.. خلني مثل ما أنا أحسن :rolleyes:
شحلات البانيو يوم نترسه ماي ونرقد فيه.. لا يعلى عليه.. ولا حتى حوض السباحة :p


أقول.. مرة ثانية وانت ياي.. اسأل أسئلة مثل العالم والناس .. مو جيه :rolleyes:
وجان تبا تتعلم نحن بنعلمك :p

وكل يوم تعال :th

[خبلة الفريج]

:eek:

[شارع الكويتي]

:oمب على كيفج ..بوي لازم تردين على الاسئله ..


:rolleyes:;)

[First Lady]

جيه هو بكيفك أرد ولا ما أرد :o

مشاكل بعد هاييل اللي ما يعطون ويه :D

[شارع الكويتي]

:oهيه بكيفي عيل بكيفج ..والله بنات اخر زمن ...


:rolleyes:;)

[كراعين نملة]

شروووع احترم الي اكبر عنك انزييييييييييييييين ويا ويهك هع هع هع

[First Lady]

طبعًا بكيفي أنا عيل بكيفك انت :mad:
ويا ويهك :o


كرعون.. علم ربيعك شقا يتكلم مع اللي أكبر عنه :D

[ولد شما]

هاهاهاهاهاها هاهاهاهاهاها هااااااااااااااااا

رجعت لج يا فرست ليدي والحين دوري بالاسئله

السؤال الاول

انتي ليش دايم مغروره بعمرج :fr جي ليكون انتي نانسي عجرم

السؤال الثاني

وانتي ليش مستريله حضرتج :fn3 عنبوووه اتابعين مسلسل اشحفان القطو

السؤال الثالث

ليش ما ادانيني حضرتج :id ماكل حلالج

السؤال الربع

منوه قالج ادشين المنتدى :cik متطوره

السؤال الخامس

دربج خضر :fn

[كراعين نملة]

الكاتب الأصلي: First Lady
طبعًا بكيفي أنا عيل بكيفك انت :mad:
ويا ويهك :o


كرعون.. علم ربيعك شقا يتكلم مع اللي أكبر عنه :D





اكييييييد لازم بعلمه الرمسه السنعه :fn:fn:fn

[شارع الكويتي]

:oكرعون علم نفسك قبل بعدين تعال علمني ويا ويهك يا الدب ...


وبعدين انتي يدوه بوي لاتخرفين ...:rolleyes:


ولد شما بصراحه اسئلتك عجيبه وحلوووووووووه ...خخخخخخخخخخخ:fn:fn

[كراعين نملة]

شرووووووووع


جب ولا كلمه واحترم يدوتي فيرست ليييدي انزييييييييين يالدب

[First Lady]

ولد شما


:eek::eek:
انت رجعت http://www.rak2rak.net/images/smilies/eek2.gif
تحريتك ما بترجع من بعد ما رديت عليك أول مرة (19)

شكلك ما تبت :D

أخافك تصيح وتسوي إضراب عن الأكل :p

خلاص تعال كل وقت تحبه :D

وبنرد على أسئلتك عشان ما تحتشر علينا :rolleyes:


السؤال الاول :انتي ليش دايم مغروره بعمرج :fr جي ليكون انتي نانسي عجرم
الكبر لله يا بوك.. وأنا مب مغرورة ولله الحمد :o
بس هذا يسمونها عزة نفس وأنا يدتك :D
بعد الواحد لازم تكون له عزة نفس في هاي الحياة ولا الحياة بتنتهي :rolleyes:
ليش انت شايفني مغرورة :(


السؤال الثاني :وانتي ليش مستريله حضرتج :fn3 عنبوووه اتابعين مسلسل اشحفان القطو
فديتني والله.. بسم الله علي :eek:
شو بعد هاي مستريلة :confused:
بسم الله علي.. إن شاء الله عدويني واللي يكرهوني :mad:
جيه شو جايفني ريال جدامك ولا شو بالضبط :mad:
حليلي ما يخصني أنا بهاي السوالف :(
وأفتخر إني بنوته حليوه صغيرونه أموره شطوره :rolleyes:


السؤال الثالث :ليش ما ادانيني حضرتج :id ماكل حلالج
هيه صح أنا اللي ما أدانيك :mad:
واضح من أسئلتك منوه اللي ما يداني الثاني :mad:
أنا ما أدري ليش انت حاط دوبك بدوبي.. ليش دومك تكرهني وتحط علي :(
دومك تحب تستفزني عقب تقط كلام انت مب قده وتعور قلبي :(
بس شو بقول غير الله يسامحك :(


السؤال الربع :منوه قالج ادشين المنتدى :cik متطوره
الله قال لي أدش المنتدى هو نفسه اللي قال لك تدش المنتدى :p
بعد ليش الواحد يدش المنتدى.. عشان يثقف ويبدع :cool:
بس شراتك عشان يطيح في خلق الله :mad:


السؤال الخامس :دربج خضر :fn ن
دربك أخضر من دربي..فديت دربي أنا :rolleyes:



أقول..
مرة ثانية هات أسئلة عدله..مب كله طايح فيني :(
فديتني والله.. أنا ما أشيل شي على حد :(
انت ليش كله جيه تحط علي :(


وكل يوم تعال :rolleyes:

[First Lady]

بلاكم انتوا تتضاربون هنيه :confused:

انزين احترموا وقدروا إن شي حرمة أكبر عنكم هنيه (12)

ولا شو رايكم كل واحد يكسر راس الثاني (22)

أقول يلا اصطلبوا :o

ومحد مخرف غيرك يا شارع كويتي :mad:

[ولد شما]

هدوووووووووووووووو

[First Lady]

محد محرج هنيه:rolleyes:

وبعدين انت ليش داش عرض ولد شما :D

[دلوووع لندن]

السلام عليكم



السؤال



كم من الوقت تاخذ ينه في دخول المنتدى في اليوم ؟؟



شوو يعنيلج الرجل الذي يكذب عليج ؟


شوو تشوفين رايج في المراه التي تتجسس عليج ؟



كم عد د الدول التي تطل على بحر القزوين ؟




و السموحه

[شارع الكويتي]

:fn:fn


يا الله بسألج سؤال على السريع ؟؟

:oمن هو قدوتج في الدنيااااااااا؟



:rolleyes:

[سعود]

خلاص بعطيج أسئلة ثانية ....

شو هي أعلى سرعة وصلتيلها وانتي تسوقين السيارة ؟؟ بصراحة

كم مخالفة رادار حصلتي ؟

شو شعورج وانتي مسرعة ؟

كم اشارة مرور ضوئية في راس الخيمة ؟

أحلى حركة سويتيها بالسيارة ؟


شو رايج في أسئلتي ؟ معقولة ومنطقية .. صح ؟؟ ههههههههه

[First Lady]

دلوع لندن

حيا الله من يانا :rolleyes:
هاي الأسئلة الزينه.. جيه ما تعلم باقي الأعضاء عشان يتعلمون شقا يسألون :D

ما عدا السؤال الأخير :o
تراك مو راعيها لما سألتني إياه :p


كم من الوقت تاخذ ينه في دخول المنتدى في اليوم ؟؟
يعني حسب المواضيع اللي أتابعها.. والأعضاء الموجودين.. والمواضيع اللي تحتاج حذف :D
الحين في رمضان أدش ما بين ساعتين إلى أربع ساعات :rolleyes: مقسم ما بين الظهر وبليل :rolleyes:
أما قبل رمضان فحدث ولا حرج.. عادي توصل عندي إلى سبع ساعات بس قاعدة على المنتدى :D
بسم الله.. وعين الحسود فيها عود.. أدري إن كل واحد فاج عينه ولحجه الحين جيه http://www.rak2rak.net/images/smilies/eek2.gif بس تراني ما أقول غير الصدق :o


شوو يعنيلج الرجل الذي يكذب عليج ؟
الشخص الجذاب هو واحد من اثنين.. إما ثقته معدومة بنفسه أو إنه مسوي شي غلط ويخاف حد يكتشف هاي الغلطة.. وفي الحالتين هو شخص غير مرغوب فيه.. وفي النتيجة بيكون انسان شخصيته ضعيفه ومهزوز..وعايش حياته بخوف إن جذبته تنكشف في يوم من الأيام..
يعني بكل بساطة ما أحترمه :o


شوو تشوفين رايج في المراه التي تتجسس عليج ؟
ما يبالها كلام..هذي انسانه معدومة الضمير.. وشرات ما تتجسس علي ..بيي يوم وحد يفضحها من أقرب الناس لها :rolleyes:
والمرأة اللي ما ينوثق فيها تنعرف بسرعة.. من طريقة كلامها وأسلوبها.. ومن خلال بعد بعض الأسرار اللي ممكن اقولها لها وتنكشف.. ومحد بيكون متهم غيرها:rolleyes:
في هذي الحالة أحسن شي إني أحقرها وأبتعد عنها.. وفي النهاية ما بتكون عندها صاقات غير الطوفه ترمس وياها :D


كم عد د الدول التي تطل على بحر القزوين ؟
أقول لك شي.. لما كنت في المدرسة.. كنت أكره مادتين..التاريخ والجغرافيا :mad:
والحين ياي تسألني سؤال في الجغرافيا :confused:
أكيد ما أعرف الإجابة :p
بس غششوني إياها :D
والإجابة حسب ما غششوني والعهدة ترى على اللي عطاني الإجابة ;)
ايران..تركمانستان..اذربيجان..روسيا..كازخستان :D
تصدق عاد دول اول مرة أسمع عنها :rolleyes:


ولا تنسى

كل يوم تعال:th

[First Lady]

شارع كويتي

يا كثر أسئلتك :confused:

انت أسئلتك مول ما تخلص :rolleyes:

بس الحمدلله ما أدري من وين غاش هذا السؤال.. بس يبت لنا سؤال حلو :D

أكيد حد غششاك إياه.. ولا يمكن استاذ اللغة العربية عاطنك إياه سلفة :D

مرة ثانية لا تغش الأسئة هات أسئلة من راسك :p


من هو قدوتج في الدنيااااااااا؟
قدوتي الأولى في الحياة هو الرسول -صلى الله عليه وسلم-
وقدوتي الثانية في الحياة هو أبوي الله يطول لي بعمره ويخليه لي يا رب :rolleyes:


وانتظر أسئلتك المصرقعة الثانية..يا مصرقع :D

[First Lady]

سعود

ما شاء الله عليك صدق إنك فايق ورايق على الأخير :D

شارب لي كوب شاي وحاط لي أسئلة على رواقة ;)

ما عليه يا سعود.. ما أكون فيرست ليدي جان ما حطيتك عقبي في الفخ (19)

وبتشوف الأسئلة العدلة اللي ناويه أحطيها لك.. انت بس اصبر علي ناويه عليك بنيه منيله بستين نيله (19)

نرجع لمحور حديثنا :D

شو هي أعلى سرعة وصلتيلها وانتي تسوقين السيارة ؟؟ بصراحة
أعلى سرعة وصلتها وأنا أسوق في شارع الامارات.. أخوي خلاني أسوق سيارته :D
جان أوصل السرعة 180:D.. بس خرب علي أخوي :mad:.. أحتشر علي يقول لي خفي السرعة وين ناويه أنتي :(
مو جنه هو ذابحني شوي وبيصك ال 200.. وأنا بس وصلت 180 واحتشر علي..شفت الظلم :p


كم مخالفة رادار حصلتي ؟
خل تكون عندي سيارة خاصة فيني وبعدين بنعد الرادارات اللي أحصلها :D
مرة آخذ سيارة أبوي..ومرة اشحت سيارة أخوي :(
في حد عنده سيارة ما يباها يسلفني إياها ؟ :p


شو شعورج وانتي مسرعة ؟
بصراحة شعور وايد حلو:p
بس اللي يسرع صدق ما يحس.. يدوس على البترول ولا داري بالدنيا.. إلا بعدين يوم يشوف العداد :D
بس الصراحة وايد رهيب.. تحس إنك طاير بين السحاب :rolleyes:


كم اشارة مرور ضوئية في راس الخيمة ؟
في حد قال لك إني أشتغل في المرور ولا شي من هذا القبيل..ولا في حد قال لي إني من الفضاوة قاعدة أدور في راس الخيمة وأعد إشارات المرور :mad:
على العموم جان تبا سير عدهم بروحك.. وما أضني بتخربط في العد :D
تراهم مب وايد :D
وجان تباني ايي أساعدك حاضرة :D
عاد انت لو صدق تبا تلعوزني جان سألتني كم دوار في العين.. يلف راسك وانت تدش العين.. كلها دوار ورا دوار :D
من دخلة العين لحد السكن أنا وربيعتي عادينها ..16 دوار :D:p


أحلى حركة سويتيها بالسيارة ؟
قالوا لك سايرة أترايس في عوافي :confused:
بس أحلى حركة.. لما كنت أبا أجاوز في شارع ساير راد :D
وكانت شي سيارة جدامي في السيد الثاني.. وأبا أجاوز اللي جدامي.. جان أدوس على البترول.. شوي وبقرب من السيارة في السيد الثاني..حتى حليله الهندي فاج حلجة وزايغ :D.. جان بسرعة ألف الصوب الثاني :p
أخ بس لو تشوف شكل الهندي جان فطست عليه من الضحك :D


شو رايج في أسئلتي ؟ معقولة ومنطقية .. صح ؟؟
لا طبعًا :o
لا معقولة ولا منطقة..
وبعدني تراني أتريا أسئلتك المعقولة والمنطقة.. حاول مرة أخرى :D



وكل يوم تعال :th

[ولد شما]

سؤال صريح وجريء مني لفرست ليدي

السؤال يقول اذا خلوووج شيخه لمدة يوم واحد الصراحه شو بتسوين بهذا اليوم وعندج الصلاحيه تسوين اي شيء ؟



الجواب ابغييييييه بصدق ؟؟؟؟؟؟؟؟؟؟؟؟؟؟؟؟؟؟؟؟؟؟؟ والسموحه على الازعاج .... حضرتي موءدب اليوم

[First Lady]

ولد شما

شو لنا بالسياسة :confused:

ناوي توديني ورا الشمس :eek:

ولا ناوي تاخذني غواتيمالا :(


السؤال يقول اذا خلوووج شيخه لمدة يوم واحد الصراحه شو بتسوين بهذا اليوم وعندج الصلاحيه تسوين اي شيء ؟
اممممممممممممم
والله ما أدري.. وايد أشياء.. بس انت ما قلت لي وين تباني أكون شيخة.. على الامارات كلها ولا في راس الخيمة :rolleyes:
وبما إني طموحي مب وايد كبير.. عشان جيه بحط براسي إني شيخة في راس الخيمة بس :D
أول شي بحاول أحط فرص أكبر للمواطنين إنهم يشتغلون في قطاعات رأس الخيمة <<< وحده متعقدة من البطالة :(
ثاني شي.. بقول للبلدية إنهم يعدلون شوارع راس الخيمة المكسره :D
ثالث شي..بزيد المساحات الخضراء في راس الخيمة
رابع شي.. بسوي غرامة لكل من تسول له نفسه إلقاء اي قمامة على شوارع رأس الخيمة :mad:
خامس شي.. بشجع التجارة في راس الخيمة:rolleyes:

وما أدري بعد.. يمكن أخليك مستشاري عشان تقول لي شو أسوي :D:cool:


بس ما شاء الله عليك.. اليوم مؤدب.. إن شاء الله دوم تكون جيه مؤدب وحليلك :D
وبعد تسأل السؤال بكل ذرابة..هيه جيه الناس يسألون.. مب يدفشون شرات قبل ;)
عاد الحين أنا جاوبتك بصدق.. بس عاد جان دقوا الباب وزقورني عسب يودوني ولا الشمس تراني بزقرك وياي :D
مو تقول ما قلت لك :p

وكل يوم تعال :th

[ولد شما]

اوكي يا اختي فرست ليدي رايج حلو

لكن نسيتي شيء مهم اذا انا مكان اول شيء بسوووووويه بدفع الديون كلها عن المواطنين وبساعد كل محتاج

والي عنده ارضه بعطيه فوقها ارضين ومزرعه وارض تجاريه وارض صناعيه وبسوي نظام بكل مكان وبلغي شيء يسمونه واسطه وبوظف الكل الي يبغي يشتغل وما بخلي حد محتاج وابغي الكل يكووونون مرتاحين وما نقصنهم قاصر واهم شيء افنش المنافقين والجذابين الي بس يبووون مصالحهم الشخصيه

وسلامتكم

[First Lady]

أقول ولد شما.. ترى بو زعبل يترياك.. أنا ما يخصني فيك :D

والله يا ولد شما الكل خاطره يسوي جيه.. بس مين بيسمعك .. ومين هو اللي بيوافق يسوي كل هاي الأشياء حق المواطنين:rolleyes:

دام ما يستفيدون من وراها ماديًا ما راح يسوون شي.. وبصراحة أنا مب معاك إنك تسدد كل ديون المواطنين.. فقط ديون اللي صدق محتاجين.. لأن بعض المواطنين يلعبون بالبيزات لعب.. وعقب يقولون نحن مديونين.. وبعدها يردون مرة ثانية عشان يلعبون بالبيزات :rolleyes:

لكن صدق شي عوايل محتاجة المساعدة ومحد عاطنهم فيس.. ولا حد يساعدهم :(

شو بنقول غير الله كريم :rolleyes:

[ولد شما]

هيييييييييييييييييييييييييييها يا زمن الدنيا دنيه على الانسان خوانه

شو بنقول غير الله كريم والله يصبر كل محتاج

دربج خضر

[First Lady]

الله يسمع منك يا أخوي :)

شكلك ويا تعاني من هاي السالفة :rolleyes:

ودربك خضر :rolleyes:

[ولد شما]

مو انا بس الي اعاني غير وايديييييييييييييييين ابغي والله العظيم ومن كل خاطري انه يكون الكل مرتاح وينام وهو ما يفكر بشيء

[First Lady]

والله شو أقول لك يا ولد شما.. ما في حد مرتاح في هذي الدنيا.. شو أقول لك.. عقب تعب جمن سنه في الجامعة.. هذا أنا قاعدة سنه ونص في البيت بطالية لا شغله ولا مشغلة :(

يعني انتوا الشباب عندكم فرصة تشتغلون في الامارات الثانية.. لكن نحن البنات فرصنا محدوده :(

نحن ما نقدر نخلي كل الناس مرتاحيين..

لو نقدر بس نخلي الأشخاص اللي نحبهم مرتاحيين.. بعد نقول الحمدلله والشكر :rolleyes:

والحمدلله على كل حال :rolleyes:

[ولد شما]

صدقج والله الحمد لله الحمد لله الحمد لله على كل شيء

[First Lady]

مو جنه قلبناها حزين :(

جان قلبي يعورني :(

[ولد شما]

جان اموت قهر

[First Lady]

من شو يا ولد شما :confused:

خير إن شاء الله :confused:

[ولد شما]

من الظلم والقهر واشوف غيري شقيات وتعبان وما عنده شيء يصرفه لبيته

[First Lady]

جان هذا اللي يقهرك.. بتم طول عمرك عايش مقهور.. لأن هذا المنظر أبدًا ما ينتهي.. ويتجدد كل يوم :(

بس شو رايك باللي عنده.. وقاعد يلعب فيه كل يوم.. وأهله مب لاقيين شي يصرفونه في البيت :mad: .. مب شي يبط الجبد

خليها على ربك يا ولد شما .. خليها على ربك.. يمكن تتعدل :rolleyes:

[ولد شما]

انزين لين متى لين متى يا ربي

[First Lady]

لا تقول لين متى :rolleyes:

هذا ابتلاء من رب العالمين.. والابتلاء لازم نصبر عليه :rolleyes:
عشان ما يضيع عنا الأجر :rolleyes:

ومثل ما قال الرسول -صلى الله عليه وسلم في حديث بما معناه.. عجبًا لأمر المؤمن.. إن أمره كله خير.. إن أصابته سراء شكر فكان خيرًا له.. وإن أصابته ضراء صبر فكان خيرًا له :rolleyes:

وإن شاء الله بعد هذا الكرب إن شاء الله بتفرج.. بس أهم شي الدعاء والصبر :)

[ولد شما]

يالله بنصبر وبنذكر الله دوووم مثل ما قال الرسول صلى الله عليه وسلم : ما يصيب المؤمن من نصب او نصب حتى الهم يهمه




ذكروا الله دوووم واستغفروه

[First Lady]

استغفر الله العظيم.. والحمدلله رب العالمين .. ولا حول ولا قوة إلا بالله..

والله يفرج كربة كل مهموم :rolleyes:

[ولد شما]

امين يارب العالمين

[First Lady]

حياك أخوي في أي وقت :)

[ولد شما]

دربج خضر

[First Lady]

دربك أخضر عن دربي إن شاء الله ;)

[ولد شما]

الاجمعين ان شاء الله :)

[First Lady]

عندك أسئلة ثانية ؟؟:D

على استعداد التام للإجابة :D

[ولد شما]

لا بسني اليوم

[First Lady]

خلاص عيل.. أترياك باجر :cool:

[ولد شما]

بيلس اكتب شوي بالمنتدى ( العام والخيمه الرمضانيه وعندي لعبه حلوه بس بعد شوي بكتبها ) ;)

[First Lady]

خذ راحتك الغالي.. بس أترياك بالأسئلة باجر :D

بس لا تحط مواضيع مكرره.. ما فيني أحذف مواضيع.. مالي مزاج :p

[ولد شما]

شكرا دربج وردي

[First Lady]

العفو :rolleyes:

دربك بنفسجي :D

[ولد شما]

يعني عيناوي :fn

[First Lady]

إذا كنت تشجع فريق العين.. يعني عيناوي :rolleyes:

بس تراني ما أشجع فريق العين :p

يمكن أشجعهم إذا قبلوني في الوظيفة هناك :D

[ولد شما]

الله يوفقج ان شاء الله يا فرست ليدي والله يعطييج على قد ما تبين يا رب امين

[First Lady]

آمين يا رب.. ولا تنسى يوم الأربعاء تدعي لي عندي مقابلة في العين إن شاء الله :rolleyes:

تم في سيادتك تدعي لحد ما أرجع من هناك :D

[ولد شما]

الله يوفقج ان شاء الله يا فرست ليدي

[First Lady]

ويوفق الجميع إن شاء الله :)

[ولد شما]

امين

[First Lady]

:)

[ولد شما]

:p

[First Lady]

لا تغازل..عيب تغازل :eek:

[ولد شما]

سوري :o

[First Lady]

نطحك اللوري :D

أقصد.. don't worry :p

[محيان]

فيرست ليدي وينج

[ولد شما]

الله يسامحج


المهم ادخلي منتدى الاقتراحات وشوفي شو كاتب من الاقتراحات الحلوه للجميع

[First Lady]

هلا والله أخوي محيان.. حياك الله في منتداك :)



ولد شما..
ما قاصدين :(
امسحها فينا :(

انزين بنسير :rolleyes:

[ولد شما]

جي الاخت سبوره :fn


لا عادي سوالف الدنيا :)

[First Lady]

لا وانت الصادق.. الأخت فيرست ليدي :D

أكيد الدنيا سوالف ولا كانت اختربت الدنيا ;)

[شموع الأمل]

:):):)

وأخيرا وبعد كفاح مميت وقتال مستميت

قدرت احصل الموضوع وأحصل الأجوبة

تسلمين فيرست ليدي عالاجوبة الحلوة

بس ليش جلبتو الموضوع لماسنجرانتي و ولد شما:confused::confused::confused:

;);)

[ولد شما]

هاي حال الدنيا

[First Lady]

شموع الأمل..
الله يسلمج الغالية :)
والحمدلله إن أجوبتي عيبتج :)
كل يوم تعالي ;)



ولد شما
شفت عاد (25)

[ولد شما]

هييييي والله شفنا

[First Lady]

حياك يا ولد شما :)

[ولد شما]

الله يحيييج يالطيبه فرست ليدي والاموره ها شو سويتي بالمقابله

[First Lady]

هلا والله ولد شما

مشكور على السؤال :)

والله المقابلة كانت وايد أوكي.. وهم بعد أعجبوا فيني :rolleyes:

بس المشكلة الوحيدة إني أنا مب من بنات العين :(

يعني يمكن ما يقبلوني :(

والله كريم

[ولد شما]

ان شاء الله بيقبلونج وراح تتوظفين اذا الله راد :)

[First Lady]

شكرًا على دعواتك الحلوه ولد شما:)

والله يسمع منك :)

[ولد شما]

مشكوره اختي فرست ليدي :)

[First Lady]

العفو أخوي ولد شما :)

[ولد شما]

كل يوم تعالي

دربج خضر

[First Lady]

دربك أخضر عن دربي :rolleyes:

بس عندي سؤال يقرقع براسي :confused:

ليش انت راز ويهك بكل المواضيع :D :D