( فيرست ليدي ) النحسه شوفو شو سوابها ريلها ..... [الأرشيف] - ¬°•| مـُنْـتـَــديـَـاتـْـ... رًأسْــ... الــخـًـيـْــمـَــة ْ |•°¬

مشاهدة النسخة كاملة : ( فيرست ليدي ) النحسه شوفو شو سوابها ريلها .....

بريعصي كاشخ

10-21-2003, 04:45 PM

طلّق رجل زوجته لا لعيب خلقي أو خلُقي فيها وإنما لأنه يعتقد بأنها نذير
شؤم
عليه , وفي المحكمة وقف الزوج أمام القاضي يحكي ويشكي ويشرح أسباب ودوافع
الطلاق التي لم يدع شيئاً لم يقله , بينما وقفت الزوجة الصامتة ولم تنطق
بكلمة
!!

قال الزوج : تصور يا سيادة القاضي , أول يوم رأيتها فيه كانت في زيارة
إلى بيت
الجيران فأوقفت سيارتي عند الباب الخلفي وذهبت لأتلصص من بعيد , وما هي
إلا
ثوان حتى سمعت صوت اصطدام عظيم فهرعت لأجد عربة جمع القمامة قد هشمت
سيارتي !!

وفي اليوم الذي ذهب أهلي لخطبتها توفيت والدتي في الطريق وتحول المشوار
من
منزل
العروس إلى مدافن العائلة !

وفي فترة الخطوبة كنت كل مرة أصطحبها إلى السوق يلتقطني الرادار , وإذا
حدث
وخففت السرعة استلمت مخالفة مرورية بسبب وقوف في مكان ممنوع ! فهل هذا
طبيعي
سيادة القاضي ..؟

ويوم العرس شب حريق هائل في منزل الجيران , فامتدت النيران إلى منزلنا
والتهمت
جانباً كبيراً من المطبخ .

وفي اليوم التالي جاء والدي لزيارتنا فكسرت ساقه , بعد أن تدحرج من فوق
السلم
ودخل المستشفى وهناك قالوا لنا أنه مصاب بداء السكري على الرغم من تمتعه
بصحة
جيدة وأخذناه للعلاج إلى الخارج ولم يعد من يومها للبلاد إلى الآن !

وكلما جاء أخي وزوجته لزيارتنا , دب خلاف مفاجئ بينهما , واشتعلت
المشاجرات
وأقسم عليها بالعودة إلى بيت أهلها !!

وكانت كل عائلة تهمس لي بأن زوجتي هي سبب المصائب التي تهبط علينا ,
لكنني لم
أكن أصدق فهي زوجة رائعة وبها كل الصفات التي يتمناها كل شاب لكن يا
سيادة
القاضي بدأت ألاحظ أن حالتي المادية في تدهور مستمر وأن راتبي بالكاد
يكفي
مصاريف الشهر , وبالأمس فقط , فقدت وظيفتي فقررت ألا أبقي هذه الزوجة على
ذمتي
!

فأمر القاضي أن يرد زوجته إلى عصمته وأقنعه بأن كل هذه الحوادث طبيعية لا
دخل
لها فيها , وأن تشاؤمه منها مبعثه الشك واللمز المتواصل عنها .

المهم .. قبل أن يغادر الرجل القاعة مع زوجته , تسلم القاضي رسالة بإنهاء
خدماته وإحالته إلى التقاعد , فعاد ونادى على الزوج وقال له

( أقول لك .. طلقها يا ابني .. طلقها ) !!

التعليق لكم يا جماعة الخير
:fn:fn:fn

Eve

10-21-2003, 09:28 PM

يحليله!!:eek:

سر الليل

10-21-2003, 10:06 PM

:fn :fn :fn

ولد جلفار

10-21-2003, 10:06 PM

وحليلهااااااااااااااااااا والله ماتستاااااااااااااااهل

خخخخخخخخخخخخخخخخخ

بنت النعيمي

10-21-2003, 10:10 PM

لا لا ماارضى على فيرست ليدي فديتها :mad:

ليمونه الحلوه

10-21-2003, 10:56 PM

وحلييييييييييله

لحظة شوق

10-21-2003, 11:19 PM

تغمض :(:)

First Lady

10-22-2003, 01:40 AM

بريعصي :eek: :eek: (21) (21)

شو عندك مطلع علي إشاعات.. وتبي تطيح بيني وبين ريلي فديته (21)

وبعدين مب أنا هاي اللي ويه النحس.. هذي حرمتك وانت يايبها المحكمة عسب تطلقها :o

بس لما شفت الناس قامت ترمس قمت وحولتها علي :D :D

First Lady

10-22-2003, 01:42 AM

سر الليل..
شفتي عاد الاشاعات اللي يطلعونها علي :(

ولد جلفار..
انت قاعد تدافع عني ولا تشمت فيني :mad:

بنت النعيمي
فديت والله اللي ما يرضون علي :rolleyes:

لحظة شوق..
هيه ما أغمضج.. جيه ما تدافعين عني :(

ولد جلفار

10-22-2003, 04:26 AM

وحليلي انا
صدق اللي قال خير تعمل شر تلقى

خخخخخخخخخخخخخخخخخخ:(

كراعين نملة

10-22-2003, 05:42 PM

بريعصي متبهدل
ايييييييه لا تسب يدوووتي فيرست ليييدي :mad:

فلونه

10-22-2003, 08:16 PM

دلوعة القمر

10-22-2003, 11:47 PM

ههههههههههههههههههههههههههههه
تسويها فيرست ليدي ليش لا

First Lady

10-23-2003, 12:37 AM

ولد جلفار..
دامك تدافع عني.. جيه تضحك هاي الضحكة الشريرة خخخخخخخخخخخخخخخخ (21)

كرعون
فديتك حفيدي.. انت بس اللي تدافع عني وبنت النعيمي.. محد يسواكم.. شوفه شو يقول عني وعن بهوت مشكل.. (7)
اونه بهوت مشكل يطلقني عشان أنا يايبه له النحس.. فديته.. أنا ويه النور في حياته (7)

دلوعة القمر
يمكن أسويها..بس فيج :D (21) :D

كراعين نملة

10-23-2003, 01:19 AM

يباااااله بكس ينطره باكستاااااان هع هع هع

First Lady

10-23-2003, 01:23 AM

لا حرام باكستان.. خليه يروح الصين.. هناك صوب السارس :D (19) :D

كراعين نملة

10-23-2003, 01:26 AM

ههههههههههههههههههههههههههههههه لا احسن اليابان عشاان هنااك مصانع وشركااات وبـيحصل له شغل بسرعه وعااااد عقب بـيتم يرطن ويتفلسف إلنا (شنج شانج شونج) هع هع هع

First Lady

10-23-2003, 01:30 AM

هيه صدقك.. ويقولون لك معدل الرقاد عندهم 3 ساعات.. هذا بيعلمه ما يرقد وايد وما يتكاسل :D :D

بيواعونه من الساعة 3 الفير.. ويخلونه يشتغل لحد الساعة 12 بليل :D

وآخر شي يا دوب يرقونه عقب 20 سنه جدام :D

كراعين نملة

10-23-2003, 01:34 AM

هي والله كلامج صحييييح 100%

الله يعيييييينه :fn:fn:fn

First Lady

10-23-2003, 01:38 AM

أقول كرعون..

شكله الحين الريال راقد ويحلم بكوابيس من كثر ما نقرض فيه :D :D

راعية مشاكل

10-23-2003, 02:31 AM

وفي اليوم التالي جاء والدي لزيارتنا فكسرت ساقه , بعد أن تدحرج من فوق
السلم

بل صج نحسه ونحست اللي ويااااااهاااا الله يعين ريلهاا

تسلم بريعصي:fn:fn

First Lady

10-23-2003, 04:16 AM

راعية مشاكل (21)

تحريتج عون طلعتي فرعون (21)

راعية مشاكل

10-23-2003, 08:12 AM

:fn:fn

هههههههههههههه

كنت بي بيتكم بس الحين حرمت

First Lady

10-23-2003, 09:17 AM

أفا عليج.. انتي تعالي بس.. ونحن بنسوي الواجب (19)

بريعصي كاشخ

10-23-2003, 10:08 AM

:mad::mad: هيييييييييييييي انته سيقااان الخمبسانه:o مايخصك اعيب على فيرست ليدي على كيفي:mad: و بعدين فيرست ليدي صدق طفرت ريلها من نحاستها الله يعين ريلها الثاني :D:D

First Lady

10-23-2003, 10:12 AM

أي ريلها الثاني (27)

بسم الله علي (21)

جيه جايفني مثلك تتزوج وتتطلق وانت بعدك ما تكلم شهرين من زواجك (21)

فديت ريلي اللي بييي إن شاء الله :rolleyes:

بريعصي كاشخ

10-23-2003, 10:22 AM

:confused::confused: جييييه انا متى عرست عسب اطلق:rolleyes:
فيرست ليدي اصلا ريلج الي بيطلقج و بييب لج ريل ثاني و بيوزج اياه ,,, علشان يفتك من النحاسه
:fn:fn

أهازيج

10-23-2003, 10:36 AM

والله هلكت من الضحك على هذي النحسه،،،:fn
والله حرااااااااااااام على إلي سوته في ريلهااا،،،:o
لاااااااااازم تتعاااااقب،،،، لأنه إلي سوته مب شوي،،،:D:cool:
ولاااااااااااااااااااازم نعاقبهاااااا في النفي برى البلاد،،،،:fn
علشااااااااااااااااااااان نخوووووز النحاااااااااااااااسه،،،،;)
أخااااف يستوي شي إلحين في المنتدى من نحااااستهاااا،،،:fn

كراعين نملة

10-23-2003, 10:55 AM

الكاتب الأصلي: First Lady
أقول كرعون..

شكله الحين الريال راقد ويحلم بكوابيس من كثر ما نقرض فيه :D :D

:fn:fn الله يعيينه :fn:fn

بنت النعيمي

10-23-2003, 12:08 PM

اوووووب ضرابه

عيل بدور ويا بريعصي :D

تعرف كرعون شو هي الكوابيس اللي يشوفها ؟

تراك انت تطلعله في الحلم وانت بروحك كابوووووس :fn

First Lady

10-23-2003, 12:15 PM

بريعصي متبهدل (21)

فديتني أنا بعدني ما عرست :rolleyes:
بس شراتك الحين بتصك التسعين وبعدك قاعد تدور لك على عروس عمرها 19 سنه :p
عيب عليك يالشايب.. شو بيقولون عليك أحفادك.. فشلتهم :rolleyes:

أهازيج..
إن شاء الله دوم هاي الضحكة تنجلب ضدج (21)
عيل أنا يسفروا برع البلاد.. جيه شو شايفتني :mad:
فديتني والله :rolleyes:
أصلاً أنا اللي يايبه الحظ كله حق كل الناس :rolleyes:
يعني لو صار لج شي زين هالأسبوع.. قولي أنا السبب ;)
فديتني والله محد يسواني :rolleyes:

كرعون..
ولا يهمك.. جان تبا تقرض فيه تفضل.. وأنا جاهزة وياك :D

بنت النعيمي..
افا والله افا.. ما هقيتها منج :(
هذي آخر العشرة والكاكاو والشبس:(.. تسوين فيني جيه :(
جان أنصدم :(

بنت النعيمي

10-23-2003, 12:32 PM

لا فديييييتج انا قلت ضرابه بدور ويا بريعصي غمضني وحليله

بس انا وقفت وياه ضد كرعون مب ضدج :D

First Lady

10-23-2003, 12:33 PM

افا.. ترى كرعون حفيدي ما يصير تدورين ضده :rolleyes:

وبعدين لا يغرج بريعصي.. تراه بولسانين.. ولايمكن ماخذه فكره إني أنا لساني طويل :(:confused:

بنت النعيمي

10-23-2003, 12:37 PM

ادرييييييييبج لسانج مب طوييييييل

بس قلت ضرابه من زمااااااان ما اظاربت ويا كرعون عشان جي يعني ;)

دمعة الولهانه

10-23-2003, 12:38 PM

ما ارضى على فرست ليدي

هذاانت و مرتك مب هي

لا تفاول عليها

First Lady

10-23-2003, 12:40 PM

خلاص خذي راحتج.. تضاربي ويا كرعون وبريعصي ;)

دمعة ولهانه
فديت اللي يدافعون عني أنا :rolleyes:
هيه عطيه.. يستاهل :D

دلوعة القمر

10-23-2003, 12:51 PM

امي انا خايفه يصير لنا شي اليوم ..
فيرست ليدي انا ما قلت ادخلي في الاوقات الي نا ادخلها ..
يبتيلي صداع ..

دمعة الولهانه

10-23-2003, 02:18 PM

دلوعة القمر

لا و الله هذا بدل ما ادافعيييين عنها

بسم الله عليها مب حسووده و لا تجلب الحظ النحس

و لا تفاولون عليها

First Lady

10-23-2003, 02:38 PM

دلوعة القمر..
تدرين عاد ليش راسج مصدع..
لأن نظرج خفيف.. وما شاء الله لاصقة على الشاشه عشان ترومين شوفين :D
كل هذا وما تبين اييج صداع :rolleyes:
وعجبي :rolleyes:

دمعة ولهانه..
تسلمين الغالية :)
والله محد يسواج :)

كراعين نملة

10-23-2003, 06:18 PM

الكاتب الأصلي: بنت النعيمي
لا فديييييتج انا قلت ضرابه بدور ويا بريعصي غمضني وحليله

بس انا وقفت وياه ضد كرعون مب ضدج :D

تعالي تعالي بوووي حياج الله ..كرعووون جاهز ما بيخلييييج في حالج :fn:fn:fn

بنت النعيمي

10-24-2003, 01:31 AM

اتجهز كرعون ترا يايتنك قذايف :fn

القلـ روح ـلم

10-24-2003, 01:35 PM

يحليلج والله ماتستاهلين اللي يقولج كلمه ردي عليه بعشر

First Lady

10-24-2003, 02:42 PM

شفت عاد روح القلم :(

قاعدين تبلون علي (7)

بس ولا يهمك أنا قدها وقدود :D

كراعين نملة

10-24-2003, 04:33 PM

الكاتب الأصلي: بنت النعيمي
اتجهز كرعون ترا يايتنك قذايف :fn

:fn:fn جان اتحرا صواريخ :fn:fn