الأتجاه المعاكس بين الشباب والبنات..!!

[أهازيج]

الاتجاه المعاكس عباره عن اسئله تطرح من قبل الـشبـــــاب والبنات


ويكون السؤال موجه للـبنات دون تخصيص اسم العضوه والعكس ايضا ....

وتكون الاسئله عامه ...


يعني اذا اول سؤال كان من بنت لازم تنتظرووووو اي ولد يجاوب


على السؤال و العكس يسأل الولد سؤال موجه للبنات...و جييه....


يالله انا أول وحده ببدأ
س:/ليش الشباب يتكلمون وايد بالتلفون؟؟
يالله لازم اللي يجاوب بعدي واحد من الشباب المنتدى ولازم يحط سؤال بعد للبنت اللي بعده....

[أهازيج]

صدق ما منكم فايده،،،:o
وين الرد؟؟!!!:mad:

[همس الليالي]

ههههههههههههههههههههههههههههههههه


عادي انا ارد ههههههههههههههههههههاي :fn:fn

[اريج]

وينكم يا الشباب؟؟؟؟؟؟؟؟؟؟؟؟؟؟؟؟؟؟؟؟

[حبوب اليزيره]

حوووووووووووووه وينكم يالشباب يالله ردو على هزجوووه :D

[همس الليالي]

جيه انت شو :confused::eek:



:fn:fn:fn:fn

[حبوب اليزيره]

أنا بعدني نونوه أحليلي :rolleyes:

[عوافي]

http://www.alkaabi.org/vb/images/smilies/alam%2013.gif
يلاااااااااا يالنوونوو
:p

مافي غيرك هنييييييييييييي
:D

[همس الليالي]

اذا انت يالشيبه نونو عاد انا شو :o

يالله جاوب انتوا ليش وايد ترمسون في التيلفون :D ندريبكم تغازلون :fn:fn

[حبوب اليزيره]

نحنا أصلا يوم نتكلم في التيلفون عشان نتصل في البيت نشوفهم شو يبون من السوق :D وبعد نتصل بالربع نسولف معاهم بس :D

أصلا نحنا شي أسمه مغازل مانعرفه :confused:

[همس الليالي]

بس متاكد :confused:


اذا انتو ماتغازلون عاد منو اللي يغازل :fn:fn

اونه نتصل البيت ههههههه

[عوافي]

حلوه هااااااي مانعرف شي اسمه مغازل

جواب منطقي جدا
:D:D

وين السؤال حبوووب
:confused:

[حبوب اليزيره]

ليش البنات أكثرهم خبايل :cool:

[همس الليالي]

الصراحه السؤال مايساعد ان احد يجاوب عليه

فانا بحذفه ههههههههههههههههههههههاي :fn:fn


يالله حط سؤال ثاني :o

[حبوب اليزيره]

ليش البنات يحبون يروحن السوق وايد :D

[عوافي]

لا فييييي جواب

الجواب هوووو لزوووم الشغل :cool:

ليش الشباب دووهم مطيحين في الكوفيهااااااااااات؟؟؟
:confused:

[همس الليالي]

لانهم يحبون يروحون السوق :fn:fn

simple answer :o

[حبوب اليزيره]

نحنا أصلا يوم نروح الكوفي عشان نتقهوي بس :confused:

ليش البنات أحلى وجبه عندهم المعكرونه :D

[أهازيج]

يالسيييييييييييين تتمصخرووون في الموضوووع،،،:mad:


((نحنا أصلا يوم نتكلم في التيلفون عشان نتصل في البيت نشوفهم شو يبون من السوق وبعد نتصل بالربع نسولف معاهم بس،،،أصلا نحنا شي أسمه مغازل مانعرفه)) :eek:

كع كع كع كع كع كع كع
صدقتك يا حبووووب المغازل مووووليه ما تعرفووونه،،،((علينا هاااه)):fn

نبا أسأله منطقيه وأجوبه منطقيه بليييز،،،،:cool:



سؤالي،،،
لماذا دائما الشباب يلفون ويدورون بالاسواق من غير شغلة وتلاقونهم زاحمين السير ومعطلين غيرهم ؟؟؟؟ مع انه الشرطة بالمناسبات تمنعهم لكن يشوفون طريقة ويدخلون السوق لمشاهدة البنات ؟؟؟؟؟؟؟؟

[سعود]

أهازيج اذا الولد يتكلم في التلفون ويغازل على قولتكم .. أكيد عيل في الطرف الثاني يتكون بنت الي تكلمه .. فبما أن الولد يتكلم في التلفون وايد ويغازل فأكيد انه يغازل بنت على الطرف الثاني .. وهذا معناه انه البنات يتكلمن في التلفون وايد ويساوي = " البنات هذربان " .... ويقال والله أعلم أن البنت ما ترقد آخر اليوم الا عقب ما تكمل 18000 كلمة في اليوم .. بس أنا أتوقع أكثر :fn

شفتوا الفلسفة كيف ككككككككككككك :D

[سعود]

وبخصوص السؤال الثاني .... العتب على الحكومة .. لا مشاريع لترفيه الشباب وأماكن للتجمعات ... لذلك من الفراغ تحصلونهم في الأسواق يتشرون ...واذا بخصوص الشارع الكويتي ترى أكثر الزحمة تستوي بسبب أن الموق تجاري وفيه التالي:

- مطعم يسوي شاي كرك
- انترنت كافيه
- خياييط رجالية
- محلات بيع الغتر والوزرة وجميع احتياجات الرجل المثالي :D
- تسجيلات شبوه ككككككككككك
- استيديو للتصوير
-محلات العطور
- وأيضا هناك عدة مناطق سكنية في وحول الأسواق

أكيد هذه الأسباب تجيب على الأسئلة المطروحة

كككككككككككككككككككك :fn

ككككككككككككككككككككككككككك

[أهازيج]

ما أقنعتني في جوااابك الأول،،،

((18000 كلمة في اليوم .. بس أنا أتوقع أكثر))
لا والله يوم الحريم جييه عيل الرياييل شو؟؟!؟!
أصلا الرياييل ثرثارين بس ما يبينون هالشي والدليل قعدتهم على القهاوي حق الحش والمصخره،،،،
صح وللاااااااا أكييد صح،،،:D

جوابك الثاني
يعني ما حصلتو مكان غير شارع الكويتي تشروووون منه سوااالفكم إلي تتحججووون فيها،،،
لا وبعد ما يتذكرون إلا في حزه المدارس والأعياااد،،،
يلفووون ويدورون في نفس المكان إلي يقووول يحجووون،،،

بعد ما أقنعتني،،،

إنزيين وين سؤااالك،،،،:confused:

[سعود]

اوكيييييييييييييييه .. عن السؤال الأول .. انتي كيف عرفتي انه اليلسة في القهاوي حش ومصخرة ؟؟؟ سؤال يطرح نفسه .... أنا الي أعرفه في القهاوي الشباب يلعبون ورقة .. ويشوفون مباريات ... ويتكلمون في السياسة الدولية و يحشون في أمريكا كككككككككككك بس أما حش في الناس ما جد سمعنا ... عادي الواحد منهم بيشيش عالطاير بس شو يسوي .. فراغ في حياته ومحد يهتم ويشجع الشباب في البلاد ويسويلهم أماكن للتجمع والاستفادة :D

وعن الثرثرة فأنا مب متأكد من الرقم.. بس شي احتمال هنه يكون 180000 بزيادة صفر :D
ماشاءالله عليكم يالبنات .. ما تسكتون ... حياتكم كلها هذربان في هذربان ورورورور ورورور ورورور
أما ااشباب ما يتكلمون قد البنات هذا شي مستحيل .. حتى ما ايووون النص بعد .. وهذه حقائق علمية مب أشياء من تأليفي ... خخخخخخخخخخخخخخخخخ :fn

وعن السؤال الثاني .. ماشاءالله من كثر المحلات والأسواق في راس الخيمة .. الشباب عندهم ثلاث أماكن للتسوق .. الشارع الكويتي .. منار مول ... شارع الحب .... طبعا شارع الحب مافيه شي .. والمنار فيه وايد مغازل وبنات .. ويحليلهم الشباب يبون يبتعدون عن البنات فيسيرون الشارع الكويتي عسب يتسوقون .. لكن منوه يقول .. البنات لازم بيلحقن الشباب الين الشارع الكويتي .. بصراحة حنا الشباب مظلومين دايما .. بس شو بنسوي خخخخخخخخخخخخ :har
ونرجع الى محور حديثنا .... سؤالي هو.. بصراحة أنا ما أعرف أسأل بس يالله بنألف سؤال ..... هممممممممممممممممممممممممممممممممممممممممممممممممم ممممممممممممممممممم

سؤال ساخن يطرح نفسه .. ليش البنات ما يعرفن يسوقن .. ولازم يا ايسون حوادث ويا يتسببن في حوادث ؟ :fn

[First Lady]

فديتنا والله..نعرف نسوق أحسن عن الشباب :cool:
ولو تشوف نسبة الحوادث أكبر بين الشباب أكثر من البنات.. لأن البنات حذرات أكثر وهن يسوقن مب شرات الشباب اللي على شو مستعيلين وهم يسوقون ما أدري.. جنه حد لاحق وراهم.. بيستوي فيهم شي جان وصل العداد أقل من 180.. لازم 180 فما فوق.. اقل من جيه ماشي.. يطيرون كل اللي حواليهم في الشارع..
هذا غير يكونون في الدرب لازم يترايسون مايعرفون يقرون.. شافوا واحد جدامهم إلا يسبقونه.. ولا واحد سوى لهم حركه لازم يلحقونه.. ولا فديتنا البنات ما نسرع وايد وحذرات.. ونركز على السواقة أكثر من الشباب.. اللي رافعين ريولهم فوق ما أدري ليش..ولا اللي يدخن سيجارة وهو يسوق.. ولا اللي يتعبث بما أدري شو.. ولا يركز على الدرب..
والقهر لما يكون فيهم رقاد وإلا يبون يسوقون السيارة.. انزين ارقدوا وبعدين كملوا المشوار.. لا منو يقول إلا نسوق.. وهذا اللي يسبب أكبر نسبه من الحوادث :rolleyes:

وسلامتكم :th



وسؤالي الحين للشباب.. ليش واحد تجذبكم الشيشه.. مع إنكم على علم تام بأضرارها السيئة؟؟

[سعود]

لا لا لا لا لا ... ما يستوي تقارنين جذه يا فيرست ليدي .. ككككك .. يوم بتقارنين بين البنات والشباب في عدد الحوادث .. أول شيء سوي احصائية لعدد الرجال الي عندهم ليسن و النساء الي عندهن ليسن .. وعقب احسبي الحوادث بالنسبة المئوية .. وعقب بتظهر الفضايح كككككككككككككككك .. واذا الواحد ساق وهو يدخن ولا انه يرمس في التيلفون ولا يتعبث بالمسجل ولا انه رافع ريوله على الطبلون يتهوى .. ترى هذه الأشياء كلها معناتها انه سويق ودريول ككككككككككككك .. أما البنت ان صدت يمين ولا يسار .. راحت فيها.. عادي داخلة في بقالة ولا خياط :fn

وبخصوص سؤالج عن الشيشة .. أنا وياج انه الشيشة مضرة .. بس منوه قال ان الشباب كلهم يشيشون ؟ عادي 1% ولا قولي بالكثير 7% الي يشيشون .. وهذه النسبة تعتبر ضئيلة .. وما تنذكر كككككككككككك :D

سؤالي هو .... اشمعنا كارفور ؟؟؟؟؟؟؟؟؟ يعني قلت السوبرماركتات في البلاد .. أنا أستغرب يوم أسمع انه كارفور متروس بنات أونه يتسوقن .... وللعلم فان كارفور هي بالأساس شركة يهودية فرنسية والعرب يدعمونها بقوة ... أسفي :(

[First Lady]

(1) على جيه انت تبيني اسير المرور.. واطلع الملفات والغبره كلها عشان أحسب عدد حوادث الشباب اللي هي بالأصل أكثر من عدد حوادث البنات..
وبعدين في شي .. مو كلامي.. هذا أعلنوه في الجرايد.. إن لقب السائق المثالي خذته حرمه.. وهذا دليل على كثرة حوادث الشباب ..
وبعدين منو قال إن هذا معناه إن الشاب سويق.. هذا معناه إنه متهور.. ولا يراعي نفسه ولا غيره في الشارع..
ويا عزيزي.. صار إني كنت أسوق وأعدل شيلتي.. عادي ما يصير شي.. وألتفت يمين ويسار ما يصير شي.. ما أدري.. يمكن الحريم اللي عندك بس اللي يسون حوادث :D


(2) منو قال نسبة ضئيلة نص شباب الامارات مطيحين في القهاوي يشيشون.. اسأل أي واحد بيقول لك أنا أشيش أونه الشيشه أحسن من السيجاره عشان ريحتها أحلى.. ولكن هي في الحقيقة ألعن عن السيجارة :rolleyes:


(3) أنا بقول لك ليش كارفور.. لأنه من أكبر السوبرماركتات اللي في راس الخيمة.. يعني كل الأغراض تحصلها هناك.. وما تلاقيها في المحلات الثانية.. رغم إنه عندي شخصيًا ما استغنى عن أسواق التخفيضات :D




وسؤالي الحين للشباب.. ليش أكثركم كله يحب يدش الجيش؟؟ ما يسير مكان ثاني :confused:

[عيون_الصقر]

سؤال حلو:th


انا اقولج ليش ..مثل ما يقولون الجيش يوكل العيش..واغلبهم يتوجهون له علشان الراتب وانه هو أعلى ميزاينه في العالم بس يباله صبر واغلبهم فنشو من المذله اللي يشوفونها كل يوم.. وانه ليش ما يسيرون مكان ثاني غير الجيش لان الجيش ما يرفض حد ... تعالو... والاماكن الثانيه يبالها واسطه .. واللي ما عنده خل يشربها .. مرده الجيش وين بيسر وحليه.. علشان جيه الشباب يتوجهون للجيش ومعظهم من الامارات الشماليه الا كلهم وحليهم ..من زود الوظايف اللي عندنا!!!













والحين سؤالي للبنات..ليش البنات يحبن يتمكيجن لما يطلعن برع!!

[بحر_الشوق]

والله مستوين صحافيين تعالوا بحطكم في قناة الجزيرة تنفعون خاصه فيرست ليدي

[~&بنت الزعابي&~]

مو كل البنات يحطن مكياج












ليش الاولاد لما يروحون السوق يمشون بسيايرهم على بيض وكانهم بياكلون البنت ؟

[~&بنت الزعابي&~]

وبعدين مو كل البنات يحطون مكياج لما يطلعون

[بوشنب البني]

:th

[شموع الأمل]

السلام عليكم

ماشاء الله ...اشوف ردينا عالاتجاه المعاكس


اقول بو الشنب ليش ماجاوبت عالسوال الاخير

[بوشنب البني]

مازاج ولواحد كيفه يمشي بريوله ولا سيارته



ليش الحرمه لقايه

[First Lady]

بحر الشوق..
ترى قناة الجزيرة قدمت لي عرض.. بس أنا ما وافقت.. ما عندنا بنات يطلعن في التلفزيون :o


وبعدين البنات مب لغايات.. هم بس يعبرون عن شعورهن :D
مب زين الكبت وايد :rolleyes:
يسوي حالات نفسيه وعقد :D



ليش الرياييل يلبسون مليون كندوره في اليوم الواحد :confused:

[سعود]

لأن الكندورة بيضاء ولازم الواحد يبدلها لأن أدنات شي يبين عليها ......... بس ليش البنات ما يلبسن اللبس أو الفستان مرتين ؟؟؟ ككككككككككك :D

[حبوب اليزيره]

سؤال .. أود أن أطرحه على الفتيات ..
ما رأيكن بهذه الظاهرة ..

هل تعتقدن أن اللبس يؤثر تأثيرا كبيرا على شخصية الإنسان.. :confused:
وهل تؤثر نوعية الملابس في حياء المرأة..
ولماذا تتعرى الفتاة الصغيرة الغير متزوجة أمام النساء..:mad:
والمرأة المتزوجة .. لماذا تفعل ذلك أيضا..:mad:
وما هو الهدف من هذا اللبس..:mad:

[أهازيج]

مب كل البنات مثل ما تقوووول،،،
ولو توضح سؤالك أوكيييييييي علشان أرد عليك بالمطلوب،،،،


سؤالي للشباب،،،

لماذا الشباب الحين دائم العجلة والسرعة الزايدة عند قيادة السيارة مما يسبب كوارث بشرية لأبرياء مالهم أي ذنب في تصرفات هذا الجيل الطائش ؟؟؟؟؟ لا تخافون نحن مب خيفانين على الشاب الطايش خوفنا على الابرياء اللي في الشوارع وياهم؟؟؟؟؟
انيههاهاهاااااااااااااااااااهاهاهاااااااااااا

[سعود]

أونه .... الصراحة العتب واللوم مب على الشباب بس .. ولكن للأبرياء الي تقولين عنهم.... بصراحة 90% يسببها الأبرياء الي تتكلمون عنهم .. يعني مثال واحد ماشي في حاله وشوي ولا تاكسي لف عليه .. شو يسوي .. وترى سالفة التكاسي ياما وياما صارت ويا ماتوا ناس بسبب التكاسي .. وأنا شخصيا واجهت مشاكل مع التكاسي .... وأيضا شي ناس يجاوزون وهم على سرعة 60 أو أقل ويسد السيد .. وتلقينه ضارب اشارة انه بيلف اللفة الياية الي تبعد كيلوين ثلاثة .. والشارع منسد هو من هالصوب وسيارة ثانية من الصوب الثاني ... ولا الواحد يلف عليه شيبة .. ولا حرمة .. بصراحة كنا مرة نتمشى أنا وواحد من الشباب ونمشي 90 أو 100 تقريبا .. ولا نشوف هالحرمة الي داخلة علينا من السيد اليمين وتبى تدخل اللفة الي على اليسار .. ودخلت علينا ونحن ما عرفنا شو نسوي يمين ويسار يمين ويسار .. والموتر بغى يشتل .. ويوم وقفنا شفناها تحتشر .. تقول أونه ما تشوفوني ضاربة اشارة أبى ألف ... الله يهديها بس بغت تذبح شباب في عمر الزهور وتحتشر بعد كككككككككككككك :D وهناك الكثير والكثير من الأسباب التي يتسبب فيها الأبرياء على قولتكم ... والحمدالله الشباب الحينه أهون عن قبل 5 و 7 سنوات .. والله يهدي الجميع


سؤالي هو للبنات .. أنا سمعت أن بعض البنات يذهبن للصالون لعمل بعض الأشياء التي لا يجب أـن تعملها الفتاة أمام امرأة أخرى .. ويجب أن تقوم بذلك لوحدها وليس في الصالون ... فلماذا تفعل ذلك ؟؟

[First Lady]

الكسل يا أخوي سعود يولد الشي.. البنيه تتعايز إنها تسوي هذا الشي تروح الصالون أسهل لها.. وبصراحة أنا ضد هذا الشي.. لأن أكثر ما يميز المرأة هي حياءها.. فإذا تخلت عن هذا الشي جدام حرمه من السهولة تتخلى عن هذا الشي جدام ريال.. وخاصة إذا برزت أماكن عورتها.. عورة المرأة للمرأة من السرة للركبة.. وخاصة لما يسوون الحمام المغربي.. يعني خذي صابونه وفركيها بروحج في البيت.. لازم تروحين هذا الحمام المغربي جدام وحده غريبة.. استغفر الله العظيم..



وسؤالي للشباب..
ما هو السر في حبكم اللا محدود في الأرقام المرتبة.. لدرجة إنكم تدفعون الآلاف حق أرقام سيارات مرتبة أو تلفونات؟؟

[سعود]

الله يعين البنات يا فيرست ليدي جان الا هالشغلات ما يرومن عليها ويخلن حريم ثانيات يشوفن عورتها ..

وبخصوص سؤالج .. أنا وياج أن العديد من الشباب فعلا يحبون أرقام السيارات والهواتف المميزة .... ولكن هذه الفئة تحس بنقص من ناحية معينة فتحاول أن تعوض النقص برقم مميز .... لكن ليس الجميع .. وأنا بصراحة رقمي مصفع من أوله لين آخره .. ولا في عمري أسوم ويهي على الناس عسب أرقام ولا أدفع مبالغ ضخمة لهذه الأشياء .. لأنه مب الرقم الي يسوي الريال ... طبعا في حالة انه حد عرض عليه رقم كهدية فليش لا .. وترى شي بنات بنفس الطريقة يحبن الأرقام المميزة ;)


وسؤالي هو .... ليش البنت من تشوف مواطن تغطت وحالتها حالة .. ويوم شي هندي أو أجنبي علدي ما تفتكر .. وجدام الخياط عادي بعد تظهر ويها .. لا وبعد تخليه ياخذ مقاسات على جسمها ؟ :th

[First Lady]

مب كل البنات على هذا الشكل.. البنت المحترمة محترمة في كل مكان.. والبنت النص نص.. ما بتحترم لا نفسها ولا غيرها.. وأعتقد بإنها تتغطى لما تشوف مواطن لأن ممكن يكون في يوم من الأيام زوجها.. أو يمكن لأنه ولد البلاد.. أما الهنود فتحسهم أقل منها عشان جيه يمكن تظهر ويها جدامهم.. هذيل النوعية اللي يعتبرون الهنود مثل البهايم.. ما يحسون ولا يشوفون.. استغفر الله العظيم من هذا



سؤالي للشباب: ليش ما قمتوا تهتمون وايد بالصلاة في المسيد ؟؟

[أهازيج]

هذا هو السؤااااااااااااااال المطلووووب،،،;)
ثانكس على تفاعلج في المضوع يا فيرست ليدي،،،:)
يللااااااا وينكم ما تردووون،،،

[First Lady]

العفو أهازيج واجبنا ;)

واتريا وياهم ردهم :)

[سعود]

هههههههههه منوه قالج ان الشباب ما يهتمون في الصلاة .. محطية عدادات عند باب كل مسيد ... لا تظلمينا حرام عليج .. ماشاءالله أنا أشوف اقبال الشباب على الصلاة أحسن عن أول .. صح انه وايد شباب ما يصلون في المسيد بس ترى بعد مب كل البنات يصلن .... ترى الصلاة حق الذكر والأنثى ... وانشاءالله بيزيد عدد الشباب الي يصلون .. والله يهدي الجميع

سؤالي هو .. ليش انتشرت ظاهرة لبس البناطلين بين البنات ؟ مع انه رأيي الخاص هو ان البت أحلى يوم تلبس لبس البلاد وتلتزم بالصروال الساتر تحت الثياب ؟؟؟؟؟ :cool:

[أهازيج]

مثل ما تقول مب كل الشباب ما يصلووون أنا بعد بقووولك مب كل البنات يلبسووون بناطليين،،،
وطاااااااف حق السؤااااال,,,,:fn

سؤالي
لماذا الشباب ياخذون سيارة 400 أو 250 ألف على الرغم من أنه دخله محدود ؟؟؟؟؟ هل هو للمظاهر أو الفشخرة الزايدة جدام البنات والاسواق والمراكز وأحيانا عند ابواب مدارس الثانوية ؟؟؟؟؟

[First Lady]

زياده على سؤال أهازيج.. وليش السيارة ما تكمل سيارة إلا ورحتوا غيرتوها ؟؟:confused:

[سعود]

يابوية مب كل واحد عنده سيارة غالية معناتها انه ضارب سلفية .. يمكن الولد أبوه عنده خير ماشاءالله ... وظاهرة الديون مشكلة كبيرة وصحيح ان العديد من الشباب مديونين .. بس ترى لوحظ أن العديد من البنات انجرفن في نفس الوادي ... وكل وحدة تبى بو عيون .. ولا جاغوار ولا BMW .... صح أن من هذه الأسباب أن الواحد يبى يكشخ ويكون هو المميز بين الشباب و يبى يكون هو موضوع البنات .. بس الناس ألوان وأشكال ... ماشاءالله عليهم بعض الشباب ولفوا بيزات واتزوجوا وبنوا بيوت .. وكل هذا بدون ديون وفي نفس الوقت معاشه على قد حاله .... :o

ليش في وقتنا الحالي أغلبية البنات ما يعرفن يطبخن ؟ نحن الرياييل قمنا نطبخ مجابيس وعيش ولحم والبرياني .. والحلويات .. الخ ... وانتوا يالبنات من بين كل 10 بنات .. بنت وحدة الي تعرف تطبخ ... مابى وحدة تظهر تتفلسف وتقول أنا أسوي بيض وأسوي معكرونة .. هذا ما يتسمى طبخ ... يالله وينكم يالبنات .... :fn :fn :fn :fn :fn :fn

[أهازيج]

أوووونك تنكت،،،
شو فيها البيض والمعكرووونه ماشي أحلى من هالأكلات،،،:D
ومنوووو قالك ما نعرف نطبخ،،،،
كلنا نعرف نطبخ بس ما نبى نظهر مهارتنا جدامكم علشان ما تحسدووونا،،،:fn
وأنا مثلا ما أطبخ إلا في رمضااان من اليوع أتشهى وأقول بطبخ هذا وهذا،،،:fn
انيههاهاهاهاااااااااااااهاهاهاااااااااااااااا


سؤالي؟

لماذا دائما وأبدا الشباب ما ينزلون عيونهم اذا شافوا البنات مع انه البنت اذا طاحت عينها بعين شاب تنزل عينها وتستحي لكن الشباب لاااااااااا ؟؟؟؟؟؟؟
مع أن الرسول عليه الصلاة والسلام وصى بغض النظر؟؟؟؟؟؟

إحم إحم
يللاااااااااا جاوبووووو،،،

[سعود]

منو قالج كل البنات يستحن ... ومب كل بنت تنزل عينها .. بالعكس شي بنات يناظرن الشباب الين ما الريال هو الي يستحي وينزل عينه .. وبصراحة يوم الواحد بيشوف بنت محتشمه ومتغطية ما بيرفع عينه في عينها .. بس شو بيسوي اذا البنت مسوية شي يلفت النظر .. مثلا المكياج .. القصة .. تعابير الوجه .. اللبس ... العطر الي ينشم على بعد 60 كيلو ... ليش محد يلوم البنات في هالموضوع .. ودايما اللوم على الشباب ..


وعلى فكرة أهازيج شكلج الصراحة مالج خص بالطبخ .... يعني " سلامات " :fn

وسؤالي هو .... ليش البنت ما تعرف تكتم الأسرار ... يعني عادي تقول أسرارها وأسرار غيرها ؟؟؟ وأدري انه البنت اذا يودت سر .. ما بتستحمل انها ما اتخبر حد .... أسبوع والكل يدري ... ما تشوفون في وكالات الأنباء العالمية مثل CNN أكثر المراسلات والي يقدمن المواضيع حريم ... :fn

[First Lady]

يا أخ سعود..
أنا ما أدري شو الحالات النفسية في مثل هذيل البنات لأن عن نفسي انسانه كتومة لأقصى درجة.. وأسراري ما تعرفه غير وحده من ربيعاتي فقط لا غير..
ولكن أعتقد لأن طبيعة المرأة ما تحب تكتم شي في قلبها.. يعني عاطفتها تخليها ما تقدر تخلي الحزن والهم في قلبها.. عشان جيه لازم تفضفض عن اللي في قلبها :o
من جيه يمكن المرأة ما تبلع شي.. والصراحة أنا معاك في هاي النقطة.. وأتمنى إن هاي الطبيعة تتغير في المرأة.. على الأقل عشان تتغير الصورة اللي رسمها الرجل لنا.. بس شو نسوي بو طبيع ما يوز عن طبعه..


سؤالي للشباب..
ليش انتوا ما تحبون الدراسة وايد؟؟ وتبون الفكه منها؟؟

[سعود]

لأن مناهجنا سخيفة في الدولة .... وهي غير مشوقة وفيها العديد من الأخطاء .. وبطبعه الشاب يحب الأشياء العملية والواقعية .. وليس الجوانب النظرية .... وبالنسبة لي .. أنا اتغربت عسب أدرس بس ظهرت الغربة أخس عن البلاد .. وقريبا راح أكتب موضوع عن حياة الطالب في أمريكا من رشاوي وتزوير وغش واحتيال .... انتظروا الموضوع :D


وسؤالي هو مع ان الأسئلة مخاصة عني من سنين بس تراني أخربط .. وأمري لله .. بروحي ومحد يساعدني كككككك .. المهم السؤال هو .. ليش البنت على قد ما تذاكر وتقطع الكتب ما تظهر بنتيجة ملموسة ؟؟؟ والولد تحصلينه ما يعرف شو الكتب بس انه يفهم من الحصة ويظهر بنتائج جيدة ... هذا سؤال حير العلماء :fn

[First Lady]

لا والله.. سعود.. انت ما تشوف أوائل الثانوية العامة كلهن من البنات.. أقصد معظمهن عشان ما أكون ظلمت الفئة اللي تذاكر من الشباب.. يعني الشباب ما يعطلون بنسبة تبيض الويه :rolleyes:

فديتنا والله :rolleyes:



سؤالي للشباب:
ليش الشباب كل ما سئلته أمه يا ولدي عرس.. يقول لها بعدين بعدين.. لحد ما يوصل عمره ثلاثين سنه.. يعني هو متى يفكر يعرس بالضبط؟؟:confused:

[عوافي]

سؤال في محله
و انا بعد اتساءل ليش ؟؟؟
:p

[سعود]

هذا سؤاااااااااال بسيط وايد .... الولد مسكين فخاطره يعرس ويستقر ... بس من وين يا حسرة .. طلبات العروس وأهلها .. المهر .. زهبة العروس .. تكاليف العرس .... الخ .. هذي الأشياء ما تتحملها العروس لذلك ما تحس وتفكر في الأسباب .... لكن المسكين الي ياكلها هو الشاب الي ما يعرف وين يدق راسه ... ترى التكاليف هذه مب شوية .... ومب كل انسان قادر .... وحتى صندوق الواج مب مثل أول .. الواحد يعرس ويتريا سنة وبعده ما حصل شي ... ولا تقولونلي ليش ما ياخذ سلفية ... ما عليه بياخذ سلفية بس ال 200,000 ولا ال 300,000 متى بيسددها ؟ عقب 8 أو 10 سنوات .. تدرون ان الدين هم بالليل وذل بالنهار .. يعني حالته المادية بتصير تعبانة طول فترة الزواج .... ولا بيقدر يسعد حرمته من ناحية الاحتياجات والتسوق .. وكل هذا من أجل ليلة واحدة ... بصراحة نحن دوم مظلومين .. بس الشكوى لله :o

سؤالي هو .. البنت ليش دايما تنظر للشاب من ناحية سيئة ؟؟؟ سؤال يطرح نفسه وتراني تعبت من كثر ما أسأل .... وين أهل الفزعة .. وأصحاب المعاني :fn

[First Lady]

أخوي سعود..
إذا كان هو يشتغل في خمس سنوات يقدر يجمع على الأقل إذا حسبناها 180 ألف.. إذا جمع كل شهر 3000 درهم من معاشه.. وإذا قل هذا الرقم ل 2000 ممكن يجمع 120 ألف.. أعتقد إن هذا المبلغ ممكن يدفع فيه المهر ويسوي عرس لائق.. ولا انت شو رايك
بس المشكلة إن شبابنا يحبون يلعبون وايد.. وهذا إجابة سؤالك.. ليش ناخذ فكرة سيئة عن الشباب.. لأن الشباب عادتهم اللعبان.. ومنو من الشباب رمس بنيه لنية سليمة إلا النادر منهم.. كلهم أغراضهم دنيئة.. يحصلون اللي يبون ويفرونها.. يوعدونها بالزواج وبعدين يسون لها طاف.. وهذا اللي يأخر في رأيي سن زواجهم.. إنهم قاعدين يلعبون مع بنات ثانيات.. لما يحبون الاستقرار يدورون على بنيه ما رمستهم.. حتى لو كانوا يحبون هاي البنيه.. الشباب ما عندهم غير اللعب على بنات الناس.. عشان جيه لازم ناخذ أسوء الأفكار عنهم.. عشان ما نطيح في بلاويهم..



سؤالي للشباب..
ليش دايمًا تعتبرون المرأة شيء ناقص وسبب المشاكل اللي تصير لكم وفي نفس الوقت ما تستغنون عنها ودايمًا تسعون لها؟؟

[بوشنب البني]

:rolleyes:

[سعود]

أنا وياج فيرست ليدي الواحد لازم يرص على نفسه ويولف كم من بيزة .... بس كل شخص ظروفه غير .. طبعا بما انه يشتغل وعلى قد حاله فأكيد بيحتاج سيارة .. يعني أكيد انه مديون ... وعليه مصاريف من بترول الى سكن في حال انه يشتغل في امارة ثانية ... يعين أهله في البيت ... وأكثر الشباب الي شفتهم عندهم نفس هذه الظروف ... أسمع بعض الشباب يقولون ودنا نفتحلنا محل صغير .. دوبي ولا بقالة ولا أي مشروع صغير عسب نقدر نعرس .. وكل واحد مسكين طموحه على قد حاله ...


وبخصوص انه الشاب يخلي في باله انه البنت ناقصة وتسوي مشاكل ..أنا بقولج هالقصة .. ما أذكرها عدل بس قريبة من القصة التالية: الله يسلمج واحد كان عند ريال .. وسمع الريال يقول: ماشي ولا حرمة تيود لسانها ... قام اربيعنا هذا وقال لا منوه يقول .. أنا حرمتي تحفظ أسراري وحرمتي ما تسوي مشاكل .. فرد عليه الريال وقاله ما أعتقد بس اذا تبى تتأكد سو اللي بقولك عليه .. وقاله: سير اذبح تيس ووصخ ثيابك بدمه جنك ذابح حد .. وارجع البيت بالدس وقول لحرمتك انك جتلت فلان .. المهم اربيعنا سوى الي قاله عليه الريال وسار البيت .. جان اتقوله الحرمة بلاك متسبح بالدم .. قالها اسكتي .. بيني وبينج انا جتلت فلان بس لا تخبرين حد ..قالت له لا ماعليك سرك في بير .. سار الريال عسب يتسبح وهي حصلتها فرصة وراحت ليارتها .. وقالتلها الحقي ريلي ذبح فلان .. أصبحوا الصبح البلاد كلها تدري ... كككككككككككككككككككككككك

عرفتي كيف الحرمة فعلا تسبب العديد من المشاكل وهي ما تدري .. بس هبالة .. عواطفها تتحكم فيها وتسببلها مشاكل هي والي حواليها في غنى عنها ... مع ذلك نحن الشباب نعترف بدور البنت المكمل للمجتمع .. ونعرف أن البنت تغلب عليها عواطفها ... وشي طبيعي الرجل ما يستغنى عن المرأة .. ولا كيف بيكون أسرة سعيدة :D
طبعا فئة الشباب اللعابين في المقابل تقابلهم فئة البنات اللعابات ... ومثل ما تشوفين ماشاءالله الخير عندنا وعندكم ... بس ترى الريال ما يظلم الحرمة في شيء .. ولكن لازم يحاسب وياها وما يقولها كل شيء .. في أشياء تنقال وأشياء ما تنقال .... ونصيحتي انه محد يسمع كلام الحرمة خاصة في التجارة في البورصات :fn

أدري طولت بس اسمحولي ... المشكلة ما عندي أسئلة أسألها .. وتدرون البنت معروفة انها فضولية لذلك الأسئلة ما تخلص عندها ككككككككككككككككك

اوكيييييييي عندي سؤال ..... ليش بنات اليوم ما يحبن يطولن شعورهن .. ودائما يتشبهن بالأجنبيات ويسون كاريه وباقي الخرابيط .. ليشششششششششش ؟؟؟؟؟؟ :confused:

[First Lady]

أول شي هاي القصة مبالغ فيها بشكل كبير.. لأن الرسول -صلى الله عليه وسلم- كان يأتمن زوجاته بأسراره.. وهم نساء بعد.. ولو كانت هذي طبيعة النساء بشكل عام.. لكان الرسول -صلى الله عليه وسلم- أكثر شخص يعرف هذا الشي..
ولما استشار السيدة أم سلمة لما ساروا يحجون أول مرة.. أعتقد إنه لو كان يعتقد بإن استشارة المرأة أمر ناقص ما كان استشار أم سلمة -رضى الله عنها- ..
وأعتقد إن المرأة لو كانت مثل ما تقول ما كانوا شغلوها في الجيش وفي المناصب الحساسة في الدول.. قصتك هاي جديمة ومبالغ فيها..

بالنسبة لسؤالك اللي سألته.. يمكن لأن الشعر الطويل يبي له عناية أكبر.. والصراحة الحين كل شي صار متلوث.. الماي والهوا وكل شي.. والشعر قام يتساقط.. من جيه وبما أن المرأة صارت عاملة.. تبي شي عملي.. ماتحتاج إلى العناية فيه لوقت طويل..
مع إني ضد الشعر القصير.. بس شو نسوي.. الشعر ما يطول.. والماي المليان كلور يسبب التساقط للشعر مع الشامبوهات اللي ما أدري شو يحطون فيها.. وهذا كله يسبب تساقط الشعر مما يخلي المرأة تفضل تقص شعرها..



وسؤالي الحين للشباب.. ليش البعض من الشباب يحبون يطولون شعرهم؟؟:D

[سعود]

فيرست ليدي .. الحريم قبل وين والحين وين .. قبل الحرمة ما عندها هالسوالف والحينه الحرمة يوم خذتها أمور الدنيا والقيل والقال .. وسوالف الموضات .. صارت مثل ما خبرتج .. لا تيود الرمسة ويا حبينها في تكبير المشاكل ... الا من رحم ربي ...


وبخصوص الشباب الي يطولون شعورهم هذيلا شباب شليتية ما عندهم شغلة ومتأثرين بالأفلام الأمريكية .. وأونه بوني تيل وحركات .. كله خرطي :o

سؤالي ... ليش محد يشاركنا .. تراني صبرت يومين ومحد رد وشارك .. ترى والله أنا أسئلتي كلها مخلصة من عقب أول سؤال ... وبروحي يالس أخربط وأألف أسئلة كككككككككك :D

[First Lady]

مسكين حالك يا سعود :D

يعني سؤال هذا موجه للشباب مب للبنات صح :D

حليلكم جان تستلم.. وبما إنك تمثل الشباب يعني الشباب يستسلمون :o

خلاص يعني لازم تنفذ كل طلباتنا الحين.. وبنبدا الاستغلال.. بس يمكن نعطيك فرصة أخيرة..
سؤال أخير يمكن ما يكون الأخير.. انت وحظك.. :D




ليش الشباب ما يحبون يقولون أسامي خواتهم وأمهاتهم جدام بعض.. حتى لو كانت السوالف عادية.. وتخص شغل مثلاً.. يكون الشاب متحفظ في أسامي أهله.. مع إنها مجرد أسماء ما فيها شي؟؟ :rolleyes:

[سعود]

فيرست ليدي كككككككككككككككككككك منوه قالج اني أستسلم .. أنا عادي عندي أجاوبج على كل أسئلتج بدون استثناء من الحينه الين عقب عشرين سنة .... بس أنا مشكلتي اني ما أحب أسأل وايد ومب فضولي .. لكن الموضوع محدد من أول ولازم الواحد يجاوب وعقب يسأل كككككككككككككككككك :D

بس ما عليج أنا يالسلج يلسة جان تبين بعد :th


وبخصصوص سؤالج .... هذا عيب ومنقود كككككككك عنبوه بيلس أطري أسامي أهلي جدام خلق الله ليش
خخخخخخخخخخخخخخخخخ ..... ليش البنت يوم يمدحونها تستانس وتتفجج وما تشلها الأرض من الفرحة ككككككك :D ..(أدريبج تقولين في خاطرج: قلت الأسئلة ؟؟؟؟ ) :fn

[First Lady]

هيه والله.. قلت الأسئلة عشان تسأل هذا السؤال :confused:
يعني شي طبيعي مو بس البنت حتى الولد لما ينمدح لازم يستانس ويتشقق شرات البنيه.. يعني هذي طبيعة بشرية في الانسان لما حد يقول له كلمة حلوة.. ولا البنت هي بس اللي عندها مشاعر والولد ماعنده مشاعر ؟؟

عشان جيه أعتقد إن سؤال غريب وما له معنى.. :confused:

بس أكيد عنك نوع من الشح في الأسئلة في دماغك :D.. يا أخي شوف ربعك شو يبون يسألون البنات وهات أسئلتهم مب صعبة :D .. ولا دش الشات وأسأل كم واحد شو تحب تسأل البنات وهات أسئلتهم :D



سؤالي للشباب.... :cool:

ليش قبل ما ياخذون الليسن والسيايير يقولون حق أمهم وخواتهم احنا بنوديكم كل مكان..وين ما تبون بنطلعكم.. ولما يحصلون الليسن والسيارة.. يذلون الأهل ذل عشان يطلعونهم.. ولما حد من الربع يزقرهم إن شاء الله عشان يقلص سيارته.. على طول ركض صوبهم.. ليش؟؟ :D

[سعود]

والله صدقتي عندي شح قوي في الأسئلة .. وطبعا أنا ما أحب أسأل ربعي عسب يعطوني أسئلة ولا أدخل الجات .. بس بيلس أخربط في الأسئللة الين ما تنفرج ... :D

والجواب على سؤالج .. بالعكس نحن دوم نودي الأهل وما نقصر وياهم .. بس تبين الصدق الحريم ما ينعطن ويه مرات ... تيلس في السوق ساعة وعقب لازم السوبرماركت ومر الخياط ومر على ربيع لبنان ولا صحارى ... يعني السالفة ما تسوى .... الله يسلمج زاروني أهلي وخالاتي في أمريكا قبل ثلاث سنوات .. بغيت أذبحهم .. يخلوني أوديهم السوق .. يخلوني أترياهم في المول 7 ولا 8 ساعات بدون مبالغة ... بغيت أتخبل في الفترة الي كانوا فيها عندي ... عرفتي السبب :fn

وسؤالي هو ...أفكر :rolleyes: ...... رحتي معرض الذهب الي راس الخيمة وشو رايج فيه ؟؟؟ ككككككككككككك :fn

[First Lady]

يمكن هاييل أهلك اللي يسون جيه :D
بس عاد وايد 7 و 8 ساعات.. أحسك وايد تبالغ..:rolleyes:

وبخصوص سؤالك.. لا بعدني ما زرته.. وأصلأً ما سمعت إن شي معرض للذهب :rolleyes:
حليلي توني فاجه الجبس تباني أروح أتمشي.. ما أروم :(
إن شاء الله المعرض القادم :D




سؤالي للشباب :rolleyes:

ليش الشباب وايد يحبون يسافرون بانكوك :confused:

[سعود]

لا والله فيرست ليدي أنا فعلا ما أبالغ ...... بغيت أتخبل .. وين بعد نلومينا اذا سوينالهم طاف عقب ككككككك

وما تشوفين شر انشاءالله .. ما كنت أدري انج مصابة .. بس ما عليه ... جان تبين تبين بنطرشلج الكرسي بو تواير عسب تتمشينبه في المعرض كككككككك


وعن بانكوك تصدقين اني في شهر 7 كنت هناك وكانت أول زيارة لي الى تايلاند ... كنت رايح أودي ولد عمي يسوي عملية ليزك ورحنا شلة شباب عسب نتمشى ....... وأنا مخلي في بالي انه تايلاند بلاد وصخة وما تستاهل بس بصراحة أنا حبيت البلاد ... بغض النظر عن العاهرات و تجارة البنات عندهم ... البلاد روعة وحلوة وفيها وايد أماكن الواحد ممكن يروحلها ... نحن كل يوم في مكان .. مرة سكوترات ومرة الباراشوت وكل مرة جزيرة ... و عفدنا ونحن متعلقين بسيم من أعلى برج في بتايا .. والأسواق على كيف كيفج .. ورخيصة ... وشي حلو وايد ... بس للأسف ما قدرنا نروح ل بوكت .. يقولون وايد حلوة وراقية .... وفيها جزر جميلة وغريبة ومنها جزيرة جيمس بوند .. صدقيني أنا كنت أكره تايلاند ..لكن الحينه ناوي أسيرلها كل سنة لأنها تستاهل .. وترى مب كل شخص يسير بانكوك معانتها انه يسير يعربد ...وعلى فكرة بانكوك فيها أسواق ضخمة والحريم يتخبلن في أسواقهم ومن كبر السناتر الوحدة ما تعرف من وين تبدأ ولا كيف تخلص ..... والله على ما أقول شهيد :)


سؤالي هو .... شو المواصفات التي تحبها البنت في زوج المستقبل ؟؟؟؟؟ .. بصراحة وبدون رسميات :D

[First Lady]

اممممممم..
سؤالك إجابته تختلف من بنت لثانية طبعًا.. وإذا جاوبت عن سؤالك بجاوب عن وجهة نظر شخصية فقط..
البنت تحب من زوج المستقبل يكون أول شي ملتزم خلوق.. محافظ على صلواته.. بار لوالدينه..
ما يدخن ولا يشيش ولا يشرب:rolleyes:
انسان متفهم.. ويحب النقاش وصريح بعد.. ما يتعامل مع الموقف بالعنف والايد.. يحاول يناقش ويترك للطرف الثاني بعد حرية ابداء الرأي ويتخذون القرار اللي يناسب الاثنين..
الشخص اللي ما يحاول يغير الحرمة بطريقة عنيفة.. يكون عنده القدرة على تغيير طباعها اللي ما تعجبه بالسياسة.. مب بالغصب..
انسان يجب اليهال.. وممكن يتحمل يقعد معاهم لما الحرمة تقوم بأعمالها المنزلية :D
انسان قوي بشخصيته.. تحس من خلال كلامه بقوة شخصيته.. يحسسها بضعفها من يتكلم وياها.. وفي نفس الوقت يحسسها بالقوة من خلال رومانسيته :rolleyes:
انسان متحمل للمسؤولية.. مب يخلي الزوجة هي اللي تدفع مصاريف البيت.. وكل ست شهور شرى له سيارة يديده.. والديون مكوده في البنك .. متحمل مسؤولية إنه فتح بيت وعايلة..

أعتقد إني طولت وايد لاه :D



انزين بسأل نفس السؤال للشباب.. شو هي مواصفات الزوجة اللي يتمناها الرجل ؟؟ :rolleyes:

[خبلة الفريج]

أحم أحم ;)

يلا جاوبو بصراحة;)

[First Lady]

يعني هذا السؤال الوحيد اللي تستانس عليه البنات :D :D

صح لاه خبلة الفريج ;)

[خبلة الفريج]

أكيد صح :D

[بحر_الشوق]

طق طق

السلام عليكم,أما بعد

انا ابي وحده اهم شي الدين والاخلاق وتكون مب وايد حلوه بس طبيعية الحلا يعني حلوه شوي ومب بيضه وايد

خخخخخخخخخخخ

اوني الحين منو اللي بيتزوجني


سؤالي للبنات ليش تحبون تدرسون وبعدين تيلسن في البيت لا شغل ولا مشغله ولا تسيرون الجامعه وما تشتغلن يعني بعضكن مب كلكن

[دلوووع لندن]

مشكوووورين على الموضوع !!


مواصفات الزوجه ؟



ومن اراد النكاح فليتحر من النساء من تتوفر فيها هذه الصفات :


1 ــ ان تكون ذات دين , لحديث ابي هريرة عن النبي صلى الله عليه وسلم قال

:(( تنكح المراة لاربع :لمالها , ولحسبها وجمالها , ولدينها , فظفر بذات الدين

تربت يداك )) متفق عليه.



2 ــ ان تكون بكرا ,الا ان تكون له مصلحه في الثيب .


3 ــ ان تكون ولودا , لحديث انس عن النبي صلى الله عليه وسلم قال

: (( تزوجوا الودودالولود , فانى مكاثر بكم الامم )) صحيح .







سؤال للبناااات


سؤال عن الزكاه



شروط وجوب الزكاه في المواشي ؟؟؟؟؟؟

[First Lady]

دلوع لندن..
السؤال اللي ينطرح ما يكون في الدين أو في الأنساب أو في التاريخ حتى..
السؤال اللي لازم يوجهه كل طرح للثاني.. يخص الجنسين.. بشكل بحت..


بحر الشوق..
بالنسبة لسؤالك..
مب بايد البنت لما تتخرج وما تقدر تشتغل..
أول شي هذا الشي مب بايدها.. بايد ولي أمرها.. ووايد بنات أعرفهن.. قالوا لي إن أهلهن ما يخلوهن يشتغلن.. يعني يدرسن لتحصيل العلم فقط.. ولزياده الثقافة والمعرفة..
وثاني شي.. حتى البنت إذا بتحاول تحصل على وظيفة ما بتقدر تحصلها بسهولة.. لأن حتى الشباب مايقدرون يحصلون على وظايف.. وأنا مجربة هذا الشي لأني بطالية ومريت على كذا مكان عشان أقدم بس ماشي فايده.. الكل يحتاج للواسطة..
ولا تنسى إن الشباب لو بغوا يشتغلون معظمهم يروحون بوظبي ولا دبي.. والبنات لأنهن بنات ما يقدرون على هذا الشي.. فيقعدن في بيت أهلهن أحسن..

أتمنى إني أكون جاوبت على سؤالك.. :)



وسؤالي للشباب الحين..
في شباب وايد الحين صار الطلعة مع البنات عندهم شي عادي.. وطبعًا ارتكاب الحرام.. وحتى لو ما كانوا الشباب يسوون هذا الشي.. ليش ما ينصحون ربعهم إنهم ما يسوون هذا الشي.. ورغم إنهم يعرفون إنهم يسوون هذا الشي ليش ما يبتعدون عنهم.. لأن السمج الخايس يخيس السمج كله؟؟

[سعود]

شوفي أختي فيرست ليدي .. أكثر الشباب يوم يظهرون ويا اربيعاتهم يكونون ساترين على اعمارهم وما يخبرون حد ... طبعا شي شباب ما عندهم موضوع الستر.. وعادي يفضح نفسه ويفضح بنات الناس .. وعموما هالنوعية الفاضحة من الشباب تكون غير محبوبة .. وعلى الأقل الواحد يستر على نفسه وعلى بنات الناس ... والواحد ينصح بس مب الكل يسمع النصيحة .... وللأسف الموضوع ملعوب من طرف البنات والشباب .. وحتى البنت تفضح نفسها هالأيام ولازم تخبر حد عن علاقاتها .. والله يستر عليهم انشاءالله

ليش البنت يتحكم بها قلبها أكثر من عقلها ؟؟؟ مما يسبب لها العديد من المآزق.. وخاصة العاطفية

[First Lady]

سعود.. هاي طبيعة بشرية في المرأة.. مب بس وحده أو ثنتين.. لا.. كل البنات نفس الشي.. وعواطف المرأة هي اللي تخلي الرجل يحبها لرقتها وعواطفها.. ضعف المرأة يبرز من خلال عواطفها.. المرأة تحتاج عواطفها عشان تمنح الحب لأطفالها ولزوجها ولكل اللي حواليها.. بطريقتها الخاصة اللي تنبع من القلب.. هذا الشي فطرة فطرت عليها المرأة من رب العالمين.. ومحد يقدر يغير هذا الشي.. بالعكس ممكن تكون انسانة مسترجلة إذا حاولت تتخلى عن عواطفها..
احنا ما نقول إنها تتخلى عن عقلها نهائيًا بس يكون شي توازن بينها وبين عاطفتها.. حين أن الرجل يعتمد أكثر شي على عقله.. وممكن يتغلب على عواطفه.. وهذا الشي اللي ممكن يخلي المرأة ما تصلح للقضاء.. لأنها تحكم عواطفها وممكن ما تتحمل مناظر الدم وطبيعتها الحيية..



سؤالي للشباب..

ليش الشباب على استعداد إنهم يبذرون ويعطون البنات اللي متعرفين عليهم كل شي يبونه.. بس إذا خواتهم طلبوا منهم بيزات ولا أمهاتهم يقولون ما عندنا؟؟

[بحر_الشوق]

اقول

[سعود]

هذا سؤال حلو ... شي طبيعي الواحد بيراوي اربيعته انه بطران ويسوي هالأشياء كلها عسب يحببها في نفسه أكثر .. وهذي تعتبر نوع من السياسة لكي يصل للي يباه ..... طبعا شي شباب من تقوله البنت أبى بطاقة علة طول يحطيها في البلاك ليست .. وشي شباب يصرفون ويتسلفون عسب الصرف على البنات .... سبحان الله ماشي مخ ..... وأيضا شي بنات هن الي يصرفن على الشاب ويدفعن فواتيره ويشترنله الهدايا .... الخ

سؤالي هو .. ما سبب ابتعاد المرأة في السنوات الأخيرة عن الحرف اليدوية والهوايات ؟؟؟ ونلاحظ انه البنات الحينه لاهيات في قصص الغرام والأغاني العاطفية والخرابيط هذه !!!!!!!!

[First Lady]

أخوي سعود..
كل شي تغير في زمنا هذا.. صار الحين العصر عصر السرعة.. عصر التيك آوي.. يعني حتى الكتاب هجرناه.. وصار الانترنت هو المتنفس.. الرسايل فقدت ميزتها القبلانيه في شم ريحة الحبيب وعطره.. وتلمس خطه.. الحين كل شي صار بسرعة والكتروني.. نفس الشي بالنسبة للبنات.. هواياتهن تغيرت.. ما عادت تجذبهن الخياطة والتطريز.. صارت عندهن هوايات ثانية.. حتى هواية جمع الطوابع اندثرت.. مو بس بالنسبة للبنات.. لا بالنسبة للشباب.. مع إني أعتقد بإن ما في أعلى من الأعمال اليدوية.. وخاطري أتعلمها.. وحتى لو بغيت أتعلمها ما بقدر.. لأنها ما صارت مستعملة بكثرة هالأيام وما عندي حد يعلمني إياها.. لأن حتى أمهاتنا ويداتنا ما قاموا يسوونها.. إلا عدد نادر منهم..



سؤالي للشباب..

ليش الشباب هالأيام لما يسوون أي شي ما يهتمون بمشاورة الأب.. اللي لو شاوروه بيعطيهم حلول جميلة.. ويعتبرونه دقة قديمة؟؟

[~&بنت الزعابي&~]

هذا السؤال روعة يلة جاوبوا