تسجيل الدخول

مشاهدة النسخة كاملة : انت ملانة و طفشانة ؟؟؟ تعالي بقوللج شو تسوين (FBI)

حاملة المسك
07-31-2003, 02:19 PM
في الاجازة الصيفية ..
الكثيرات منا يصيحن بكلمة (( اميييييييي انا ملااااااانة ))
تعالوا بقوللكم شو الحل ..

لو انت ملانه ..
1- ادخلي المطبخ و ساعدي امج في الغدا .. سوي اشياء بسيطة سلطة مثلا .. و لا تنسين تتسبحين عقب ما تطلعين من المطبخ
2- شو رايج تاخذيلج المكشة و تخمين الحوش .. تقضين وقت و تنظفين حوي بيتكم .. و تقدرين بعد تاخذين مكافأة مالية من امج او ابوج:D
3- افتحي كبتج و انجلي اثيابج كلها .. و ردي ربعيها و رتبيها .. و خلي كل رف لشيء محدد .. رف لثياب الطلعة و رف لثياب النوم .. و هكذا .. منها ترتبين الكبت و منها تقضين وقتج ..
4- ادخلي خذيلج shower .خخخخ. بس عاد اتحملي .. لا تغسلين شعرج باليوم مرتين .. انا مب مسؤولة عن سقوط اي شعرة من راسكم :o
5- خذي احد من اطفال بيتكم و سويله تسريحة و العبي بشعره .. بس شوي شوي على شعر الياهل .
6- ايلسي سولفي مع امج و اتشاوري معاها في امور البيت و احتياجات الاطفال و المنزل . عشان تتدربين و تكونين زوجة صالحة .:D
7- ايلسي مع ابوج و اسئليه عن قبيلتكم كلها .. عن عمامج و عمام عمامج (( عمام ابوج )) و اجدادج و جداتج .. تقضين وقت و اتعرفين اكثر عن جذورج ..
8- سيري بيت اقاربج .. منها تتونسين و منها تاخذين اجر على صلة الرحم .
9- قصصي اظافر ريولج و اظافر ايدج .
10- ايلسي حني شعرج :D
11- اقري قرآن يوميا .. و هو يمكن اكثر نصيحة راح تستفيدين منها .. و لا تنسين بعد ما تختمينه . ادعيلي :D

و اللي يبا يضيف نصايح يله يبدا :D

و يمكن منكم راح يتساءل شو سالفة ال (FBI) اللي بالعنوان ..
هذي مسابقة ابتكرتها المبدعة اريج .. تقوم على اساس اختيار الموضوع المميز لكل اسبوع .. و صحيح اني انا من لجنة التحكيم . بس لأنه مول ما شفت مشاركات من الأعضاء .. فقلت خلي انا اشارك يمكن نلقى تفاعل و الأعضاء يفكرون بأشياء و مواضيع حلوة ....... و ترى فيه جوايز :D
و هذي هيه وصلة شروط المسابقة
http://www.rak2rak.com/vb/showthread.php?s=&threadid=11739 اسوي اعلانات:D
التمـ2003ـيمي
07-31-2003, 02:26 PM
تسلمين اختي حاملة المسك .. :D:D


بس هم بعد نحن ملانين وطفشانين .. :(:(


مب البنات بروحهن .. :mad::mad:


لكن العموم مشكورة عالموضوع.. :rolleyes:

والله يعينكن يا بنااااااااات .. :rolleyes:
راعية مشاكل
07-31-2003, 04:06 PM
- اقري قرآن يوميا .. و هو يمكن اكثر نصيحة راح تستفيدين منها .. و لا تنسين بعد ما تختمينه . ادعيلي

تسلمين اختي حاملة المسك على هاااي النصايح

الله يعطيج العافية:D
شبح سفاح
07-31-2003, 04:17 PM
- افتحي كبتج و انجلي اثيابج كلها .. و ردي ربعيها و رتبيها .. و خلي كل رف لشيء محدد .. رف لثياب الطلعة و رف لثياب النوم .. و هكذا .. منها ترتبين الكبت و منها تقضين وقتج ..


لا هاااي وااااااايد صعبة على

ماقدر

:confused::confused::confused:
حاملة المسك
08-01-2003, 01:47 AM
ألتميمي .. والله انا سويت للبنات لأنه ما عندي خبرة بالاولاد .. انت سو موضوع للأولاد :o

راعية مشاكل .. الله يسلمج يا الغالية ;)

دلوعة الماما .. لا مب صعبة .... :D بس ترى الكسل لاعب دوره
First Lady
08-01-2003, 02:09 AM
ايلسي مع ابوج و اسئليه عن قبيلتكم كلها .. عن عمامج و عمام عمامج (( عمام ابوج )) و اجدادج و جداتج .. تقضين وقت و اتعرفين اكثر عن جذورج

تبين أبوي يفرني بأقرب قب عنده :D

خلني في حالة من السلام أحسن :D


أطالع التلفزيون وبسني :rolleyes:







التميمي..

شو تبي بعد..احنا البنات ما نطلع من البيت يعني نبي وسيلة تسلية..

انتوا من مليتوا على طول شليتوا السيارة وطلعتوا :rolleyes:
أسطورة
08-01-2003, 02:19 AM
ما شااء الله عليييييييييييج اختي حامل المسك

ان شااءا الله اباج كل يوم تخمين حوي بيتكم ويوم بتخلصيصن خبريني علشان اخم حوي بيتنها


ومشكوووووووره على النصاايح
عاشق الحب
08-01-2003, 03:18 AM
مشكوره اختي عالنصايح

وانا الصراحه مب ملان

الله يخلي الانترنت والبلي
التمـ2003ـيمي
08-01-2003, 03:47 PM
First Lady

وانتي شو حارنج .. :mad::mad:

سيري اتلعمي السواقة .. :mad::mad:

مشلكة والله بعض الناس.. :mad::mad:
ليمونه الحلوه
08-01-2003, 05:12 PM
مشكووووووره الغاليه على النصايح
حاملة المسك
08-01-2003, 05:41 PM
فيرست ليدي هههههههههه :D

أسطورة .. لا امي فديتج .. انا عندي مشاغل اهم من خم الحوش :D

عاشق الحب .. هي والله ما ادري شو بنسوي بدون انترنت :o

ليمونة الحلوة .. العفو يا الحلوة

التميمي :fn